Երևան, 18.Նոյեմբեր.2017,
--
:
--
,

«Կարողացել ենք ստեղծել առողջ թիմ, որի արդյունքում ունենում ենք լավ շրջանավարտներ». «Օհանյան» կրթահամալիրի տնօրեն

Հայաստանում գործող դպրոցների ցանկում կարելի է առանձնացնել «Օհանյան» կրթահամալիրը, որը տարբերվում է թե՛ իր կազմով, թե՛ մատուցած գիտելիքներով:

Ինչպես Nyut.am-ի թղթակցի հետ զրույցում նշեց կրթահամալիրի տնօրեն Սուսաննա Օհանյանը՝ կրթահամալիրը Հայաստանում առաջինն է, որ ապահովում է շարունակական կրթություն. այն սկսվում է «Նյուտոնիկ» նախակրթարանով և հասնում մինչև Եվրասիա համալսարան: Կրթահամալիրը հիմնել է Աշխարհագրական գիտությունների դոկտոր, պրոֆեսոր, Եվրասիա  միջազգային համալսարանի ռեկտոր Սուրեն Օհանյանը:

Ինչպես պատմեց Սուսաննա Օհանյանը, սկզբում ստեղծվել է Եվրասիա միջազգային համալսարանը, բայց տեսել են, որ ընդունված երեխաների կրթության որակն այն չէ, ինչ իրենք էինք ուզում, որից հետո որոշել են անցնել դպրոցի մակարդակի կրթության և հիմնել են ավագ դպրոց, սակայն, կրկին չգոհանալով արդյունքից, 1997 թ-ին հիմնել են «Օհանյան» կրթահամալիրը, որից հետո էլ՝ 2005 թ-ին հիմնել են «Նյուտոնիկ» նախակրթարանը, որպեսզի լավ կրթությունն ապահովեն հիմքից. «Արդյունքը հրաշալի է, որովհետև արդեն գիտենք, թե որ տարիքից ինչ ուսուցանենք, որ լավ արդյունք ստանանք: Իհարկե, դժվարությունները շատ էին, հատկապես ծնողին հավաստիացնելը, որ իրոք, մենք լավ կրթություն ենք տալիս, այդ խոչընդոտները հաղթահարելու համար երկար տարիներ էին անհրաժեշտ: Երեխային գիտելիք տալուց զատ մենք կարևորում ենք նաև ճիշտ դաստիարակությունը, որպեսզի կյանքում պետքական մարդ լինի»,- ասաց Ս. Օհանյանը՝ ընդգծելով, որ այս տարիների ընթացքում անընդհատ նոր ծրագրեր են ներմուծել, ապահովել են շփումը արտերկրի կազմակերպությունների հետ, անընդհատ ուժեղացրել և շարունակում են ուժեղացնել միջազգային կապերը, մասնակցել են միջազգային ծրագերի, Microsoft-ի կողմից կազմակերպած մրցույթում աշխարհի մակարդակով ճանաչվել են լավագույն դպրոց:

Տնօրենի խոսքով՝ իրենց հիմնական ձեռքբերումը «Գիտություն» առարկայի ներդրումն է, որի շնորհիվ երեխաները փոքր տարիքից փորձերի միջոցով ձեռք են բերում տեսական գիտելիքներ. ««Նյուտոնիկ» կրթահամալիրում երեխաները նույն փորձը անում են ու զարմանում, թե ինչ կատարվեց, իսկ դպրոցում արդեն սկսում են հասկանալ, թե ինչու այդպես եղավ, հարցադրումը քիչ-քիչ փոխվում է: Դրա միջոցով մենք երեխայի մեջ սեր ենք արթնացնում դեպի բնական գիտություններ, որովհետև հիմնականում երեխաները քիմիա, ֆիզիկա, կենսաբանություն առարկաները չեն սիրում, ինչի համար կան տարբեր պատճառներ, բայց, եթե երեխաներին փոքր հասակից մղում ես բնության հրաշալիքների բացահայտման ուղղությամբ, երեխան ոգևորում է  և հենց ինքն է ցանկանում փորձեր անել»,- ասաց Ս. Օհանյանը՝ հավելելով, որ գիտություն առարկայի ծրագիրն իրենք ներկայացրել են ՀՀ կրթության և գիտության նախարարություն, որտեղից այն ուղարկել են Կրթության Ազգային Ինստիտուտ, որտեղ էլ տվել են դրական կարծիք, որից հետո էլ «Օհանյան» կրթահամալիրը իրավունք  է ձեռք բերել իր ծրագրում ներառել գիտություն առարկան: Ս. Օհանյանը նշեց, որ հիմա իրենք աշխատում են այդ առարկայի գրքերի ստեղծման ուղղությամբ, որոնցով հետաքրքրվում են նաև այլ դպրոցներից:

«Օհանյան» կրթահամալիրի մյուս կարևոր ծրագրերից է լեգո-կառուցողական ծրագիրը, որը սկսում են նախակրթարանից, մինչև ավագ դպրոց, որտեղ այն դառնում է արդեն ռոբոտաշինություն. «Դա կրկին մեր ծրագիրն է, որը հիմքից զարգացնում է երեխաների ինժեներական մտածողությունը և այս ծրագրերի արդյունքում ունենում ենք շատ ավելի բազմակողմանի զարգացած շրջանավարտներ»,-նշեց կրթահամալիրի տնօրենը:

Կրթահամալիրի կարևոր առավելություններից մեկն էլ այն է, որ իրականացնում են անգլերենի և ռուսերենի խորացված ուսուցում, ինչը փաստում է երեխաների անկաշկանդ շփումը օտարերկրացի հյուրերի հետ. «Անցյալ տարի Ցեղասպանության 100-ամյակի կապակցությամբ Հայաստան էր եկել Հենրի Մորգենթաուերի ծոռնուհին, ով այցելեց նաև մեր կրթահամալիր: 8-րդ դասարանի աշակերտները Ցեղասպանության թեմայով կոնֆերանս էին կազմակերպել և այնքան լավ էր ստացվել, որ անգամ մեր հյուրն էր զարմացել, թե ինչպես են երեխաներն այդքան լավ անգլերենով շփվում»,-նշեց նա:

Ս. Օհանյանը կարևորում է կրթահամալիրում աշխատանքային լավ թիմ ունենալը, ինչն էլ իրենք իրականացնում են. «Կարողացել ենք ստեղծել առողջ թիմ, որի արդյունքում ստացվում է լավ դպրոց, ունենում ենք լավ շրջանավարտներ ու լավ աշխատանք»,-եզրափակեց «Օհանյան» կրթահամալիրի տնօրենը:

loading...
Զլատան Իբրահիմովիչը ցանկանում է վերադառնալ Շվեդիայի հավաքական Հայաստանում առաջիկա օրերն առանց տեղումների կլինեն Էրդողանը հայտարարել է թուրք զինվորներին Նորվեգիայից հետ կանչելու մասին Սամվել Կարապետյանն ընտրվել է Մոսկվայի «Արարատ»-ի նախագահ Ալեքսիս Օհանյանն ու Սերենա Ուիլյամսն ամուսնացել են Արոնյանը հաղթանակ տարավ ՖԻԴԵ-ի «Գրան պրիում» Դավիթ Լոքյանն ընդունել է Ասիական զարգացման բանկի հայաստանյան գրասենյակի փոխտնօրենին Գեղարքունիքի մարզում կատարվել է 11 հազար հեկտար աշնանացան Էրդողանը հայտնել է Թուրքիայի, ՌԴ-ի եւ Իրանի գլխավոր շտաբների պետերի առաջիկա հանդիպման մասին Մեքսիկան աջակցում է ՄԽ համանախագահների միջնորդությամբ ԼՂ խնդրի խաղաղ կարգավորմանը ԼՂ հարցում վերջնական խաղաղության հասնելու համար պետք է պահպանվի զինադադարը. Ալոիզիո Նունես Ֆերեիրա Տարոն Մարգարյանը հանդիպել է «Նեսթ Լաբս» ընկերության հիմնադիր Թոնի Ֆադելի հետ Հայաստանը մշտապես կողմ է ԼՂ խնդրի ինտենսիվ բանակցություններին. Նալբանդյանն արձագանքել է Ադրբեջանի հայտարարությանը Սերգեյ Մինասյանը՝ Ռումինիայում ՀՀ դեսպան Նորք-Մարաշի զինված խմբի գործով դատական նիստը հետաձգվեց ԱԺ-ն ընդունեց բժիշկների մասնագիտական գործունեությունը խոչընդոտելու համար խիստ պատիժ սահմանող օրինագիծը Իտալիայում մահացել Է «Կոզա նոստրայի» նախկին պարագլուխը Ակնաշենը հայկական լեռնաշխարհի վաղագույն նստակյաց բնակատեղին է. պեղվել են օձաքարից զարդեր, ուլունքներ ՊԵԿ պատվիրակությունն ուսումնասիրել է ավտոմատացված համակարգերի կիրառման ոլորտում Չինաստանի փորձը «Միկի` հայ հերոս» ֆիլմն արդեն հասանելի է համացանցում Թուրքիայում լուսային տարիներով հեռու են ԼՂ խնդրի էությունից. ՀՀ ԱԳՆ արձագանքը Էրդողանի հայտարարություններին Հայ ուսանողի ստացած գիտելիքը Հայաստանի ապագա ձեռքբերումների գրավականն է. Տարոն Մարգարյան Կառավարության որոշումը չի փրկի ընդդիմությանը Ուղիղ միացում ԱԺ-ից
Այսօր Այս շաբաթ Այս ամիս
website by Sargssyan