Nyut.am | «Չեմ կարող խաղալ ինքնանպատակ` պարզապես խաղացածս դերերի ու բեմադրությունների ցանկը լրացնելու համար». Արթուր Էլբակյան
Երևան, 17.Օգոստոս.2018,
--
:
--
,
Գլենդելի քաղաքային խորհուրդը հաստատել է Հայ-ամերիկյան թանգարանի նախագիծը ՌԴ-ի հատուկ ծառայությունների գործակալն ավելի քան 10 տարի աշխատել Է Մոսկվայում ԱՄՆ-ի դեսպանությունում. Guardian Հումորիստներ Պետրոսյանը եւ Ստեպանենկոն դատարանում կկիսեն ունեցվածքը Շիրակի մարզի դատախազության նախաձեռնությամբ վերսկսվել են չբացահայտված սպանությունների գործերով կասեցված 12 վարույթներ Հայաստանում օդի ջերմաստիճանը կնվազի 3-4 աստիճանով Բացահայտվել է բնակարանային գողությունը, հայտնաբերվել գողոնը. կասկածյալները ձերբակալվել են Եվրասիական զարգացման բանկը Հայաստանին կտրամադրի 1 միլիոն դոլարի դրամաշնորհ Մեկ անձի կարծիքը կուսակցության համար չի կարող որոշիչ լինել. ԲՀԿ մամուլի խոսնակն անդրադարձել է Գևորգ Պետրոսյանի հայտարարությանը Վարչապետը կարևորել է դպրոցների սեյսմակայունության ապահովման շինաշխատանքների որակյալ իրականացումը

«Չեմ կարող խաղալ ինքնանպատակ` պարզապես խաղացածս դերերի ու բեմադրությունների ցանկը լրացնելու համար». Արթուր Էլբակյան

Երջանկությունն այն չէ, թե ինչքան ես սիրում կամ ինչքան են քեզ սիրում, այլ այն, որ հասկանում ես՝ ով ես դու: Իսկ դա հասկանալու համար պետք է խորանաս քո մեջ, ինչը երբեմն շատ ցավոտ է լինում, բայց առանց դրա հնարավոր չէ ապրել: Կարևորն ամենադժվար պահին չչարանալն է. այն ամենը, ինչ կատարվում է մեզ հետ և մեր շուրջը, մեր մտքերի, մեր ձեռքի գործն է, դրա համար էլ շատ մեծ զգուշություն է հարկավոր: Հենց ամենագլխավոր հարցին՝ «ով եմ ես»-ին իր նոր՝ «Իմ խելագար Շեքսպիրը» ներկայացմամբ փորձել է պատասխանել բեմադրիչ, դերասան, սցենարիստ, ռեժիսոր, հեռուստալրագրող, պրոդյուսեր Արթուր Էլբակյանը: Ներկայացման պրեմիերան կայացել է նյույորքյան թատրոններից մեկում՝ Theatre row-ում, հոկտեմբերի 13-ին United solo փառատոնի շրջանակում: Ներկայացման մեծ հաջողության շնորհիվ նույն բեմում հոկտեմբերի 19-ին կայացել է դրա հավելյալ ցուցադրությունը: Ա. Էլբակյանը ներկայացման մեջ կատարում է մի մարդու դեր, ով իրեն հայտնաբերում է հոգեբուժարանում, որտեղ էլ զարգանում են հիմնական իրադարձությունները: Իր մոտ ընկերներից և դաշնակիցներից դավաճանված հերոսը սկսում է վերլուծել կյանքը, սերը, ատելությունը՝ զուգորդումներ կատարելով մերօրյա կյանքի և շեքսպիրյան օրերի միջև: Արդյունքում՝ հերոսը գալիս է այն եզրակացության, որ ժամանակի ընթացքում մարդկային հարաբերություններն ու արժեքները չեն փոխվել: Ներկայացումը ցույց է տալիս, թե ինչպես անհատը, հայտնվելով ամենադժվարին կացության մեջ, այնուամենայնիվ ապրելու, սիրելու և ստեղծելու համար կամքի ներքին մեծ ուժ է գտնում:

- Պարո՛ն Էլբակյան, 20 տարվա ընդմիջումից հետո որոշեցիք բեմ բարձրանալ, այն էլ` մոնոներկայացմամբ, ո՞րն էր պատճառը: Ասելի՞քն էր շատ կուտակվել:

- Ձեր հարցի մեջ արդեն կա պատասխանը: Նկարչությունը, կինոն, գիրքը, թատրոնը ինքնաարտահայտման միջոցներ են: Եթե կուտակում չկա, եթե  ասելիք չունես, ապա չես նկարի, չես բեմադրի, չես գրի: Ես իմ խառնվածքով այդպիսին եմ: Չեմ կարող խաղալ կամ բեմադրել հենց այնպես, ինքնանպատակ, որպեսզի լրացնեմ խաղացած դերերի ու բեմադրությունների ցանկը: Անպայման հարկավոր է դադար, բայց այդ  դադարը շատ պայմանական է: Դադարի ընթացքում, միևնույն է, ստեղծագործում եմ: Դադարն ուղղակի հարկավոր է ասելիքը ձևավորելու համար: Վերջապես, այդ դադարն անհրաժեշտ է նոր հանդիպման ճիշտ վայրն ու ժամանակը որոշելու համար: Երբ այդ ամենը հանդիպեցին մի կետում, և ինձ համար պարզ դարձավ տեղն ու վայրը, ես վերադարձա բեմ: Իսկ թե ինչո՞ւ մոնոներկայացմամբ, ապա կարող եմ ասել, որ պատճառները մի քանիսն էին, բայց կարևորը և որոշիչը եղավ այն, որ ես Ձեր նշած կուտակում ապրելու ժամանկահատվածում գրեցի պիես: Դա համընկավ մոնոներկայացումների համաշխարհային փառատոնին մասնակցելու առաջարկ ստանալու հետ, և ես որոշեցի բեմադրել ու խաղալ այն: Եվ հետո, ես ինձ չէի փորձել մոնոթատրոնի ժանրում: Որոշեցի և հաջողվեց:

- «Իմ խելագար Շեքսպիրը» ներկայացման պրեմիերան կայացավ նյույորքյան բեմում: Ինչպե՞ս տեղեկացաք փառատոնի մասին և ինչո՞ւ որոշեցինք հենց այնտեղ ներկայացնել ձեր բեմականացումը:

- Ամերիկյան գործընկերներիցս մեկը հուշեց մասնակցել փառատոնին: Նա գիտեր իմ պիեսի մասին: Եվ քանի որ պիեսը տպագրության համար արդեն թարգմանվել էր անգլերեն, ես այն ուղարկեցի փառատոնին և ստացա մասնակցության հրավեր: United Solo-ն աշխարհի խոշորագույն մենակատարների թատերական փառատոն է և, բացի ԱՄՆ-ից, այն  անցկացվում է նաև Եվրոպայում: Այս տարի փառատոնի համար հոբելյանական էր. այն նշեց իր 5-ամյակը՝ նախորդ տարվա համեմատ 5 անգամ ընդլայնելով իր ծավալները: Փառատոնի շրջանակում 6 աշխարհամասերից շուրջ 130 ներկայացումներ բեմականցվեցին Theatre Row-ում: Կարելի է ասել՝ հոբելյանը ստացվեց:

- Փառատոնին մասնակցությունն ինչքանո՞վ եք կարևորում, այն ի՞նչ տվեց Ձեզ:

- Փառատոնին մասնակցությունն իսկապես կարևոր էր ինձ համար, քանի որ Նյու-Յորքում` նման հեղինակավոր փառատոնի շրջանակում, տեղի ունեցավ իմ վերադարձը բեմ: Փառատոնն իսկապես ինձ շատ բան տվեց: Նոր ծանոթություններից, աշխարհի տարբեր թատերական հոսանքներ ներկայացնող արվեստագետների հետ շփվելուց բացի,  փառատոնն ինձ օտար հանդիսատեսին և փառատոնի մասնակիցներին հայ թատրոնի և հայերեն լեզվի հետ ծանոթացնելու հնարավորություն ընձեռեց: Փառատոնի շնորհիվ նաև ճանաչելի դարձա օտարազգի հանդիսատեսին և թատերական գործիչներին, ստացա միջազգային շուկայում աշխատելու ու բեմադրություններ անելու հրավերներ:

- Ինչո՞ւ «Իմ խելագար Շեքսպիրը», Ձե՞ր մեջ եք Շեքսպիրին տեսնում, թե՞ շրջպատում եք գտնում նրա կերտած կյանքն ու կերպարները:

- Ինձ համար մեզ շրջապատող բոլոր մարդիկ շեքսպիրյան հերոսներ են: Նրանց ապրած ճակատագրերը շատ նման են Շեքսպիրի կերպարների ճակատագրերին: Հավատացե´ք, մեր կյանքը շատ է շեքսպիրյան: Ուղղակի դրա վրա ուշադրություն չենք դարձնում: Բայց իզուր, քանի որ Շեքսպիրի գործերում կան կյանքում մեզ հուզող հարցերի պատասխանները:

- Ձեր ներկայացման առանցքը մարդն է և նրա ինքնաճանաչման ուղին: Դուք գտե՞լ եք ինքներդ Ձեզ հասկանալու բանաձևը:

- Կարևորն այն է, որ մարդը չհեռանա ինքն իրենից: Մենք ամեն օր պետք է լսենք ինքներս մեզ, խոսենք ինքներս մեզ հետ և լինենք անկեղծ մեր պատասխաններում: Եվ որքան էլ դաժան լինեն այդ պատասխանները, պետք է լսենք: Պարտավոր ենք լսել: Երբեք չեմ ընդունել ինքդ քեզ հետ փոխզիջումների գնալու գաղափարը: Կարևորը հասկանալն է, թե ինչի համարս ես ծնվել և ինչի համար ես ապրում այս աշխարհում:

- Ո՞րն է խելագար և իսկական աշխարհների սահմանը: Ի՞նչ է պետք մարդուն այդ աշխարհներում չմոլորվելու և իր առաքելությունը գտնելու համար:

- Ըստ իմ հերոսի, «վաղուց  արդեն ջնջվել է գծված սահմանը խելամիտ մադու ու խելագարի միջև»: Չմոլորվելու համար մի ճանապարհ գոյություն ունի՝ Աստված, հավատն առ Աստված: Հավատա´, և նա  կհուշի՝ որն է քո առաքելությունը: Հավատալ Աստծուն և ճանաչել ինքդ քեզ. ուրիշ գաղնիք չկա:

- Ի՞նչն եք համարում կյանքի շարժիչ ուժը և որո՞նք են Ձեզ համար ամենաառաջնային արժեքները:

- Կյանքի շարժիչ ուժը եղել է ու կմնա սերը: Սերն ամեն ինչ է, սիրո թեման՝ հավերժ: Մեր կյանքի հիմքը հենց սերն է: Իսկ կյանքի ամեաառաջնային արժեքները գրված են Աստվածաշնչում: Իմ սահմանադրությունն Աստվածաշունչն է:

- Ինչքանով տեղյակ եմ, իրականում պիեսը կազմված է երեք մասից, ե՞րբ են բեմ բարձրանալու պիեսի մյուս մասերը: Դրանք նախորդի տրամաբանական հաջորդականությո՞ւնն են լինելու, թե՞ պարզապես անկախ պատմություններ են` իրար կապված միայն ներքին, անտեսանելի կապերով:

- Ճիշտ եք, պիեսը երեք մասից է կազմված: Բայց այն գրված է այնպես, որ կարելի է բեմադրել և´ մաս-մաս, և´ երեքը՝ միասին: Հիմա մի քանի երկրից պիեսը նրանց մոտ բեմադրելու առաջարկներ եմ ստացել: Ոմանք ուզում են բեմադրել երեք մասով, ոմանք՝ երկու: Կարևորն այն է, որ պիեսը և ասելիքը դրանից չի տուժում: Այնպես որ՝ ընտրությունն իրենցն է:

- Երկար տարիներ է` ապրում եք Հայաստանից դուրս, բայց, կարծում եմ, հետևում եք Հայաստանում տեղի ունեցող մշակութային տեղաշարժերին: Ի՞նչ եք կարծում, մասնավորապես թատերական ասպարեզում արժեքավոր գործեր ստեղծվո՞ւմ են:

- Չեմ ուզում որևէ գնահատական տալ այս կամ մշակութային ոլորտում կատարվող իրադարձություններին, քանի որ գնահատակններ տալու համար հարկավոր է լինել տեղում, տեսնել, մասնակցել և նոր միայն խոսել: Իսկ հեռվից ես ունեմ միայն տեղեկություններ, այն էլ՝ ոչ ամբողջական: Իհարկե, ամեն ինչից չէ, որ տեղյակ եմ, բայց միշտ կապի մեջ եմ ընկերներիս հետ և անկեղծ ուրախանում եմ նրանց հաջողություններով: Ուրախ եմ իմ ընկեր և համակուրսեցի Սամսոն Ստեփանյանի և նրա ղեկավարած երիտասարդ թատերախմբի հաջողությամբ Ռուսաստանում կայացած փառատոնում: Ուրախ եմ իմ ընկեր Արթուր Սահակյանի «Ռիչարդ 3-րդ»-ի համար: Ուրախ եմ, որ Ղափլանյանի անվան թատրոնը մասնակցել է Ռումինիայում անցկացվող փառատոնին: Սրտանց բոլորին հաջողություններ եմ մաղթում:

- Առաջիկայում ին՞չ ստեղծագործական նորությունների սպասենք Ձեզանից:

- Թվեմ միայն այն, ինչ արդեն որոշակի է: Շուտով իմ գրած սցենարով, երեք երկների  (ԱՄՆ-Ուկրաինա-Վրաստան) մասնակցությամբ և Ռուսաստանի հեռուստաալիքներից մեկի պատվերով, նկարահանվելու է բազմասերիանոց գեղարվեստական կինոնկար: Հույս ունեմ, որ ես էլ կնկարահանեմ ֆիլմը: ԱՄՆ-ի խոշոր քաղաքներից մեկում տեղի է ունենալու իմ կտավների ցուցահանդեսը: Եվ հիմա ընթացքի մեջ են «Իմ խելագար Շեքսպիրի» հիման վրա ֆիլմ նկարահանելու բանակցություններն ամերիկյան խոշոր պրոդյուսերական խմբի հետ, և առաջարկը եղել է ամերիկյան կինոարտադրողների կողմից: Ինչպես նաև սպասեք իմ գրած գրքի գինեձոնին:

- Իսկ «Իմ խելագար Շեքսպիրը» Հայաստան բերելու նպատակնե՞ր ունեք:

- Ձեր առաջին հարցին պատասխանելիս ես ասացի, որ կարևոր է նոր հանդիպման համար ճիշտ վայրն ու ժամանակը որոշելը: Կարծում եմ՝ այդ օրը կլինի: Առա´ջն Աստված:

Արթուր Էլբակյանը ծնվել և ուսում է ստացել Երևանում: Ընդունվել է ՍՍՀՄ Ժողովրդական դերասան Խորեն Աբրահամյանի ղեկավարած կուրս: 1981-1991թթ. սովորել է Երևանի գեղարվեստա-թատերական ինստիտուտի ռեժիսորական բաժնում՝ պրոֆեսոր Ռ. Ջրբաշյանի արվեստանոցում, թատրոնի և կինոյի բեմադրիչ մասնագիտությամբ։ 25 տարեկանում արդեն խաղացել է իր երազած գրեթե բոլոր դերերը: 90-ականների սկզբերին ստեղծել է իր՝ «13» թատրոնը, ինչպես նաև առաջին Ջազ ակումբը: Թատրոնը հաջողությունների է հասել շատ փառատոների ժամանակ: 1996թ. Ա. Էլբակյանն ընկերների հետ հիմնել է «Ար» հեռուստաընկերությունը: Այնուհետև նա մեկնել է ՌԴ և դարձել Կրասնոյարսկի նահանգապետ Ա. Լեբեդի խորհրդատուն: Ապրելով Հայաստանում, Ռուսաստանում, Եվրոպայում և ԱՄՆ-ում՝ Ա. Էլբակյանը խաղացել է 30-ից ավելի թատերական առաջատար դերեր, հեղինակել է շատ հեռուսանախագծեր: Վերջերս Լոս Անջելեսի կինոփառատոնում Ա. Էլբակյանը ստացել է «Լավագույն կարճամետրաժ ֆիլմ» մրցանակը:

Հարցազրույցը՝ Անի Ռափյանի

loading...
Գլենդելի քաղաքային խորհուրդը հաստատել է Հայ-ամերիկյան թանգարանի նախագիծը ՌԴ-ի հատուկ ծառայությունների գործակալն ավելի քան 10 տարի աշխատել Է Մոսկվայում ԱՄՆ-ի դեսպանությունում. Guardian Հումորիստներ Պետրոսյանը եւ Ստեպանենկոն դատարանում կկիսեն ունեցվածքը Շիրակի մարզի դատախազության նախաձեռնությամբ վերսկսվել են չբացահայտված սպանությունների գործերով կասեցված 12 վարույթներ Հայաստանում օդի ջերմաստիճանը կնվազի 3-4 աստիճանով Բացահայտվել է բնակարանային գողությունը, հայտնաբերվել գողոնը. կասկածյալները ձերբակալվել են Եվրասիական զարգացման բանկը Հայաստանին կտրամադրի 1 միլիոն դոլարի դրամաշնորհ Մեկ անձի կարծիքը կուսակցության համար չի կարող որոշիչ լինել. ԲՀԿ մամուլի խոսնակն անդրադարձել է Գևորգ Պետրոսյանի հայտարարությանը Վարչապետը կարևորել է դպրոցների սեյսմակայունության ապահովման շինաշխատանքների որակյալ իրականացումը Բնական ռեսուրսների ապօրինի օգտագործման դեպքերի առթիվ հարուցվել են քրեական գործեր Հակառակորդի կողմից ցանկացած ոտնձգություն տեղում չեզոքացվում է. Դավիթ Տոնոյանն անդրադարձել է սահմանային իրավիճակին Արման Նավասարդյանը Լավրովի հայտարարությունը որակում է իրավիճակի մասին ոչ ճշգրիտ տեղեկացվածության հետևանք ՌԴ պաշտպանության փոխնախարարը հերքել է Հայաստանին զենքի մատակարարումը դադարեցնելու լուրերը Սիրիա է վերադարձել 574 հազար 960 ընտանիք Սյուզի Կենտիկյանը վերադառնում է մեծ բռնցքամարտ Պրոֆեսիոնալ բռնցքամարտիկ Վահե Սարուխանյանը կարող է ներկայացնել Հայաստանը «Շիրակը» երկու նոր աֆրիկացի ֆուտբոլիստներ ունի ԲՀԿ-ի քաղաքապետի թեկնածուն Նաիրա Զոհրաբյանն է Ադրբեջանի նախագահը հերթական անգամ փակուղի է մտցնում հակամարտության խաղաղ կարգավորումը Առանձնապես խոշոր չափերով յուրացում կատարելու դեպքի առթիվ հարուցվել է քրեական գործ Ալիևի խոսքերը փոխելու պատճառով արգելափակվել են ԱՊԱ հոլդինգի բոլոր կայքերը Արարատ Զուրաբյանը գլխավորելու է ՀՀՇ ցուցակը Երևանի ավագանու ընտրություններին ԱՄՆ-ի եւ ՉԺՀ-ի առեւտրական պատերազմը կարող Է կասեցնել Լոս Անջելեսի տնտեսության աճը. քաղաքագլուխ Սաուդյան Արաբիայի թագավորը կառավարության նիստ Է անցկացրել «ապագայի քաղաք» Նեոմում ԱՄՆ-ում դատարանն արգելափակեց 3D-տպիչներով զենքի հավաքման հրահանգները
Այսօր Այս շաբաթ Այս ամիս
website by Sargssyan