Երևան, 22.Հունիս.2017,
--
:
--
,

«Տանը մեկ տղա ունեմ, կրկեսում` քսանհինգն ունեի». Նաիրա Պետրոսյան

«Արվեստի կանացի պրոֆիլը» նախագծի հյուրն է միակ կինը Հայաստանում, ով վարժեցնում է խոշոր կենդանիներ, ով ապրում է կրկեսի մշակույթով, տիրապետում նրա ամենանուրբ, դժվար նկատելի ու մեկնաբանելի պրոֆիլներին: Կրկեսի մշակույթի մասին` երևանյան կրկեսի գլխավոր ռեժիսոր Նաիրա Պետրոսյանից: - Տիկին Պետրոսյան, գիտեմ, որ ամեն անգամ արենա դուրս գալուց առաջ աղոթում եք… - Այո, աղոթում եմ և հիշում որդուս, ով ինձ ուժ է տալիս: Գիտե՞ք` կենդանին ի վերջո մնում է կենդանի: Պետք է լինել մաքսիմալ զգոն: Արենա դուրս գալուց առաջ չեմ կարող անգամ օծանելիք ցանել, քանի որ, օրինակ, եթե շնիկը դա նորմալ է ընդունում, հնարավոր է, որ բույրը սկզբունքորեն «դուր չգա» արջին: Ուշադիր պետք է լինել ամեն ինչին` սկսած նրանից, որ հանկարծ վարժեցնողի վրա քերծվածք չլինի, որովհետև կենդանին արյան հոտից կարող է անկառավարելի դառնալ ու հարձակվել: Պատկերացրեք, որ ներկայացումից մոտ երկու օր առաջ ես արդեն աշխատում եմ հնարավորինս զգույշ լինել անգամ տանը ճաշ պատրաստելիս, որպեսզի հանկարծ չվնասեմ մատս: - Կրկեսը մանկուց Ձեզ համար երկրորդ տուն է եղել. սա՞ է պատճառը, որ վարժեցրած կենդանիները նույնքան հարազատ են, որքան սեփական երեխան: Գիտեմ, որ վարժեցրած ձիուկներից մեկին Ձեր տղայի` Հրաչի անունն եք տվել: - Այո, ամենասիրելի ձիուկիս անունն եմ Հրաչ դրել: Գիտե՞ք` կյանքիս շատ պահերի զգացել եմ, որ կրկեսը անգամ ոչ թե երկրորդ, այլ առաջին և հարազատ տունս է: Ի վերջո` տանը մեկ տղա ունեմ, կրկեսում` քսանհինգն ունեի: Ամենասկզբում, երբ հավաքել էի բոլոր կենդանիներիս, լինում էին օրեր, երբ տուն չէի գնում, որովհետև 10-15 ժամ նվիրում էի միմիայն նրանց: - Երբ լսում եմ Ձեզ, ինձ մոտ հարց անգամ չի առաջանում, որ այդ կենդանիները հոգատարության պակաս կարող են ունենալ, բայց, այնուամենայնիվ, շատերը պնդում են, որ կրկեսը այն վայրն է, որտեղ կենդանիներին օրինական շահագործում են… - Ինչքան էլ ես ասեմ, որ դա այդպես չէ, կլինեն մարդիկ, ովքեր կփորձեն հակառակն ապացուցել: Պետք է հաշվի առնել, թե ինչքան հոգատարություն, քնքշանք ու էներգիա ենք մենք տալիս այդ կենդանիներին, ինչքան բան ենք սովորեցնում: Գազանանոցում դու կարո՞ղ ես գնալ ու  առյուծի հետ նկարվել, ոչ, իսկ մենք նրանից դարձնում ենք մարդամոտ, քնքուշ արարած, որին հնարավոր է մոտ գնալ առանց վախենալու: Ի վերջո հասկանալ է պետք` ծեծելով կենդանուց «մարդ» չես ստանա: Եթե հանկարծ փորձես ծեծելով հասնել ուզածիդ, նա ուղղակի կգժվի ու կուտի ինչ-որ մեկին: Սա անընդունելի է: Այսինքն` ես այնքան սեր եմ տալիս ամեն կենդանուն փոքրուց, կտրելով մոր կաթից և ինքս նրան կերակրելով, որ նա հարազատի պես է սկսում ընկալել ինձ: Այլ բան է, որ երբեմն նաև խիստ պետք է լինել: Անգամ ընտանիքում է այսպես: Հարազատ երեխային դաստիարակելիս երբեմն մենք զայրանում ենք, հարկ եղած դեպքում գոռում: - Դուք, իհարկե, անգամ հիմա զբաղվում եք Ձեր գործով, բայց, համենայն դեպս, ոչ կրկեսում: Հայաստանի միակ կին աճպարարն ու կենդանիներ վարժեցնողը կրկեսը  չի՞ կարոտել արդյոք: - Իհարկե, կարոտում եմ: Գրեթե ամեն օր անցնում եմ կրկեսի մոտով և անձամբ հետևում աշխատանքներին: Կենդանիներիցս ոմանք ժամանակավորապես Դավիթաշենի ձիավարժարանում են: Ես այնտեղ էլ եմ աշխատում նրանց հետ, որ հետ չվարժվեն, մինչև կրկեսը վերանորոգվի: Անշուշտ, դժվար է դիմանալ կարոտին, բայց մյուս կողմից ուրախանում և հպարտանում եմ, որ որոշ ժամանակ անց կունենանք վերանորոգված կրկես: Լարա Առաքելյան
loading...
Ակտիվ բուժական միջոցառումներ. Կամավոր Խաչատրյանը ներկայացնում է Արցախում վիրավորված զինծառայողների վիճակը Հայաստանի ՊՆ առաջին տեղակալն ընդունել է ԿԽՄԿ պատվիրակության ղեկավարին Թուրքիան Կատար է տեղափոխել իր զինվորականների առաջին խումբը Երեւանում ծնված հնգյակի երկու աղջիկները շուտով դուրս կգրվեն Հնագետները Գորիսում բացառիկ վիշապ քարակոթող են հայտնաբերել Հունաստանի ԱԳՆ-ն դատապարտել է Սուրբ Սոֆիայի տաճարում Ղուրանի ընթերցումը Ադանայում ԻՊ դեմ գործողություն է իրականացվել. ձերբակալված է յոթ մարդ ՀՀ կենտրոնական բանկի նախագահը մասնակցելու է Միջազգային Հաշվարկների Բանկի ընդհանուր տարեկան ժողովին Սերժ Սարգսյանը մասնակցում է Եվրոպական ժողովրդական կուսակցության գագաթնաժողովին ՀՀ վարչապետ Կարեն Կարապետյանի եզրափակիչ ելույթը ՀՀ Ազգային ժողովում Գերմանիայի ևս երկու քաղաք հրաժարվել է ելույթի համար սրահ տրամադրել Էրդողանին Կրթության պետական տեսչության մասնագիտական կրթության տեսչավորման բաժնի պետը ձերբակալվել է Հայաստանից ԵՄ մինչև 6000 եվրոյի ապրանք արտահանելու դեպքում սերտիֆիկատի կարիք չի լինի ԱԻՆ-ը նախազգուշացնում է. Երևանի մետրոպոլիտենում իրականացվելու է վարժանք Զավեն Կարապետյանը ՀՀ զինված ուժերում չի ծառայել. ոստիկանությունը նոր մանրամասներ է հաղորդել Չեխիայի դեսպանը որեւէ կապ չի տեսնում Պյոտր Սվիտալսկիի հայտարարության եւ Հայաստանի ներքին գործերի միջեւ Ադրբեջանցի մեկ այլ լրագրող ևս ձերբակալվել է Վրաստանի սահմանը հատելիս Մեր բանակում խաղալիքներ չունենք. ՀՀ և Արցախի ՊՆ-ները հերքում են ԱԹՍ խոցելու մասին Ադրբեջանի հայտարարությունը Հայաստանում Հնդկաստանի դեսպանը բարձր է գնահատում երկու երկրների հարաբերությունների ներկա մակարդակը Թուրքիան պետք է հասկանա մեր օրինական ցանկությունը. Իրաքի քրդերը հաստատակամ են հանրաքվեի հարցում Արտաշես Հովսեփյանն այսօր դարձավ 86 տարեկան Կառավարության ծրագիրը բխում է մեր քաղաքացու եւ մեր երկրի շահերից. Արա Բաբլոյան ԼՂ հիմնահարցը մշտապես Ռուսաստանի ԱԳՆ օրակարգում է. Զախարովա ԵԽԽՎ մոնիթորինգային հանձնաժողովը Բաքվին կոչ է անում կատարել իր պարտավորությունները
Այսօր Այս շաբաթ Այս ամիս
website by Sargssyan