Լեգենդների հանդիպումը բացառիկ երևույթ կլինի Հայաստանի համար. Նոբել Առուստամյան
Հուլիսի 8-ին Վ. Սարգսյանի անվան «Հանրապետական» մարզադաշտում լեգենդների խաղ կկայանա:
Լեգենդների խաղին իրենց մասնակցության համաձայնությունը տվել են Ռիվալդոն, Հերնան Կրեսպոն, Գաբրիել Բատիստուտան, Դիդան, Կաֆուն, Իվան Սամորանոն, Ժուլիանո Բելետին, Սերժինիոն, Պաոլո Մալդինին, Յուրի Ջորկաեֆը, Յարի Լիտմանենը, Հրիստո Ստոիչկովը, Դեմետրիո Ալբերտինին, Լյուդովիկ Ժուլին, Կախա Կալաձեն, Ռայան Գիգսը և այլք։
Ռուսական «Матч ТВ» մարզական ալիքի ֆուտբոլային մեկնաբան Նոբել Առուստամյանի կարծիքով, Երևանում կայանալիք լեգենդների հանդիպումը բացառիկ երևույթ է:
«Լեգենդների հանդիպումը բացառիկ երևույթ կլինի Հայաստանի համար: Կարևորում եմ այն, որ աշխարհի առաջնության ընթացքում այդ հանդիպումը կլինի այստեղ, և կմասնակցեն շատ հայտնի լեգենդներ: Այդ խաղին կմասնակցեն ավելի հայտնի ֆուտբոլիստներ, քանի 2015 թվականին Խորեն Հովհաննիսյանի հոբելյանին նվիրված խաղին էր»,- լրագրողների հետ հանդիպման ժամանակ ասաց Նոբել Առուստամյանը:
