Երևան, 23.Մայիս.2019,
--
:
--
,

Նիկոլ Փաշինյանը զինակոչային տարիքի բոլոր երիտասարդներին կոչ է անում իր որդու նման ծառայել Հայոց բանակում


ՀՀ վարչապետ Նիկոլ Փաշինյանը կոչ արեց Հայոց բանակ ժամկետային զինվորական ծառայության մեկնելու հարցում ակտիվ լինել զորակոչային տարիքի այն երիտասարդներին, որոնք գտնվում են արտասահմանում, ինչպես նաև այն երիտասարդներին, որոնք կարող են իրենց հիվանդությունը բուժելուց հետո մեկնել բանակ։

«Ֆեյսբուք»-ի իր էջի ուղիղ եթերում Նիկոլ Փաշինյանն օրինակ բերեց իր որդի Աշոտին՝ պարզաբանելով, որ նա 2016թ. ընդունվել է Տարտուի համալսարան և, 2018թ. հունվարին Հայաստան գալով, որոշել է չվերադառնալ սովորելու, քանի որ մարտին լրացել է նրա 18 տարին և պետք է մեկնի ժամկետային զինվորական ծառայության։

Աշոտ Փաշինյանն իր հերթին նշեց, որ հատուկ դիմելու է ծառայությունն Արցախում անցկացնելու համար։ Նա համարում է, որ ղարաբաղյան հակամարտությունում «խաղաղություն հաստատելը հայկական կողմի ձեռքերում է, և դրա արդյունավետ ճանապարհը հայկական բանակի հզորացումն է։ Եվ ես, քաղաքացիական պարտքից ելնելով, որոշել եմ հնարավոր չափով նպաստել խաղաղության ճանապարհին և հայկական բանակին»։

ՀՀ վարչապետը դիմեց արտերկրում գտնվող զորակոչային տարիքի ՀՀ քաղաքացի բոլոր երիտասարդներին, նրանց ծնողներին, որ «այդ բոլոր տղաներն առաջիկա քսան օրվա ընթացքում վերադառնան Հայաստան և մեկնեն ժամկետային զինվորական ծառայության, իրենց պարտքը կատարեն Հայրենիքի առաջ»։ «Ես սա ասում եմ որպես քաղաքացի, որպես վարչապետ, ով նաև ի պաշտոնե, պատերազմ սկսվելու դեպքում (իհարկե, Աստված չանի, որ պատերազմ սկսվի) պետք է կատարի գերագույն հրամանատարի պարտականությունները, և ես կարևոր եմ համարում մայիսի 28-ից առաջ դիմել մեր հայրենակիցներին, իմ եղբայրներին, նրանց ծնողներին՝ իմ քույրերին և եղբայրներին՝ կոչ անելով, որ իրենց երեխաները որոշում կայացնեն օր առաջ վերադառնալ Հայաստան և մեկնել ժամկետային զինվորական ծառայության, ծառայեն իմ որդու հետ»։

ՀՀ վարչապետը դիմեց նաև զորակոչային տարիքի այն երիտասարդներին, որոնք  առողջական ոչ էական խնդիրների պատճառով, ինչ-ինչ ճանապարհներով կարողացել են ազատվել ժամկետային զինվորական ծառայությունից։ «Նոր Հայաստանն այդպիսի ճանապարհների համար չէ»,- նկատեց Նիկոլ Փաշինյանը և այդ երիտասարդներին կոչ արեց բուժել հիվանդությունները և առաջիկա զորակոչի ընթացքում մեկնել բանակ։ Նոր Հայաստանը ներկայացնելու համար նա օրինակ բերեց, որ վերջին զանգի օրը Երևանում ոչ մի ավտոմեքենա տուգանային հրապարակ չի տարվել, ինչը խոսում է ոստիկանության և քաղաքացիների միջև բոլորովին նոր հարաբերությունների, քաղաքացիների ինքնահսկողության, քաղաքացիական գիտակցության առումով նոր իրավիճակի մասին։ «Սա ամենամեծ ռեսուրսն է, որի վրա հիմնվելով պետք է բարեփոխենք, զարգացնենք մեր հայրենիքը»,- շեշտեց վարչապետը։

Նա հավաստիացրեց, թե կարգադրություն կանի, որ բանակ մեկնելու համար վերադարձող երիտասարդների նկատմամբ, օրենքի սահմաններում, իրավական ընթացակարգեր չիրականացվեն, որովհետև հնարավոր է, որ նրանցից ոմանց նկատմամբ հետախուզում է հայտարարված։

«Սպասում ենք բոլորիդ, սա ուրիշ Հայաստան է, որտեղ բանակից չեն փախչում, չեն արտագաղթում, այլ միայն վերադառնում են՝ կրելու իրենց բաժին պատասխանատվությունը Հայրենիքի ապագայի համար»,- եզրափակեց Նիկոլ Փաշինյանը։

 

loading...
«Երևանյան բեսթսելեր». «Թակարդ» վեպն առաջին հորիզոնականում է «Թակարդ»-ի թակարդում Կարելիությունից անդին. Աշոտ Աղաբաբյանի «Թակարդ» գրքի մասին. armtimes «Բուկինիստի» տնօրեն Խաչիկ Վարդանյանը՝ Աշոտ Աղաբաբյանի «Թակարդ» վեպի մասին Սա՞ է հայրենիքի գնահատանքը լեգենդար հետախույզին Բարի տարեդարձ, սիրելի գրող Բոլոր զինվորականները կկրեն «Աշոտ Երկաթ» խաչ-կրծքանշանը Փաշինյանը տիկնոջ հետ այցելել է Մանսուրյանին Նիկոլ Փաշինյանի և գրող Աշոտ Աղաբաբյանի վեպերը՝ հոկտեմբերի բեսթսելլերներ Հայտարարություն ՀՀ նախագահի մրցանակի մասին «Բարսելոնա» - «Ինտեր». ուղիղ հեռարձակում Արծրուն Պեպանյանի նոր գիրքը Ջասթին Թրյուդոն Հայաստանում կանադական ընկերություններին հետաքրքրող ներդրումների մեծ ներուժ է տեսնում Հայաստանում լինելու է ամենածավալուն համաներումը. Արտակ Զեյնալյան Ֆրանսիան երբե´ք չի մոռանա և կպայքարի ճանաչման համար. Մակրոնի գրառումը Հայոց ցեղասպանության թանգարան- ինստիտուտի հուշամատյանում Հավատարիմ ենք մեզ միավորող կապերին, որոնք բնորոշվում են «Ապրել միասին Ֆրանկոֆոնիայում» գաղափարախոսությամբ. ՀՀ վարչապետի ելույթը Ֆրանկոֆոնիայի գագաթնաժողովի մասնակիցները ջերմ ծափահարություններով ողջունեցին Շառլ Ազնավուրի հավերժական ներկայությունը Հայաստանը ԼՂ հակամարտության կարգավորման բանակցային գործընթացի փոփոխության հարց չի դնում. Նիկոլ Փաշինյան Հույս ունեմ հաստատվել Հայաստանում նվիրվելու համար ծրագրերին, որ հայրս նախաձեռնել էր այնտեղ. Նիկոլա Ազնավուր Թունավորման վարկած. ՌԴ ՔԿ-ն նորից կուսումնասիրի գործարար Լևոն Հայրապետյանի մահվան հանգամանքները Աշոտ Աղաբաբյանը «Քննարկում» հաղորդաշարի հյուրն է. ուղիղ եթեր
Այսօր Այս շաբաթ Այս ամիս
website by Sargssyan