Yerevan, 16.October.2018,
--
:
--
,

ԵԽԽՎ Ադրբեջանի հարցերով համազեկուցողների հունիսյան այցը կարող է չկայանալ

Եվրոպայի խորհրդի խորհրդարանական վեհաժողովի (ԵԽԽՎ) մոնիտորինգային հանձնաժողովի Ադրբեջանի հարցերով համազեկուցողների այցն Ադրբեջան, որը նախատեսված էր ընթացիկ տարվա հունիսին, հավանաբար չի կայանա կամ կլինի այլ կազմով:

Այս մասին հայտնում է ադրբեջանական «Թուրան» լրատվական գործակալությունը:

Պատճառն այն է, որ  ԵԽԽՎ անկախ հանձնաժողովի կողմից պատժամիջոցների ենթարկված 4 պատգամավորներից մեկը՝ Սեզար Պրեդան (Ռումինիա), ում 2 տարով արգելվել է զբաղվել դիտորդական առաքելությամբ և ԵԽԽՎ-ում հանդես գալ որպես զեկուցող, Ադրբեջանի հարցերով համազեկուցողներից մեկն է:

Ռումինիայի պատգամավոր Սեզար Պրեդայի՝ որպես Ադրբեջանի հարցերով համազեկուցողի լիազորությունները դադարեցնելու պահանջով  դեռևս 2017-ին հանդես էին եկել մի շարք հեղինակավոր իրավապաշտպան կազմակերպություններ:

Իրավապաշտպան կազմակերպությունները պնդում էին, որ Պրեդայի պաշտոնավարման ընթացքում ԵԽԽՎ-ում չեն քննարկվել և չեն ընդունվել Ադրբեջանում ժողովրդավարական իրավիճակի հետ կապված բանաձևեր:
Հասարակական կազմակերպությունները նաև նշել էին, որ 2017 թ. սեպտեմբերին Ադրբեջանի հարցերով համազեկուցողներ Ստեֆան Շեննակի և Սեզար Պրեդայի կողմից ներկայացված «Ադրբեջանում ժողովրդավարական ինստիտուտների գործունեությունը» թեմայով բանաձևում հստակ նկատվել են Շեննակի և Պրեդայի տեսակետների միջև առկա հակասությունները:

Առհասարակ, Սեզար Պրեդայի գործունեությունը ցույց է տվել, որ նրան կամ չի հետաքրքրում, թե Բաքուն ինչպես է կատարում ԵԽ-ին անդամակցությունից հետո իր ստանձնած պարտավորությունները, կամ նա չի ցանկանում ներկայացնել Ադրբեջանում ժողովրդավարական ինստիտուտների ծանր  իրավիճակի և առհասարակ ժողովրդավարության բացակայության վերաբերյալ ճշմարտությունը:

 Եվրոպայի խորհրդի խորհրդարանական վեհաժողովի (ԵԽԽՎ) լիագումար նիստում ապրիլի 26-ին բուռն քննարկումներից հետո ընդունվել էր կոռուպցիոն գործարքների վերաբերյալ   անկախ հետաքննչական մարմնի կողմից ներկայացված 219-էջանոց զեկույցը:

ԵԽԽՎ պատգամավորների հետ կոռուպցիոն սկանդալների մեջ ներքաշված գլխավոր ֆիգուրները Ադրբեջանի իշխանություններն են:

Փաստաթուղթը վերաբերում էր ԵԽԽՎ մի շարք պատգամավորների համակարգված կաշառակերությանը, տարիներ շարունակ Ադրբեջանի կառավարությունը տարբեր երկրների քաղաքական գործիչներին և պաշտոնյաներին առատորեն թանկարժեք նվերներ է մատուցել՝ մետաքսից գորգեր, ոսկի, արծաթ, խավիար, կանխիկ դրամ և բոլոր ծախսերի վճարմամբ ուղևորություններ՝ Ադրբեջանի օգտին և Հայաստանի ու Արցախի դեմ նրանց ձայների դիմաց: Այս անօրինական գործունեությունը այնքան մեծ տարածում է գտել, որ եվրոպացիներն այն նկարագրում են որպես «խավիարային դիվանագիտություն»:

Անկախ հանձնաժողովը, որը հետաքննություն էր իրականացնում Ադրբեջանի կոռուպցիոն գործունեության վերաբերյալ, որոշում է կայացրել խիստ պատժամիջոցներ կիրառել չորս պատգամավորների, այդ թվում՝ նաև ԵԽԽՎ-ում ադրբեջանական պատվիրակության ղեկավար Սամեդ Սեիդովի նկատմամբ. նրանք զրկվել են ձայնի իրավունքից:

ԵԽԽՎ-ում Ուկրաինայի պատվիրակության անդամ Ալեքսեյ Գոնչարենկոն հայտնել է, որ պատժամիջոցները Ագրամունտի դեմ կգործեն 10, իսկ մյուս երեք պատգամավորների դեմ՝ 2-ական տարով:

 

loading...
Four men took own lives after webcam blackmail Katy Perry gets charity award for her work with children from Hillary Clinton Philip Morris could stop making conventional cigarettes Trump eyes ex-Goldman banker Steve Mnuchin for Treasury CIA chief warns Trump: Scrapping Iran deal 'height of folly' Thousands 'miss out on stroke treatment' Samsung Electronics considers splitting firm in two South Korea's President Park 'willing to resign' Brazil Chapecoense football team in Colombia plane crash Bird flu: Netherlands culls 190,000 ducks Trump dismisses Wisconsin recount drive as 'scam' Fidel Castro death: Cubans mourn ex-leader Women in science pledge to combat hate Black Friday and Cyber Monday: Five tips for spotting a bargain Lung cancer cells spread like unanchored tents, study says Abducted California woman Sherri Papini found after three weeks Brazil president Michel Temer accused of corruption Predatory bacteria can wipe out superbugs, says study Catherine Zeta-Jones takes aim at paparazzi with 'better' bikini photos Colombia signs new peace deal with Farc Israel fires: Tens of thousands flee as fires hit Haifa Shia pilgrims among more than 80 killed in IS attack in Iraq Climate changing 'too fast' for species
Today For week For Month
website by Sargssyan