Երևան, 25.Մայիս.2018,
--
:
--
,

Մանվել Եղիազարյան. «Այսպիսի իշխանավորները կամավոր չեն հանձնում իշխանությունը»

Սերժ Սարգսյանի հրաժարականից ու Կարեն Կարապետյանի հայտարարություններից հետո ստեղծված իրավիճակում քաղաքացիական խաղաղ անհնազանդությունը նոր թափ է հավաքում: Չնայած հանրահավաքի կոնկրետ ժամ է հայտարարվում՝ այնդուհանդերձ, մինչ այդ մարդիկ հարմար դիրքավորվում են, պատրաստվում երեկոյան ժամը 19:00–ին: Հանրահավաքից դեռ ժամեր առաջ Հանրապետության հրապարակում էին նաև ազատամարտիկները:

«Արաբո» ջոկատի հրամանատար Մանվել Եղիազարյանը ջոկատի մյուս անդամների, «Սև հովազ» ջոկատի հրամանատար Ռուստամ Գասպարյանի հետ էր եկել Հանրապետության հրապարակ:

Մանվել Եղիազարյանը, «Փաստ»–ի հետ զրույցում անդրադառնալով պայքարի ավելի քան 11 օրերի ընթացքում կատարված իրադարձություններին, ժողովրդի համախմբվածությանը, նախ նշեց. «Մարդկանց դրել են այնպիսի վիճակում, որ անգամ փոքր երեխան ու կինն են դուրս եկել փողոց՝ իրենց դժգոհությունը արտահայտելու: Սա մեր ապրած ժամանակների ամոթն է. իշխանություններն այնպիսի իրավիճակի մեջ են դրել մարդկանց, որ նրանք անընդհատ իրենց դժգոհությունն են հայտնում մասսայական անհնազանդությամբ»:

Նշենք, որ Ազգային ժողովի «Ելք» խմբակցության պատգամավոր, «Իմ քայլը» նախաձեռնության առաջնորդ Նիկոլ Փաշինյանի պահանջներից 3–ը դեռ չի կատարվել: Այն է՝ վարչապետ է ընտրվում ժողովրդի թեկնածուն, ձևավորվում է ժամանակավոր կառավարություն: 4–րդ պահանջն էլ հետևյալն է. ՀՀ օրենսդրությամբ վարչապետ նշանակվելուց 20 օր հետո ԱԺ–ը պետք է հավանություն տա Կառավարության ծրագրին, երբ ձևավորվում է ժամանակավոր կառավարություն, քաղաքական համաձայնության համաձայն, ԱԺ–ը չի ընդունում կառավարության ծրագիրը, ինչից հետո իրավունքի ուժով տեղի են ունենում արտահերթ խորհրդարանական ընտրություններ։

Անդրադառնալով պահանջների չկատարելուն ու ՀՀԿ–ի արձագանքներին, Մանվել Եղիազարյանը նշեց. «Ես ուզում եմ ու ցանկալի է, որ ամեն ինչ խաղաղ ավարտվի, մարդկանց համբերության բաժակն արդեն լցվել է: Բայց ոչ ոք, հատկապես այսպիսի իշխանավորները, կամավոր չեն հանձնում իշխանությունը: Բայց դա էական նշանակություն չունի: Իրավիճակը կպարտադրի հանձնել իշխանությունը և ամեն ինչ անպայման խաղաղ կհարթվի, որովհետև ուժ գործադրելու դեպքում պատասխան չեն կարող տալ»:

«Արաբո» ջոկատի հրամանատարը հանգուցալուծման միայն մեկ ուղի է տեսնում. «Նախ՝ ՀՀ կառավարության հրաժարական: Այնուհետև՝ արմատական փոփոխություններ, որից հետո երկիրը կարգի կգա»:

Աննա Բադալյան
«Փաստ» օրաթերթ

loading...
Վարչապետը ներկայացրել է ՀՀ զինված ուժերի գլխավոր շտաբի պետին Բնապահպանները կազմել են Եվրոպայի քաղաքների Էկոշարժունակության վարկանիշը Մանե Թանդիլյանը կառավարությանն առաջարկել է կուտակային համակարգի պարտադիր նորմը հետաձգել մեկ տարով Մովսես Հակոբյանը նշանակվել է գլխավոր ռազմական տեսուչ Նիկոլ Փաշինյանը նոր փոխնախարարներ է նշանակել Գարեգին Չուգասզյանը դադարեցրել է հացադուլը Հերթական անգամ կանխվել է Իրանից Ադրբեջան թմրանյութերի խոշոր խմբաքանակի ներկրումը Նիկոլ Փաշինյանը հյուրընկալել է Ամենայն Հայոց Կաթողիկոսին ՊԵԿ նախագահը կոչ արեց դրական տեղաշարժերը չպայմանավորել պաշտոնյաների անձերով Կարո Եղնուկյանը 10 միլիոն դրամ գրավ մուծելու դեպքում ազատ կարձակվի Հայաստանի Հանրապետությունում քաղբանտարկյալներ չպետք է լինեն. ՀՀ նախագահ «Մենք պետք է բացառենք քաղբանտարկյալների առկայությունը Հայաստանում». Վարչապետն անդրադարձավ ՄԻԵԴ վճռին Ֆրանսիան ապօրինի Է համարում ԱՄՆ-ի պատժամիջոցները Իրանի հետ գործակցող եվրոպական ընկերությունների դեմ Օրական մեկ հավկիթ` երկարակեցության համար Կարող ենք պայքարել ամեն թիմի դեմ էլ. Էրիկ Վարդանյան Վիսկոնսինում բեռնատարը բախվել Է դպրոցական ավտոբուսին, տուժել Է քսան մարդ. AP Ցուկերբերգի հետ հանդիպումը հուսախաբ Է արել Եվրախորհրդարանի պատգամավորներին Լեհ գրող Օլգա Տոկարչուկը դարձել Է Միջազգային Բուքերյան մրցանակի դափնեկիր Իսրայելն աշխարհում առաջինն Է F-35-ը կիրառել մարտում Հրապարակվել Է Սպիտակ ծովում «Բուլավա» հրթիռների արձակման տեսագրությունը Նյու Յորքի ֆոնդային սակարանն առաջին անգամ կին կգլխավորի Ալեքսանդր Եսայանը կշարունակի զբաղեցնել ԻՏՁՄ նախագահի պաշտոնը Վախճանվել Է գրող Ֆիլիպ Ռոթը. The New York Times
Այսօր Այս շաբաթ Այս ամիս
website by Sargssyan