Ереван, 20.Ноябрь.2018,
--
:
--
,

Դիմակավորվածները լրագրողներին վնասել են հարվածելով քարերով և էլեկտրաշոկով. Գնդապետ Օսիպյանը պնդում է, թե էլեկտրաշոկ միայն ոստիկանությունն ունի

Ապրիլի 22-ին Էրեբունի Սոֆիայի փողոցների խաչմերուկի հատվածում մի խումբ դիմակավորված անձանց կողմից խաղաղ ցուցարարներ հարձակման էին ենթարկվել:  Այդ ընթացքում բռնության էր ենթարկվել նաև shantnews.am-ի լրագրող Արտակ Խուլյանը:

«Խաղաղ ցույցի մասնակիցները քայլում էին Էրեբունի փողոցով, այդ ընթացքում Սոֆիայի և Էրեբունի փողոցների խաչմերուկի հատվածից բժշկական դիմակներով, քարերով, մահակներով և էլեկտրաշոկով զինված մարդիկ հարձակվեցին ցուցարարների, այդ թվում լրագրողների և օպերատորների վրա: Քարեր էին նետում մարդկանց վրա: Դիմակավորվածներից մեկը եկավ իմ ուղղությամբ գլխիս հարված հասցրեց և էլեկտրաշոկ գործի դրեց: Ավելի ուշ իմացա, որ ինձ հետ աշխատող օպերատորին՝ Սեյրան Վանցյանին նույնպես էլեկտրաշոկով հարվածել էին»,- Past.am-ին փոխանցեց Ա. Խուլյանը:

Ինչպես երևում է համացանցում հրապարակված տեսանյութերից, դիմակավորված անձինք հայհոյախառն արտահայտություններ գոռալով հարձակվել և ցույցին մասնակցող ամենատարբեր տարիքի ու սեռի մարդկանց են ոտնատակ արել: Ամենազավեշտալին, սակայն ոստիկանների պասիվ ներկայությունն է եղել, ովքեր նման դեպքերում՝ խաղաղ ցուցարարների հանդեպ իրականացվող բռնի գործողությունների դեպքերում ոչինչ ո՛չ «տեսնում» են, ո՛չ «լսում» են, ու ո՛չ էլ «իմանում»:

Past.am-ին հասած տվյալների համաձայն սակայն, նշված վայրում խաղաղ ցուցարարների վրա հարձակված դիմակավորված անձինք՝ ովքեր այդ պահին ընկալվել են որպես «թաղի տղաներ», ուժային կառույցներից մեկի ղեկավարի թիկնապահի «տղաներն» են եղել: Հրապարակված կադրերում պարզ երևում է, որ նրանք բոլորը նույն վայրից են մոտենում, ինչը վկայում է, որ նրանք ոչ միայն ինչ-որ մեկի կողմից ուղղորդված, այլև «պատրաստված» են եղել, ինչի մասին վկայում են նրանց մոտ գտնվող էլեկտրաշոկերը, ինչը, ինչպես հայտնի է, հնարավոր չէ խանութից ձեռք բերել:

Երևանի փոխոստիկանապետ Վալերի Օսիպյանը պատասխանելով Past.am-ի՝ ոստիկանության կողմից անգործություն ցուցաբերելու կամ առանց զգուշացնելու մարդկանց ուղղությամբ արցունքաբեր նռնակներ կիրառելու դեպքերի հարցին նշեց, որ ոստիկանությունը որևէ մեկի դեմ ուժ կիրառելու ցանկություն չունի և անկախ նրանից ԲՏՌ, ինքնաթիռ, թե սուզանավ է մի տեղից մյուսը տեղափոխվում, կատարվում է օրենքի շրջանակներում:

«Եթե ձեզ թվում է, թե ոստիկանը քնում է ու երազում է, թե երբ է առավոտյան լույսը բացվելու, որ գա ձեզ հետ քաշքշուկ ստեղծի՝ չարաչար սխալվում եք: Եթե այսօր լուրջ բախումներ տեղի չեն ունենում, չնայած, որ այս երթերը խախտում են մնացած քաղաքացիների ազատ տեղաշարժվելու իրավունքը, դա ոստիկանների շնորհիվ է»,- ասաց Վ. Օսիպյանը:

Իսկ ինչպես է պատահում, որ մի դեպքում ոստիկանները չտեսնելու են տալիս խաղաղ ցուցարարների և լրագրողների վրա հարձակման դեպքերը, իսկ մյուս դեպքում արցունքաբեր նռնակներ օգտագործելուց առաջ ոստիկանության կողմից նախապես երեք անգամ չեն զգուշացվում, որպեսզի ցուցարարներն ու տեղում աշխատող լրագրողները վնասվածքներ չստանան, Վ. Օսիպյանը պատասխանեց. «Եթե կան լրատվամիջոցների ներկայացուցիչներ և լրագրողներ, որոնք տուժել են, թեպետ ինչքան որ ես տեղեկացված եմ, որևէ մեկը չի դիմել, ես ինքս ներողություն եմ խնդրում լրատվամիջոցներին: Սակայն, ոստիկանությունը հայտարարություն է տարածել, որը վերաբերում է լրատվամիջոցներին: Եվ այն վայրերում, որտեղ ոստիկանությունը գործողություն է իրականացնում, խնդրում ենք չխանգարել ոստիկանների օրինական պահանջները: Ինչ վերաբերում է էլեկտրաշոկերին, այն գտնվում է  ոստիկանության հաշվեկշռում և դրա օգտագործումը կարգավորվում է ոստիկանության մասին օրենքով և որոշ նորմատիվ իրավական ակտերով»,-ասաց Վ. Օսիպյանը:   

Արմինե Գրիգորյան
«Փաստ» օրաթերթ

loading...
Депутат в шелках и миллиардных долгах Данные ЦАМТО ошибочны- у Армении есть “Искандер” и “БУК” Министр обороны доложил президенту о старте новой программы социальной помощи семьям погибших или ставших инвалидами военнослужащих Карен Карапетян подчеркнул важность проектов, направленных на качественные изменения в сфере ИТТ Саакашвили уходит с поста губернатора Одесской области, виной тому – Порошенко Телеканал «Россия»: Россия и Армения ведут честную игру КРОУ склонна к снижению тарифа на электроэнергию Республиканская партия Армении не пойдет на кардинальные изменения во внешней или внутренней политике Виталий Баласанян назначен секретарем Совбеза НКР Для необеспеченных слоев населения тариф на газ составил 100 драмов Обновление ОДКБ идет на пользу Армении Президент потребовал постоянного внимания к регулированию дорожного движения "Газпром Армения" представила основные цели и факторы изменения газовых тарифов Азербайджан применил на линии соприкосновения гранатометы Армения – единственная в мире страна, где «воров в законе» не сажают – российская пресса «Газпром Армения» обратится в КРОУ по вопросу о пересмотре газовых тарифов Азербайджан более 55 раз нарушил режим перемирия Новая книга о Карсе и необходимости переосмыслить идею независимости Первопрестольный Эчмиадзин хотел бы видеть на престоле Константинопольского патриарха епископа Саака Машаляна Российские и сирийские ПВО выдворили турок из воздушного пространства Сирии Китайский М20 не может стать реальным конкурентом «Искандера»: его качество сомнительно Согласится ли Гагик Царукян возглавить новую партию? Новое кадровое назначение: главу ГСБПП Армена Айрапетяна сменит Ишхан Карапетян В приграничном Кохбе освящена новая церковь Сурб Григор Лусаворич Тема карабахского урегулирования уже давно не обсуждается в ходе встреч президентов (видео)
Сегодня За неделю За месяц
website by Sargssyan