Nyut.am | Ազգային ժողով են ժամանում «Ելք» խմբակցության պատգամավորները
Yerevan, 21.August.2018,
--
:
--
,

Ազգային ժողով են ժամանում «Ելք» խմբակցության պատգամավորները

 



ՀՀ Ազգային ժողով են ժամանում «Ելք» խմբակցության պատգամավորները. ապրիլի 17-ին պետք է կայանա ՀՀ վարչապետի ընտրության հարցի քննարկման հատուկ նիստը: Սկզբում ԱԺ շենք մտավ Մանե Թադիլյանը, այնուհետև Արամ Սարգսյանը, ապա՝ Էդմոն Մարուքյանը: Լրագրողների հետ զրույցում Արամ Սարգսյանն ասաց, որ եթե քվորում չապահովվի, ինքն էլ չի մտնի նիստերի դահլիճ: «Հարցեր չեմ տալու, ելույթը չեմ լսելու, նստելու եմ կաբինետումս: Հենց գա մեր ելույթ ունենալու ժամանակը, մտնելու եմ գրանցվեմ ելույթի և ելույթ ունենամ»,-ասաց նա:

Էդմոն Մարուքյանը պատրաստվում է մասնակցել Ազգային ժողովի հատուկ նիստին և ելույթ ունենալ վարչապետի ընտրության հարցի քննարկմանը: «Եթե նիստը կայանա, ապա մենք պետք է անպայման մասնակցենք, ելույթներ ունենանք ու արտահայտենք մեր դիրքորոշումը»,-ասաց Մարուքյանը: Նրա տեղեկություններով՝ մեծամասնության պատգամավորներն արդեն Ազգային ժողովի շենքում են, պատրաստվում են վարչապետի ընտրության հարցի քննարկմանը:

Մարուքյանը նաև նշեց, որ չի ափսոսում «Ելք»-ի իր գործընկեր Նիկոլ Փաշինյանի պայքարին չմիանալու համար` ընդգծելով, որ բոլոր իրադարձությունները, որոնց մասին իրենք ասում էին Նիկոլ Փաշինյանին պայքարը սկսելուց առաջ, իրականություն են դառնում: էդմոն Մարուքյանը շեշտեց, որ շարունակում է հավատարիմ մնալ իր սկզբունքներին, որոնց մասին հայտարարել է. դրանք չեն փոխվել: Քաղաքացիների մասնակցությունը ցույցերին իրենց չի մղի մասնակցելու Նիկոլ Փաշինյանի ձեռնարկած գործողություններին: «Մեր որոշումները կապ չունեն քաղաքացիների մասնակցության հետ, ինչպես ասել ենք, եթե բռնություն լինի, կգանք կմիջամտենք, այդ որոշումը ուժի մեջ է»,-նշեց «Ելք»-ի պատգամավորը: Նրա խոսքով` ոստիկանության կողմից քաղաքացիներին բերման ենթարկելու դեպքում էլ կգնան բաժիններ, ըստ նրա` դա է այն քայլը, որ իրենք որպես պատգամավորներ, պետք է անեն:

ՀՀ Ազգային ժողովի «Հայաստանի Հանրապետական կուսակցություն» և «Հայ Յեղափոխական Դաշնակցություն» խմբակցություններն ապրիլի 16-ի համատեղ նիստում միաձայն որոշել են ՀՀ վարչապետի պաշտոնում առաջադրել ՀՀԿ նախագահ, ՀՀ երրորդ նախագահ Սերժ Սարգսյանի թեկնածությունը: Ապրիլի 14-ին ՀՀԿ խորհուրդը ևս միաձայն հավանություն էր տվել կուսակցության գործադիր մարմնի առաջարկին՝ վարչապետի պաշտոնում առաջադրել Սերժ Սարգսյանի թեկնածությունը:

Ապրիլի 9-ից Հայաստանն անցել է կառավարման խորհրդարանական համակարգին: Նույն օրը երդվել ու պաշտոնը ստանձնել է ՀՀ Նախագահ Արմեն Սարգսյանը: Հայաստանը նոր կառավարման համակարգում վարչապետի՝ ԱԺ նիստում՝ բաց քվեարկությամբ ընտրելուց հետո նոր կառավարություն կունենա 20-օրյա ժամկետում. հնգօրյա ժամկետում հանրապետության նախագահին են ներկայացվելու կառավարության անդամների թեկնածուները: Դրանից հետո 15-օրյա ժամկետում պետք է կառավարության 2/3-ը նշանակված լինի: Երբ նախագահի կողմից կառավարության 2/3-ը նշանակված լինի, կազդարարվի նոր կառավարության ձևավորումը:

loading...
Four men took own lives after webcam blackmail Katy Perry gets charity award for her work with children from Hillary Clinton Philip Morris could stop making conventional cigarettes Trump eyes ex-Goldman banker Steve Mnuchin for Treasury CIA chief warns Trump: Scrapping Iran deal 'height of folly' Thousands 'miss out on stroke treatment' Samsung Electronics considers splitting firm in two South Korea's President Park 'willing to resign' Brazil Chapecoense football team in Colombia plane crash Bird flu: Netherlands culls 190,000 ducks Trump dismisses Wisconsin recount drive as 'scam' Fidel Castro death: Cubans mourn ex-leader Women in science pledge to combat hate Black Friday and Cyber Monday: Five tips for spotting a bargain Lung cancer cells spread like unanchored tents, study says Abducted California woman Sherri Papini found after three weeks Brazil president Michel Temer accused of corruption Predatory bacteria can wipe out superbugs, says study Catherine Zeta-Jones takes aim at paparazzi with 'better' bikini photos Colombia signs new peace deal with Farc Israel fires: Tens of thousands flee as fires hit Haifa Shia pilgrims among more than 80 killed in IS attack in Iraq Climate changing 'too fast' for species
Today For week For Month
website by Sargssyan