Երևան, 22.Հուլիս.2018,
--
:
--
,

Պատմության խոսուն վկաները. «Արարատ-73»-ի փառավոր հաղթանակին նվիրված գավաթը պահվում է Հայաստանի պատմության թանգարանում

«Արարատ-73»-ի փառավոր հաղթանակին նվիրված ոսկե գավաթը, որը Հայաստանի ֆիզկուլտուրայի և սպորտի կոմիտեն 1974թ. հանձնեց Հայաստանի պատմության թանգարանին, պատրաստված է 5830 հարգի ոսկուց, դրված է փայտյա պատվանդանի վրա, ունի կափարիչ: «Արմենպրես»-ի հետ զրույցում Հայաստանի պատմության թանգարանի հնագիտության բաժնի ավագ գիտաշխատող Ջուլիետտա Կարապետյանն ասաց, որ այն ակումբին նվիրել են բեյրութահայերը: «Կափարիչի վրա ֆուտբոլի գնդակ է: Գավաթի մակերեսին Արարատ լեռան պատկերն է՝ գնդակի հետ երկու ֆուտբոլիստի պատկերներով: Վրան գրություն է. «Երախտագետ սփյուռքին կողմե հայրենի ախոյան և բաժակակիր «Արարատին»-ին. նախաձեռնություն «Արարատ» օրաթերթի, Լիբանան-1973»»,-ասաց նա:

Հայաստանի պատմության թանգարանում է պահվում նաև «Արարատ» ակումբի նշանավոր գնդակը, որով նրանք նվաճեցին հաղթանակը: Այն թանգարանին է նվիրել «Արարատ» ակումբը 1973թ.: Գնդակի վրա իրենց ստորագրությունն են թողել հաղթանակած թիմի անդամներն ու մարզիչները:

Հայկական ֆուտբոլը փառքի օլիմպոսին հասցրած «Արարատ» ֆուտբոլային ակումբը ստեղծվել է 1935թ.` Վռամշապուհ Մերանգուլյանի գլխավորությամբ: Հիմնադրման ժամանակ ակումբը կոչվում էր Երևանի «Սպարտակ», 1938 թ-ին  ստանում է «Դինամո» անվանումը։ 1954-1962 թթ. կրկին վերանվանվում է «Սպարտակ», իսկ 1963 թվականից մինչ օրս ակումբը կրում է պատմական «Արարատ» անվանումը։

1971 թվականից սկսվում են «Արարատ»-ի վերելքի տարիները։ Նախ նույն թվականին թիմը տիրանում է ԽՍՀՄ առաջնության արծաթե մեդալներին։ Հաջորդ տարի թիմի մարզիչն է դառնում ԽՍՀՄ-ում ճանաչված ֆուտբոլիստ, Մոսկվայի «Սպարտակ»-ի բոլոր ժամանակների լավագույն ռմբարկու, փայլուն մարզիչ Նիկիտա Սիմոնյանը։

1973թ. իր պատմության ընթացքում առաջին անգամ «Արարատ»-ը դարձել է ԽՍՀՄ չեմպիոն և գավաթակիր: Դա մեծագույն նվաճում էր ամբողջ ԽՍՀՄ տարածքում, որը ռուսներն անվանեցին «Հայկական ֆուտբոլի բում»։ Ցուցաբերած խաղի համար ակումբն արժանացել է 4  թիմային մրցանակի՝  «Ագրեսիվ հյուր»,  «Գրիգորի Ֆեդոտովի անվան»,  «Մրցանակ մեծ հաշվի համար» և խփած ու բաց թողած գնդակների լավագույն տարբերության համար: Ակումբի ութ ֆուտբոլիստներ ընդգրկվել են  ԽՍՀՄ  առաջնության  մրցաշրջանի «33  լավագույնների»  ցանկում:

Խորհրդային տարիներին «Արարատ» ակումբում բազմաթիվ բարձրակարգ ֆուտբոլիստներ էին հանդես գալիս: 70-ական թվականների պատմական հաղթանակներում իրենց անգնահատելի ներդրումն են ունեցել Արկադի Անդրիասյանը, Լևոն Իշտոյանը, Հովհաննես Զանազանյանը, Էդուարդ Մարկարովը, Ալյոշա Աբրահամյանը և «Արարատ-73»-ի բոլոր մյուս ֆուտբոլիստները, ովքեր, անկասկած, ֆուտբոլի աստղեր էին:

 

loading...
Գերմանիայի կանցլերի գրասենյակը դեռևս չի մեկնաբանում Հայաստան Մերկելի հնարավոր այցի մասին տեղեկությունը Թուրքիայի քեմալական կուսակցության ազատազրկված պատգամավորը հացադուլ է սկսել Որակյալ կահույքի արտադրություն ու մատչելի գներ․սա «Ավելինո»-ն է Մուշավան թաղամասի հրդեհը մարվել է. դեպքի վայրում էր նաև ԱԻ նախարարը Հայաստանի ՓՄՁ ԶԱԿ-ը նոր տնօրեն ունի Քաղցրավենիք, բուսական պահածոներ ու թանապուր. զորամասերում սննդակարգի փոփոխություններ են իրականացվում Վարչապետ Նիկոլ Փաշինյանի մամուլի ասուլիսը Փաշինյանն օգտակար է համարում Տեր-Պետրոսյանի հետ զրույցը և չի բացառում մյուս նախագահների հետ հանդիպելու հնարավորությունը Ռուսաստանն ունի հնարավորություն թույլ չտալու պատերազմի վերսկսումը տարածաշրջանում. Փաշինյան Հայաստանի Հանրապետությունում արտոնյալ գործարարներ չեն լինի. Փաշինյան «Ադրբեջանցիները վախենում են ճշմարտությունից». սպառնալիքներ ստացող հայազգի բլոգերը տեսանյութ է հրապարակել Երևանից (տեսանյութ) 2021-ից ընդերքօգտագործողները բնապահպանական հարկ են վճարելու թափոնների տեղադրման կամ պահման համար «Տուբերկուլոզի դեմ պայքարի ազգային կենտրոն» ՊՈԱԿ-ում հայտնաբերվել են մի շարք չարաշահումներ և խախտումներ Արարատ Միրզոյանն ԱՄՆ կոնգրեսականին հայտնել է Հայաստանում մինչև ապրիլ ընտրություններ անցկացնելու մտադրության մասին «Դարաշրջանն» ու «Դվին 2018»-ը մշակութային Հայաստանում Պետությունը մշակույթին պիտի խանգարի, չխանգարի, օգնի, անտեսի, վերահսկի. կարծիքներ հանդիպում-քննարկումից Ճանաչեք հին Երևանը. «Քաղաք» պանդոկ «Վահանագեղձի հանգույցներ». խնդիրներն ու բուժումները Արմեն Վարժապետյանի գրքում Նախագահը ընթրիք-հանդիպում է ունեցել հայտնի կինոգործիչների հետ Արմեն Արզումանյանը նշանակվել է ՀՀ տրանսպորտի, կապի եւ տեղեկատվական տեխնոլոգիաների նախարարի տեղակալ Ոչ մի բան չանեինք, կարող է՝ ավելի լավ լիներ. կրթության փորձագետը՝ բարեփոխումների վերաբերյալ Սպանություն Գեղարքունիքում. երկու անձ ձերբակալվել է Գավառ քաղաքից 21 կմ դեպի արևմուտք երկրաշարժ է գրանցվել
Այսօր Այս շաբաթ Այս ամիս
website by Sargssyan