Երևան, 20.Մարտ.2019,
--
:
--
,

Արման Մելիքյան. «Ադրբեջանական զորավարժությունները պետք է ընկալել որպես պատերազմի հնարավոր վերսկսման նախերգանք»

 

Արցախի Հանրապետության նախկին արտգործնախարար Արման Մելիքյանը դրական է գնահատում ՌԴ Դաշնային ժողովի Դաշնության խորհրդի միջազգային գործերի կոմիտեի նախագահ Կոնստանտին Կոսաչովի հայտարարությունն այն մասին, որ Ռուսաստանը կրճատելու է Ադրբեջանին զենքի վաճառքի ծավալները:

«Ինչ խոսք, գուցե ավելի ծանրակշիռ կհնչեր այդօրինակ հայտարարությունը, եթե բարձրաձայնվեր ՌԴ նախագահի կամ զինավաճառության ոլորտը համակարգող փոխվարչապետի կողմից, բայց անգամ ՌԴ Դաշնային ժողովի Դաշնության խորհրդի միջազգային գործերի կոմիտեի նախագահի խոսքն այս համատեքստում քաղաքական հստակ լիցք է պարունակում»,- «Փաստ» օրաթերթի հետ զրույցում ընդգծեց պարոն Մելիքյանը` հուսալով, որ ամենամոտ ապագայում ռուսական կողմն առարկայական ու տեսանելի քայլեր կկատարի:

Մեր հարցին՝ ի՞նչն է ստիպել, որ ռուսական շրջանակներից նման հայտարարություն հնչի, Մելիքյանը պատասխանեց. «Հայ պաշտոնատարներն իրենց երկկողմ ու բազմակողմ հանդիպումների ընթացքում բազմիցս են բարձրաձայնել այդ խնդիրը: Առավել հավանական եմ համարում, որ Ռուսաստանի կողմից Ադրբեջանին զենքի վաճառքի խնդիրն արծարծվել է նաև պարոն Կոսաչովի երևանյան հանդիպումների ընթացքում, ինչը և խթան է հանդիսացել, որ վերջինս հանդես գա վերոհիշյալ հայտարարությամբ»:

Նախկին արտգործնախարարն անդրադարձավ նաև Արցախի նախագահ Բակո Սահակյանի ամերիկյան այցին: Ըստ նրա՝ Արցախի բարձրագույն պաշտոնյաների միջազգային այցերն ու հանդիպումներն օգտակար են հատկապես այն տեսանկյունից, որ հնարավորություն են ընձեռում արցախահայության շահերն ու նպատակները չմիջնորդավորված ներկայացնել օտար քաղաքական, հասարակական շրջանակներին ու մասնագիտորեն մեր տարածաշրջանով զբաղվող վերլուծաբաններին: «Այդուհանդերձ, քանի դեռ արցախյան իշխանական շրջանակները նոր քաղաքական նախաձեռնություններով հանդես գալու նպատակ չեն հետապնդում, իմաստ չունի այսօրինակ այցելություններից և տարաբնույթ հանդիպումներից լուրջ արդյունքներ ակնկալել»,-նշեց մեր զրուցակիցը:

Խոսելով ադրբեջանական զորավարժությունների վտանգների մասին՝ Մելիքյանն ընդգծեց. «Երբ մեր հանդեպ թշնամանք տածող Ադրբեջանը զորավարժություններ է անցկացնում` դրանցում ներգրավելով իր զինված ուժերի համարյա հիսուն տոկոսը, ապա դա պետք է մեր կողմից ընկալվի որպես պատերազմի հնարավոր վերսկսման նախերգանք»: Նրա խոսքով՝ մենք պետք է պատրաստ լինենք հակառակորդի անակնկալ հարձակմանը և հակահարված տալուն:

«Եթե պաշտոնական Երևանն ավելի շրջահայաց ու հեռատես լինի բանակցային գործընթացի շրջանակներում կիրառվող իր մոտեցումներում, ապա հնարավոր է էապես նվազեցնել լարվածությունը նաև ճակատային գծի երկայնքով, բայց նման գործելակերպի մեր պատասխանատուները,թերևս, դեռ պատրաստ չեն»,-եզրափակեց Արման Մելիքյանը:

Լևոն Փանոսյան

 

loading...
«Թակարդ»-ի թակարդում Կարելիությունից անդին. Աշոտ Աղաբաբյանի «Թակարդ» գրքի մասին. armtimes «Բուկինիստի» տնօրեն Խաչիկ Վարդանյանը՝ Աշոտ Աղաբաբյանի «Թակարդ» վեպի մասին Սա՞ է հայրենիքի գնահատանքը լեգենդար հետախույզին Բարի տարեդարձ, սիրելի գրող Բոլոր զինվորականները կկրեն «Աշոտ Երկաթ» խաչ-կրծքանշանը Փաշինյանը տիկնոջ հետ այցելել է Մանսուրյանին Նիկոլ Փաշինյանի և գրող Աշոտ Աղաբաբյանի վեպերը՝ հոկտեմբերի բեսթսելլերներ Հայտարարություն ՀՀ նախագահի մրցանակի մասին «Բարսելոնա» - «Ինտեր». ուղիղ հեռարձակում Արծրուն Պեպանյանի նոր գիրքը Ջասթին Թրյուդոն Հայաստանում կանադական ընկերություններին հետաքրքրող ներդրումների մեծ ներուժ է տեսնում Հայաստանում լինելու է ամենածավալուն համաներումը. Արտակ Զեյնալյան Ֆրանսիան երբե´ք չի մոռանա և կպայքարի ճանաչման համար. Մակրոնի գրառումը Հայոց ցեղասպանության թանգարան- ինստիտուտի հուշամատյանում Հավատարիմ ենք մեզ միավորող կապերին, որոնք բնորոշվում են «Ապրել միասին Ֆրանկոֆոնիայում» գաղափարախոսությամբ. ՀՀ վարչապետի ելույթը Ֆրանկոֆոնիայի գագաթնաժողովի մասնակիցները ջերմ ծափահարություններով ողջունեցին Շառլ Ազնավուրի հավերժական ներկայությունը Հայաստանը ԼՂ հակամարտության կարգավորման բանակցային գործընթացի փոփոխության հարց չի դնում. Նիկոլ Փաշինյան Հույս ունեմ հաստատվել Հայաստանում նվիրվելու համար ծրագրերին, որ հայրս նախաձեռնել էր այնտեղ. Նիկոլա Ազնավուր Թունավորման վարկած. ՌԴ ՔԿ-ն նորից կուսումնասիրի գործարար Լևոն Հայրապետյանի մահվան հանգամանքները Աշոտ Աղաբաբյանը «Քննարկում» հաղորդաշարի հյուրն է. ուղիղ եթեր
Այսօր Այս շաբաթ Այս ամիս
website by Sargssyan