Երևան, 22.Հուլիս.2018,
--
:
--
,

Աշխատանքից ազատված դասախոսները կդիմեն ՀՔԾ



Վերջին մի քանի ամիսների ընթացքում ուշադրության կենտրոնում հայտնված Շիրակի պետական համալսարանի ռեկտոր Սահակ Մինասյանը համալսարանի երկու դասախոսներին աշխատանքից ազատելու հրաման է ստորագրել: Խոսքը բուհի դասախոս, քաղաքագետ Գագիկ Համբարյանի և ՇՊՀ «Սոցիալական գիտությունների և իրավունքի» ֆակուլտետի «Պատմության և փիլիսոփայության» ամբիոնի վարիչի ժամանակավոր պաշտոնակատար և ամբիոնի դոցենտ Հովհաննես Խորիկյանի մասին է: Հիշեցնենք, որ բուհի նշված աշխատակիցները տևական ժամանակ է, ինչ բարձրաձայնում են բուհում առկա խնդիրների մասին: Ավելի վաղ՝ Սահակ Մինասյանը Գիտխորհրդի արտահերթ նիստ էր հրավիրել և որոշում էր ընդունել էթիկայի հանձնաժողով ձևավորել: Ինչպես մեզ հետ զրույցում հայտնել էր Գ. Համբարյանը, Էթիկայի հանձնաժողովը 10 օրվա մեջ պետք է քններ ու եզրակացություն տար իրենց հրապարակային գործունեության մասին:

Անդրադառնալով աշխատանքից ազատելու մասին որոշմանը` Գ. Համբարյանը «Փաստ»–ի հետ զրույցում նշեց, որ իրեն մեղադրում են «գույքի հափշտակման» և «պարտականությունները ոչ պատշաճ կատարելու» մեջ:

«Մինչդեռ մենք ինքներս ենք Ս. Մինասյանին մեղադրել բուհի ֆինանսական ռեսուրսները փոշիացնելու, գրադարանային ֆոնդի կեսից ավելին ոչնչացնելու մեջ ու նաև ապացույցներ ենք ներկայացրել: Հիմա նա այդ ամենը փորձում է մեր դեմ ուղղել: Ի դեպ՝ շատ հետաքրքիր էր, որ սա տեղի ունեցավ այն բանից հետո, երբ ՇՊՀ այցելեցին Ազգային ժողովի գիտության, կրթության, մշակույթի, երիտասարդության և սպորտի հարցերով մշտական հանձնաժողովի պատգամավորները՝ պարոն Վարդան Բոստանջյանի գլխավորությամբ: Նա լրագրողներին հարցազրույց էր տվել ու հայտարարել, որ մեր կողմից բերված գրեթե բոլոր փաստարկներն ապացուցված են, և պարոն Մինասյանը կոպտորեն խախտել է բուհի կանոնադրությունն ու այլ անօրինություններ գործել: Ի դեպ՝ Ս. Մինասյանի յուրայինները բուհում տեղեկություններ են տարածում, որ այս ամենի հետևում ոչ թե Ս. Մինասյանն է, այլ ԿԳ նախարար Լևոն Մկրտչյանը: Բացի այդ, պարոն Մինասյանը նշել է, թե մեզ աշխատանքից ազատել է, այսպես կոչված, էթիկայի հանձնաժողովի որոշման հիման վրա»,–ասաց Գ. Համբարյանը՝ հավելելով, որ ի սկզբանե չեն վստահել էթիկայի հանձնաժողովի անդամներին:

«Նրանք պարոն Մինասյանի յուրայիններն են, և էթիկայի հանձնաժողովում որևէ արդար քննություն մենք չէինք ակնկալում: Առավել ևս՝ ինձ համար շատ զարմանալի էր, որ էթիկայի հանձնաժողովը քննելու էր իմ հրապարակային գործունեությունը: Իրենք և՛ ինձ, և՛ պարոն Խորիկյանին փորձում են մեղադրել բուհը վարկաբեկելու մեջ: Սա այն դեպքում, երբ բոլոր գրառումներն անելուց ու հարցազրույցները տալուց ապացույցներ ենք ներկայացրել: Հիմա, սակայն, պարզվեց, որ Հայաստանի Հանրապետությունում արդարադատությունն այսպիսին է. եթե բարձրաձայնում ես վերադասի անօրինականությունների, շատ դեպքերում նաև հանցագործությունների մասին, նման վերաբերմունքի ես արժանանում»,– նշեց մեր զրուցակիցը:

Նա նշեց, որ ԿԳՆ–ն լռում է ներկայացված բոլոր խնդիրների վերաբերյալ. «Լռում է նաև ՀՀ դատախազությունը և մեր հրապարակումների և հայտարարությունների հիման վրա քրեական գործեր չի հարուցում: Պարոն Մինասյանը բացահայտ ապացուցում է, որ ինքը շատ հզոր պաշտպանյալներ ունի»:

Իսկ հարցին, թե իրենց իրավունքները վերականգնելու ուղղությամբ ի՞նչ քայլեր են պատրաստվում իրականացնել դասախոսները, Գագիկ Համբարյանը հայտնեց, որ անպայման դիմելու են ՀՀ հատուկ քննչական ծառայություն. «Կդիմենք նաև դատարան: Ես նաև ակնկալում եմ, որ իրավապաշտպան հասարակական կազմակերպությունները ևս իրենց խոսքը կասեն այս «բեսպրեդելության» և խուլիգանության կապակցությամբ: Մենք վեց ամիս է պայքարում ենք պարոն Մինասյանի բազմաթիվ անօրինականությունների, ապօրինությունների և հանցագործությունների դեմ և որևէ անգամ չենք թերացել մեր աշխատանքային պարտականությունների մեջ»:

Աննա Բադալյան

«Փաստ օրաթերթ»

loading...
Գերմանիայի կանցլերի գրասենյակը դեռևս չի մեկնաբանում Հայաստան Մերկելի հնարավոր այցի մասին տեղեկությունը Թուրքիայի քեմալական կուսակցության ազատազրկված պատգամավորը հացադուլ է սկսել Որակյալ կահույքի արտադրություն ու մատչելի գներ․սա «Ավելինո»-ն է Մուշավան թաղամասի հրդեհը մարվել է. դեպքի վայրում էր նաև ԱԻ նախարարը Հայաստանի ՓՄՁ ԶԱԿ-ը նոր տնօրեն ունի Քաղցրավենիք, բուսական պահածոներ ու թանապուր. զորամասերում սննդակարգի փոփոխություններ են իրականացվում Վարչապետ Նիկոլ Փաշինյանի մամուլի ասուլիսը Փաշինյանն օգտակար է համարում Տեր-Պետրոսյանի հետ զրույցը և չի բացառում մյուս նախագահների հետ հանդիպելու հնարավորությունը Ռուսաստանն ունի հնարավորություն թույլ չտալու պատերազմի վերսկսումը տարածաշրջանում. Փաշինյան Հայաստանի Հանրապետությունում արտոնյալ գործարարներ չեն լինի. Փաշինյան «Ադրբեջանցիները վախենում են ճշմարտությունից». սպառնալիքներ ստացող հայազգի բլոգերը տեսանյութ է հրապարակել Երևանից (տեսանյութ) 2021-ից ընդերքօգտագործողները բնապահպանական հարկ են վճարելու թափոնների տեղադրման կամ պահման համար «Տուբերկուլոզի դեմ պայքարի ազգային կենտրոն» ՊՈԱԿ-ում հայտնաբերվել են մի շարք չարաշահումներ և խախտումներ Արարատ Միրզոյանն ԱՄՆ կոնգրեսականին հայտնել է Հայաստանում մինչև ապրիլ ընտրություններ անցկացնելու մտադրության մասին «Դարաշրջանն» ու «Դվին 2018»-ը մշակութային Հայաստանում Պետությունը մշակույթին պիտի խանգարի, չխանգարի, օգնի, անտեսի, վերահսկի. կարծիքներ հանդիպում-քննարկումից Ճանաչեք հին Երևանը. «Քաղաք» պանդոկ «Վահանագեղձի հանգույցներ». խնդիրներն ու բուժումները Արմեն Վարժապետյանի գրքում Նախագահը ընթրիք-հանդիպում է ունեցել հայտնի կինոգործիչների հետ Արմեն Արզումանյանը նշանակվել է ՀՀ տրանսպորտի, կապի եւ տեղեկատվական տեխնոլոգիաների նախարարի տեղակալ Ոչ մի բան չանեինք, կարող է՝ ավելի լավ լիներ. կրթության փորձագետը՝ բարեփոխումների վերաբերյալ Սպանություն Գեղարքունիքում. երկու անձ ձերբակալվել է Գավառ քաղաքից 21 կմ դեպի արևմուտք երկրաշարժ է գրանցվել
Այսօր Այս շաբաթ Այս ամիս
website by Sargssyan