Երևան, 22.Հուլիս.2018,
--
:
--
,

Հայկ Սուքիասյան. «ՀՀ նախագահի ինստիտուտն իջեցրել են երկրի պահակի մակարդակի»


Ըստ քաղաքագետ Հայկ Սուքիասյանի, ընտրված նախագահին շնորհավորելը քաղաքական էթիկայի հարց է և առանձնապես կապ չունի մեծ քաղաքականության հետ, բայց այն, որ Հայաստանի 4–րդ նախագահի ընտրվելուց հետո մի քանի, այն էլ քաղաքական համաշխարհային քարտեզի վրա չերևացող երկրների նախագահներ են շնորհավորել, խոսում է այն մասին, որ մեծ հաշվով այդ պաշտոնն իրենից ոչինչ էլ չի ներկայացնում: Եվ այդ մասին գիտեն նաև այլ երկրների ղեկավարները:

«Բոլորն էլ հասկանում են, որ Հայաստանի Հանրապետության նախագահի պաշտոնը քաղաքական իմաստով որևէ նշանակություն չունեցող պաշտոն է: Հետևապես` օրինակ ԱՄՆ–ի նախագահը մեր երկրի նորընտիր նախագահին կարո՞ղ է շնորհավորել, իմանալով, որ այդ պաշտոնը իրենից ոչինչ էլ չի ներկայացնում: Մի տուն են վարձելու, որ Արմեն Սարգսյանն այնտեղ իր համար «ապրի»: Մեր իշխանություններին թվում է, թե դրսում ոչ մի բան չեն հասկանում: Ընդհանրապես աշխարհում հարիֆներ չկան»,– ասաց Հ. Սուքիասյանը:

Նրա կարծիքով, պարզվում է, որ այնքան էլ այնպես չէ, ինչպես իշխանություններն են ներկայացրել: Հակառակ դեպքում, մտերմությունից ելնելով` նրան կարող էր անգամ Արքայազն Չարլզը շնորհավորել:

«Պարզվում է, որ այնքան էլ այնպես չէ, ինչպես որ ներկայացնում են: Եվ եթե այդքան մոտ են թագավորական ընտանիքի անդամների հետ, ապա ո՞ւր են նրանց շնորհավորանքները: Սա նաև խոսում է մեր երկրի նախագահի ինստիտուտի նկատմամբ ունեցած վերաբերմունքի մասին: Ու եթե ՀՀ նախագահի պաշտոնը համեմատենք, օրինակ, Անգլիայի թագուհու լիազորությունների հետ, որը նույնպես քաղաքական առումով որևէ լիազորություն չունի, սակայն այն ժողովրդի մոտ այնպիսի բարձր հեղինակություն ունի, որ եթե երկրի վարչապետը թագավորական ընտանիքին որևէ հարցով դեմ լինի, ապա կարող է 5 րոպեում կորցնել իր աթոռը»,– ասաց քաղաքագետը:

Նա երկրրի խորհրդարանական համակարգը համեմատում է ռուսական ընտանիքի հետ, որտեղ ընտանիքի գլուխը թեև հայրն է, բայց բոլորն էլ գիտեն, որ ընտանիքը մայրն է ղեկավարում: Հ. Սուքիասյանի կարծիքով նախագահի ինստիտուտի հեղինակությունը կբարձրանա հետագա գործունեության շնորհիվ, բայց հիմա այն չկա, և այդ պատճառով էլ միջազգային հանրությունն առանձնապես ուշադրություն չի դարձնում այդ ինստիտուտում կատարվող գործողությունների վրա:

«Իրականում մեր երկիրը Նիգերիայի տիպի պետություն է իր սոցիալ–տնտեսական, քաղաքական իրավիճակով: Ինչ վերաբերում է հեղինակությանն, ապա մեր երկիրը բավականին բարձր վարկանիշ ունի շատ երկրներից, որը մեծ հաշվով անհատների հեղինակությամբ է պայմանավորված: Եվ ընդհանրապես, Հայաստանը միջազգային հարթակներում բավականին դրական կերպար ունի, իսկ երկրի ունեցած հեղինակությունը համարժեք է հայ ժողովրդի մշակույթի և քաղաքակրթության հեղինակությանը, ոչ թե իշխանությունների, ովքեր ՀՀ նախագահի ինստիտուտն իջեցրել են երկրի պահակի մակարդակի»,– ասաց Հ. Սուքիասյանը:

Քաղաքագետի կարծիքով, սակայն, եթե Արմեն Սարգսյանին հաջողվի ՀՀ նախագահի ինստիտուտի հեղինակությունը բարձրացնել, այդ ժամանակ նրան բոլորն այլ աչքով կնայեն, իսկ ինստիտուտն էլ այլ արժեք կունենա:


Արմինե Գրիգորյան
«Փաստ օրաթերթ»

loading...
Գերմանիայի կանցլերի գրասենյակը դեռևս չի մեկնաբանում Հայաստան Մերկելի հնարավոր այցի մասին տեղեկությունը Թուրքիայի քեմալական կուսակցության ազատազրկված պատգամավորը հացադուլ է սկսել Որակյալ կահույքի արտադրություն ու մատչելի գներ․սա «Ավելինո»-ն է Մուշավան թաղամասի հրդեհը մարվել է. դեպքի վայրում էր նաև ԱԻ նախարարը Հայաստանի ՓՄՁ ԶԱԿ-ը նոր տնօրեն ունի Քաղցրավենիք, բուսական պահածոներ ու թանապուր. զորամասերում սննդակարգի փոփոխություններ են իրականացվում Վարչապետ Նիկոլ Փաշինյանի մամուլի ասուլիսը Փաշինյանն օգտակար է համարում Տեր-Պետրոսյանի հետ զրույցը և չի բացառում մյուս նախագահների հետ հանդիպելու հնարավորությունը Ռուսաստանն ունի հնարավորություն թույլ չտալու պատերազմի վերսկսումը տարածաշրջանում. Փաշինյան Հայաստանի Հանրապետությունում արտոնյալ գործարարներ չեն լինի. Փաշինյան «Ադրբեջանցիները վախենում են ճշմարտությունից». սպառնալիքներ ստացող հայազգի բլոգերը տեսանյութ է հրապարակել Երևանից (տեսանյութ) 2021-ից ընդերքօգտագործողները բնապահպանական հարկ են վճարելու թափոնների տեղադրման կամ պահման համար «Տուբերկուլոզի դեմ պայքարի ազգային կենտրոն» ՊՈԱԿ-ում հայտնաբերվել են մի շարք չարաշահումներ և խախտումներ Արարատ Միրզոյանն ԱՄՆ կոնգրեսականին հայտնել է Հայաստանում մինչև ապրիլ ընտրություններ անցկացնելու մտադրության մասին «Դարաշրջանն» ու «Դվին 2018»-ը մշակութային Հայաստանում Պետությունը մշակույթին պիտի խանգարի, չխանգարի, օգնի, անտեսի, վերահսկի. կարծիքներ հանդիպում-քննարկումից Ճանաչեք հին Երևանը. «Քաղաք» պանդոկ «Վահանագեղձի հանգույցներ». խնդիրներն ու բուժումները Արմեն Վարժապետյանի գրքում Նախագահը ընթրիք-հանդիպում է ունեցել հայտնի կինոգործիչների հետ Արմեն Արզումանյանը նշանակվել է ՀՀ տրանսպորտի, կապի եւ տեղեկատվական տեխնոլոգիաների նախարարի տեղակալ Ոչ մի բան չանեինք, կարող է՝ ավելի լավ լիներ. կրթության փորձագետը՝ բարեփոխումների վերաբերյալ Սպանություն Գեղարքունիքում. երկու անձ ձերբակալվել է Գավառ քաղաքից 21 կմ դեպի արևմուտք երկրաշարժ է գրանցվել
Այսօր Այս շաբաթ Այս ամիս
website by Sargssyan