Ереван, 13.Декабрь.2018,
--
:
--
,

Զգուշացում ունենք. խնդիրը պետք է «վերևներում» լուծվի


ՀՀ–ում ԱՄՆ դեսպան Ռիչարդ Միլսն օրերս իր հարցազրույցում խոսել էր այն հիմնական խոչընդոտի մասին, որը Հայաստանի ամենամեծ մարտահրավերն է: Ըստ դեսպանի՝ երբ տնտեսական, քաղաքական կապեր ունեցող ազդեցիկ մարդիկ իրենց հնարավորություններն ու լծակներն իրենց շահերին են ծառայեցնում՝ անարդար միջավայր է ստեղծվում. «Կարծում եմ՝ կոռուպցիայի այս դրսևորումն ու իշխանության այս տեսակ չարաշահումը շարունակում են մնալ ՀՀ–ի ամենամեծ մարտահրավերը և ամենամեծ խոչընդոտը երկիրը առևտրի և ներդրումների համար գրավիչ դարձնելու»: ՀՀ–ում ԵՄ պատվիրակության ղեկավար Պյոտր Սվիտալսկին նույնպես օրեր անց իր գնահատականն էր տվել: Բրյուսելում «Հայաստանի եվրոպական բարեկամների» կազմակերպած հանդիպմանը նա նշել էր, որ ՀՀ–ի կայուն տնտեսական զարգացման համար խոչընդոտում է չափից ավելի մենաշնորհված համակարգը, ինչի հետևանքով երիտասարդ և տաղանդավոր մարդիկ հեռանում են երկրից:

«Թրանսփարենսի ինթերնեշնլ» հակակոռուպցիոն կենտրոնի ծրագրերի ղեկավար Վարուժան Հոկտանյանի խոսքով՝ դեսպանների մեսիջները պարզ են:
«Ընդ որում՝ ԱՄՆ դեսպանն այս անգամ ավելի էր կոնկրետացրել իր խոսքը՝ ըստ էության, ասելով, որ կոռուպցիան «վերևից» է գալիս: Նա չէր նկարագրում այն, ինչը բնորոշ է կոռուպցիայի ցածր մակարդակ ունեցող երկրներին, երբ «վերևները» մաքուր են, բայց հնարավոր է՝ միջին օղակներում ինչ–որ կոռումպացված պաշտոնյաներ լինեն: Մենք, փաստորեն, զգուշացում ունենք, ըստ որի՝ կա կոռուպցիա, որն առավել վտանգավոր է: Դա այն է, երբ կան որոշակի խմբեր, որոնք բիզնես շահեր ունեն: Իսկ որպեսզի բիզնես շահերը չտուժեն, և իրենք մնան մոնոպոլ վիճակում, խանգարում են թե՛ տեղի, թե՛ արտասահմանյան ներդրողներին: Հիմնական մեսիջն այն է, որ խնդիրը պետք է «վերևներում» լուծվի: Ուրիշ խնդիր է, թե որքանով է հնարավոր, որ «վերևներն» իրենք իրենց դեմ պայքարեն, ինչպես եղավ, օրինակ, Սինգապուրում: Ասել, որ այդպիսի բան հնարավոր չէ, ճիշտ չէ, բայց այն քիչ հանդիպող երևույթ է: Իսկ ավելի տարածված ու ճիշտ օրինակը նորմալ ընտրությունների միջոցով վերնախավերի փոփոխությունն է, ինչի հնարավորությունը ՀՀ–ում ես առայժմ չեմ տեսնում»,– «Փաստ»–ի հետ զրույցում ասաց Վ. Հոկտանյանը:


Իսկ թե ԱՄՆ դեսպանն ինչո՞ւ ավելի կոնկրետացրեց իր խոսքը, մեր զրուցակիցը նկատեց. «Ի վերջո, նրանք շփվում են տեղական ու արտասահմանցի պոտենցիալ ներդրողների և գործարարների հետ: Երբ Պետդեպից բարձրաստիճան պաշտոնյաներ են գալիս, նրանք նույնպես շփվում են գործարարների հետ: Փակ հանդիպումների ժամանակ, բնականաբար, գործարարներն ավելի անկեղծ են ներկայացնում իրավիճակը: Իսկ երբ դա համընկնում է այլ ուսումնասիրությունների և արդյունքների հետ, ստիպում է դեսպանին նման հայտարարությամբ հանդես գալ»:

Գաղտնիք չէ, որ թե՛ ԱՄՆ–ն և թե՛ միջազգային մի շարք կառույցներ կոռուպցիայի դեմ պայքարելու համար ՀՀ կառավարությանը ֆինանսական օժանդակություն են հատկացնում: Նշված դիտարկմանն ու հարցին, թե այս հայտարարություններին կհետևե՞ն պատժիչ քայլեր, որոնք կենթադրեն օժանդակության որոշակի նվազեցում, Վ. Հոկտանյանը պատասխանեց. «Սա նախազգուշացում է, որ ԱՄՆ–ն գոհ չէ իրավիճակից:
Ադյուհանդերձ՝ բացի կոռուպցիայի մակարդակից, նման պատժամիջոցները շատ ավելի մեծ գործոններ են ենթադրում: Այս դեպքում միակ բանը, որը կլինի, այն է, որ դժվար թե մեծացնեն այդ օժանդակությունը: Առավել ևս՝ երբ ՀՀ կառավարությունը հայտարարել է, որ սկսում է կոռուպցիայի դեմ պայքարի 4–րդ ռազմավարության մշակման աշխատանքները: Այս համատեքստում թե՛ պարոն Միլսի, թե՛ Պ. Սվիտալսկու մեսիջները հնարավոր է, որ առնչվեն հենց այդ 4–րդ ռազմավարությանը: Մասնավորապես՝ թե հատկապես ինչի վրա պետք է ուշադրություն դարձվի: Ի վերջո, կա այն մտայնությունը, որ մոնոպոլիզմը, բիզնեսի և քաղաքականության սերտաճումը այն հիմնարար և արմատական պատճառներն են, որոնք ՀՀ–ում բերում են համակարգային կոռուպցիայի:

Իհարկե, միայն այս հանգամանքները չեն, կա նաև դատական համակարգի անկախության բացակայության պատճառը, կան նաև այլ գործոններ: Եթե մենք իսկապես ուզում ենք կոռուպցիան իջեցնել այնպիսի մակարդակի, որ այն այլևս համակարգային ու վտանգավոր չլինի ազգային անվտանգության համար, պետք է տնտեսական մոդելը փոխվի: Սպասել, որ նման տնտեսական մոդելով կոռուպցիան կնվազի, հնարավոր չէ: Բայց մի կարևոր բան կա՝ բացակայում է այդպիսի բարեփոխումներ անելու քաղաքական կամքը»:



Աննա Բադալյան
«Փաստ օրաթերթ»

loading...
Депутат в шелках и миллиардных долгах Данные ЦАМТО ошибочны- у Армении есть “Искандер” и “БУК” Министр обороны доложил президенту о старте новой программы социальной помощи семьям погибших или ставших инвалидами военнослужащих Карен Карапетян подчеркнул важность проектов, направленных на качественные изменения в сфере ИТТ Саакашвили уходит с поста губернатора Одесской области, виной тому – Порошенко Телеканал «Россия»: Россия и Армения ведут честную игру КРОУ склонна к снижению тарифа на электроэнергию Республиканская партия Армении не пойдет на кардинальные изменения во внешней или внутренней политике Виталий Баласанян назначен секретарем Совбеза НКР Для необеспеченных слоев населения тариф на газ составил 100 драмов Обновление ОДКБ идет на пользу Армении Президент потребовал постоянного внимания к регулированию дорожного движения "Газпром Армения" представила основные цели и факторы изменения газовых тарифов Азербайджан применил на линии соприкосновения гранатометы Армения – единственная в мире страна, где «воров в законе» не сажают – российская пресса «Газпром Армения» обратится в КРОУ по вопросу о пересмотре газовых тарифов Азербайджан более 55 раз нарушил режим перемирия Новая книга о Карсе и необходимости переосмыслить идею независимости Первопрестольный Эчмиадзин хотел бы видеть на престоле Константинопольского патриарха епископа Саака Машаляна Российские и сирийские ПВО выдворили турок из воздушного пространства Сирии Китайский М20 не может стать реальным конкурентом «Искандера»: его качество сомнительно Согласится ли Гагик Царукян возглавить новую партию? Новое кадровое назначение: главу ГСБПП Армена Айрапетяна сменит Ишхан Карапетян В приграничном Кохбе освящена новая церковь Сурб Григор Лусаворич Тема карабахского урегулирования уже давно не обсуждается в ходе встреч президентов (видео)
Сегодня За неделю За месяц
website by Sargssyan