Երևան, 10.Դեկտեմբեր.2018,
--
:
--
,
Նիկոլ Փաշինյանի և գրող Աշոտ Աղաբաբյանի վեպերը՝ հոկտեմբերի բեսթսելլերներ Հայտարարություն ՀՀ նախագահի մրցանակի մասին «Բարսելոնա» - «Ինտեր». ուղիղ հեռարձակում Արծրուն Պեպանյանի նոր գիրքը Ջասթին Թրյուդոն Հայաստանում կանադական ընկերություններին հետաքրքրող ներդրումների մեծ ներուժ է տեսնում Հայաստանում լինելու է ամենածավալուն համաներումը. Արտակ Զեյնալյան Ֆրանսիան երբե´ք չի մոռանա և կպայքարի ճանաչման համար. Մակրոնի գրառումը Հայոց ցեղասպանության թանգարան- ինստիտուտի հուշամատյանում Հավատարիմ ենք մեզ միավորող կապերին, որոնք բնորոշվում են «Ապրել միասին Ֆրանկոֆոնիայում» գաղափարախոսությամբ. ՀՀ վարչապետի ելույթը Ֆրանկոֆոնիայի գագաթնաժողովի մասնակիցները ջերմ ծափահարություններով ողջունեցին Շառլ Ազնավուրի հավերժական ներկայությունը

Անիտա Հախվերդյան. «Ո՞վ է գալիս ինձ հետ սուրճ խմելու»



 Երգի պետական թատրոնում մարտի 16 և 17-ին համերգային ծրագիր կլինի, որի ընթացքում հնչելու են երգահան Անիտա Հախվերդյանի հեղինակած երգերը: Բոլորին արդեն հայտնի երգեր են հնչելու, սպասվում են նաև երգի պրեմիերաներ: Սպասվելիք համերգի մասին Past.am-ը զրուցել է երգահանի հետ:

- Հետաքրքիր նախաբան կա՝ Անիտա Հախվերդյանի երգերը սուրճի պես տարբեր են: Կպատմե՞ք ինչպես ստեղծվեց համերգ կազմակերպելու գաղափարը:

-«#ԿոֆեԿենտրոն #Երգ #Անիտա» հեշթեգը բերեց նրան, որ ամեն ինչ կապվեց սուրճի հետ: Մենք ունենք գործընկեր, ով համերգի ժամանակ սուրճ է հյուրասիրելու: Հետաքրքիրը գիտե՞ք որն է: Ես արդեն 20 տարի է աշխատում եմ Երգի թատրոնում, այն կարող եմ իմ տունը համարել: Ես բազմաթիվ մարդկանց կանչում եմ մեր տուն, որ լսեն իրենց ուզած երաժշտությունը: Ինձ թվում է՝ ուրախ կանցնի: Ո՞վ է գալիս ինձ հետ սուրճ խմելու: Դուք գալիս եք Երգի պետական թատրոն սուրճ խմելու, իսկ ձեզ հետ էլ մի բաժակ երգ եք տանում:

Համերգին տարբեր երգիչներ են մասնակցելու: Փորձել ենք ընտրել 300-ից ավելի երգերից ամենահիշվողներն ու սիրվածները:

Մինչ այս երկու ստեղծագործական երեկո է եղել, մեկը 5, մյուսը՝ 10 տարի առաջ: Գրաֆիկ չկա, այս տարի ուղղակի համընկավ: Նոր տարուն որոշեցի՝ այս տարի ուզում եմ շատ հոգնել, որովհետև նախորդ տարի շատ հանգիստ էի ապրում, ճանապարհորդում էի, ինչ ուզում՝ անում էի: Որոշեցի այս տարի շատ աշխատել: Համերգն, ամեն դեպքում, աշխատանք է:

Ինձ ստիպեցին համերգ կազմակերպել՝իմ կամքով չեմ գնացել այդ քայլին: Այսօրվա անհասկանալի երգերի ֆոնին 10, 20 տարի առաջ ստեղծված երգերի նկատմամբ ինչ-որ նոստալգիկ բան կա. «Բա մենք մեծացել ենք այդ երգերով, համերգ չլինի՞, ամոթ չի՞, ինչո՞ւ չես կազմակերպում»: Այսպես ծագեց համերգ կազմակերպելու միտքը: Համերգը ստանդարտ ձևաչափով չի լինելու՝ կլինի ավելի խաղարկային, ավելի մտերմիկ:

-Խոսեցիք նոստալգիկ հիշողությունների մասին: Այսօր երգարվեստում որակի պակաս տեսնո՞ւմ եք:

-Մի հետաքրքիր բան պատմեմ: 1999 թվականն էր: Եղավ «Լուսին» երգի պրեմիերան, որի երաժշտության հեղինակը Արամ Ավագյանն էր, խոսքերինը՝ ես: «Լուսին»-ը բեկում մտցրեց էստրադայի մեջ: Այն ինչ-որ մի նոր բան թելադրեց: Ավելի քաղաքային, ավելի պարզ ու մեղեդային ինչ-որ մի բան առաջարկեց: Շատ լավ հիշում եմ՝ լուսահոգի Տիգրան Նաղդալյանը զանգահարեց ու ասաց՝ ի՞նչ տեքստ ես գրել, այդ ի՞նչ պարզունակ տեքստ ես գրել: Ես, իհարկե, սկզբից նեղստրեցի:

Շատ հնարավոր է, որ այն երգերի մասին, որոնք հիմա են գրվում և մեզ համար պարզունակ են կամ պրիմիտիվ, 20 տարի հետո ասեն, որ գոհարներ են: Ամեն դեպքում, երգի մեջ գոյություն ունի տրամաբանություն: Եթե շարադրման, թեկուզև մեղեդու մեջ տրամաբանություն չկա… Ամեն դեպքում, այն պետք է լինի տրամաբանական: Բառերի մեջ տեքստի, պատումի առանցքը պետք է լինի, որովհետև երգն, ամեն դեպքում, պատմություն է, պստիկ, երեք րոպեանոց պատմություն: Եթե այդ ամենն ունի երգը՝ ուրեմն արժեքավոր է:

- Կա՞ն ստեղծագործություններ, որոնք, ամեն դեպքում, առանձնացնում եք, և որոնք բեկում էին նաև ձեզ համար:

-Կան իհարկե: Ինչպե՞ս ես սովորաբար գրում երգը: Լսում ես: Չգիտեմ՝ քաղաքի աղմուկ ես լսում, պատմություն ես լսում, կյանքից վերցված բաներ, քո կամ ուրիշի կյանքից ինչ-որ իրավիճակներ ես մտցնում: Երկու հանգամանք կա, որի դեպքում երգն ինձ համար դառնում է սիրելի ու հոգեհարազատ: Առաջին՝ եթե երգի պատումն անմիջապես ինձ հետ է կապված, երկրորդ՝ որ տեխնիկապես բարդ է եղել, և ես այն կատարել եմ:

Գտնում եմ, որ հիմա վաստակել եմ իմ ուզած երաժշտության վրա երգ գրելու իրավունքը: Գրվում է երաժշտություն, հետո մեղեդու վրա գրում ես բառ: Դա է երգի ճիշտ տարբերակը: Իսկ եթե սկզբից կա տեքստ ու հետո են գրում երաժշտությունը, վերջինը սկսում է կաղալ: Եթե երաժշտությունն ինձ դուր չի գալիս, ես միանգամից չեմ գրում, որովհետև ես երգ գրելով չէ, որ գումար եմ վաստակում: Եթե մեղեդին լավն է ՝գրում եմ, եթե դուր չի գալիս, «քիմիա» է՝ այսօրվա հիմարություն, չեմ գրում:

-Ի՞սկ կոմերցիոն երգերը:

-Տեքստի իմաստով կարելի է գրել կոմերցիոն երգ, բայց այդ կոմերցիան այնքան չնչին պետք է լինի: Կոմերցիոնի դեպքում թեմատիկ մի բան պիտի գրես: Հենց սկսում ես այդպիսի բաների մասին մտածել, և սկսում ես կոմպրոմիսի գնալ ու կոմերցիան խեղդում է քեզ, երգդ տապալվում է: Առհասարակ, երբ արվեստում կոմպրոմիսի գնացիր, ամեն ինչ անհաջողության է մատնվում:

 

Աննա Բադալյան

 

 

loading...
Նիկոլ Փաշինյանի և գրող Աշոտ Աղաբաբյանի վեպերը՝ հոկտեմբերի բեսթսելլերներ Հայտարարություն ՀՀ նախագահի մրցանակի մասին «Բարսելոնա» - «Ինտեր». ուղիղ հեռարձակում Արծրուն Պեպանյանի նոր գիրքը Ջասթին Թրյուդոն Հայաստանում կանադական ընկերություններին հետաքրքրող ներդրումների մեծ ներուժ է տեսնում Հայաստանում լինելու է ամենածավալուն համաներումը. Արտակ Զեյնալյան Ֆրանսիան երբե´ք չի մոռանա և կպայքարի ճանաչման համար. Մակրոնի գրառումը Հայոց ցեղասպանության թանգարան- ինստիտուտի հուշամատյանում Հավատարիմ ենք մեզ միավորող կապերին, որոնք բնորոշվում են «Ապրել միասին Ֆրանկոֆոնիայում» գաղափարախոսությամբ. ՀՀ վարչապետի ելույթը Ֆրանկոֆոնիայի գագաթնաժողովի մասնակիցները ջերմ ծափահարություններով ողջունեցին Շառլ Ազնավուրի հավերժական ներկայությունը Հայաստանը ԼՂ հակամարտության կարգավորման բանակցային գործընթացի փոփոխության հարց չի դնում. Նիկոլ Փաշինյան Հույս ունեմ հաստատվել Հայաստանում նվիրվելու համար ծրագրերին, որ հայրս նախաձեռնել էր այնտեղ. Նիկոլա Ազնավուր Թունավորման վարկած. ՌԴ ՔԿ-ն նորից կուսումնասիրի գործարար Լևոն Հայրապետյանի մահվան հանգամանքները Աշոտ Աղաբաբյանը «Քննարկում» հաղորդաշարի հյուրն է. ուղիղ եթեր Էներգետիկայի և բնական պաշարների համակարգն առավել արդյունավետ դարձնելու գործնական փուլ ենք մտել. Նիկոլ Փաշինյան Հանրության և քննչական մարմինների նոր հարաբերությունների հաստատման գործընթաց է սկսվում. Փաշինյանը շնորհավորեց ՔԿ աշխատողի օրվա առթիվ Մոսկվան եւ Երեւանը արդյունավետ համագործակցում են, կողմերը շարունակում են ինտենսիվ երկխոսությունը. Կարասին Պիտի կարենալ... Ազնավուր Հրազենային վնասվածքներից մահացել է «Յուվեցի Կարո» մականվամբ Կարո Կարապետյանը Ազնավուր. վավերագրական ֆիլմի պրեմիերա Պարզ է, սիրում եմ քեզ. Շառլ Ազնավուր
Այսօր Այս շաբաթ Այս ամիս
website by Sargssyan