Երևան, 27.Մայիս.2018,
--
:
--
,

Միքայել Լորիս–Մելիքովի անջնջելի հետքը. նոր ժողովածու՝ նվիրված ականավոր գործչին



«Անպարտելի զորավարը, իմաստուն պետական գործիչը, նվիրյալ հայորդին»: Այսպես է վերնագրվել Միքայել Լորիս–Մելիքովին՝ Ռուսական կայսրության ռազմական և պետական հայազգի գործչին նվիրված ժողովածուն, որն այսօր Հայկական բարեգործական ընդհանուր միության հյուրընկալ սրահում հանձնվեց ընթերցողի դատին: Գրքի կազմողն ու խմբագիրը բանասիրական գիտությունների դոկտոր, պրոֆեսոր Սերգո Երիցյանն է:

«Երբ ես Միքայել Լորիս–Մելիքովի մասին ֆիլմ էի պատրաստում, տեսա, որ նրա ստեղծագործությունները, նրա դատողություններն ու մտքերը հայերեն գրեթե թարգմանված չկան, մինչդեռ ռուսերեն դրանք կան: Այնուամենայնիվ, մեզ մոտ ամբողջական ռուսերեն ժողովածու ևս գոյություն չուներ: Եվ մենք ամենուրեք նյութեր փնտրեցինք: Բնականաբար, ֆիլմի համար բավականին նյութ ժողովվեց: Տեսանք՝ նյութն այնքան շատ է ու բազմազան, որ դրա հիման վրա կարելի է ժողովածու հրատարակել: Փնտրտուքները շարունակվեցին, և մենք, փաստորեն, ունեցանք շուրջ 400 էջանոց մի գիրք, որտեղ ներկայացված են Միքայել Լորիս–Մելիքովի մտքերը, դատողությունները, նրա պաշտոնական գրագրությունը, նամակները, ինչպես նաև՝ իրեն հասցեագրված որոշակի նամակներ: Գրքում զետեղվել են նաև նրան վերաբերող հուշ–հիշողություններ: Ընդհանուր առմամբ՝ ընդգրկվել է այն ամենն, ինչն առնչվում է այս շատ հետաքրքիր ու մեծ հայի հետ: Այդ նույն գրագրությունները ցույց տվեցին, որ նա շատ մեծ հայրենասեր է, որի համար թիվ մեկ խնդիրը Հայաստանն է, իր ժողովուրդն է, ժողովրդի ցավի դարմանումն է, ինչպես ինքն է շատ տեղերում ընդգծում»,–լրագրողների հետ զրույցում ասաց Սերգո Երիցյանը:

Շնորհանդեսին ներկայացվեց Միքայել Լորիս–Մելիքովի մասին երկրորդ գիրքը:
«Երկրորդ գիրքն ավելի փոքր ծավալ ունի: Այն լույս է տեսել 1889 թվականին՝ Թբիլիսիում: Երկրորդ գրքում Միքայել Լորիս–Մելիքովի մահվանից հետո փորձ է արվել վերլուծել նրա կյանքն ու գործունեությունը: Մենք սա առաջին անգամ թարգմանել ենք հայերեն, որպեսզի ընթերցողը ամբողջական պատկերացում ունենա մեր մեծ հայրենակցի, ռուսական պետության ականավոր գործչի և, իհարկե, այն մարդ անհատականության մասին, ով փորձում էր ժողովրդավարական մեխանիզմներ ներդնել ռուսական իրականության մեջ: Շատ բան նրան հաջողվեց, շատ բան չհաջողվեց: Բայց կարևորը նրա թողած անջնջելի հետքն է, որի մասին հաճախակի է խոսվում ռուսական իրականության մեջ: Մենք առավել ևս պարտավոր ենք խոսել այդ մասին»,– ընդգծեց Սերգո Երիցյանը:

Նշենք, որ գիրքը նախատեսված է ընթերցողների լայն շրջանակի համար:

Աննա Բադալյան

«Փաստ» օրաթերթ

loading...
Իռլանդիայում աբորտի օրինականացման կողմնակիցները տոնում են իրենց հաղթանակը. հրապարակվել են «Էքզիթ փոլ»-ի արդյունքները Samsung-ը 539 մլն դոլար կվճարի Apple-ին Lիվերպուլ-Ռեալ Մադրիդ. ուղիղ Թուրքիան և ԱՄՆ-ն Սիրիայում պլանավորում են համատեղ գործողություններ Լևոն Արոնյանը կմասնակցի «Norway chess» կայծակնային մրցաշարին Առաջիկա օրերին սպասվում է անձրև և ամպրոպ Космический подарок к 100-летию со дня установления первой Республики Армения и 2800-летию основания города Эребуни-Еревана Շախմատի Հայաստանի ակումբային առաջնության հաղթողը կստանա 600.000 դրամ Ամատունի Վիրաբյանը մեկնաբանել է ՏԶԿ նախարարի հրամանով Ազգային արխիվի նկատմամբ վարչական վարույթ հարուցելը 300 մլն դրամի պետտուրքի չվճարման փաստեր են հայտնաբերվել Տարոն Մարգարյանն անդրադարձել է ԱԱԾ բացահայտումներին Նախագահը մասնակցել է «Համագործակցություն հանուն բարգավաճման․ հաջորդ հարյուրամյակի ռազմավարական պլանավորում» կլոր-սեղան քննարկմանը Դիլիջանի միջազգային դպրոցի սաներն իրենց ավարտական միջոցառումն անցկացրեցին ՀՀ վարչապետի մասնակցությամբ ԱՄՆ-ն և Հյուսիսային Կորեան վերադարձել են երկու երկրների գագաթնաժողովի անցկացման հարցի շուրջ քննարկմանը Քաղաքապետարանը Դերժինսկու դպրոցի դիմացի տարածքը վաճառել է Ներսես Նազարյանին. Ալեն Սիմոնյան Լավ հիմք համագործակցություն շրջանակն ընդլայնելու համար. Արմեն Սարգսյանը հանդիպել է Ֆինլանդիայի նախագահի հետ Ադրբեջանում թղթադրամ է թողարկվել Հեյդար Ալիևի դիմանկարով Հարավային Ամերիկայում գործարկել են ամենակարճ միջազգային չվերթը Ներկայացվել է աշխարհի առաջնության պաշտոնական երգը Ճապոնիան ափսոսում, բայց պաշտպանում Է ԿԺԴՀ-ի հետ գագաթնաժողովը չեղարկելու Թրամփի որոշումը. Աբե «Ադրբեջանական լվացքատան» բացահայտումները շարունակվում են. Ադրբեջանից խոշոր գումարներ են արտահոսել նաև դեպի ԱՄՆ Մոսկվան հայտարարել Է «համարժեք միջոցների» մասին ի պատասխան ՆԱՏՕ-ի հետ Վրաստանի մերձեցման Արարատի և Արմավիրի 7 սոցիալական աջակցության մարմիններում հայտնաբերվել են 33 մլն դրամի խախտումներ
Այսօր Այս շաբաթ Այս ամիս
website by Sargssyan