Երևան, 13.Դեկտեմբեր.2018,
--
:
--
,
Նիկոլ Փաշինյանի և գրող Աշոտ Աղաբաբյանի վեպերը՝ հոկտեմբերի բեսթսելլերներ Հայտարարություն ՀՀ նախագահի մրցանակի մասին «Բարսելոնա» - «Ինտեր». ուղիղ հեռարձակում Արծրուն Պեպանյանի նոր գիրքը Ջասթին Թրյուդոն Հայաստանում կանադական ընկերություններին հետաքրքրող ներդրումների մեծ ներուժ է տեսնում Հայաստանում լինելու է ամենածավալուն համաներումը. Արտակ Զեյնալյան Ֆրանսիան երբե´ք չի մոռանա և կպայքարի ճանաչման համար. Մակրոնի գրառումը Հայոց ցեղասպանության թանգարան- ինստիտուտի հուշամատյանում Հավատարիմ ենք մեզ միավորող կապերին, որոնք բնորոշվում են «Ապրել միասին Ֆրանկոֆոնիայում» գաղափարախոսությամբ. ՀՀ վարչապետի ելույթը Ֆրանկոֆոնիայի գագաթնաժողովի մասնակիցները ջերմ ծափահարություններով ողջունեցին Շառլ Ազնավուրի հավերժական ներկայությունը

Սովորական սեզոնային բռնկում՝ առանց խուճապի մատնվելու անհրաժեշտության


Այս օրերին սուր շնչառական վարակների և գրիպի տարածվածություն կա հանրապետությունում, որի հետևանքով մանկական բուժհաստատությունները հիմնականում աշխատում են գերծանրաբեռնված: Սակայն այս տարի գրանցված դեպքերը նախորդ տարիների հետ համեմատած շատ չեն, ամեն ինչ համահունչ է սեզոնին:

Ըստ Առողջապահության նախարարության պաշտոնական կայքի՝ հիվանդների դիմելիությունը հիմնականում եղել է Երևանում։ Ներկայում մայրաքաղաքի մանկական հիվանդանոցներում հոսպիտալացված 360 հիվանդների մեծ մասը 0–2 տարեկան երեխաներ են: Տարվա առաջին օրերին արձանագրվել է շտապ օգնության 81 կանչ, գրեթե նույնքան, որքան մեկ տարի առաջ: Կանչերը մեծամասամբ տրվել է մեծահասակների համար՝ պայմանավորված սուր շնչառական վարակներով:

Հանրապետությունում այս օրերի ընթացքում շրջանառել են գրիպի Ա և Բ տեսակները, ինչպես նաև այլ շնչառական վարակների հարուցիչներ, ինչպիսիք են ռինովիրուսը, բոկավիրուսը, ռեսպիրատոր սինտիցիալ վիրուսն ու ադենովիրուսը:
Վարակների հետևանքով շատ ծնողներ խուսափում են այս օրերին իրենց երեխաներին ուղարկել դպրոց կամ մանկապարտեզ հնարավոր վիրուսներից պաշտպանվելու նպատակով:

Գերծանրաբեռնված են աշխատում այս օրերին մի շարք երևանյան բուժհաստատություններ, այդ թվում «Արաբկիր» ԲԿ–ն ու «Սուրբ Աստվածամայր» բժշկական կենտրոնը: Վերջինում այս օրերին հիվանդների մեծ ու անընդհատ հոսք կա, սակայն բուժհաստատության աշխատակիցներն անում են ամեն հնարավորը՝ յուրաքանչյուր այցելուի հետազոտումը ժամանակին կատարելու համար:
«Սուրբ Աստվածամայր» բժշկական կենտրոնի մանկաբույժ Նոնա Եղոյանը «Փաստի» հետ զրույցում հաստատեց սա, նշելով, թե բժշկական կենտրոնը անցել է ինտենսիվ ռեժիմի. «Ոչ մի հիվանդ ո՛չ շատ երկար սպասում է, ո՛չ գնում հիվանդանոցից: Մեզ դիմած ցանկացած հիվանդի ընդունում ենք, տեղերն իհարկե քիչ են, բայց լրացուցիչ տեղեր ենք ստեղծում, հարկեր ու պոստեր շատացնում»:

Հիվանդանոցն ունի երկու մանկական բաժին՝ մինչև 6 ամսական և 6 ամսականից մինչև 18 տարեկանների համար: Սակայն հիմնական խումբը, անկախ սեզոնից, մինչև 7 տարեկան երեխաներն են, քանի որ մինչ այդ տարիքն են շատ ավելի հաճախ հանդիպում վիրուսային հիվանդություններ:

Բժիշկը նշեց, որ սրանք սովորական ձմեռվա վիրուսներ են, սեզոնային բռնկում է: Նույն վիրուսներն են, նույն ձևի, և պետք չէ խուճապի մատնվել, քանի որ ոչ մի արտասովոր բան նախորդ տարիների համեմատությամբ չկա: Ըստ նրա՝ էական բան չի փոխվել, և բոլոր տիպի գրիպները ստանդարտ բուժում են պահանջում:

Դիտարկմանը, թե որոշ ծնողներ այս օրերին իրենց երեխաներին մանկապարտեզ չեն ուղարկում՝ վախենալով հնարավոր բարդություններից, և արդյոք սա կարո՞ղ է պատճառ հանդիսանալ դասերի հետաձգման, Եղոյանը պատասխանեց, որ դպրոց–մանկապարտեզի չլինելու հարցը լուծվում է միայն այն դեպքում, երբ վիրուսների քանակը լինում է այնքան շատ, որ դրանց բաց լինելն էլ ավելի է շատացնում վիրուսակիրների թիվը:

«Բայց քանի որ հիմա հայտարարություն չի եղել, որ դպրոց–մանկապարտեզները պետք է փակվեն՝ որպես համաճարակը տարածելու աղբյուր, դրանք մնում են բաց, հետաձգելու կարիք չկա: Դրանք այնպիսի հաստատություններ են, որոնք միշտ վիրուսներն ավելի շատ են տարածում, քան երբ երեխան չգնար դպրոց կամ մանկապարտեզ: Նույն կերպ, երբ հասնում է ինչ–որ մի պիկի, երբ այդ հաստատությունը դառնում է վտանգավոր վարակի տարածման համար, կառավարության կողմից փակվում է: Բայց քանի որ հիմա ոչ մի դպրոց–մանկապարտեզ չի հետազոտվել, չի փակվել, իրենք մնում են նույն տոկոսային հարաբերությամբ. համարվում են վարակի տարածող, ինչպես և նախկինում»,– նշեց բժիշկը:

Հիշեցնենք, որ գրիպից և դրա բարդություններից խուսափելու նպատակով Առողջապահության նախարարությունը հորդորում է խուսափել գրիպանման երևույթներով հիվանդների հետ շփումից, հիվանդ լինելու դեպքում մնալ տանը և հրավիրել տեղամասային մանկաբույժին, թերապևտին կամ ընտանեկան բժշկին՝ չզբաղվելով ինքնաբուժմամբ: Միաժամանակ հիշեցնում են հակաբիոտիկներ չօգտագործելու մասին, քանի որ դրանք ցուցված չեն գրիպի բուժման համար:

ՔՐԻՍՏԻՆԱ ՏԵՐ–ՄԱԹԵՎՈՍՅԱՆ

«Փաստ» օրաթերթ

loading...
Նիկոլ Փաշինյանի և գրող Աշոտ Աղաբաբյանի վեպերը՝ հոկտեմբերի բեսթսելլերներ Հայտարարություն ՀՀ նախագահի մրցանակի մասին «Բարսելոնա» - «Ինտեր». ուղիղ հեռարձակում Արծրուն Պեպանյանի նոր գիրքը Ջասթին Թրյուդոն Հայաստանում կանադական ընկերություններին հետաքրքրող ներդրումների մեծ ներուժ է տեսնում Հայաստանում լինելու է ամենածավալուն համաներումը. Արտակ Զեյնալյան Ֆրանսիան երբե´ք չի մոռանա և կպայքարի ճանաչման համար. Մակրոնի գրառումը Հայոց ցեղասպանության թանգարան- ինստիտուտի հուշամատյանում Հավատարիմ ենք մեզ միավորող կապերին, որոնք բնորոշվում են «Ապրել միասին Ֆրանկոֆոնիայում» գաղափարախոսությամբ. ՀՀ վարչապետի ելույթը Ֆրանկոֆոնիայի գագաթնաժողովի մասնակիցները ջերմ ծափահարություններով ողջունեցին Շառլ Ազնավուրի հավերժական ներկայությունը Հայաստանը ԼՂ հակամարտության կարգավորման բանակցային գործընթացի փոփոխության հարց չի դնում. Նիկոլ Փաշինյան Հույս ունեմ հաստատվել Հայաստանում նվիրվելու համար ծրագրերին, որ հայրս նախաձեռնել էր այնտեղ. Նիկոլա Ազնավուր Թունավորման վարկած. ՌԴ ՔԿ-ն նորից կուսումնասիրի գործարար Լևոն Հայրապետյանի մահվան հանգամանքները Աշոտ Աղաբաբյանը «Քննարկում» հաղորդաշարի հյուրն է. ուղիղ եթեր Էներգետիկայի և բնական պաշարների համակարգն առավել արդյունավետ դարձնելու գործնական փուլ ենք մտել. Նիկոլ Փաշինյան Հանրության և քննչական մարմինների նոր հարաբերությունների հաստատման գործընթաց է սկսվում. Փաշինյանը շնորհավորեց ՔԿ աշխատողի օրվա առթիվ Մոսկվան եւ Երեւանը արդյունավետ համագործակցում են, կողմերը շարունակում են ինտենսիվ երկխոսությունը. Կարասին Պիտի կարենալ... Ազնավուր Հրազենային վնասվածքներից մահացել է «Յուվեցի Կարո» մականվամբ Կարո Կարապետյանը Ազնավուր. վավերագրական ֆիլմի պրեմիերա Պարզ է, սիրում եմ քեզ. Շառլ Ազնավուր
Այսօր Այս շաբաթ Այս ամիս
website by Sargssyan