Ереван, 22.Январь.2018,
--
:
--
,

Մարիամ Ավագյան. «1988–1990 թթ. Ադրբեջանում կատարվածը պետք է ցեղասպանություն ճանաչվի»


Սումգայիթի, Բաքվի, Գանձակի և Ադրբեջանական ԽՍՀ մյուս տարածքներում հայերի նկատմամբ իրականացված ջարդերը սպասում են միջազգային հանրության համարժեք գնահատականին: «Փաստի» թղթակցի հետ զրույցում նման կարծիք հայտնեց «Ադրբեջանական ԽՍՀ–ից փախստականների համագումարի» համակարգող Մարիամ Ավագյանը: Վերջինիս խոսքով, սակայն, ամենից առաջ գնահատական պետք է սպասենք Հայաստանի իշխանություններից: Հունվարի 13–ին լրանում է Բաքվի ջարդերի 28–ամյակը:

«Մենք պարբերաբար Աժ–ում հարց ենք բարձրացնում, որ Ադրբեջանում կատարվածը ճանաչվի ցեղասպանություն, բայց մինչ օրս մեր իշխանությունները որևէ քայլ չեն արել: Եվ մեղադրել միայն միջազգային կառույցներին, սխալ է: Հայ ժողովուրդն ունի պետականություն, և այդ պետությունը պարտավոր է տեր կանգնել ժողովրդի ճակատագրին՝ անցյալից մինչև ներկա: Պարտավոր է նաև անուն տալ այն երևույթին, ինչ եղավ 1990 թվականին»,– ասաց նա՝ հավելելով, որ նույնը չի արվել նաև Սումգայիթի և Գանձակի ջարդերի դեպքում:

«Բաքվի ջարդերին տարօրինակ ձևով անդրադարձել է «Humen Raights» կազմակերպությունը: Նրանք անհնար են համարում, որ այդ բարձրահարկ շենքերում հենց այնպես հայերին գտնեին, այսինքն՝ կար նախնական ցուցակ, թե որտեղ են հայերն ապրում: Կար հստակ հրահանգ: Կային Զեյնաբ Խանլարովայի նման մտավորականներ, որոնք հստակ հրահանգ էին կատարում: Նրանք հայերի մասին տեղեկություններ էին հավաքում: Հստակ ջարդի քաղաքականություն էր տարվում: Եթե Բաքվի ջարդ են ասում իշխանությունները, պետք է նաև շարունակեն շեշտել, որ դա ցեղասպանություն է»,–շարունակեց Մարիամ Ավագյանը:

Մեր զրուցակցի խոսքով` այն, ինչ կատարվել է Սումգայիթում, համարժեք է 1915 թվականի Հայոց ցեղասպանությանը:

«Այն, ինչ տեղի ունեցավ 1988 թվականի փետրվարի 26– 29–ը Սումգայիթում, բառերով հնարավոր չէ նկարագրել: Հայությունը Սումգայիթում ոտքի կանգնեց, միգուցե անջատ–անջատ, բայց կարողացավ պաշտպանել իր ընտանիքը, իր կնոջը, մորը, քրոջը, երեխաներին: Եթե չլիներ հայկական ոգին, մենք կորուստներ շատ կունենայինք»,– վերհիշեց Մարիամ Ավագյանը:

Նա նշեց, որ Հայաստանի իշխանություններն արտաքին կառավարման ազդեցության ներքո են գտնվում, հետևաբար, ինքնուրույն շատ որոշումներ կայացնել չեն կարողանում: Մյուս կողմից էլ, ըստ Ավագյանի, նրանց դուր է գալիս անգործունյա կարգավիճակը:
«Մենք անընդհատ հնչեցնում ենք, որ տեղի ունեցածի պատճառով հայերի մի մասը Բաքվում և Սումգայիթում ցեղասպանվել է: Սա կարևոր բաղադրիչ է, բայց մեր իշխանությունները չեն ուզում օգտվել դրանից ի շահ ժողովրդի: Առանձին իշխանիկներ իրենց տեղում նստած օգտագործում են պետական ռեսուրսները իրենց սեփական խնդիրները լուծելու համար»,– նկատեց նա:

 Մարիամ Ավագյանը համոզված է՝ այն, որ այսօր Բաքվի, Սումգայիթի, Գանձակի ջարդերը որպես ցեղասպանության բռնարարք չի ճանաչվում, բերում է նրան, որ Ադրբեջանը պատերազմական ոգեշնչմամբ փորձում է իր համար տարածքներ ազատագրել:

«Այսպիսի երևույթը չգնահատելն ունի ծանր հետևանքներ հայության համար: Դրա հետևանքով մենք այսօր ունենք օկուպացված տարածքներ հասկացողությունը, Հայաստանը նաև ագրեսորի կարգավիճակ ունի: Մադրիդյան սկզբունքների մեջ որևէ բան չկա Բաքվի, Գանձակի մասին»,– ասաց նա:

 Այսօր էլ «Ադրբեջանական ԽՍՀ–ից փախստականների համագումարի» համակարգողները պատրաստվում են մեկ անգամ ևս այս հարցը բարձրացնել:
Նրանք կոչ են անում Ազգային ժողովին՝ Սումգայիթի 30–ամյակի կապակցությամբ անպայման որևէ փաստաթուղթ ընդունել, որով կհստակեցվի առնվազն այն, ինչ հստակեցրել է Սովետական Հայաստանի Գերագույն խորհուրդը 1988, 1989, 1990 թթ.: Այդ դեպքերը բնութագրվել են որպես ցեղասպանություն: Նույն գնահատականն այսօրվա իշխանություններից են պահանջում:


Մանյա Պողոսյան

«Փաստ» օրաթերթ

loading...
Депутат в шелках и миллиардных долгах Данные ЦАМТО ошибочны- у Армении есть “Искандер” и “БУК” Министр обороны доложил президенту о старте новой программы социальной помощи семьям погибших или ставших инвалидами военнослужащих Карен Карапетян подчеркнул важность проектов, направленных на качественные изменения в сфере ИТТ Саакашвили уходит с поста губернатора Одесской области, виной тому – Порошенко Телеканал «Россия»: Россия и Армения ведут честную игру КРОУ склонна к снижению тарифа на электроэнергию Республиканская партия Армении не пойдет на кардинальные изменения во внешней или внутренней политике Виталий Баласанян назначен секретарем Совбеза НКР Для необеспеченных слоев населения тариф на газ составил 100 драмов Обновление ОДКБ идет на пользу Армении Президент потребовал постоянного внимания к регулированию дорожного движения "Газпром Армения" представила основные цели и факторы изменения газовых тарифов Азербайджан применил на линии соприкосновения гранатометы Армения – единственная в мире страна, где «воров в законе» не сажают – российская пресса «Газпром Армения» обратится в КРОУ по вопросу о пересмотре газовых тарифов Азербайджан более 55 раз нарушил режим перемирия Новая книга о Карсе и необходимости переосмыслить идею независимости Первопрестольный Эчмиадзин хотел бы видеть на престоле Константинопольского патриарха епископа Саака Машаляна Российские и сирийские ПВО выдворили турок из воздушного пространства Сирии Китайский М20 не может стать реальным конкурентом «Искандера»: его качество сомнительно Согласится ли Гагик Царукян возглавить новую партию? Новое кадровое назначение: главу ГСБПП Армена Айрапетяна сменит Ишхан Карапетян В приграничном Кохбе освящена новая церковь Сурб Григор Лусаворич Тема карабахского урегулирования уже давно не обсуждается в ходе встреч президентов (видео)
Сегодня За неделю За месяц
website by Sargssyan