Ереван, 20.Апрель.2018,
--
:
--
,

Վիզայի ազատականացման ռեժիմը աշխատանքային միգրացիոն հոսքերի վրա չի ազդի




Հայաստանի Հանրապետության քաղաքացիությունից հրաժարված անձանց թիվը վերջին 5 տարիների ընթացքում շեշտակի աճել է։ Ոստիկանության անձնագրային և վիզաների վարչության տվյալների համաձայն՝ 2017 թվականի դրությամբ ՀՀ քաղաքացիությունից հրաժարվելու վերաբերյալ ոստիկանության անձնագրային և վիզաների վարչություն դիմում է ներկայացրել 3823 քաղաքացի։ Իսկ 2012 թվականից մինչև 2017 թ. ՀՀ քաղաքացիությունից հրաժարվել է 15009 քաղաքացի։

Ժողովրդագետ Ռուբեն Եգանյանի դիտարկմամբ՝ այս տվյալները ոչ այլ ինչ են, քան փաստի արձանագրում՝ ոստիկանության կողմից:
«Պարզ է, որ Հայաստանի բնակչության որոշակի մասը արտագաղթում է, և, բնականաբար, նաև այս երևույթը պետք է լիներ»,–«Փաստ»–ի հետ զրույցում ասաց Ռուբեն Եգանյանը:

Նշենք, որ Հայաստան–ԵՄ Համապարփակ և ընդլայնված գործընկերության համաձայնագրի ստորագրման և այդ համաձայնագրի շուրջ համագործակցության օրակարգի կարևոր հարցերից մեկը վիզայի ազատականացման երկխոսության մեկնարկն է: Ի դեպ՝ ԵՄ–ի հետ վիզայի ազատականացման արդյունքում պաշտոնական տվյալներով Վրաստանի 3000 քաղաքացի մեկնել և չի վերադարձել երկիր: Մի շարք փորձագետներ ազատ վիզային ռեժիմը արտագաղթի նոր ալիքի սպառնալիք են համարում նաև ՀՀ–ի համար:

Ռուբեն Եգանյանը համաձայն չէ այդ կարծիքների հետ:
«Ես լավ չեմ ընկալում, թե ինչ է կատարվելու, և դա ինչ է նշանակում: Արդյո՞ք դա նշանակում է, որ ինչպես Ռուսաստանի դեպքում, այնպես էլ նշված փոփոխությամբ քաղաքացին կարող է առանց նշելու, թե ուր և ինչու է մեկնում, տոմս գնել ու գնալ: Չեմ կարծում, որ առաջիկա տարիներին նման երևույթ կլինի: Ինչ վերաբերում է զուտ վիզային ռեժիմի ազատականացմանը, ապա չեմ կարծում, որ այն էական ազդեցություն կունենա արտագաղթի ծավալների վրա: Այն գործնականում կվերաբերի միայն տուրիստական ուղևորություններ կատարողներին, կօգնի այն մարդկանց, ովքեր այսօր էլ Եվրոպա մեկնելու համար առանձնապես մեծ բարդությունների չեն հանդիպում: Ես չեմ կարծում, թե վիզայի ազատականացման ռեժիմը կազդի մարդկանց աշխատանքային միգրացիոն հոսքերի վրա: Այդ երևույթը մեծ մասսայականություն չի ունենա, քանի որ խոչընդոտող շատ հանգամանքներ կան»,–նշեց մեր զրուցակիցը:

Ռուբեն Եգանյանից հետաքրքրվեցինք՝ 2018 թ. թանկացումների նոր ալիքը կավելացնի՞ արտագաղթի տեմպերը:

«Թանկացումները միանգամից չեն արտացոլվի արտագաղթի վրա: Սպասել, թե թանկացումների արդյունքում մարդկանց արտահոսքի ալիքը կհասնի մեծ չափերի, լուրջ չէ: Մինչև այդ էլ որևէ դրական միտումներ չկային: Իհարկե, թանկացումներն ինչ–որ չափով բացասական անդրադարձ կունենան հատկապես այն ժամանակ, երբ մարդիկ երկրից մեկնելու, կամ չմեկնելու հարցի առաջ կկանգնեն: Բայց արտագաղթի երևույթը շատ ավելի խորն է, պատճառները շատ ավելին են: Այն համակարգային է և պայմանավորված է քաղաքական, տնտեսական, սոցիալական և բարոյահոգեբանական իրողություններով: Այս բոլորի արդյունքում է ձևավորվում արտագաղթը»,–ասաց ժողովրդագետը՝ ընդգծելով, որ 2017 թվականին գրանցված արտագաղթի տեմպերի առումով հուսադրող որևէ բան չկա:

«Գնահատելով երևույթի ծավալները և հիմք ընդունելով որոշակի փաստեր, կարող եմ ասել, որ արտագաղթն աճելու միտում ունի: Առայժմ որևիցե հիմք չկա ենթադրելու, որ իրավիճակը կարող է փոխվել: Իսկ արտագաղթի հիմնական ուղղությունը շարունակում է մնալ Ռուսաստանի Դաշնությունը, ինչը երկու հանգամանքով է պայմանավորված: Առաջինը վիզային ռեժիմի բացակայությունն է, և երկրորդը լեզվական արգելքի գրեթե բացակայությունը: Երևի շատերը կցանկանային Արևմուտք գնալ, բայց Արևմուտք գնալու խոչընդոտները ավելի զգալի են»,– հավելեց Ռ. Եգանյանը:

Աննա Բադալյան

«Փաստ» օրաթերթ

loading...
Депутат в шелках и миллиардных долгах Данные ЦАМТО ошибочны- у Армении есть “Искандер” и “БУК” Министр обороны доложил президенту о старте новой программы социальной помощи семьям погибших или ставших инвалидами военнослужащих Карен Карапетян подчеркнул важность проектов, направленных на качественные изменения в сфере ИТТ Саакашвили уходит с поста губернатора Одесской области, виной тому – Порошенко Телеканал «Россия»: Россия и Армения ведут честную игру КРОУ склонна к снижению тарифа на электроэнергию Республиканская партия Армении не пойдет на кардинальные изменения во внешней или внутренней политике Виталий Баласанян назначен секретарем Совбеза НКР Для необеспеченных слоев населения тариф на газ составил 100 драмов Обновление ОДКБ идет на пользу Армении Президент потребовал постоянного внимания к регулированию дорожного движения "Газпром Армения" представила основные цели и факторы изменения газовых тарифов Азербайджан применил на линии соприкосновения гранатометы Армения – единственная в мире страна, где «воров в законе» не сажают – российская пресса «Газпром Армения» обратится в КРОУ по вопросу о пересмотре газовых тарифов Азербайджан более 55 раз нарушил режим перемирия Новая книга о Карсе и необходимости переосмыслить идею независимости Первопрестольный Эчмиадзин хотел бы видеть на престоле Константинопольского патриарха епископа Саака Машаляна Российские и сирийские ПВО выдворили турок из воздушного пространства Сирии Китайский М20 не может стать реальным конкурентом «Искандера»: его качество сомнительно Согласится ли Гагик Царукян возглавить новую партию? Новое кадровое назначение: главу ГСБПП Армена Айрапетяна сменит Ишхан Карапетян В приграничном Кохбе освящена новая церковь Сурб Григор Лусаворич Тема карабахского урегулирования уже давно не обсуждается в ходе встреч президентов (видео)
Сегодня За неделю За месяц
website by Sargssyan