Ереван, 24.Февраль.2018,
--
:
--
,

Արամ Գրիգորյան. «Թանկացումները նաև ազատ մրցակցության պակասի հետևանք են»


2018 թվականը հայաստանցիների համար սկսվել է թանկացումներով: Հունվարի 1–ից 10–15%–ով բարձրացել են բենզինի, դիզվառելիքի ու ավտոմեքենաների լիցքավորման գազի սակագները:

 Եթե «Regular» տեսակի բենզինն արժեր 390 դրամ, այսօր բենզալցակայաններում մեկ լիտրը վաճառվում է 450 դրամով: Բենզինի «սուպեր» տեսակի մեկ լիտրն արդեն 490 դրամ է, նախկինում գինը տատանվում էր 440–450 դրամի սահմաններում: Դիզվառելիքը 390 դրամից հասել է 450–ի:

Վարորդները մեկ խորանարդ մետր սեղմված գազի դիմաց այսօր վճարում են 210–220 դրամ, մինչդեռ անցած տարվա վերջին այն արժեր 180–190 դրամ:

Դիզվառելիքի, բենզինի ու ավտոմեքենաների լիցքավորման գազի թանկացումները բացասական ազդեցություն ունեն հատկապես բնակչության սոցիալապես անապահով խավի վրա՝ լրացուցիչ բեռ հանդիսանալով սպառողների համար:

 «Շատ վատ է: Աշխատանք չկա, ու համատարած թանկացումներ են, մեր վիճակը թե ո՞նց կլինի, չգիտեմ»,– «Փաստի» հետ զրույցում ասաց վարորդներից մեկը:

Գնաճը պայմանավորված է նոր Հարկային օրենսգրքով նախատեսված ակցիզային հարկի ներդրմամբ: Ակցիզային հարկի շրջանակներում այսուհետ ավտոգազալցակայանների կողմից վաճառվող գազը նույնպես հարկվում է ակցիզային հարկով:
Ըստ «Հասարակական պաշտպան» ՀԿ ղեկավար Արամ Գրիգորյանի՝ թանկացումները ոչ միայն Հարկային օրենսգրքի փոփոխությամբ են պայմանավորված: Այլ գործոններ ևս կան:

«Հայաստանում մրցակցության պակաս կա: Ես կարծում եմ, որ գների բարձրացման այս տարերային վիճակներն ավելի շատ ազատ մրցակցության պակասի հետևանք են: Գազի, հոսանքի բնագավառում մոնոպոլ շուկա է, որտեղ գների վրա մեծ ազդեցություն են թողնում մոնոպոլիստների անձնական ցանկություններն ու ախորժակը: Հենց ամսի 1–ին, կեսգիշերից հետո թանկացան գազն ու բենզինը: Կարող էր չէ՞, 30 դրամի փոխարեն 1 դրամով թանկանալ»,– համոզմունք հայտնեց նա:

 Գրիգորյանի խոսքով՝ հարկային կամ մաքսային որևէ փոփոխություն ընկած չէ բենզինի թանկացման հիմքում, փոխարենը այստեղ գործ ունենք փաստացի մոնոպոլ շուկայի հետ:
«Եթե միջազգային շուկայում գների փոփոխություն է լինում դեպի նվազում, մեզ մոտ դա չի լինում, հետևաբար, մոնոպոլիստներն են գները որոշում, իրենք երբեք իրենց շահույթը չեն նվազեցնում»,– ասաց «Հասարակական պաշտպան» ՀԿ ղեկավարը:
Նրա դիտարկմամբ՝ սեղմված գազի սակագնի բարձրացումն իր հերթին կբերի տրանսպորտի թանկացմանը: Լայն սպառման բոլոր տեսակի ապրանքները ևս կհայտնվեն այդ ցանկում:

«Սննդամթերքի գները ևս կբարձրանան: Տենդենց կա՝ եթե մեկը մի բան թանկացնում է, մյուսները նույնպես հետևում են դրան: Սա գնաճի հերթական ալիքը կբարձրացնի՝ հաշվի առնելով նաև այն, որ այսօր ազատ մրցակցություն գոյություն չունի: Մեկը չկա, որ ասի՝ ես իմ ապրանքը ցածր գնով են վաճառում, որ վաճառքը շատ լինի»,– նշեց մեր զրուցակիցը:
 Նա նաև շեշտեց, որ այսօր գների զսպման մեխանիզմ գոյություն չունի:

«Տնտեսությունը չի կարողանում դիմագրավել թանկացումներին: Սա մրցակցության պակասի արդյունք է: Պետությունը պետք է ազատ մրցակցային շուկա ստեղծի, ինչը չի անում: Պետությունը պետք է կարողանար տնտեսություն զարգացնել, իսկ մեր տնտեսության ցանկացած ալեկոծում իր բացասական ազդեցությունն է թողնում հանրության վրա»,– մատնանշեց ՀԿ ղեկավարը:

Արամ Գրիգորյանն ասաց, որ չկա նաև իրավունքների պաշտպանության համակարգ: Նա որպես ապառողների իրավունքների պաշտպան չի կարողանում դատարան դիմել՝ պաշտպանելու հասարակության շահերն ու պարզելու գնաճի պատճառները:
«10 տարի խոսեցին, որ հասարակական կազմակերպությունները, որոնք իրավունքների պաշտպանությամբ են զբաղված, իրավունք ունենան շահառուների խնդիրներով դատարան դիմել: Պետությունն ասաց, այո, նման բան կլինի, բայց չեղավ: Մենք օբյեկտիվ կառավարման թերություն ունենք»,– եզրափակեց նա:

 

Մանյա Պողոսյան

«Փաստ» օրաթերթ

loading...
Депутат в шелках и миллиардных долгах Данные ЦАМТО ошибочны- у Армении есть “Искандер” и “БУК” Министр обороны доложил президенту о старте новой программы социальной помощи семьям погибших или ставших инвалидами военнослужащих Карен Карапетян подчеркнул важность проектов, направленных на качественные изменения в сфере ИТТ Саакашвили уходит с поста губернатора Одесской области, виной тому – Порошенко Телеканал «Россия»: Россия и Армения ведут честную игру КРОУ склонна к снижению тарифа на электроэнергию Республиканская партия Армении не пойдет на кардинальные изменения во внешней или внутренней политике Виталий Баласанян назначен секретарем Совбеза НКР Для необеспеченных слоев населения тариф на газ составил 100 драмов Обновление ОДКБ идет на пользу Армении Президент потребовал постоянного внимания к регулированию дорожного движения "Газпром Армения" представила основные цели и факторы изменения газовых тарифов Азербайджан применил на линии соприкосновения гранатометы Армения – единственная в мире страна, где «воров в законе» не сажают – российская пресса «Газпром Армения» обратится в КРОУ по вопросу о пересмотре газовых тарифов Азербайджан более 55 раз нарушил режим перемирия Новая книга о Карсе и необходимости переосмыслить идею независимости Первопрестольный Эчмиадзин хотел бы видеть на престоле Константинопольского патриарха епископа Саака Машаляна Российские и сирийские ПВО выдворили турок из воздушного пространства Сирии Китайский М20 не может стать реальным конкурентом «Искандера»: его качество сомнительно Согласится ли Гагик Царукян возглавить новую партию? Новое кадровое назначение: главу ГСБПП Армена Айрапетяна сменит Ишхан Карапетян В приграничном Кохбе освящена новая церковь Сурб Григор Лусаворич Тема карабахского урегулирования уже давно не обсуждается в ходе встреч президентов (видео)
Сегодня За неделю За месяц
website by Sargssyan