Երևան, 17.Հոկտեմբեր.2018,
--
:
--
,
Ջասթին Թրյուդոն Հայաստանում կանադական ընկերություններին հետաքրքրող ներդրումների մեծ ներուժ է տեսնում Հայաստանում լինելու է ամենածավալուն համաներումը. Արտակ Զեյնալյան Ֆրանսիան երբե´ք չի մոռանա և կպայքարի ճանաչման համար. Մակրոնի գրառումը Հայոց ցեղասպանության թանգարան- ինստիտուտի հուշամատյանում Հավատարիմ ենք մեզ միավորող կապերին, որոնք բնորոշվում են «Ապրել միասին Ֆրանկոֆոնիայում» գաղափարախոսությամբ. ՀՀ վարչապետի ելույթը Ֆրանկոֆոնիայի գագաթնաժողովի մասնակիցները ջերմ ծափահարություններով ողջունեցին Շառլ Ազնավուրի հավերժական ներկայությունը Հայաստանը ԼՂ հակամարտության կարգավորման բանակցային գործընթացի փոփոխության հարց չի դնում. Նիկոլ Փաշինյան Հույս ունեմ հաստատվել Հայաստանում նվիրվելու համար ծրագրերին, որ հայրս նախաձեռնել էր այնտեղ. Նիկոլա Ազնավուր Թունավորման վարկած. ՌԴ ՔԿ-ն նորից կուսումնասիրի գործարար Լևոն Հայրապետյանի մահվան հանգամանքները Աշոտ Աղաբաբյանը «Քննարկում» հաղորդաշարի հյուրն է. ուղիղ եթեր

Ս. Ծննդյան ճրագալույցի պատարագ է մատուցվել Նավասարդ Սրբազանի հանդիսապետությամբ

 


Արարատյան Հայրապետական թեմի առաջնորդանիստ Ս. Սարգիս եկեղեցում հունվարի 5-ին Ս. Ծննդյան ճրագալույցի Ս. Պատարագը մատուցվեց առաջնորդական փոխանորդ Գերաշնորհ Տ. Նավասարդ արքեպիսկոպոս Կճոյանի հանդիսապետությամբ: Ս. Պատարագին ներկա էին Երևանի քաղաքապետ Տարոն Մարգարյանը, ՀՀ Նախագահի վերահսկողական ծառայության ղեկավար Հովհաննես Հովսեփյանը:

Ինչպես տեղեկացրին Արարատյան Հայրապետական թեմի տեղեկատվական բաժնից, պատարագիչը Տ. Շահե քահանա Հայրապետյանն էր: Հընթացս Ս. Պատարագի տեր հայրն ընթերցեց Ն.Ս.Օ.Տ.Տ. Գարեգին Բ Ամենայն Հայոց Հայրապետի շնորհավորանքն՝ ուղղված Տ. Նավասարդ արքեպիսկոպոս Կճոյանին: Ուղերձում մասնավորաբար ասվում է.

«Սիրելի՛ Սրբազան,
Ամանորի և Սուրբ Ծննդյան ու Աստվածահայտնության տոների առթիվ Մայր Աթոռ Սուրբ Էջմիածնից բերում ենք Հայրապետական Մեր օրհնությունն ու շնորհավորանքները Ձեզ, Տիրախնամ թեմիդ եկեղեցական դասին, համայնքային վարչությունից պատվարժան անդամներին և հավատավոր Մեր զավակներին:
Ի լրումն ժամանակի Աստված Իր Միածին Որդուն առաքեց աշխարհ` հանուն մարդկության փրկության. «Աստված այնքան սիրեց աշխարհը, որ Իր Միածին Որդուն տվեց, որպեսզի ով Նրան հավատա, չկորչի, այլ ընդունի հավիտենական կյանքը» (Հովհ. Գ: 16): Միածին Որդու աշխարհագալուստով վերականգնվեց պատվիրանազանցությամբ խախտված հաշտությունը Աստծո և մարդու միջև, մարդկությանը տվեց Աստծու որդեգրության և հավիտենական կյանքի շնորհը: Շնորհ, որ պարգևում է հույս, ամրապնդում հավատքը, առատացնում սերը մարդկանց սրտերում:

Առ Աստված ապավինությամբ մեր ժողովուրդը ապրեց դարերի հոլովույթում, դիմակայեց պատմության փորձություններին: Տիրոջով ազգս հայոց վերապրեց հայոց ցեղասպանությունը և մոխիրներից ու ավերակներից վերստեղծեց իր անկախ պետականությունը, որի հովանու ներքո շարունակեց նոր ձեռքբերումներով նորոգել ու բարեզարդել իր կյանքը:
Փրկչական 2018 թվականին ազգովի պիտի տոնախմբենք ու ոգեկոչենք Հայաստանի առաջին Հանրապետության հռչակման ու մայիսյան հերոսամարտերի 100-րդ տարեդարձերը: Առաջին Հանրապետությունը ծնունդն էր ինքնիշխան և անկախ պետականություն ունենալու աշխարհասփյուռ մեր ժողովրդի դարավոր ձգտումի, կամքի ու վճռականության: Փառք Տիրոջը` այսօր ունենք անկախ պետություն, որ ամուր պատվարն է մեր ժողովրդի գոյության և հարատևության: Մայիսյան հերոսամարտերը Հայրենիքով համախմբված մնալու, Հայրենյաց սիրով ապրելու և հայոց բանակը զորացնելու պատգամ են մեր ժողովրդին միասնական ջանքերով կառուցելու առավել լուսավոր ու պայծառ ապագա և շարունակելու կերտել մեր երազած հայրենիքը, շենացնել Սփյուռքի մեր համայնքները, հետամուտ լինել մեր ազգային իղձերի ու նպատակների իրականացմանը:

2018 թվականը Հայրապետական տնօրինությամբ հռչակել ենք Երիտասարդության տարի: Առաջին Հանրապետության և մայիսյան հերոսամարտերի հոբելյանական այս տարին ոգեշնչող առիթ է Հայրենիքի շուրջ համախմբելու աշխարհասփյուռ երիտասարդ հայորդիներին, որպեսզի հաղորդակցվեն իրենց պատմությանը, սրբազան ավանդներին, ոգեշնչվեն մեր ժողովրդի հերոսական սխրանքներով և նույն ոգով ներշնչված` իրենց մասնակցությունն ու ներդրումը բերեն ազգային-եկեղեցական կյանքին:

Հայրապետական Մեր հորդորն է, որ շարունակենք ներգրավել հայ երիտասարդությանը եկեղեցական-համայնքային կյանքում, թեմական տարբեր կառույցներում և առաջնորդնել նրանց շաղախելու իրենց հոգևոր կյանքը Ավետարանի լույսով և ճշմարտությամբ:

Իջման Սուրբ Սեղանի առջև աղոթում ենք աշխարհի խաղաղության համար, որպեսզի մարդացյալ Տիրոջ ողորմությամբ դադարեն պատերազմները և ահաբեկչությունները Մերձավոր Արևելքում և ողջ աշխարհում, և մարդիկ շարունակեն ապրել բարօրության մեջ` զորացնելով եղբայրասիրությունը և համերաշխության ոգին:

Թող մարդացյալ Փրկիչը զորավիգ լինի Ձեզ, Տիրախնամ Թեմիդ ուխտապահ եկեղեցականց դասին, համայնքային վարչությանց բարեջան անդամներին` պարգևելով քաջառողջություն և նորանոր հաջողություններ` ի փառս Աստծո, ի պայծառություն Տիրախնամ Ձեր և առաքելաշավիղ մեր Սուրբ Եկեղեցու»:

Հավարտ Ս. Պատարագի Նավասարդ Սրբազանը Ս. Ծննդյան և Հայտնության Ավետիսը փոխանցեց հավատավոր ժողովրդին` ողջունելով. «Քրիստոս Ծնաւ և Յայտնեցաւ: Օրհնեալ է Յայտնութինն Քրիստոսի»:

Ճրագալույցի Ս. Պատարագից հետո ԱՀԹ առաջնորդարանում Տ. Նավասարդ արքեպիսկոպոս Կճոյանի նախագահությամբ կատարվեց Տնօրհնեքի կարգ: Առաջնորդարանի հանդիասասրահում հավատացյալներն առիթ ունեցան շնորհավորելու  թեմի առաջնորդական փոխանորդին:

Հայ Առաքելական Սուրբ Եկեղեցին հունվարի 6-ին նշում է Հիսուս Քրիստոսի հրաշափառ Ծնունդն ու Հայտնությունը: Ս. Ծննդյան տոնը սկսվում է հունվարի 5-ի երեկոյան, քանի որ ըստ եկեղեցական կարգի օրը փոխվում է երեկոյան ժամերգությունից հետո: Հունվարի 5-ի երեկոյան եկեղեցիներում մատուցվում է ճրագալույցի Ս. Պատարագ: Ճրագալույց բառը նշանակում է ճրագ (մոմ) լուցանել, վառել: Այդ օրը եկեղեցում վառված ճրագները մարդիկ տուն են տանում: Վառվող ճրագները խորհրդանշում են բեթղեհեմյան աստղի լույսը, որն առաջնորդեց մոգերին դեպի Հիսուս Մանուկ:

Հունվարի 5-ի երեկոյից մարդիկ միմյանց ողջունում են «Քրիստոս ծնաւ եւ յայտնեցաւ: Օրհնեալ է յայտնութիւնն Քրիստոսի: Ձեզ եւ մեզ մեծ Աւետիս»: Վաղը` հունվարի 6-ին, Ս. Պատարագ կմատուցվի բոլոր եկեղեցիներում: Ս. Պատարագի ավարտին կկատարվի Ջնօրհնեքի կարգ, որը խորհրդանշում է Հիսուս Քրիստոսի` Հորդանան գետում Ս. Հովհաննես Մկրտչի ձեռքով մկրտվելը և աշխարհին հայտնվելը:

loading...
Ջասթին Թրյուդոն Հայաստանում կանադական ընկերություններին հետաքրքրող ներդրումների մեծ ներուժ է տեսնում Հայաստանում լինելու է ամենածավալուն համաներումը. Արտակ Զեյնալյան Ֆրանսիան երբե´ք չի մոռանա և կպայքարի ճանաչման համար. Մակրոնի գրառումը Հայոց ցեղասպանության թանգարան- ինստիտուտի հուշամատյանում Հավատարիմ ենք մեզ միավորող կապերին, որոնք բնորոշվում են «Ապրել միասին Ֆրանկոֆոնիայում» գաղափարախոսությամբ. ՀՀ վարչապետի ելույթը Ֆրանկոֆոնիայի գագաթնաժողովի մասնակիցները ջերմ ծափահարություններով ողջունեցին Շառլ Ազնավուրի հավերժական ներկայությունը Հայաստանը ԼՂ հակամարտության կարգավորման բանակցային գործընթացի փոփոխության հարց չի դնում. Նիկոլ Փաշինյան Հույս ունեմ հաստատվել Հայաստանում նվիրվելու համար ծրագրերին, որ հայրս նախաձեռնել էր այնտեղ. Նիկոլա Ազնավուր Թունավորման վարկած. ՌԴ ՔԿ-ն նորից կուսումնասիրի գործարար Լևոն Հայրապետյանի մահվան հանգամանքները Աշոտ Աղաբաբյանը «Քննարկում» հաղորդաշարի հյուրն է. ուղիղ եթեր Էներգետիկայի և բնական պաշարների համակարգն առավել արդյունավետ դարձնելու գործնական փուլ ենք մտել. Նիկոլ Փաշինյան Հանրության և քննչական մարմինների նոր հարաբերությունների հաստատման գործընթաց է սկսվում. Փաշինյանը շնորհավորեց ՔԿ աշխատողի օրվա առթիվ Մոսկվան եւ Երեւանը արդյունավետ համագործակցում են, կողմերը շարունակում են ինտենսիվ երկխոսությունը. Կարասին Պիտի կարենալ... Ազնավուր Հրազենային վնասվածքներից մահացել է «Յուվեցի Կարո» մականվամբ Կարո Կարապետյանը Ազնավուր. վավերագրական ֆիլմի պրեմիերա Պարզ է, սիրում եմ քեզ. Շառլ Ազնավուր Ազնավուրը խարիսխ է գցել հավերժությանը մեր ժառանգության Ազնավուրի մարմինը դուրս բերեցին «Դլե Յաման» –ի երաժշտության ուղեկցությամբ Փաշինյանը և Մակրոնը ներկա են գտնվել Շառլ Ազնավուրի հոգեհանգստի արարողությանը և հանդես եկել ելույթներով Ճանաչված բարերար Հրաչյա Պողոսյանի հերթական նախաձեռնությունը. սպասվում են «տիեզերական անակնկալներ» Աշոտ Աղաբաբյանի «Թակարդ» վեպը վաճառքի կհանվի հոկտեմբերի 4-ից Նիկոլ Փաշինյանն Ազնավուրի մահը համամարդկային կորուստ է համարում
Այսօր Այս շաբաթ Այս ամիս
website by Sargssyan