Երևան, 20.Հուլիս.2018,
--
:
--
,

ՄԱԿ-ում Երուսաղեմի հարցով Հայաստանի քվեարկությունն ուղղված չէ որևէ երկրի դեմ. Շարմազանով

 

ՄԱԿ-ի Գլխավոր ասամբլեայում Երուսաղեմի հարցով Հայաստանի քվեարկությունն ուղղված չէ ԱՄՆ-ի կամ որևէ այլ երկրի դեմ: «Արմենպրես» լրատվական գործակալության մամուլի սրահում լրագրողների հետ հանդիպմանն այս մասին ասաց ՀՀ Ազգային ժողովի փոխնախագահ Էդուարդ Շարմազանովը: «Այս քվեարկությունն ուղղված է եղել Երուսաղեմի հարցով բանակցային գործընթացը պահպանելուն, բանակցությունների միջոցով խնդիրը կարգավորելու հույսը պահպանելուն, տարածաշրջանում խաղաղության և կայունության պահպանմանը և Երուսաղեմի հայկական համայնքի և պատրիարքարանի շահերի պաշտպանությանը: Մենք որևէ մեկի դեմ չենք քվեարկել, մենք քվեարկել ենք հանուն լարվածության թուլացման, հանուն բանակցային գործընթացի շարունակականության»,- նշեց Շարմազանովը:

ՀՀ ԱԺ փոխնախագահը համաձայն չէ որոշ վերլուծաբանների կարծիքների հետ, թե Հայաստանի նման քվեարկությունը կարող է հանգեցնել հայ-ամերիկյան հարաբերությունների վատթարացման: «Մենք շատ ակտիվ և հետևողական փորձում ենք զարգացնել երկխոսությունը մեր ամերիկացի գործընկերների հետ, իսկ անցած տարիների ընթացքում հասցրել ենք շատ լուրջ հաջողություններ արձանագրել երկկողմ հարաբերություններում: Ես գտնում եմ, որ հայ-ամերիկյան հարաբերություններն այս պահին վերելքի վրա են, և մենք ամեն ինչ պետք է անենք, որպեսզի դրանք շարունակեն զարգանալ»,- ասաց Էդուարդ Շարմազանովը:

Նա հստակեցրեց, որ Հայաստանը ՄԱԿ-ում քվեարկել է այնպես, ինչպես պահանջում է այսօրվա գործող բանակցային գործընթացը, ՄԱԿ-ի ընդունած ձևաչափն ու բանաձևերը Պաղեստինի և Իսրայելի հարցում, ՀՀ և հայության շահը: «Իսկ Հայաստանի Հանրապետության շահն է` չանել քայլեր, որոնք հավելյալ լարվածություն կմտցնեն Երուսաղեմում, որոնք չեն բխի Երուսաղեմի հայկական համայնքի շահերից և որոնք դեմ կլինեն բանակցային տրամաբանությանը, որն ընդունել է ՄԱԿ-ը Երուսաղեմի հարցով: Ինչպես մենք ակնկալում ենք, որ որևէ երկիր Լեռնային Ղարաբաղի հակամարտության կարգավորման վերաբերյալ չպետք է ընդունի բանաձևեր, որոնք դեմ են Մինսկի խմբի համանախագահության առաջարկած սկզբունքներին, այնպես էլ Երուսաղեմի հարցում կան բանակցային սկզբունքներ, ուստի աննորմալ կլինի, որ Հայաստանը պահանջի Ղարաբաղի հարցում պահպանել բանակցային սկզբունքները, իսկ ինքը մեկ այլ հարցում այդ բանակցային ֆորմատին և սկզբունքներին դեմ հանդես գա»,- եզրափակեց Շարմազանովը:  

Միավորված ազգերի կազմակերպության Գլխավոր Ասամբլեան դեկտեմբերի 21-ին 128 կողմ,  35 ձեռնպահ և 9 դեմ ձայներով հաստատել է բանաձևը, որը փաստացի անվավեր է ճանաչում ԱՄՆ նախագահ Դոնալդ Թրամփի՝ Երուսաղեմն Իսրայելի մայրաքաղաք ճանաչելու որոշումը: Ընդունված բանաձեւում ՄԱԿ անդամ պետությունները հաստատել են Երուսաղեմի հատուկ կարգավիճակը և շեշտել, որ այն փոփոխելու ուղղված ցանկացած միջոցառում չունի իրավական ուժ: Հայաստանը կողմ է քվեարկել բանաձևին:

loading...
«Դարաշրջանն» ու «Դվին 2018»-ը մշակութային Հայաստանում Պետությունը մշակույթին պիտի խանգարի, չխանգարի, օգնի, անտեսի, վերահսկի. կարծիքներ հանդիպում-քննարկումից Ճանաչեք հին Երևանը. «Քաղաք» պանդոկ «Վահանագեղձի հանգույցներ». խնդիրներն ու բուժումները Արմեն Վարժապետյանի գրքում Նախագահը ընթրիք-հանդիպում է ունեցել հայտնի կինոգործիչների հետ Արմեն Արզումանյանը նշանակվել է ՀՀ տրանսպորտի, կապի եւ տեղեկատվական տեխնոլոգիաների նախարարի տեղակալ Ոչ մի բան չանեինք, կարող է՝ ավելի լավ լիներ. կրթության փորձագետը՝ բարեփոխումների վերաբերյալ Սպանություն Գեղարքունիքում. երկու անձ ձերբակալվել է Գավառ քաղաքից 21 կմ դեպի արևմուտք երկրաշարժ է գրանցվել Բելառուսական անձնագրով հայն այցելել է Ադրբեջան ու հասել ծնողների տուն. Լապշինը հրապարակել է տեսանյութ Ռոբերտ Քոչարյանը ՀՔԾ հարցաքննության կներկայանա հուլիսի 25-ից ոչ շուտ. Սողոմոնյան (տեսանյութ) Երևանի քաղաքապետ Տարոն Մարգարյանը հրաժարական տվեց Թե ինչպես Ֆիդել Կաստրոն փրկեց Ստաս Նամինին, իսկ Նամինը Կուբայի մասին ֆիլմ նկարահանեց Թուրքիայում գնացք է վթարվել. կան մեծ թվով զոհեր Ջորկաեֆը պատրաստ է լրջորեն աջակցել հայկական ֆուտբոլին. Փաշինյանը հանդիպել է ֆուտբոլիստի հետ Փաշինյանը ներկա է գտնվել «Ոսկե Ծիրան»-ի բացման արարողությանն ու հետևել «Լեգենդների խաղ»-ին Մեր ամենակարևոր նպատակն է արտագաղթի անիվը ոչ միայն կանգնեցնելը, այլև հետ պտտելը. Նիկոլ Փաշինյան Վարդավառին միացած Դարեն Արոնոֆսկին. մեկնարկեց 15-րդ «Ոսկե ծիրանը» Դժբախտ պատահարի հետևանքով մահացել է ՊՆ կենտրոնական արխիվի պետը ԿԲ-ն վարչապետին է ներկայացրել իրականացված ուսումնասիրությունները տնտեսական աճի կանխատեսման և հարկային բարեփոխումների վերաբերյալ ՀՀ նախագահը մասնակցել է Միջազգային եւ անվտանգության հարցերի հայկական ինստիտուտի Երիտասարդական ֆորումին Ադրբեջանը շփման գծում հայ դիրքապահների ուղղությամբ արձակել է ավելի քան 1500 կրակոց Հայ ժողովուրդը կարիք ունի ուժեղ և ինքնիշխան պետության. ՀՀ Անվտանգության խորհրդի քարտուղար
Այսօր Այս շաբաթ Այս ամիս
website by Sargssyan