Երևան, 22.Հուլիս.2018,
--
:
--
,

Սպառողն ավելի զգոն է, նրան մոլորեցնելը «չի անցնում». Ամանորի զեղչային քաղաքականության դրական առաջընթացը



Ինչպես ամբողջ աշխարհում, Հայաստանում գործող առևտրի կենտրոններում, տարբեր խանութներում Ամանորին ընդառաջ հայտարարվում են զեղչերի մասին: Շատ հաճախ զեղչերը չեն համապատասխանում իրականությանը, կամ սպառողն իրեն ուղղակի խափված է զգում: Մոտենում է, օրինակ, 50%–ով զեղչված հագուստներին ու պարզում, որ իրականում զեղչը տարածվում է միայն մի քանի ապրանքների վրա: Երբեմն էլ 50%–ի կողքին մանր տառերով նշված է լինում «սկսած» բառը, բայց սա, իհարկե, լավագույն դեպքում:

«Սպառողների խորհրդատվության կենտրոն» ՀԿ նախագահ Կարեն Չիլինգարյանը նշված դեպքերը սպառողին մոլորեցնելու փորձ է համարում: ՀԿ նախագահի խոսքով, մեր երկրում զեղչային համակարգը տարիներ շարունակ ձևական բնույթ է կրել:
«Գրեթե բոլոր խանութներում «մեծ» զեղչերի մասին հայտարարություններ էին տարածում, բայց հետո բացահայտվում էր, որ այդ ապրանքները մի քանի օր առաջ առանց ակցիայի նույն գնին են եղել: Այսինքն՝ ապրանքի գինը արհեստականորեն բարձրացրել են, հետո նորից իջեցրել նախկին արժեքին ու ցույց տվել, թե իբր զեղչ են արել: Սպառողը այդպիսի հայտարարությունների զոհն էր դառնում: Սկսում էր մեկի տեղը մի քանի ապրանք գնել, ուրախանալ, որ զեղչով ապրանք է գնել»,–«Փաստ»–ի հետ զրույցում ասաց Կ. Չիլինգարյանը:

ՀԿ նախագահը նկատում է՝ զեղչը պետք է ճշգրիտ և ստույգ լինի սպառողի համար:
«Նրան պետք է հստակ հասանելի լինի, թե որ ապրանքի համար որքան զեղչ է սահմանված: Միաժամանակ պետք է ասեմ, որ որոշ խանութներ քննադատություններից հետո սկսեցին հայտարարություններում ավելացնել «զեղչը միայն նշված ապրանքատեսականու համար է» արտահայտությունը: Երբ զեղչային քաղաքականության այսօրվա իրավիճակը համեմատում ենք նախորդ տարիների հետ, տեսնում ենք, որ այսօր տնտեսվարողն այն ավելի քաղաքակիրթ ձևով է իրականացնում: Նրանք էլ են հասկացել, որ սպառողին մոլորեցնելը և խափելն այլևս «չի անցնում»: Ի դեպ՝ այդ առումով սպառողն էլ ավելի կրթված և զգոն է դարձել: Բայց հինգ կամ տասը տարի առաջ այլ իրավիճակ էր: Սպառողը մտնում էր խանութ, վերցնում իր հավանած ապրանքը, սնունդը և դուրս գալիս: Հիմա մեծամասնությունն ուսումնասիրում է մակնշումը, որակը և նոր է գնում»,–ասաց Կ. Չիլինգարյանը:

Մեր զրուցակիցը շեշտեց, որ սննդամթերքի ոլորտում ևս որոշակի զեղչային քաղաքականություն է գործում:
«Իհարկե, կան դեպքեր, երբ իրականում զեղչ է արվել, բայց այստեղ հիմնականում մի բացասական երևույթի ենք բախվում: Շատ հաճախ տնտեսվարողը սպառողին մոլորեցնելու, ինչ–որ ձևով նրան գրավելու նպատակ է հետապնդում: Այստեղ ևս ապրանքների վրա գինը արհեստականորեն բարձրացնում են, հետո իջեցնում իր սովորական գնին ու այդ «փոփոխությունը» որպես զեղչ են ներկայացնում: Այլ հարց է, որ սպառողը ծանոթ է լինում տվյալ խանութում վաճառվող ապրանքի իրական գնին, իսկ անտեղյակ լինելու դեպքում դժվար է նման խնդիրները բացահայտել կամ ծուղակը չընկնել»,–ասաց մեր զրուցակիցը:

Հարցին, թե ակցիայով վաճառվող սնունդը որակային առումով կարո՞ղ է կասկած հարուցել, ՀԿ նախագահը պատասխանեց. «Կան սուպերմարկետներ, որոնք ապրանքի օգտագործման ժամկետը մոտենալուն պես, գներն իջեցնում են: Այս քաղաքականությունը կա և դա ողջունելի է: Սա, իհարկե, այն դեպքում, եթե ապրանքների պիտանելիության մակնշումները կեղծված չեն: Ես ինքս մեծ ուշադրություն եմ դարձնում այդ ակցիաներին:

Մանրակրկիտ ուսումնասիրում եմ մակնշումները, որ հանկարծ կեղծված չլինեն: Վերջին ժամանակահատվածում կեղծիքներ չեմ գրանցել»,–ընդգծեց Կ. Վերջինիս կարծիքով, թեև նշված ոլորտում խնդիրներ կան, այնուամենայնիվ, տարիների ընթացքում դրանք ըստ էության կլուծվեն. «Զեղչային քաղաքականության մեջ դրական առաջընթաց կա, ինչը ողջունելի է: Հուսանք, որ առաջիկա տարիների ընթացքում մեզ մոտ առևտուրն ավելի քաղաքակիրթ ձևով կիրականացվի և սպառողը արդեն ավելի քիչ խնդիրներ կունենա»:

Կարեն Չիլինգարյանը շեշտեց, որ քաղաքացիների բողոքներն այդ առումով ևս նվազել են. «Նախորդ տարիներին սպառողները պարբերաբար զանգահարում էին մեր կազմակերպություն ու բողոքում: Բայց հիմա, արդեն մեկ տարվա կտրվածքով կարող եմ ասել, որ զեղչային քաղաքականության վերաբերյալ բողոքներ չենք ստացել»:

 

Աննա Բադալյան
«Փաստ» օրաթերթ

loading...
Գերմանիայի կանցլերի գրասենյակը դեռևս չի մեկնաբանում Հայաստան Մերկելի հնարավոր այցի մասին տեղեկությունը Թուրքիայի քեմալական կուսակցության ազատազրկված պատգամավորը հացադուլ է սկսել Որակյալ կահույքի արտադրություն ու մատչելի գներ․սա «Ավելինո»-ն է Մուշավան թաղամասի հրդեհը մարվել է. դեպքի վայրում էր նաև ԱԻ նախարարը Հայաստանի ՓՄՁ ԶԱԿ-ը նոր տնօրեն ունի Քաղցրավենիք, բուսական պահածոներ ու թանապուր. զորամասերում սննդակարգի փոփոխություններ են իրականացվում Վարչապետ Նիկոլ Փաշինյանի մամուլի ասուլիսը Փաշինյանն օգտակար է համարում Տեր-Պետրոսյանի հետ զրույցը և չի բացառում մյուս նախագահների հետ հանդիպելու հնարավորությունը Ռուսաստանն ունի հնարավորություն թույլ չտալու պատերազմի վերսկսումը տարածաշրջանում. Փաշինյան Հայաստանի Հանրապետությունում արտոնյալ գործարարներ չեն լինի. Փաշինյան «Ադրբեջանցիները վախենում են ճշմարտությունից». սպառնալիքներ ստացող հայազգի բլոգերը տեսանյութ է հրապարակել Երևանից (տեսանյութ) 2021-ից ընդերքօգտագործողները բնապահպանական հարկ են վճարելու թափոնների տեղադրման կամ պահման համար «Տուբերկուլոզի դեմ պայքարի ազգային կենտրոն» ՊՈԱԿ-ում հայտնաբերվել են մի շարք չարաշահումներ և խախտումներ Արարատ Միրզոյանն ԱՄՆ կոնգրեսականին հայտնել է Հայաստանում մինչև ապրիլ ընտրություններ անցկացնելու մտադրության մասին «Դարաշրջանն» ու «Դվին 2018»-ը մշակութային Հայաստանում Պետությունը մշակույթին պիտի խանգարի, չխանգարի, օգնի, անտեսի, վերահսկի. կարծիքներ հանդիպում-քննարկումից Ճանաչեք հին Երևանը. «Քաղաք» պանդոկ «Վահանագեղձի հանգույցներ». խնդիրներն ու բուժումները Արմեն Վարժապետյանի գրքում Նախագահը ընթրիք-հանդիպում է ունեցել հայտնի կինոգործիչների հետ Արմեն Արզումանյանը նշանակվել է ՀՀ տրանսպորտի, կապի եւ տեղեկատվական տեխնոլոգիաների նախարարի տեղակալ Ոչ մի բան չանեինք, կարող է՝ ավելի լավ լիներ. կրթության փորձագետը՝ բարեփոխումների վերաբերյալ Սպանություն Գեղարքունիքում. երկու անձ ձերբակալվել է Գավառ քաղաքից 21 կմ դեպի արևմուտք երկրաշարժ է գրանցվել
Այսօր Այս շաբաթ Այս ամիս
website by Sargssyan