Երևան, 23.Հունվար.2018,
--
:
--
,

Հասարակությունն ինքը կստիպի իշխանություններին


Մեր հյուրն է քաղաքական փորձագետ Ռուբեն Մեհրաբյանը

– Պարոն Մեհրաբյան, 2017–ին ժողովրդավարության զարգացման, մեր պետության ինքնիշխանության խորացման առումով ձեռքբերումներ եղա՞ն երկրում, թե՝ ոչ:

– Նախադրյալներ են ստեղծվել այդ ամենը դրական հունով տանելու համար: Շատ կարևոր նախադրյալներ: Նույնիսկ՝ պատմական նախադրյալներ:
Սակայն խոսել որակական փոփոխությունների մասին, դեռևս վաղաժամ է:
Բայց բոլոր դեպքերում ես կարծում եմ, որ մենք 2018 թվականը մտնում ենք դրական լիցքերով և այդ ամենն իրականություն դարձնելուն ուղղված պայքարի տրամադրվածությամբ:

– Իսկ որո՞նք են այդ նախադրյալները:

– Առաջին հերթին Եվրամիության հետ ստորագրած համաձայնագիրն է: Դրան զուգահեռ ՝ քաղաքացիական գիտակցության անկասելի աճը Հայաստանում: Վերջինս էլ կարևորագույն գրավականն է, որպեսզի այդ համաձայնագիրն իրականություն դառնա: Իրականություն դառնա ու փոխի մեր երկրի հասարակական–քաղաքական համակարգը:

– Որո՞նք են այն օբյեկտիվ հանգամանքները, որ կստիպեն, որպեսզի համաձայնագրի դրույթներն իրականություն դառնան:

– Օբյեկտիվ հանգամանքն այն է, որ այդ փոփոխությունները պարզապես պահանջված են հասարակության կողմից: Եվ ես վստահ եմ, որ հասարակությունը պահանջելու է, որպեսզի դրանք կյանքի կոչվեն: Եվ վերահսկելու է իր բոլոր գործիքներով: Նաև երկրում գործող մի խումբ քաղաքական ուժեր նախանձախնդիր կլինեն այդ հարցում:Ուստի, ես կարծում եմ, որ այդ ամենի հանրագումարում մենք դրական արդյունք կունենանք:

– Բայց հասարակությունը շատ բան է պահանջում, և իշխանությունները նկատելու էլ չեն տալիս դրանք: Այս դեպքում ինչո՞ւ պետք է ականջալուր լինի նրան:

– Երբ հանգամանքները սկսում են ստիպել, իշխանությունները շատ լավ էլ ամեն ինչին ականջալուր են լինում: Պարզապես մատների արանքով կարող են նայել, երբ բանը չի հասել ստիպելու մակարդակին:
Ի վերջո, աշխարհի բոլոր երկրներում դրական փոփոխությունները տեղի են ունեցել այն ժամանակ, երբ դա ստիպել է հասարակությունը: Ես այլ ճանապարհի մասին տեղյակ չեմ:
Ընդ որում, ես պարտավոր եմ շեշտել, որ դրանք պետք է լինեն բացառապես օրենքով չարգելված եղանակներով: Եվ լինեն՝ բռնությունը մերժելու ճանապարհով:

– Իսկ ֆինանսական միջոցները, որ բարեփոխումների անցկացման պարագայում Եվրամիությունը հատկացնելու է մեր երկրին, մոտիվացիա չի՞ ստեղծելու մեր իշխանությունների մոտ, որպեսզի առավել շահագրգռված լինեն ժողովրդավարացման գործում:

– Դա լրացուցիչ մոտիվացիա է ոչ միայն իշխանության , այլև հասարակության համար: Ես կարծում եմ, որ այն տեղեկությունը, թե դրական տեղաշարժերի դեպքում ֆինանսավորման մասշտաբները մեծանալու են, նույնպես խիստ դրական նախադրյալ է լինելու բարեփոխումներն իրականություն դարձնելու ճանապարհին:
Նաև պետք է ավելացնեմ, որ միայն Եվրամիության հետ չէ, Ամերիկայի Միացյալ Նահանգների հետ ևս համագործակցության համար նախադրյալների լայն հիմք գոյություն ունի: Սա ևս պետք է իրականություն դառնա:
Եվ ես կարծում եմ, որ Սպիտակ տան վարչակազմում որոշակիության մեծացմանը զուգընթաց՝ համագործակցությունը կգտնվի արդեն գործնական հենքի վրա:

– Այսինքն՝ վստահ եք, որ մեր երկրում բարեփոխումներն իմիտացիոն բնույթ չեն կրի:

– Ես վստահ եմ, որ մենք ամեն ինչ կանենք, որ այդպես չլինի:

– Հավատանք ինքներս մեզ:

– Այո, հավատանք ինքներս մեզ: Մենք կարող ենք այդ ամենն անել: Մեր հասարակությունն ունի պատշաճ հասունություն այդ ամենն իրականություն դարձնելու համար:
Պարզ է, որ մեկ օրում դա տեղի չի ունենա: Եվ 2018–ին Հայաստանը դրախտի չի վերածվի: Բայց որ մենք շատ կարևոր քայլեր ենք անելու դեպի առաջ, կասկած չկա:

 


Գոհար Սարդարյան
«Փաստ» օրաթերթ

loading...
Հայաստանը ձմեռային Օլիմպիական խաղերին դահուկասպորտ մարզաձևում հանդես կգա 3 մասնակցով Յըլդըրըմը մանրամասներ է հայտնել Աֆրինում թուրքական զինուժի գործողությունների մասին Միջազգային հետախուզման մեջ է գտնվում ՀՀ-ում հափշտակված 163 ավտոմեքենա Սա մեր հաջողության պատմությունն է. Արփինե Հովհաննիսյանը ԵԽԽՎ ամբիոնից անդրադարձել է ՀՀ-ԵՄ համաձայնագրին Թուրքիայի զինուժը ռմբակոծում է Սիրիայում քրդերի վերահսկողության տակ գտնվող տարածքները Պուտինը Գրուշկոյին հանեց ՆԱՏՕ-ին առընթեր ՌԴ մշտական ներկայացուցչի պաշտոնից ՊԵԿ նախագահը նախանշել է համակարգի գործունեության առաջնահերթությունները ԵԽԽՎ-ի նոր նախագահ է դարձել Միկելե Նիկոլետին «ՄՏՍ Հայաստան» ՓԲԸ-ի բաժնետոմսերը կօտարվեն Հայկ Մարտիրոսյանը՝ Հայաստանի շախմատի չեմպիոն Պարտադիր սպանդանոցային մորթի ծրագրով 30-40 հոգի ցանկություն է հայտնել ներդրում կատարել ոլորտում «Ելք»-ի պատգամավորները կմասնակցեն գնաճի վերաբերյալ խորհրդարանական լսումներին «Այժմ ամենալավ ժամանակն է Հայաստանում ներդրումներ անելու համար». Կարեն Կարապետյանի հարցազրույցը «ՌԻԱ Նովոստի»-ին ՀՀ նախագահի ՀՀԿ թեկնածուն Հայաստան կվերադառնա շաբաթվա վերջին Արմեն Սարգսյանը ՀՅԴ-ի համար ՀՀ նախագահի ընդունելի թեկնածու է Տիգրան Մանսուրյանի «Ռեքվիեմ»-ն արժանացել է Դասական երաժշտության միջազգային մրցույթի գլխավոր մրցանակին Վահրամ Բաղդասարյանը բավական բարձր է գնահատում ՀՀ նախագահի թեկնածու Արմեն Սարգսյանի մասնագիտական որակները ՀՀ նախագահի և վարչապետի ընտրության կարգն ու ժամկետները. ներկայացնում է Արփինե Հովհաննիսյանը ՍԱՊԾ պետը վստահ է՝ Հայաստանում սննդամթերքի անվտանգության համակարգը թևակոխելու է զարգացման նոր փուլ Մխիթարյանը ծննդյան երեկոն անցկացրել է Ռայոլայի և Պոգբայի հետ «Փադինգթոնի արկածները 2»-ը` բոլոր ժամանակների ամենասիրելի ֆիլմ Ստեղծագործական աշխատանքի ժամանակ ուղեղը գործի Է դնում միանգամից մի քանի հատված Թրամփի առաջին տարվա աշխատանքի հավանության վարկանիշը ամենացածրն է ԱՄՆ-ի վերջին նախագահների շարքում Քաղցկեղի վաղ ախտորոշման նոր տեխնոլոգիա են մշակվել
Այսօր Այս շաբաթ Այս ամիս
website by Sargssyan