Երևան, 25.Ապրիլ.2018,
--
:
--
,

Զատուլինի հայտարարությունների հետքերով


Ռուսական Պետդումայի պատգամավոր Կոնստանտին Զատուլինը վերջին մի քանի օրերին իր հարցազրույցներում անընդհատ անդրադառնում է Հայաստանին՝ մեկ նա որպես Հայաստանի 2018 թ. վարչապետ է տեսնում Սերժ Սարգսյանին, մեկ հայտարարում, թե Մոսկվան հասկացել է, որ սխալ էր Ադրբեջանին զենք մատակարարելը, և այսպես շարունակ: Զատուլինի հայտարարությունները փորձել է մեկնաբանել քաղաքագետ Էմիլ Օրդուխանյանը:

– Սերժ Սարգսյանին որպես միակ լավագույն թեկնածու ներկայացնելը չի՞ ստեղծում տպավորություն, թե մենք ստանում ենք նաև Ռուսաստանի «դոբրոն»:

– Որևէ նոր բան Զատուլինը չի ասում՝ առավել ևս հաշվի առնելով այն հանգամանքը, որ նրա ելույթը եղավ հենց նույն Սերժ Սարգսյանի հայտնի հարցազրույցից հետո: Հայաստանում էլ մինչ այդ բոլոր քաղաքական գործընթացները և ներպետական շրջանառվող դիսկուրսը վկայում է այն մասին, որ իսկապես ստեղծվում են բոլոր նախադրյալները` Սերժ Սարգսյանի՝ ապրիլին վարչապետի ամենահավանական թեկնածուն դառնալու համար:
Նկատում ենք նաև, որ Ռուսաստանը Սերժ Սարգսյանի վարչապետության հետ կապված իր աջակցությունը պայմանավորում է նաև մեկ այլ կարևոր հանգամանքով. ԵԱՏՄ հինգ անդամ–պետություններից չորսի «լիդերները» անփոխարինելի առաջնորդներ են՝ Լուկաշենկոն, Նազարբաևը, և հաջորդ տարի Ռուսաստանում և Հայաստանում քաղաքական առաջնորդի հարց է լուծվում: Հիմա Ռուսաստանի համար կարևոր է, որ Հայաստանի վարչապետ լինի այն անձը, ում հետ Ռուսաստանը երկկողմ հարաբերություններում ունի արդեն բավական երկար աշխատանքային փորձ, համատեղ պայմանավորվածություններ, քաղաքական հեռանկարներ: Այսինքն՝ ռուսական կողմի աջակցությունը նաև կարելի է պայմանավորել այս համատեղ քաղաքական անցած ուղով և նաև առաջիկա ծրագրերն իրականացնելու տրամաբանության շրջանակներում:

– Զատուլինն ասում է, թե Մոսկվան հասկացել է, որ անխոհեմություն էր Ադրբեջանին զենք մատակարարելը: Ինչո՞ւ է նա հիմա նման բան ասում:

– Ապրիլյան պատերազնից հետո դասեր քաղել են բոլորը, ոչ միայն կոնֆլիկտում ներգրավվածները, այլև՝ միջնորդները, որովհետև ապրիլյան պատերազմը շատերի խաղաքարտերը բացեց ու շատերին հասկացրեց, որ հայկական կողմը պատրաստ է մարտնչել և չընկրկել թշնամու հարձակումներից: Այսօր քաղաքական վերահաշվարկներ կատարել են նաև Ռուսաստանում, որը սպառազինություն է մատակարարում կոնֆլիկտի երկու կողմերին և, բնականաբար, բալանսի խախտումը հանգեցնելու էր այդպիսի իրողության: Սրանով նրանք ուզում են նշել, որ իրենք կողմնակից են կոնֆլիկտի խաղաղ կարգավորմանը, բայց խաղաղ կարգավորումը հնարավոր կլինի այն պարագայում, երբ այդ խոսքը վերածվի գործի, երբ Ռուսաստանը սպառազինության մատակարարումը կամ վաճառքը կոնֆլիկտի կողմերին սահմանափակի:

– Նա նաև ասել էր, թե թող հայերը մոռանան ու ներեն իրենց, ինչպես իրենք են ժամանակին մոռացել, թե ինչպես են հայերը ապամոնտաժել ռուս գրողների հուշարձանները Հայաստանում:

– Նման բանը մոռանալը և մոռանալ պահանջելը քաղաքական տեսանկյունից կոռեկտ չէ, որովհետև մենք գործ ունենք մարդկային կյանքերի հետ, որոնք մեր հանրապետության քաղաքացիներն են: Չի կարելի մարդկանց կյանքը համեմատել արձանների ճակատագրի հետ, որովհետև մենք գործ ունենք պատերազմական վիճակում Հայաստանի քաղաքացիների կամ ազգությամբ հայերի՝ թշնամու հետ պայքարի արդյունքում զոհերի խնդրի հետ, ինչը բավական ցավալի երևույթ է, բայց միևնույն ժամանակ իրողություն է: Լավ կլինի, որ նույն ռուսական կողմը կամ համապատասխան ներկայացուցիչները ոչ թե պոստֆակտում խոսեն այս մասին, այլ այնպիսի քաղաքականություն վարեն, որ նման իրավիճակ չստեղծվի՝ կանխեն նման պրոցեսները:


ՔՐԻՍՏԻՆԱ ՏԵՐ–ՄԱԹԵՎՈՍՅԱՆ
«Փաստ» օրաթերթ

Ջոնսոնն առաջարկում է համագործակցել ՌԴ-ի հետ Իրանի, Հյուսիսային Կորեայի և Սիրիայի հարցերում

 

loading...
Քաղտեխնոլոգը Հայաստանում ստարտային դիրքավորման գործընթաց է տեսնում Ինչի՞ն ենք գնում՝ դիկտատուրայի՞ն ու թելադրանքի՞ն. Կարեն Կարապետյանը վերջնագրերով խոսելու մասին Ուղիղ միացում Երևանից Հրաչյա Ռոստոմյանը հրաժարական տվեc Կողմերը Մուն Չժե Ինի եւ Կիմ Չեն Ընի հանդիպման ընթացքը համաձայնեցրել են վայրկյան առ վայրկյան El Pais-ը ծավալուն հոդվածով անդրադարձել է Իսպանիայի արխիվներում Հայոց ցեղասպանության մասին վկայող փաստաթղթերին Փաշինյանի կոչը՝ ժողովրդին Մենք կանգնած ենք հայ ժողովրդի կողքին. Թրամփի ուղերձը Ցեղասպանության տարելիցին Մակրոնը հայտարարել Է Ֆրանսիայի ու ԱՄՆ-ի «առանձնահատուկ պատասխանատվության» մասին «Քաղաքացիական պայմանագիրը» հայտարարում է Կարապետյան-Փաշինյան հանդիպման չեղարկման մասին․ Tert.am Լիվերպուլ-Ռոմա. ուղիղ Հայոց ցեղասպանությունը պետք է քննարկվի հենց Թուրքիայի խորհրդարանում. Փայլան «Մեծ յոթնյակը» հայտնել Է, թե երբ կօգնի վերականգնելու Սիրիան Փաշինյանը շարունակում է պնդել բանակցությունների սեփական օրակարգը Էրդողանն ապրիլի 24-ին հերթական ոչինչ չասող ուղերձն է հղել պոլսահայերին Չինաստանում առնվազն 18 մարդ Է մահացել բարում բռնկած հրդեհի պատճառով. Sina Նիկոլ Փաշինյանը պատախանում է միջազգային լրատվամիջոցների հարցերին Ջորջ Բուշ Ավագը հոսպիտալացվել Է Մոլեռանդները 20-րդ դարասկզբին չխնայեցին անգամ հայ մարզիկներին Մեդվեդեւը ԱԱԳ-ի մասին ժամանակավոր համաձայնագիր ստորագրեց ԵԱՏՄ-ի եւ Իրանի միջեւ 5,1-5,2 մագնիտուդով երկրաշարժ Է տեղի ունեցել Թուրքիայում, կան տուժածներ 10 զոհ Տորոնտոյում. հետիոտներին վրաերթի ենթարկած վարորդը Ալեք Մինասյանն է
Այսօր Այս շաբաթ Այս ամիս
website by Sargssyan