Ереван, 21.Октябрь.2018,
--
:
--
,

«Վարչապետի թեկնածուն պետք է Հայաստանի արդիականացման ծրագիր ներկայացնի»


«Փաստ»–ի զրուցակիցն է քաղաքական գիտությունների թեկնածու, դոցենտ Հայկ Սուքիասյանը

– Պարոն Սուքիասյան, բոլոր հանրապետականները միաբերան հայտարարում են, թե Սերժ Սարգսյանը, որպես վարչապետի թեկնածու, միակն ու անփոխարինելին է: Ըստ Ձեզ՝ չկա՞ երկրում մեկը, որը փոխարինի նրան:

– Այլընտրանք միշտ էլ լինում է: Նախ, վարչապետի նկատմամբ գրոհ սկսվեց՝ իբրև նրա վարկանիշն ընկել է: Նրա վարկանիշը չի ընկել, պարզապես ցույց են տալիս, որ Սերժ Սարգսյանն այլընտրանք չունի: Դա հանրապետականների ձեռքի գործն է: Վարչապետի թեկնածուն ով էլ լինի, պետք է Հայաստանի արդիականացման ծրագիր ներկայացնի: Թող վարչապետի նշանակումը մրցույթով լինի: Հանրապետությունում վարչապետի թեկնածուներ շատ կան, բայց հանրապետական կուսակցությունում՝ ոչ: Թող մրցեն և՛ Կարեն Կարապետյանը, և՛ Սերժ Սարգսյանը, և՛ մնացած թեկնածուները: «Ելքն» էլ է ուզում թեկնածու ունենալ, թող ծրագիր ներկայացնի: Կարեն Կարապետյանը շատ լավ կադր է, եթե ուզեն, նրան կարող են թողնել: Ասում են՝ այլընտրանք չկա: Աշխարհում այդպիսի բան գոյություն չունի, որ այլընտրանք չլինի, ուղղակի հեքիաթ են պատմում: Իրենք մի ժամանակ ասում էին, որ Կարեն Կարապետյանը փառահեղ մարդ է, ղեկավարման մեծ փորձ ունի: Այլընտրանք միշտ էլ կա, բայց ուրիշին չեն ուզում: Ցանկանում են, որ վարչապետ Սերժ Սարգսյանը լինի: Դրա հիմնավորման համար անընդհատ պատրվակներ են բռնում և ասում, որ Սարգսյանն ավելի լավ է անվտանգությունից հասկանում, քան Կարապետյանը:

– Ստացվում է` 2018–ի հիմնական հարցը նաև ընդդիմությա՞ն թողտվությամբ է լուծվել:

– Նախ՝ մեծ հաշվով ընդդիմություն չկա: «Ելքն» են համարում ընդդիմություն, բայց նա պայքարելու պոտենցիալ չունի: Որպեսզի մենք ընդդիմություն ունենանք, Հայաստանում պետք է կոալիցիա չլինի: Հանրապետականների և դաշնակցության արհեստական ամուսնությունը համաշխարհային աբսուրդ է: Աշխարհի ոչ մի երկրում այսպիսի հիմարություն չկա: Դաշնակցությունը Հայաստանում աշխատավոր աղքատ զանգվածի ներկայացուցիչն է՝ սոցիալիստական կուսակցություն է, հանրապետականը՝ օլիգարխի կուսակցություն: Մեր բնակչության 30%–ն աղքատ է, իսկ ԱԺ պատգամավորների 80%–ը՝ օլիգարխ: Հիմա աղքատ զանգվածը ԱԺ ներկայացուցիչ չունի, քանի որ դաշնակցությունը իշխանության հետ է: Եթե նա կոալիցիայի մեջ չմտներ ու կանգներ ժողովրդի կողքին, կդառնար ընդդիմադիր կուսակցություն, բայց ինքը դա չի անում: Այսօր Հայաստանի զարգացմանը խոչընդոտող միակ գործոնն այդ արհեստական և անհասկանալի կոալիցիան է, ոչ թե վարչապետի ընտրությունը:

– Հաշվի առնելով, որ բոլոր զարգացումները տեղափոխվել են իշխանության դաշտ, և ամեն ինչ նախապես որոշված է, 2018–ի ինտրիգ, որպես այդպիսին, չկա՞:

– Ինչպես էլ վարչապետի ընտրության հարցը լուծվի, պետք է թեկնածուները Հայաստանի մոդեռնիզացման ծրագիր ներկայացնեն, որովհետև այս ձևով շարունակվելու դեպքում, մենք ապրելու շանսեր չունենք: Եթե շարունակվի արտագաղթը, աղքատությունը, կոռուպցիան, ոչինչ դեպի լավը չի գնա: Տեսություններից մեկին ասում է՝ թուլացող պետությունը պատերազմ հրահրող է, եթե մենք շարունակենք այսպես թուլանալ, կդառնանք պատերազմ հրահրող: Հիմա դրա համար, ով ուզում է թեկնածու լինել, թող ծրագիր ներկայացնի, ըստ այդմ, Հայաստանը պետք է դառնա արդյունաբերական, իրավական, դեմոկրատական երկիր, որպեսզի որոշ հանրապետականներ չկարողանան հայ ժողովրդի աղքատ զանգվածին ձեռք առնել, դա հակասահմանադրական է: Մեր պետությունը սոցիալական է, որը պետք է աղքատի շահերը պաշտպանի, հիմա իրենք ասում են՝ աղքատ ես, գնա ինչ ուզում ես արա, դա հակասահմանադրական հայտարարություն է:

– Եթե Սերժ Սարգսյանը դառնա վարչապետ, ներհամակարգային ցնցումներ կամ հասարակական ընդվզումներ կլինե՞ն:

– Եթե ֆորսմաժորային իրավիճակներ չլինեն, ոչինչ էլ չի լինի: Ժողովրդին վարչապետի նշանակման հարցն այդքան էլ չի հետաքրքրում: Նրանք երկար ժամանակ է հասկացել են, որ մեր երկրում ընտրություն գոյություն չունի: Ընտրություններից հետո ցնցումներ էլ չեղան: Մարդիկ բացարձակ անհաղորդ եղան ընտրություններին: Մի հատ վարչապետ պետք է փոխվի: Միայն Սերժ Սարգսյանի թեկնածությունն են առաջ քաշում: Մարդիկ հասկանում են, որ այս ընտրություն կոչվածի հետ իրենք ոչ մի առնչություն չունեն:

Մանյա Պողոսյան

«Փաստ» օրաթերթ

loading...
Депутат в шелках и миллиардных долгах Данные ЦАМТО ошибочны- у Армении есть “Искандер” и “БУК” Министр обороны доложил президенту о старте новой программы социальной помощи семьям погибших или ставших инвалидами военнослужащих Карен Карапетян подчеркнул важность проектов, направленных на качественные изменения в сфере ИТТ Саакашвили уходит с поста губернатора Одесской области, виной тому – Порошенко Телеканал «Россия»: Россия и Армения ведут честную игру КРОУ склонна к снижению тарифа на электроэнергию Республиканская партия Армении не пойдет на кардинальные изменения во внешней или внутренней политике Виталий Баласанян назначен секретарем Совбеза НКР Для необеспеченных слоев населения тариф на газ составил 100 драмов Обновление ОДКБ идет на пользу Армении Президент потребовал постоянного внимания к регулированию дорожного движения "Газпром Армения" представила основные цели и факторы изменения газовых тарифов Азербайджан применил на линии соприкосновения гранатометы Армения – единственная в мире страна, где «воров в законе» не сажают – российская пресса «Газпром Армения» обратится в КРОУ по вопросу о пересмотре газовых тарифов Азербайджан более 55 раз нарушил режим перемирия Новая книга о Карсе и необходимости переосмыслить идею независимости Первопрестольный Эчмиадзин хотел бы видеть на престоле Константинопольского патриарха епископа Саака Машаляна Российские и сирийские ПВО выдворили турок из воздушного пространства Сирии Китайский М20 не может стать реальным конкурентом «Искандера»: его качество сомнительно Согласится ли Гагик Царукян возглавить новую партию? Новое кадровое назначение: главу ГСБПП Армена Айрапетяна сменит Ишхан Карапетян В приграничном Кохбе освящена новая церковь Сурб Григор Лусаворич Тема карабахского урегулирования уже давно не обсуждается в ходе встреч президентов (видео)
Сегодня За неделю За месяц
website by Sargssyan