Երևան, 18.Հունվար.2018,
--
:
--
,

Ժողովրդավարական արժեքներ և քաղաքական ազատություններ. ինչպե՞ս ենք փակում 2017–ը


Մեր հյուրն է «Իրազեկ քաղաքացիների միավորում» հասարակական կազմակերպության համակարգող Դանիել Իոնեսյանը

– Պարոն Իոնեսյան, 2017 թվականին քաղաքական ազատությունների առումով մեր եկրում առաջընթաց տեղի ունեցա՞վ:

– Ճիշտն ասած, քաղաքական ազատությունների առումով գրանցված որևէ առաջընթաց ես դժվարանում եմ հիշել: Միջազգային հեղինակավոր կազմակերպություններն են այդ առթիվ ուսումնասիրություններ անում և հրապարակում արդյունքները:
Այո, ես չեմ կարող մանրամասնորեն ասել, թե քաղաքական ազատությունների առումով վերջիններս ինչպիսի եզրակացությունների են հանգել, բայց մի բան ինձ համար ակնհայտ է՝ եթե դիտարկենք, մասնավորապես, ընտրությունները, որոնք քաղաքական ազատությունների արտահայտման հիմնական գործիքն են, պետք է, ցավոք սրտի, արձանագրել, որ տեղի է ունեցել հետընթաց:

– Իսկ մեր պետությունն ընտրե՞լ է ուղենիշներ: Ինչ–որ բան արվո՞ւմ է այդ ուղղությամբ:

– Երկրում կան մարդիկ, ովքեր ուզում են, որ այդ գործընթացը գնա դրական ուղղությամբ, և կան մարդիկ, ովքեր ուզում են, որ գնա բացասական ուղղությամբ: Եվ ես պետք է ասեմ, որ իշխանության մեջ երկրորդ խմբի մարդիկ են գերակշռում: Նաև հասկանալի է, որ նրանց ձեռքում ավելի մեծ ազդեցություն է կենտրոնացված:
Իսկ սա նշանակում է, որ այն մարդիկ, ովքեր ցանկանում են, որպեսզի երկրում քաղաքական ազատություններն ավելի զարգանան և ամրապնդվեն ժամանակի մեջ, պարտավոր են առավել ինտենսիվ գործել:

– Մեր հասարակությունը պատրա՞ստ է ինտենսիվ գործողությունների, նա կարևորո՞ւմ է այդ ազատությունները:

– Ես կարծում եմ, որ հասարակությանը պետք է պատրաստել դրան: Նրան պետք է բացատրել ժողովրդավարության առավելությունները, մեկնաբանել քաղաքական ազատությունների էությունը: Եվ ժողովուրդը պետք է գիտակցի, թե ինչո՞ւ է պայքարում քաղաքական ազատությունների համար. որն է դրա արժեքը:
Ըստ այդմ, նաև պետք է հասկանա, թե քաղաքական ազատություններին հասնելու համար ինչպիսի՞ միջոցներ պետք է ձեռնարկի, ո՞րն է իր խնդիրն այս հարցում:

– Այս առումով ձեզ հույսեր չի՞ ներշնչում մեր երկրի՝ Եվրամիության հետ կնքած շրջանակային համաձայնագիրը:

– Չէի ասի, թե անձամբ ես շատ մեծ հույսեր եմ կապում դրա հետ: Բայց բոլոր դեպքերում համաձայնագիրն ավելացնում է քաղաքական ազատությունների համար մեր գործելու հնարավորությունները:

– Իսկ ո՞ր պարագայում համաձայնագրի՝ մեր երկրում ժողովրդավարության խորացմանը վերաբերող դրույթներն առավել հաջողությամբ կգործեն:

– Միայն այն պարագայում, եթե մեր իշխանությունների մոտ լինի քաղաքական կամք դրանք կյանքի կոչելու համար: Զուգահեռ՝ ներքևից՝ քաղաքացիական հասարակության կողմից էլ լինի արդյունավետ ճնշում:

– Նոր Սահմանադրության կիրառությունը կնպաստի՞, որպեսզի առավել արդյունավետությամբ ընթանա ժողովրդավարական արժեքների խորացման գործը:

– Ես չեմ ասի, թե դա արմատական նշանակություն է ունենալու այս հարցում: Բոլոր դեպքերում, եթե իշխանությունը ցանկանում է դրական քայլեր անել այս ուղղություններով, կարող էր անել թեկուզ՝ երեկ, կարող է անել թեկուզ՝ հիմա: Իսկ եթե չի ցանկանում, նշանակում է՝ չի անի:
Առավել ևս, որ սահմանադրական դրույթների մեծամասնությունը, հատկապես ազատություններին, մարդու իրավունքներին վերաբերող դրույթները, վաղուց կիրառության մեջ են:

– Հասարակական հնչեղություն ունեցող դատավարությունների իրավական որակները, նաև դպրոցների և մանկապարտեզների տնօրենների հայտնի գործերի կարճումը ընդհանուր առմամբ ինչպիսի՞ անդրադարձ ունեցան քաղաքացիական հասարակության վրա: Եթե նկատի ունենանք, որ հասարակության մեջ կա մի այդպիսի խավ, որը տվյալ գործողությունների հասցեատերն է:

– Ընթացիկ դատավարությունների հետ կապված հիմնական խնդիրը, որն առնչվում է քաղաքացիական հասարակության աշխատանքի տիրույթին, փաստաբանների աշխատանքային տարածքը սեղմելու փորձերն են: Քանզի փաստաբանները ևս քաղաքացիական հասարակություն են: Եվ սա խիստ բացասական միտում է մեր երկրում: Քանզի փաստաբանական համայնքի անկախությունը ժողովրդավարական պետության կարևոր բաղադրիչներից է:
Եվ վերջին շրջանում փաստաբանների անկախության հանդեպ կատարվող պարբերական ոտնձգությունները խիստ մտահոգիչ են:

 

Գոհար Սարդարյան
«Փաստ» օրաթերթ

loading...
Քիրա Նայթլին դադարել Է նկարահանվել մեր ժամանակների մասին ֆիլմերում «Էսպանյոլ»- «Բարսելոնա». ուղիղ հեռարձակում Մխիթարյանը չի մասնակցել «Մանչեսթեր Յունայթեդ»-ի մարզմանը. Metro Իտալացի ռեժիսոր Սորենտինոն Սերբիայում բացել Է «Կուստենդորֆ» կինոփառատոնը Կրակովում Նալբանդյանը հանդիպում է ԵԱՀԿ Մինսկի խմբի համանախագահների հետ Սանչեսը «Մանչեսթեր Յունայթեդ»-ի հետ համաձայնեցրել է 4,5 տարվա պայմանագիրը ԵԱՀԿ ներկայացուցիչը հորդորել է Թուրքիային կյանքի կոչել Սահմանադրական դատարանի որոշումը Կատալոնիայի խորհրդարանի խոսնակ է ընտրվել անկախության կողմնակից Ռոժե Տորենը Թուրքիայում ռազմական ուսումնական ինքնաթիռ է կործանվել Պյոտոր Սվիտալսկին կարևորում է ՀՀ-ԵՄ համաձայնագրի լավագույնս իրականացումը Կարեն Կարապետյանն անդրադարձել է բենզինի, սեղմած գազի և դիզվառելիքի թանկացմանը Վահրամ Բաղդասարյանը չի բացառում ՀՀ նախագահի պաշտոնում Արմեն Սարգսյանի թեկնածությունը քննարկելու հավանականությունը Հովիկ Աբրահամյանը ՀՀ նախագահի թեկնածուների ցանկում չկա. Վահրամ Բաղդասարյան Նախագահը հանդիպում է ունեցել «ՏՏ ոլորտում համաշխարհային ներդրման համար» մրցանակաբաշխության կազմակերպիչների հետ Ախտորոշում՝ առանց «գուցե»-ների. եզակի հետազոտություններ «Հիստոջեն»-ում Հայաստանում ահաբեկչության դեմ պայքարի համակարգումը կիրականացնի երկրի վարչապետը Գալուստ Սահակյանն ունի ՀՀ նախագահի նախընտրելի թեկնածու, սակայն չի շտապում բարձրաձայնել Կարեն Կարապետյանը ցավակցական հեռագիր է հղել Իրանի իր գործընկերոջը Ճապոնական հեռուստաալիքը սխալմամբ հաղորդել Է հյուսիսկորեական հրթիռի արձակման մասին Սարսափազդու նկարներ չունեցող ծխախոտները շուկայում կմնան մինչև պիտանելիության ժամկետի ավարտը Ոստիկանությունը հանցագործությունները բացահայտելիս և կանխելիս տեսաձայնագրող և լուսանկարահանող միջոցներ օգտագործելու իրավունք կստանա Մեղադրական եզրակացությամբ ավարտվել է ՔԿՀ պաշտոնյային կաշառք տալու փաստով քննված քրգործի նախաքննությունը ԱԺ-ն առաջին ընթերցմամբ ընդունեց անչափահասների խաղադրույքի համար ընկերությունների տուգանքները բարձրացնելու նախագիծը Անկախ պաշտոնից՝ Սերժ Սարգսյանը մնալու է ամենաազդեցիկ քաղաքական գործիչը. քաղտեխնոլոգ
Այսօր Այս շաբաթ Այս ամիս
website by Sargssyan