Ереван, 18.Январь.2018,
--
:
--
,

Իրանական գազի սպառումը նվազեցնում է ռուսական գազից կախվածությունը


Էներգետիկ ենթակառուցվածքների և բնական պաշարների նախարար Աշոտ Մանուկյանը Իրանի գազի ազգային ընկերության միջազգային հարաբերությունների գծով տնօրեն Բեհզաթ Բաբազադեի հետ հանդիպման արդյունքում նշեց, որ ձեռք բերված պայմանավորվածության համաձայն ընթացիկ տարում կավելացվեն «Էլեկտրաէներգիա բնական գազի դիմաց» ծրագրի շրջանակներում Հայաստան ներմուծվող բնական գազի ծավալները:

Արդյո՞ք սա կարող է անդրադառնալ Ռուսաստանից ներկրվող գազի ծավալների կամ սակագների վրա հարցին պատասխանել է անկախ փորձագետ Հայկ Բալանյանը, ում խոսքով գինը սահմանում է հանրային ծառայությունների հանձնաժողովը։
«Ի վերջո, դա հայ–ռուսական բանակցությունների արդյունք է և ուղղակի կապ չկա։ Ուրիշ հարց է, երբ մենք ունենում ենք այլընտրանքային գազամատակարարման աղբյուրներ։ Այդ բանակցությունների արդյունքում մեր դիրքերն ավելի բարենպաստ են, և ռուսական իշխանությունների հետ խոսելիս մեր իշխանությունները հավելյալ փաստարկներ կունենան։ Այս իմաստով՝ անուղղակի կապ կա»,– ասաց նա։

Բալանյանը կարծում է, որ պետք է ընդարձակել այն ցանկը, որով կատարվում է փաստացի ապրանքաշրջանառություն։ Իրանից գազ գնելով՝ փոխարենը տրամադրում ենք հոսանք, բարտեր է կատարվում։ Սակայն, նա համոզված է, որ պետք է ոչ միայն հոսանք տրամադրել, այլև պայմանագիրն ընդարձակելով ներառել նոր ապրանքատեսակներ, լուրջ աշխատանքներ տանել ավելի բարենպաստ պայմաններում գազ ստանալու համար, մյուս կողմից էլ խթանելու արտահանումը Պարսկաստան։
Սա ըստ փորձագետի՝ հնարավորություն կտա մի կողմից նվազեցնել կախվածությունը ռուսական գազից, մյուս կողմից էլ՝ խրախուսել Պարսկաստանի հետ արտահանումը։
Հարցին, թե իրանական գազի սպառման ծավալների ավելացումը կարո՞ղ է ինչ–որ չափով դուր չգալ Ռուսաստանին, պատասխանեց՝ իհարկե, կարող է, որովհետև նա գումար է կորցնելու և այդ բանից ոգևորված չէ։

«Այլ հարց է, որ պետք է բանակցել ու բացատրել, որ Հայաստանը չի կարող ամբողջությամբ կախված լինել ռուսական գազից մեկ պարզ պատճառով. մենք հիշում ենք, որ պատերազմի ժամանակ գազատարը քանի անգամ պայթեցվեց։ Այդ ճանապարհը խոցելի է, անցնում է երրորդ երկրի՝ Վրաստանի տարածքով, և մենք պետք է ունենանք այդ այլընտրանքը, որովհետև իրենց մատակարարումները խոցելի են»,– նկատեց մեր զրուցակիցը։

Հայկական գազատարը անցնում է Վրաստանով։ Ըստ Բալանյանի՝ առաջին իսկ ընդհարման ժամանակ չի բացառվում, որ գազատարը վնասվելու է, և մենք կմնանք ձեռնունայն՝ առանց գազի։ Նշում է, որ գազի սպառումը ավելացնելու դիրքորոշումը շատ լեգիտիմ է ու տրամաբանական, որովհետև այն շատ ավելի երաշխավորված է և կախված չէ ո՛չ Վրաստանի քմահաճույքներից, ո՛չ էլ՝ Վրաստանի տարածքում ենթադրվող դիվերսիաներից։

Բացի հոսանքից, փոխարենը ի՞նչ կարող ենք առաջարկել գազի դիմաց հարցին, Բալանյանը պատասխանեց. «Պետք է Ֆինանսների, Էկոնոմիկայի նախարարությունները, դեսպանատունը շատ պարզ վարժություն անի. պետք է բացի Իրանի ներմուծման կառուցվածքը, ծավալներն ու ապրանքատեսակները տեսնի, հասկանա, թե դրանցից որը մենք կարող ենք արտադրել։ Պետք է համատեղ ձեռնարկությունների միջոցով տեղում փորձել արտադրել այն, ինչ Իրանը ներմուծում է այլ երկրներից։ Ես կարծում եմ, որ այդտեղ պոտենցիալ կա, և մենք կարող ենք այդ շուկան օգտագործել»,– ասաց նա։



ՔՐԻՍՏԻՆԱ ՏԵՐ–ՄԱԹԵՎՈՍՅԱՆ

«Փաստ» օրաթերթ

loading...
Депутат в шелках и миллиардных долгах Данные ЦАМТО ошибочны- у Армении есть “Искандер” и “БУК” Министр обороны доложил президенту о старте новой программы социальной помощи семьям погибших или ставших инвалидами военнослужащих Карен Карапетян подчеркнул важность проектов, направленных на качественные изменения в сфере ИТТ Саакашвили уходит с поста губернатора Одесской области, виной тому – Порошенко Телеканал «Россия»: Россия и Армения ведут честную игру КРОУ склонна к снижению тарифа на электроэнергию Республиканская партия Армении не пойдет на кардинальные изменения во внешней или внутренней политике Виталий Баласанян назначен секретарем Совбеза НКР Для необеспеченных слоев населения тариф на газ составил 100 драмов Обновление ОДКБ идет на пользу Армении Президент потребовал постоянного внимания к регулированию дорожного движения "Газпром Армения" представила основные цели и факторы изменения газовых тарифов Азербайджан применил на линии соприкосновения гранатометы Армения – единственная в мире страна, где «воров в законе» не сажают – российская пресса «Газпром Армения» обратится в КРОУ по вопросу о пересмотре газовых тарифов Азербайджан более 55 раз нарушил режим перемирия Новая книга о Карсе и необходимости переосмыслить идею независимости Первопрестольный Эчмиадзин хотел бы видеть на престоле Константинопольского патриарха епископа Саака Машаляна Российские и сирийские ПВО выдворили турок из воздушного пространства Сирии Китайский М20 не может стать реальным конкурентом «Искандера»: его качество сомнительно Согласится ли Гагик Царукян возглавить новую партию? Новое кадровое назначение: главу ГСБПП Армена Айрапетяна сменит Ишхан Карапетян В приграничном Кохбе освящена новая церковь Сурб Григор Лусаворич Тема карабахского урегулирования уже давно не обсуждается в ходе встреч президентов (видео)
Сегодня За неделю За месяц
website by Sargssyan