Երևան, 23.Հունվար.2018,
--
:
--
,

«Պաշտոնաթող ու գործող» ահաբեկիչներն ընդդեմ Ասադի


ՌԴ պաշտպանության նախարարությունը ԱՄՆ–ին մեղադրել է Սիրիայի Էլ–Հասակա նահանգի փախստականների ճամբարում նոր հակաասադական զինված խումբ ձևավորելու համար: Ռուսները պնդում են, որ նախապատրաստական վարժանքներից հետո «Նոր սիրիական բանակի» կազմավորումները կտեղափոխվեն Սիրիայի հարավ՝ կառավարական բանակի դեմ գրոհելու նպատակով։ Ընդ որում, ռուսական կողմը պնդում է, որ ԱՄՆ–ն օգտվում է ոչ միայն Ջեբհաթ ան–Նուսրայի, այլև ԴԱԻՇ–ի գրոհայինների ծառայություններից, ինչն իսկապես սենսացիոն տեղեկություն է և, ցավոք, ո՛չ միակ վկայությունը ԱՄՆ–ի տարօրինակ գործողությունների վերաբերյալ: Հանգստյան օրերին թուրքական մամուլն, օրինակ, տեղեկություններ հրապարակեց այն մասին, որ ԱՄՆ–ը Իդլիբի նահանգում արգելակում է Սիրիայի ազատ բանակի պայքարը նուսրայականների դեմ (իհարկե, Անկարայում բացահայտ չեն խոստովանում, որ հակաասադական տրամադրություններով ՍԱԲ–ը ժամանակին Թուրքիայի ուղիղ միջամտությամբ է այստեղ ձևավորվել՝ երկար ժամանակ ԱՄՆ գլխավոր դաշնակիցներից մեկը դառնալով, բայց դա մի կողմ թողնենք), և պարարտ հող է նախապատրաստում նոր ահաբեկչական խմբավորումների ձևավորման համար: Մի բան, որ նաև Իրանում հաստատեցին, և FARS News–ն էլ կոնկրետ տեսահոլովակով փաստեց իր տեղեկությունները վերոնշյալի մասին: Հանգստյան օրերի սիրիական «անակնկալները», սակայն, այսքանով չսահմանափակվեցին: Թուրքական Yeni Afak պարբերականն ու արաբական մի քանի աղբյուրներ հաղորդեցին, թե ԴԱԻՇ–ի առաջնորդ, Իրաքից դեղնավուն տաքսիով Սիրիա հասած և հերթական անգամ այստեղ իր հետքերը մաքրած Աբու Բաքր ալ–Բաղդադին իրականում Սիրիայի ամերիկյան ռազմաբազաներից մեկում է գտնվում: Իբր՝ նա դեռ Իրաքում էր ձերբակալվել ամերիկյան զինուժի կողմից, այնտեղից տեղափոխվելով Սիրիայի հյուսիսարևելյան Ռաս էլ–Այն քաղաքի ամերիկյան բազա, իսկ բոլորովին վերջերս՝ Էլ–Հասակայի մերձակայքում գտնվող հենակետ: Yeni Afak–ի պնդմամբ՝ ամերիկյան հատուկ ծառայությունները, Աբու Բաքրի հետ միասին, նաև ԴԱԻՇ–ի 7 կարևոր հրամանատարների են ձերբակալել, որոնցից մեկն իրաքյան ծագում ունի և կարողացել է մինչև Սիրիա հասնելն իրենց մասին լուրեր փոխանցել: Հիմա. այս տեղեկությունները հետաքրքիր, բայց որևէ էական նշանակություն չէին ունենա, եթե դրան այլ դետալներ չհամադրելով՝ չփորձեինք հասկանալ իրերի ներկայի դրությունը: Կարծում ենք, հատկապես ռուսական զորքերի դուրսբերման ֆոնին (ինչին մենք առանձնապես հավատ չէինք ընծայի), միջազգային կոալիցիան փորձում է հերթական անգամ ռևանշի հնարավորություն ստեղծել Սիրիայում՝ սրբագրելով ռուսական հաղթանակն ու հասնելով Ասադի տապալմանը: Ընդ որում, ինչպես երևում է, ԱՄՆ–ն այդ ընթացքում հին սխալներն է գործում՝ կրկին տարվելով կասկածելի և ակնհայտ հանցագործ տարրերի ուղղորդմամբ: Հետաքրքիր է, որ, փաստորեն, նույն գործին են լծվել նաև Ֆրանսիայի նախագահ Էմանուել Մակրոնը (օրերս նա Բաշար ալ–Ասադին դարձյալ Սիրիայի ժողովրդի թշնամի որակեց՝ հայտարարելով, թե նրա պաշտոնավարումն այս պահին էլ որևէ քննադատության չի դիմանում) և, այսպես կոչված, սիրիական ընդդիմությունը, որը 2 շաբաթ Ժնևում դեգերելուց հետո (բանակցությունների 8–րդ ռաունդի վերջում), նոր թափով պնդեց Ասադի հրաժարականի անհրաժեշտությունը մինչանցումային փուլում: Պաշտոնական Դամասկոսն, իհարկե, հայտարարեց, թե չի ստորագրի նման համաձայնություն ներառող որևէ փաստաթուղթ, Սիրիայի հարցով ՄԱԿ–ի բանագնաց Ստեֆան դե Միստուրան էլ սպառնաց, թե՝ նախապայման առաջադրող որևէ կողմ կզրկվի միջազգային հանրության աջակցությունից: Սակայն, ինչպես երևում է, սիրիական ընդդիմության երակներով ոգեշնչման նոր արյուն է ներմղվել, իսկ ոմանց համար էլ միջազգային հանրություն ասվածը սեփական դեմքն է…

Գոհար Սիմոնյան

«Փաստ» օրաթերթ

loading...
Հայաստանը ձմեռային Օլիմպիական խաղերին դահուկասպորտ մարզաձևում հանդես կգա 3 մասնակցով Յըլդըրըմը մանրամասներ է հայտնել Աֆրինում թուրքական զինուժի գործողությունների մասին Միջազգային հետախուզման մեջ է գտնվում ՀՀ-ում հափշտակված 163 ավտոմեքենա Սա մեր հաջողության պատմությունն է. Արփինե Հովհաննիսյանը ԵԽԽՎ ամբիոնից անդրադարձել է ՀՀ-ԵՄ համաձայնագրին Թուրքիայի զինուժը ռմբակոծում է Սիրիայում քրդերի վերահսկողության տակ գտնվող տարածքները Պուտինը Գրուշկոյին հանեց ՆԱՏՕ-ին առընթեր ՌԴ մշտական ներկայացուցչի պաշտոնից ՊԵԿ նախագահը նախանշել է համակարգի գործունեության առաջնահերթությունները ԵԽԽՎ-ի նոր նախագահ է դարձել Միկելե Նիկոլետին «ՄՏՍ Հայաստան» ՓԲԸ-ի բաժնետոմսերը կօտարվեն Հայկ Մարտիրոսյանը՝ Հայաստանի շախմատի չեմպիոն Պարտադիր սպանդանոցային մորթի ծրագրով 30-40 հոգի ցանկություն է հայտնել ներդրում կատարել ոլորտում «Ելք»-ի պատգամավորները կմասնակցեն գնաճի վերաբերյալ խորհրդարանական լսումներին «Այժմ ամենալավ ժամանակն է Հայաստանում ներդրումներ անելու համար». Կարեն Կարապետյանի հարցազրույցը «ՌԻԱ Նովոստի»-ին ՀՀ նախագահի ՀՀԿ թեկնածուն Հայաստան կվերադառնա շաբաթվա վերջին Արմեն Սարգսյանը ՀՅԴ-ի համար ՀՀ նախագահի ընդունելի թեկնածու է Տիգրան Մանսուրյանի «Ռեքվիեմ»-ն արժանացել է Դասական երաժշտության միջազգային մրցույթի գլխավոր մրցանակին Վահրամ Բաղդասարյանը բավական բարձր է գնահատում ՀՀ նախագահի թեկնածու Արմեն Սարգսյանի մասնագիտական որակները ՀՀ նախագահի և վարչապետի ընտրության կարգն ու ժամկետները. ներկայացնում է Արփինե Հովհաննիսյանը ՍԱՊԾ պետը վստահ է՝ Հայաստանում սննդամթերքի անվտանգության համակարգը թևակոխելու է զարգացման նոր փուլ Մխիթարյանը ծննդյան երեկոն անցկացրել է Ռայոլայի և Պոգբայի հետ «Փադինգթոնի արկածները 2»-ը` բոլոր ժամանակների ամենասիրելի ֆիլմ Ստեղծագործական աշխատանքի ժամանակ ուղեղը գործի Է դնում միանգամից մի քանի հատված Թրամփի առաջին տարվա աշխատանքի հավանության վարկանիշը ամենացածրն է ԱՄՆ-ի վերջին նախագահների շարքում Քաղցկեղի վաղ ախտորոշման նոր տեխնոլոգիա են մշակվել
Այսօր Այս շաբաթ Այս ամիս
website by Sargssyan