Երևան, 24.Ապրիլ.2018,
--
:
--
,

Հայ–թուրքական արձանագրությունների հետկանչը մեսիջ է խոշոր տերություններին


Մեր հյուրն է քաղաքագետ Լևոն Շիրինյանը

– Պարոն Շիրինյան, ՀՀ նախագահը հայտարարեց, որ այս գարնանը հետ ենք կանչելու հայ–թուրքական արձանագրությունները: Մեր այս քայլն ինչքանո՞վ է հիմնավորված և օբյեկտիվ:

– Սա մեսիջ է՝ ուղղված թուրքերին: Բայց սա էլ ասեմ, որ առաջին հերթին այն մեսիջ է՝ ուղղված հենց խոշոր տերություններին: Ցանկանում ենք ասել վերջիններիս, որ՝ տեսեք, եթե հայ–թուրքական հարաբերությունները չեն կարգավորվում, իրականություն չեն դառնում արձանագրության մեջ ներառված դրույթները, ապա պատճառը մենք չենք, այլ թուրքերն են:

– Բայց թուրքական կողմը հայտարարել է, որ հայ–թուրքական արձանագրությունները գտնվում են խորհրդարանական իրենց հանձնաժողովում, այսինքն՝ այն դեռևս հանված չէ քաղաքական շրջանառությունից: Այս հանգամանքն իրավիճակ չի՞ փոխում:

– Դե, փաստորեն նրանք էլ դուռը չեն փակում: Հայկական կողմն ասում է՝ ե՛ս չէ, որ կոնտրակտը չեմ իրականացնում, նրանք էլ ասում են՝ մե՛նք էլ չէ, որ մերժում ենք այն:
Եվ մի բան հաստատ իմացեք՝ եթե իրադրությունը թուրքերի համար ձեռնտու եղավ, անմիջապես կիրառության մեջ են դնելու այդ փաստաթուղթը: Հանձնաժողովից վայրկենապես կհայտնվի Էրդողանի անկողնում:
Որովհետև թուրքական մշակույթն այդպիսին է՝ պոկել, գողանալ մինչև վերջ: Ինչ հնարավոր է՝ դիմացինից տանել հարյուր տոկոսով:

– Իսկ նպատակահարմա՞ր է, որ մենք էլ ենք այսպես դուռը փակում:

– Դա նպատակահարմար կլիներ, եթե ունենայինք միջուկային զենք: Պետությունը եթե թույլ է, սկսում է նեյնիմներ խաղալ: Հակառակ պարագայում նա կասեր՝ այսպե՛ս է. ուզում ես՝ ուզի, չես ուզում՝ մի ուզի:
 Բայց այս տարբերակով Հայաստանը դեռևս ոչ մեկի հետ չի կարող խոսել: Որովհետև թույլ պետություն է: Ի վերջո, տնտեսություն չունեցող երկիրը ո՞նց կարող է այլ կերպ վարվել: Օլիգարխիկ երկիրը, որի հիմնական գործունեությունը առևտուրն է, ինչպե՞ս կարող է հարց լուծել: Եվ մեր պարագան միշտ է այսպես լինելու, քանի դեռ ամուր և զարգացած տնտեսությամբ երկիր չենք կառուցել:
Տեսեք, թե Իսրայելն ինչ է անում: Ասում է, որ իրականության վրա է քաղաքականությունը վարվում. գրավել ենք այդ տարածքները, պետք է ընդունեք առկա վիճակը:
Նշանակում է՝ մեր երկրին էլ է մի բան մնում՝ ուժեղանալ, դառնալ իրավական պետություն: Այլ տարբերակ չունենք:

– Ընդհանրապես, հայ–թուրքական հարաբերություններն ի՞նչ պարագաներում կարող են կայանալ:

– Եթե վերջնաժամկետը նկատի ունեք, ապա ասեմ, որ թուրքերի նպատակը մեկն է՝ Հայաստանը, որպես պետություն, մեջտեղից հանել: Եվ այսօր Հայաստանի դեմ նրանք կռվում են ադրբեջանական ճակատով: Հյուծման քաղաքականություն են վարում: Այն է՝ անընդհատ կրակել, զոհերի պատճառ դառնալ, դրանով արտագաղթն արագացնել մեր երկրից, թույլ չտալ, որպեսզի ուժեղ տնտեսություն ձևավորվի նրանում:
Եվ թուրքական կողմի առումով ես ոչ մի պատրանք չունեմ, նրանց ուզածն այն է, ինչ ասում եմ:
Իսկ մեզ՝ հայկական կողմին ի՞նչ է մնում անել՝ լարել ուժերը և ստեղծել ուժեղ տնտեսությամբ ուժեղ երկիր: Գիտություն և արդյունաբերություն զարգացնել, մշակույթ ծաղկեցնել: Նաև ընդարձակել երկրի սահմանները: Եվ թուրք–թաթարական այս խավար միջավայրում լինել քաղաքակրթության ջահը:

– Եթե անգամ քաղաքակրթության ջահը եղանք, ի՞նչ է՝ թուրքի ձեռքը պետք է դողա՞, որ իր ուզածն անի մեզ հետ:

– Պարզ չէ՞, որ քաղաքակրթության ջահը կարող ես լինել, եթե ունես ուժեղ և կազմակերպված պետություն: Թե չէ թաթաներն են իշխելու, ռաբիս երաժշտությունն է վերևից մինչև ներքև տիրելու, տիրելու է փողոցից մինչև տուն, տնից մինչև փողոց:
 Ի վերջո, այն դեպքում են ժողովուրդները ծաղկուն մշակույթ ստեղծում, երբ ունեն ծաղկուն և ուժեղ պետություն: Եվ այս պարագայում միայն մեր երկիրը կարող է տարածաշրջանում քաղաքակրթության ջահը լինել: Ընդ որում, մենք նաև պետք է պայքարենք, որպեսզի կրկին տեր լինենք թուրքերի կողմից մեզնից գողացված մշակութային ժառանգությանը:
Առիթից օգտվելով տնտեսության զարգացման համար էլ իմ կարծիքն ասեմ: Հայաստանը պետք է իր տնտեսությունը զարգացնի՝ հիմքում դնելով քարի մշակումը: Ստեղծի քարի մշակման՝ համաշխարհային առումով հզոր արդյունաբերություն: Ի վերջո մենք ունենք քարի՛ ռեսուրսը:

– Այո, Աստված մեզ քարն է տվել: Քարի հնարավորություններն էլ օգտագործենք:

– Նաև տեսեք, թե արտադրական ինչ համակարգ է ստեղծվելու: Այդպիսի տնտեսությունը պահանջում է ժամանակակից տեխնոլոգիաների կիրառում, մեքենաշինություն, ֆունդամենտալ գիտությունների զարգացում: Այս ամենը եթե մենք ունենանք, ապա վստահ եղեք, որ մեր երկրի առաջընթացը շատ արագ է տեղի ունենալու:


Գոհար Սարդարյան
«Փաստ» օրաթերթ

loading...
Կայացել է Կարապետյան- Մեդվեդև հեռախոսազրույցը «Հայաստանի ժամանակակից պատմութեան մէջ նոր էջ մը կը բացուի» ԱՐԱՄ Ա. ԿԱԹՈՂԻԿՈՍ ՀՀ Նախագահ Արմեն Սարգսյանն ընդունել է Կառավարության հրաժարականը Արծվիկ Մինասյանը, Վահան Մարտիրոսյանը, Լևոն Մկրտչյանը և Հրաչյա Ռոստոմյանը վերանշանակվեցին պաշտոններում Ուղիղ միացում Հանրապետության հրապարակից Քեյթ Միդլթոնը տղա ունեցավ ՔՊ-ն ակցիային միացած զինվորականներին կոչ է արել վերադառնալ իրենց նշանակման վայր Ռուսաստանը եւ Չինաստանը միջազգային կայունության երաշխավորներն են. Լավրով Ես թողնում եմ երկրի ղեկավարի, Հայաստանի վարչապետի պաշտոնը. Սերժ Սարգսյանի հայտարարությունը Կոչ եմ անում խնդիրները լուծել միմիայն խաղաղ ճանապարհով. Մխիթարյանն արձագանքել է հայաստանյան իրադարձություններին Նիկոլ Փաշինյանն ու մյուս պատգամավորներն ազատ արձակվեցին Աշտարակում վիրավորվել է ոստիկանության 3 ծառայող եւ վնասվել 3 ավտոմեքենա Նիկոլ Փաշինյանը գտնվում է Երևանի Ձերբակալվածների պահման վայրում Դիմել եմ գլխավոր դատախազին ԱԺ պատգամավորների վերաբերյալ միջնորդությունը հետ վերցնելու համար. Կարեն Կարապետյան Վենգերը չի պատրաստվում օգնել «Արսենալին» հաջորդ մարզչի ընտրության հարցում Ցուցարարներին միացան զինվորական համազգեստով երիտասարդներ Ապրիլյան պատերազմի մասնակիցները քայլում են դեպի ԱԺ. ոստիկանությունը փշալարերով փակել է փողոցը Հայաստանի ներքին անկայունությունն ուղիղ ճանապարհ է հարթում հակառակորդի կողմից գործողություններ ձեռնարկելու. Վիգեն Սարգսյան Վիգեն Սարգսյանի ասուլիսը Ադրբեջանը և Թուրքիան տնտեսական վնասների պատճառով ստիպված են երկկողմ առևտուրն իրականացնել ազգային արժույթներով Amazon Prime ծառայության օգտատերերի թիվը գերազանցել Է 100 միլիոնը Նիկոլ Փաշինյանը Սևանի բաժնում չէ, նրա գտնվելու վայրը անհայտ է. Փաստաբան Ուղիղ միացում Երևանից ԱՄՆ դեսպանությունը Հայաստանում իրավիճակի խաղաղ հանգուցալուծումը տեսնում է բարեխիղճ քաղաքական երկխոսության մեջ
Այսօր Այս շաբաթ Այս ամիս
website by Sargssyan