Երևան, 23.Հուլիս.2018,
--
:
--
,

Շարմազանովն ուսանողներին կոչ է անում դադարեցնել հացադուլը և վերադառնալ քննարկումների

 Հայաստանի Ազգային ժողովի փոխնախագահ Էդուարդ Շարմազանովը տարկետման իրավունքի սահմանափակման դեմ բողոքող ուսանողներին կոչ է անում դադարեցնել հացադուլը և վերադառնալ քննարկումների կառուցողական դաշտ: «Արմենպրես»-ի հետ զրույցում ՀՀ Ազգային ժողովի փոխնախագահն ընդգծեց, որ Ազգային ժողովում ուսանողների հետ կայացած կլոր-սեղան քննարկման ընթացքում դրական առաջընթաց արձանագրվեց, պաշտպանության և կրթության նախարարությունները պատրաստակամություն հայտնեցին լսել ուսանողներին:

«Ազգային ժողովում կլոր-սեղան քննարկումից հետո նրանք քննարկումները շարունակել են կառավարության հետ: Մի քանի անգամ հանդիպումներ են ունեցել կրթության և գիտության նախարարությունում, մի քանի հանդիպում էլ պաշտպանության նախարարությունում: Ես չգիտեմ, թե ինչ ընթացք են ստացել ուսանողների և կառավարության քննարկումները, չեմ կարող որևէ բան ասել, որովհետև քննարկումների կողմ չեմ եղել: Միգուցե, ուսանողները մաքսիմալիստական պահանջներ են ներկայացրել, չգիտեմ, չեմ կարող ասել: Բայց ցանկանում եմ օգտվել առիթից և կոչ անել ուսանողներին դադարեցնել հացադուլը, որովհետև հարցերն այդպես չեն լուծվում»,- ընդգծեց Շարմազանովը:

ՀՀ ԱԺ փոխնախագահը կրկնեց, որ Ազգային ժողովում կայացած քննարկումների ընթացքում պաշտպանության և կրթության նախարարությունները պատրաստակամություն են հայտնել ընդառաջել՝ ուսանողներին կոչ անելով վերադառնալ քննարկումների:

Նա հավելեց, որ խորհրդարանը հանդես է եկել մոդերատորի դերում, որպեսզի ուսանողների և կառավարության միջև քննարկումներ լինեն՝ շեշտելով, որ ԱԺ-ում կայացած քննարկումների ժամանակ դրական առաջընթաց նկատվել է: Դրանից հետո քննարկումները շարունակվել են կառավարության և ուսանողների միջև, որոնց ընթացքի մասին տեղեկություններ ինքը չունի:

«Հանուն գիտության զարգացման» նախաձեռնության անդամ Դավիթ Պետրոսյանը «Ֆեյսբուք»-ի իր էջի միջոցով տեղեկացրել է, որ ուսանողները գոհ չեն կառավարության հետ քննարկումների արդյունքներից և կրկին հացադուլ են սկսում:

Ազգային ժողովում պատգամավորների, պաշտպանության նախարարի առաջին տեղակալ Արտակ Զաքարյանի և ՀՀ կրթության և գիտության նախարար Լևոն Մկրտչյանի և ուսանողների մասնակցությամբ կլոր-սեղան քննարկումից հետո քննարկումներ էին սկսվել կառավարության և ուսանողների միջև, որի շրջանակներում ուսանողները մի քանի անգամ հանդիպումներ էին ունեցել ՊՆ-ում ու ԿԳՆ-ում:

Հայաստանի խորհրդարանն ընդունել է «Զինվորական ծառայության և զինծառայողի կարգավիճակի մասին» օրենքը: Նոյեմբերի 29-ին այն ստորագրել է ՀՀ Նախագահ Սերժ Սարգսյանը:

loading...
Գերմանիայի կանցլերի գրասենյակը դեռևս չի մեկնաբանում Հայաստան Մերկելի հնարավոր այցի մասին տեղեկությունը Թուրքիայի քեմալական կուսակցության ազատազրկված պատգամավորը հացադուլ է սկսել Որակյալ կահույքի արտադրություն ու մատչելի գներ․սա «Ավելինո»-ն է Մուշավան թաղամասի հրդեհը մարվել է. դեպքի վայրում էր նաև ԱԻ նախարարը Հայաստանի ՓՄՁ ԶԱԿ-ը նոր տնօրեն ունի Քաղցրավենիք, բուսական պահածոներ ու թանապուր. զորամասերում սննդակարգի փոփոխություններ են իրականացվում Վարչապետ Նիկոլ Փաշինյանի մամուլի ասուլիսը Փաշինյանն օգտակար է համարում Տեր-Պետրոսյանի հետ զրույցը և չի բացառում մյուս նախագահների հետ հանդիպելու հնարավորությունը Ռուսաստանն ունի հնարավորություն թույլ չտալու պատերազմի վերսկսումը տարածաշրջանում. Փաշինյան Հայաստանի Հանրապետությունում արտոնյալ գործարարներ չեն լինի. Փաշինյան «Ադրբեջանցիները վախենում են ճշմարտությունից». սպառնալիքներ ստացող հայազգի բլոգերը տեսանյութ է հրապարակել Երևանից (տեսանյութ) 2021-ից ընդերքօգտագործողները բնապահպանական հարկ են վճարելու թափոնների տեղադրման կամ պահման համար «Տուբերկուլոզի դեմ պայքարի ազգային կենտրոն» ՊՈԱԿ-ում հայտնաբերվել են մի շարք չարաշահումներ և խախտումներ Արարատ Միրզոյանն ԱՄՆ կոնգրեսականին հայտնել է Հայաստանում մինչև ապրիլ ընտրություններ անցկացնելու մտադրության մասին «Դարաշրջանն» ու «Դվին 2018»-ը մշակութային Հայաստանում Պետությունը մշակույթին պիտի խանգարի, չխանգարի, օգնի, անտեսի, վերահսկի. կարծիքներ հանդիպում-քննարկումից Ճանաչեք հին Երևանը. «Քաղաք» պանդոկ «Վահանագեղձի հանգույցներ». խնդիրներն ու բուժումները Արմեն Վարժապետյանի գրքում Նախագահը ընթրիք-հանդիպում է ունեցել հայտնի կինոգործիչների հետ Արմեն Արզումանյանը նշանակվել է ՀՀ տրանսպորտի, կապի եւ տեղեկատվական տեխնոլոգիաների նախարարի տեղակալ Ոչ մի բան չանեինք, կարող է՝ ավելի լավ լիներ. կրթության փորձագետը՝ բարեփոխումների վերաբերյալ Սպանություն Գեղարքունիքում. երկու անձ ձերբակալվել է Գավառ քաղաքից 21 կմ դեպի արևմուտք երկրաշարժ է գրանցվել
Այսօր Այս շաբաթ Այս ամիս
website by Sargssyan