Երևան, 24.Ապրիլ.2018,
--
:
--
,

Անհեթեթ է վախճանաբանական ըմբռնումները կապել Եվրոպայի հետ


Մեր հյուրն է ՀՀ ԳԱԱ Գրականության ինստիտուտի տնօրեն Վարդան Դևրիկյանը

– Պարոն Դևրիկյան, ինչպե՞ս եք գնահատում Հայաստան–Եվրամիություն շրջանակային համաձայնագիրը: Այն ի՞նչ կարող է մեզ տալ:

– Նախ ասեմ, որ ցանկացած գործակցության ընդլայնում կարևոր է մեր երկրի համար, քանի որ նոր հնարավորություններ և նոր հորիզոններ է բացում մեր առջև: Ինչպես նաև հնարավորություն է ընձեռում, որպեսզի հարաբերվենք նոր մշակույթների հետ:
Կարևոր է այնքանով, որ երաշխավորում է նաև Հայաստանի հավասարակշռված արտաքին քաղաքականությունը: Եվ, բարեբախտաբար, այս համաձայնագրի կնքումը էական հակազդեցությունների չհանդիպեց քաղաքական և տնտեսական այլ միավորների կողմից:
Ուստի, համագործակցությունը և՛ Եվրասիական տնտեսական միության, և՛ Եվրամիության հետ կարելի է գնահատել որպես մեր երկրի արտաքին քաղաքականության ուղենիշային կողմերը:
Անկեղծ ասած, նույն Եվրասիական տնտեսական համաձայնագրի հնարավորություններից մենք դեռևս, ինչպես նաև նշում են մեր պաշտոնական ներկայացուցիչները, ամբողջությամբ չէ, որ կարողացել ենք օգտվել:
Իսկ որպես Գրականության ինստիտուտի տնօրեն, ես ինքս էլ կարող եմ ասել, որ ԵՏՄ անդամ երկրների հետ գրական կապերի և համանման այլ հարցերի հետ կապված դեռևս հսկայական անելիքներ կան: Այս պահին ես հենց այդ ուղղություններով եմ աշխատում նաև:
Իսկ ինչ վերաբերում է Եվրամիության հետ կնքած համաձայնագրին, ապա կարծում եմ, որ այն մեր երկրի համար կարևոր կլինի մի քանի առումներով: Հայաստանը հոգեբանորեն իրեն այսօր ավելի՛ կզգա որպես Եվրոպայի մաս: Չնայած պատմամշակութային անցյալի առումով մենք լիովին եղել ենք Եվրոպայի մաս և մաս ենք կազմել եվրոպական արժեքային համակարգի: Այն վկայված է նաև մեր գրականության և մատենագրության մեջ:
Այսինքն՝ եղել է զարմանահրաշ բան. գտնվելով արևելքում՝ մեր հայացքը եղել է Եվրոպային և մեր հոգեկերտվածքը համահունչ է եղել դասական եվրոպական արժեքներին:
Եվ հուսանք, որ այս համաձայնագրի կնքումից հետո էլ մենք Եվրոպայից կվերցնենք այն, ինչ մեզ պետք է: Այսինքն՝ կվերցնենք լավը: Որովհետև ամեն երկիր, ամեն հասարակություն իր լավ կողմերն էլ ունի և վատ կողմերն էլ ունի: Եվ որպես պետություն, մեզնից է կախված, թե ինչքանով լավը կվերցնենք և ինչքանով վատը կվերցնենք: Տվյալ դեպքում, ինչքանո՞վ կկարողանանք մտավոր–մշակութային բարձր չափանիշներին, որ առկա են եվրոպական երկրներում, համահունչ դարձնել մեր ընթացքը: Այնպես որ, ես կարծում եմ, այս համաձայնագիրը հորիզոններ կբացի նաև մեր կրթության ու գիտության զարգացման առաջ:

– Բայց եվրոպական արժեհամակարգը մեր հասարակության տարբեր շերտերի մոտ հակասական ընկալումներ է առաջացնում: Եվրոպայի հետ են կապում միասեռականության խրախուսումը. Նեռի գալուստը նախապատրաստելու գործը և այլևայլ մեղքեր: Եվ այս ամենի պարագայում մենք ինչպե՞ս կարող ենք խուսափել այն վտանգավորից, որը գուցե և մեզ սպասվում է ապագայում:

– Եթե մարդը վատի հակում ունի, անկախ նրանից, թե ինչ համաձայնագիր ստորագրած կլինի կամ ստորագրած չի լինի, կգնա այդ ուղղությամբ: Իսկ եթե լավի հակումներ ունի, ապա լավը կվերցնի: Այնպես որ, ես ոչ մի վտանգավոր բան չեմ տեսնում այս համաձայնագրի առումով:
Վտանգավորը կարող է լինել մեր մտածողության և մեր հոգեբանության մեջ:
Ընդ որում, ձեր ասած այդ բաներին էլ այդքան չի կարելի ուշադրություն դարձնել: Նեռի գալուստի մասին խոսակցություններն ավելի շատ հիվանդ երևակայության արտահայտություններ են: Եվ վախճանաբանական ըմբռնումները կապել Եվրոպայի հետ, որևէ բանով չի հիմնավորվում: Միստիկային տրվելու կարիքն էլ չկա:
Այլ բան են մեր մտահոգությունները, երբ ասում ենք, որ ընտանեկան բռնություններին հակազդելու բացասական միջոցները գալիս են արդի համակարգերից: Եվ համանման այլ խնդիրներ ևս կան, իրոք:
Ամեն դեպքում մեր ժողովրդի հոգեկերտվածքն այնպիսին է, որ ամեն բան ինչ–որ տեղ տեղայնացնում, յուրացնում է: Եվ ես կարծում եմ, որ այս համաձայնագիրը թե՛ քաղաքական, թե՛ տնտեսական և թե՛ գիտա–մշակութային առումներով օգտակար կլինի:
Այդ վերացական խոսակցություններից էլ հարկ չկա վախենալու: Մարդը եթե հակում ունի, ապա խորհրդային ժամանակներում էլ այդ վատ ու մերժելի բաներն արել է, հիմա էլ է անում և հետո էլ կանի: Կամ որ նույնն է՝ նա կլինի համակենտրոնացման ճամբարում, կապրի ազատ համակարգում, թե ներկա իրականության մեջ կգտնվի:

– Այսօր մեր ժողովրդի կյանքի անբաժանելի մասն է դարձել գողանալը, օրենքը շրջանցելը: Նման բաներն են մեր իրականության մեջ դարձել գերակա: Մեր հասարակությունը կկարողանա՞ հեշտությամբ հաղթահարել այս վիճակները և դառնալ օրենքին ենթակա:

– Այնպես չէ, որ մեր ժողովուրդն ամբողջությամբ գողությամբ ու թալանով է զբաղված: Կան առանձին անհատներ, որոնք գտնվում են տարբեր դիրքերում և նման բանով են զբաղված: Բայց ողջ ժողովրդի վերաբերյալ չի կարելի նման բան ասել:
Բոլոր դեպքերում մենք պետք է ձգտենք իրավական պետություն կառուցել: Եվ սա մեր ներքին հարցն է, մեր ներքին խնդիրն է, թե ինչպիսի երկիր կկառուցենք: Եվ կապ չունի արտաքին աշխարհի հետ մեր ունեցած հարաբերություններին ու նրանց հետ մեր գործակցությանը:

– Այսինքն՝ մեր ճակատագիրը մեր ձեռքին է:

– Իհարկե: Մեր ճակատագիրը միշտ էլ մեր ձեռքին է եղել: Մնում է միայն այն ճիշտ տնօրինել:

 Գոհար Սարդարյան

«Փաստ» օրաթերթ

loading...
Բերման ենթարկվածների իրավունքները մասսայականորեն խախտվել են Հայությունը նշում է Հայոց ցեղասպանության 103-րդ տարելիցը.ուղիղ միացում Ծիծեռնակաբերդի հուշամալիրից Վիգեն Խաչատրյան. «Շատ կարևոր է, որ իշխանության հենարանը չլինի թաղի խուժանն ու օրինախախտը» Լևոն Շիրինյան. «Ժողովրդի ազգային գիտակցությունը փոխվել է» Էդգար Վարդանյան. «Իշխանությունների բիրտ ու ոչ համարժեք արձագանքը էլ ավելի ամրապնդեց շարժումը» Բազմության քառապատկվելու պատճառը Սերժ Սարգսյանի թույլ տված երկու սխալներն էին Կայացել է Կարապետյան- Մեդվեդև հեռախոսազրույցը «Հայաստանի ժամանակակից պատմութեան մէջ նոր էջ մը կը բացուի» ԱՐԱՄ Ա. ԿԱԹՈՂԻԿՈՍ ՀՀ Նախագահ Արմեն Սարգսյանն ընդունել է Կառավարության հրաժարականը Արծվիկ Մինասյանը, Վահան Մարտիրոսյանը, Լևոն Մկրտչյանը և Հրաչյա Ռոստոմյանը վերանշանակվեցին պաշտոններում Ուղիղ միացում Հանրապետության հրապարակից Քեյթ Միդլթոնը տղա ունեցավ ՔՊ-ն ակցիային միացած զինվորականներին կոչ է արել վերադառնալ իրենց նշանակման վայր Ռուսաստանը եւ Չինաստանը միջազգային կայունության երաշխավորներն են. Լավրով Ես թողնում եմ երկրի ղեկավարի, Հայաստանի վարչապետի պաշտոնը. Սերժ Սարգսյանի հայտարարությունը Կոչ եմ անում խնդիրները լուծել միմիայն խաղաղ ճանապարհով. Մխիթարյանն արձագանքել է հայաստանյան իրադարձություններին Նիկոլ Փաշինյանն ու մյուս պատգամավորներն ազատ արձակվեցին Աշտարակում վիրավորվել է ոստիկանության 3 ծառայող եւ վնասվել 3 ավտոմեքենա Նիկոլ Փաշինյանը գտնվում է Երևանի Ձերբակալվածների պահման վայրում Դիմել եմ գլխավոր դատախազին ԱԺ պատգամավորների վերաբերյալ միջնորդությունը հետ վերցնելու համար. Կարեն Կարապետյան Վենգերը չի պատրաստվում օգնել «Արսենալին» հաջորդ մարզչի ընտրության հարցում Ցուցարարներին միացան զինվորական համազգեստով երիտասարդներ Ապրիլյան պատերազմի մասնակիցները քայլում են դեպի ԱԺ. ոստիկանությունը փշալարերով փակել է փողոցը Հայաստանի ներքին անկայունությունն ուղիղ ճանապարհ է հարթում հակառակորդի կողմից գործողություններ ձեռնարկելու. Վիգեն Սարգսյան
Այսօր Այս շաբաթ Այս ամիս
website by Sargssyan