Երևան, 22.Հունվար.2018,
--
:
--
,

Օրենքի պահանջներին չհամապատասխանող ուսուցիչները կաշխատեն ևս տասը տարի



«Հանրակրթության մասին» օրենքի 38–րդ հոդվածի 5–րդ մասում «2018» թիվը կփոխարինվի «2028» թվով, ինչը հնարավորություն կընձեռի միջին մասնագիտական որակավորում ունեցող ուսուցիչներին, որոնք ունեն երկար տարիների աշխատանքային ստաժ և սովորողների հետ կրթական և դաստիարակչական աշխատանքների մեծ փորձ, շարունակել իրենց մասնագիտական գործունեությունը մինչև 2028 թվականի օգոստոսի 20–ը: Այս մասին նոր նախագիծը հայտնվել է Իրավական ակտերի նախագծերի հրապարակման միասնական նախագծում:

Ներկայում «Հանրակրթության մասին» օրենքի 38–րդ հոդվածի 5–րդ մասի համաձայն՝ ուսումնական հաստատությունում աշխատող այն ուսուցիչները, որոնք չեն համապատասխանում «Հանրակրթության մասին» օրենքի 26–րդ հոդվածի 1–ին մասով սահմանված պահանջներին, կարող են շարունակել իրենց մասնագիտական գործունեությունը մինչև 2018 թ. օգոստոսի 20–ը, եթե մինչև այդ չեն ապահովում ուսուցչին ներկայացվող պահանջները:

Օրենքով՝ ուսումնական հաստատության ուսուցիչ կարող է լինել այն անձը, որը ստացել է մանկավարժական համապատասխան որակավորում (բակալավրի, մագիստրոսի, դիպլոմավորված մասնագետի կրթական աստիճանով) կամ ունի բարձրագույն կրթություն և վերջին տասը տարվա ընթացքում մանկավարժական (կամ ուսուցչական) գործունեության առնվազն 5 տարվա աշխատանքային ստաժ:

Նշված դրույթը հնարավորություն էր տալիս ուսումնական հաստատությունում աշխատող յուրաքանչյուր ուսուցչի, ով չէր համապատասխանում «Հանրակրթության մասին» օրենքի 26–րդ հոդվածի 1–ին մասով սահմանված պահանջներին, մինչև 2018 թ. օգոստոսի 20–ը ստանալ բարձրագույն կրթություն մանկավարժական համապատասխան որակավորմամբ՝ ապահովելով օրենքով սահմանված պահանջը: Այժմ այս ժամկետը կերկարաձգվի ևս 10 տարով:

Կրթության պետական զարգացման ծրագիրը մշակված է 2018–2030 թթ. համար և նախատեսում է կրթության բովանդակության, կազմակերպման ամբողջական վերանայում: Այս համատեքստում նախատեսվում է իրականացնել հանրակրթական հաստատությունների ուսուցիչների որակի բարելավում, մասնավորապես՝ մանկավարժական կրթության արդիականացում՝ ապահովելով մանկավարժական մասնագիտությունների ցանկի, ուսուցիչների պատրաստման, որակավորման բնութագրերի, մասնագիտական գիտելիքների և կարողությունների համապատասխանությունը հանրակրթության ժամանակակից պահանջներին, ուսումնական պրակտիկայի արդյունավետ համակարգի ներդրում:

Օրենքի դրույթի ամրագրումից հետո «Հանրակրթության մասին» օրենքի 26–րդ հոդվածի 1–ին մասով սահմանված պահանջներին չհամապատասխանող ուսուցիչներին հնարավորություն է տրվել հեռակա ուսուցմամբ ստանալ բարձրագույն կրթություն: 2010–2011–ից մինչև 2016–2017 թթ. ուսումնական տարիների տվյալների ուսումնասիրությունից պարզ է դարձել, որ մեծ թվով ուսուցիչներ օգտվել են ընձեռված հնարավորությունից: Հիմա էլ նախագծի հեղինակները ենթադրում են, որ նշված ժամկետը երկարաձգելու պարագայում վերջինների թիվը կավելանա:

Նոր նախագծի ընդունմամբ, այն ուսուցիչները, որոնք չեն համապատասխանի «Հանրակրթության մասին» ՀՀ օրենքի 26–րդ հոդվածի 1–ին մասով սահմանված պահանջներին, կկարողանան շարունակել իրենց մասնագիտական գործունեությունը մինչև 2028 թ. օգոստոսի 20–ը:

 

ՔՐԻՍՏԻՆԱ ՏԵՐ–ՄԱԹԵՎՈՍՅԱՆ

«Փաստ» օրաթերթ

loading...
Վահրամ Բաղդասարյանը բավական բարձր է գնահատում ՀՀ նախագահի թեկնածու Արմեն Սարգսյանի մասնագիտական որակները ՀՀ նախագահի և վարչապետի ընտրության կարգն ու ժամկետները. ներկայացնում է Արփինե Հովհաննիսյանը ՍԱՊԾ պետը վստահ է՝ Հայաստանում սննդամթերքի անվտանգության համակարգը թևակոխելու է զարգացման նոր փուլ Մխիթարյանը ծննդյան երեկոն անցկացրել է Ռայոլայի և Պոգբայի հետ «Փադինգթոնի արկածները 2»-ը` բոլոր ժամանակների ամենասիրելի ֆիլմ Ստեղծագործական աշխատանքի ժամանակ ուղեղը գործի Է դնում միանգամից մի քանի հատված Թրամփի առաջին տարվա աշխատանքի հավանության վարկանիշը ամենացածրն է ԱՄՆ-ի վերջին նախագահների շարքում Քաղցկեղի վաղ ախտորոշման նոր տեխնոլոգիա են մշակվել Դեռահասության տարիքը հարկավոր Է ավելացնել մինչեւ 24. գիտնականներ Միրգը և բանջարեղենը՝ լավագույն միջոց քաղցկեղի դեմ Սիրիայի քրդերը հայտնել են թուրքական ուժերն Աֆրինից հետ շպրտելու մասին Ֆրանսիան կոչ է անում Սիրիայում իրավիճակի հարցով ՄԱԿ-ի ԱԽ շտապ նիստ գումարել Կիևում 2017 նոյեմբերին առևանգված երկու ՀՀ քաղաքացիները ազատության մեջ են Ֆրանսիայի 2018 թվականի ռազմական բյուջեն կկազմի 34,2 մլրդ եվրո Թերեզա Մեյը բացառել է «Brexit»-ի վերաբերյալ ևս մեկ հանրաքվեի հնարավորությունը Նոր Զելանդիայի վարչապետը հղի Է եւ սպասում Է առաջնեկին Կիմ Չեն Ընը ազգի բոլոր խնդիրները կլուծի կորեացիների ուժերով Իրանական բանտում կտրել են գողության համար դատապարտված տղամարդու ձեռքը Ադրբեջանն Արցախի դեմ տնայնագործական զինամթերք է կիրառել Ֆրանսիան և Մեծ Բրիտանիան 10-հազարանոց Էքսպեդիցիոն կորպուս կստեղծեն Պատգամավորը քնել Է Brexit-ի շուրջ քննարկումների ժամանակ Կոնգրեսականները կոչ են արել Թրամփին վերականգնել շփումները ԿԺԴՀ-ի զինվորականների հետ Հանցավոր համագործակցություն ստեղծելու, սպանություններ կազմակերպելու և նախապատրաստելու համար մեղադրանքներ են առաջադրվել Կոուտինյոն հունվարին 25-ին կարող է նորամուտը նշել Բարսելոնայի կազմում Ադրբեջանը հայ դիրքապահների ուղղությամբ արկ է արձակել անօդաչու թռչող սարքից
Այսօր Այս շաբաթ Այս ամիս
website by Sargssyan