Ереван, 15.Декабрь.2018,
--
:
--
,

«Գրեմմի» մրցանակին առաջադրվելը Մանսուրյանի և Օրբելյանի ստեղծագործական նվաճումների ընդհանրացումն է

«Գրեմմի» երաժշտական մրցանակին առաջադրվելը Տիգրան Մանսուրյանի և Կոնստանտին Օրբելյանի ստեղծագործական նվաճումների ընդհանրացումն է:

Դեկտեմբերի 14-ին ՀՀ մշակույթի նախարար Արմեն Ամիրյանը հանդիսավոր ընդունելություն կազմակերպեց երկու մաեստրոների համար` ՀՀ առաջին տիկին Ռիտա Սարգսյանի, դեսպանների, արվեստագետների մասնակցությամբ:

«Մեր խոնարհումն ու հարգանքն ենք փոխանցում մեր սիրելի երկու մաեստրոներին: Այս մարդիկ ճակատագրի բերումով ծնվել են արտերկրում, սակայն հոգու կանչով և գիտակցությամբ վերադարձել են հայրենիք և զբաղվում են իրենց սիրելի գործով, ստեղծում են երաժշտության հրաշքները: Աստված մեր երկու մաեստրոներին տվել է արվեստի շնորհը»,-ասաց Ամիրյանն ու հավելեց` մեզ մնում է միայն սպասել մրցանակաբաշխությանը և հուսալ, որ մեր միավորված ցանկություններն իրականություն կդառնան:

Տասնյակ մեր հայրենակիցներ նոմինացվել և արժանացել են«Գրեմմի» մրցանակի ժամանակի ընթացքում: «Գաղափար առաջացավ «Գրեմմի» -ի արժանացած մեր հայրենակիցների հետ համերգային ծրագիր կազմակերպել՝ աշխարհին փոխանցելու խաղաղության , սիրո պատգամը»,-նշեց Ամիրյանը:

Մեծանուն կոմպոզիտոր Տիգրան Մանսուրյանը ևս նշանակալի համարեց իրադարձությունը, քանի որ մրցանակի է ներկայացվել միանգամից երկու հայ երաժիշտ: «Օրբելյանն իր հրաշալի նվագախմբային գործունեությամբ է հասել հաջողության` իբրև դիրիժոր, ես իբրև ստեղծագործող երաժիշտ: Օրբելյանն առաջադրվել է բարեկամական համատեղ աշխատանքի արդյունքում: Ես իմ գործը նվիրել եմ Եղեռնի զոհերի հիշատակին, որոնց մեջ նաև իմ ընտանիքի անդամներն են եղել: Սա մեր ստեղծագործական նվաճումների ընդհանրացումն է: Մրցանակին սպասող ինձ նման 4 մարդ ունեմ կողքիս, և Կոնստանտին Օրբելյանն անշուշտ այդ շարքում է»,-ասաց Մանսուրյանը:

Մանսուրյանն անկեղծացավ՝ առաջին անգամը չէ, որ առաջադրվել է «Գրեմմի» մրցանակին: Ներկացված է եղել նաև 2004-ին Քիմ Քաշքաշյանի հետ: Սակայն այն ժամանակ այսպիսի մեծ իրադարձություն չի եղել: «Չստացանք մրցանակ, ինչը կարող է պատահել նաև այս անգամ, թեև գերադասելի է, որ լինի: Պետք է լինել սթափ և հանդուրժող: Չեմ ուզում հուսալ, ապրումներ ունենալ: Երիտասարդների համար այն անսպասելի մեծ ուրախություն կլինի, իմ տարիքի համար` ոչ այնքան»,-նշեց մաեստրոն:

Հայտնի դիրիժոր Կոնստանտին Օրբելյանն իսկապես հուզիչ համարեց Մանսուրյանի հետ կանգնել հայկական դրոշի ներքո, հայկական մշակույթի համար: «Մրցանակն առաջադրվեց այն օրը, երբ Դմիտրի Խվորոստովսկուն հողին հանձնեցին Մոսկվայում: Ցավալի է: Ես շատ ուրախ եմ, որ մենք կարողացանք հասցնել գործը, ներկայացնել ողջ աշխարհում: Կհուսանք և կսպասնենք հունվարի 28-ին` մրցանակաբաշխությանը» ,-ասաց Օրբելյանը և շնորհակալություն հայտնեց ներկաներին աջակցության համար:

Հայաստանում ԱՄՆ դեսպան Ռիչարդ Միլսը ևս շնորհավորեց երկու մաեստրոներին իրենց ձեռքբերումների համար: «Նրանք տաբեր մշակույթների մաս են եղել` ռուսական, ամերիկյան և, իհարկե, հայկական, և ներկայացնում են այս երեք հզոր մշակույթները: Անչափ ուրախ եմ, որ մաեստրոներն առաջադրված են որպես մրցանակի հավակնորդներ: Լիահույս եմ, որ կարժանանան մրցանակի» ,-ասաց դեսպանը:

Մեծանուն կոմպոզիտոր Տիգրան Մանսուրյանն առաջադրվել է «Գրեմմի» երաժշտական մրցանակին միանգամից երկու անվանակարգում:Մանսուրյանի հեղինակած «Ռեքվիեմ»-ը ներկայացված է «Լավագույն երգչախմբային ներկայացում» և «Լավագույն ժամանակակից դասական ստեղծագործություն» անվանակարգերում:«Գրեմմի»-ին է առաջադրված նաև Տիգրան Մանսուրյանի պրոդյուսեր Մանֆրեդ Այխերը՝ որպես «Տարվա պրոդյուսեր դասական ոճում»:

Դիրիժոր Կոնստանտին Օրբելյանը «Գրեմմի 2018» հեղինակավոր երաժշտական մրցանակաբաշխության հավակնորդների թվում ընդգրկվել է Դմիտրի Խվորոստովսկու հետ: Նրանք առաջադրվել են «Լավագույն դասական սոլո վոկալ ալբոմ» անվանակարգում «Sviridov: Russia Cast Adrift» («Սվիրիդով. Հեռացող Ռուսաստան») սկավառակի համար։

«Գրեմմի» 60-րդ մրցանակաբաշխությունը կկայանա հունվարի 28-ին Նյու Յորքում:

loading...
Депутат в шелках и миллиардных долгах Данные ЦАМТО ошибочны- у Армении есть “Искандер” и “БУК” Министр обороны доложил президенту о старте новой программы социальной помощи семьям погибших или ставших инвалидами военнослужащих Карен Карапетян подчеркнул важность проектов, направленных на качественные изменения в сфере ИТТ Саакашвили уходит с поста губернатора Одесской области, виной тому – Порошенко Телеканал «Россия»: Россия и Армения ведут честную игру КРОУ склонна к снижению тарифа на электроэнергию Республиканская партия Армении не пойдет на кардинальные изменения во внешней или внутренней политике Виталий Баласанян назначен секретарем Совбеза НКР Для необеспеченных слоев населения тариф на газ составил 100 драмов Обновление ОДКБ идет на пользу Армении Президент потребовал постоянного внимания к регулированию дорожного движения "Газпром Армения" представила основные цели и факторы изменения газовых тарифов Азербайджан применил на линии соприкосновения гранатометы Армения – единственная в мире страна, где «воров в законе» не сажают – российская пресса «Газпром Армения» обратится в КРОУ по вопросу о пересмотре газовых тарифов Азербайджан более 55 раз нарушил режим перемирия Новая книга о Карсе и необходимости переосмыслить идею независимости Первопрестольный Эчмиадзин хотел бы видеть на престоле Константинопольского патриарха епископа Саака Машаляна Российские и сирийские ПВО выдворили турок из воздушного пространства Сирии Китайский М20 не может стать реальным конкурентом «Искандера»: его качество сомнительно Согласится ли Гагик Царукян возглавить новую партию? Новое кадровое назначение: главу ГСБПП Армена Айрапетяна сменит Ишхан Карапетян В приграничном Кохбе освящена новая церковь Сурб Григор Лусаворич Тема карабахского урегулирования уже давно не обсуждается в ходе встреч президентов (видео)
Сегодня За неделю За месяц
website by Sargssyan