Երևան, 21.Փետրվար.2018,
--
:
--
,

Ռուստամ Բաքոյան. «Հայերը պետք է ընդունեն եզդիների ցեղասպանությունը». ի՞նչ կտա նոր օրինագիծը


2014 թվականի օգոստոս ամսին Իսլամական պետության կողմից սկսվեց եզդի ժողովրդի զանգվածային կոտորածը: Եզդիաբնակ Շանգալ մարզն ամբողջովին եզդիաթափվեց, ավելի քան 300 հազար ավելի եզդիներ դարձան փախստական, 5000–ից ավելի կանայք գերի ընկան: Նրանցից շատերը դեռ գերության մեջ են:

ՀՀ ազգային ժողովի ՀՀԿ խմբակցության պատգամավոր, ազգությամբ եզդի Ռուստամ Մախմուդյանը վերջերս հայտարարեց, որ կազմվել է եզդիների ցեղասպանությունը դատապարտող օրինագիծ։

«Շամս» մարդասիրական հասարակական կազմակերպության նախագահ Ռուստամ Բաքոյանը ՀՀ Ազգային ժողովի մի շարք պատգամավորների կողմից կազմված փաստաթուղթը հիմնավորված է համարում:

«Սա մի գործընթաց է, որին մենք սպասում էինք: Դեռ ԱԺ խորհրդարանական ընտրությունների նախընտրական շրջանում, երբ մեզ համար արդեն հստակ էր, որ մեր համայնքի թեկնածուն Ռուստամ Մախմուդյանն է լինելու, հենց այդ փուլում մի քանի քննարկումներ եղան: Այդ ընթացքում մեզ համար մի քանի հարցեր հստակեցվեցին, որոնցից մեկն էլ 2014 թվականին եզդիների ցեղասպանության վերաբերյալ օրինագիծն Ազգային ժողով տանելն էր: Առհասարակ, 2014 թվականին եզդիների ցեղասպանության հարցն այս պահին էլ է արդի: Ի վերջո, մենք եկանք համաձայնության, որ մինչև 2017 թ. աշուն պատգամավորը կզբաղվի այդ հարցով և օրինագիծը կմտնի Ազգային ժողով»,– «Փաստ»–ի հետ զրույցում ասաց Ռուստամ Բաքոյանը:

ՀԿ նախագահը շեշտեց, որ եթե մինչև դեկտեմբերի 20–ը օրինագիծը չընդունվի, ապա 2018 թ. փետրվարին ՀՀ Աժ–ն անպայման կընդունի եզդիների ցեղասպանությունը:
Իսկ թե ի՞նչ կտա առհասարակ Հայաստանի կողմից եզդիների ցեղասպանության դատապարտումը, մեր զրուցակիցը նշեց. «Եզդիների ցեղասպանությունը մինչ օրս շարունակվում է: Գոնե հայերը պետք է գիտակցեն, թե ինչ է նշանակում սա, որովհետև ավելի քան 100 տարի առաջ հայերն ապրեցին այդ ցեղասպանությունը: Միջազգային հանրության կողմից հայերի նկատմամբ իրականացրած ցեղասպանությունը չդատապարտելը ծնեց նոր՝ 2014 թ. եզդիների ցեղասպանությունը: Կարծում եմ, որ համաշխարհային հանրությունը, այդ թվում նաև հայերը պետք է ընդունեն եզդիների ցեղասպանությունը, դատապարտեն, որպեսզի նման ցեղասպանություններ չկրկնվեն»:
Ռուստամ Բաքոյանը շեշտեց, որ իրենց նպատակն է հասնել նրան, որ ամբողջ աշխարհն ընդունի 2014 թվականի եզդիների նկատմամբ իրականացված ցեղասպանությունը:

«Միջազգային նորմերով այն ցեղասպանություն է, ցեղասպանական գործողություն: Մինչ այսօր մի քանի կառույցներ և երկրներ ընդունել են եզդիների ցեղասպանությունը: Ֆրանսիայի սենատն է ընդունել, Մեծ Բրիտանիայի ստորին պալատը, Կանադան ևս ընդունել է: ՄԱԿ–ը դատապարտել է: Եվ այս շարքը պետք է շարունակվի: Իհարկե, այս երկրներում եզդիների ցեղասպանությունն ընդունվել է մեծ մասամբ Եզդիական միացյալ կազմակերպության գործունեության արդյունքում: Իհարկե, խոսում ենք ցավալի փաստի մասին, բայց երբ այն ընդունելու հարցում հասնում ենք հաջողության, ողջունելի փաստ է: Վերոնշյալ հարցում Եզդիական միացյալ կազմակերպության մասնակցությունը Հայաստանում չկա: Բայց, այնուամենայնիվ, կարծում ենք, որ կազմակերպության հետ Հայաստանի եզդիների համագործակցությունն էլ ավելի կուժեղացնի, որ եզդիական լոբբինգը միջազգային ասպարեզում կարողանա հասնել եզդիների ցեղասպանության ընդունմանը տարբեր երկրների կողմից»,–եզրափակեց «Շամս» մարդասիրական ՀԿ–ի նախագահը:


Աննա Բադալյան

«Փաստ» օրաթերթ

loading...
ԱՄՆ-ն անում է ամեն բան ԼՂ հակամարտության խաղաղ կարգավորման համար. դեսպան Թմրամիջոցի ապօրինի շրջանառության դեպքով բերման են ենթարկվել երեք օտարերկրացի Վոլգոգրադից Երևան ուղիղ չվերթ կգործի 21 երկիր` ավտոմեքենայով ԱՄՆ-ը մինչեւ տարեվերջ նավթի հանույթի առաջատարը կդառնա՝ առաջ անցնելով ՌԴ-ից եւ Սաուդյան Արաբիայից. ԷՄԳ ԱՄՆ-ը Սեւ ծովում մեծացնում Է ռազմական ներկայությունը ՌԴ-ին հակազդելու նպատակով. CNN Ամենուրեք քիչ-քիչ. Դեպարդյոն դեռ չի գտել «իր երկիրը» Չելսի-Բարսելոնա. ուղիղ հեռարձակում Ֆրանսիայում հիմնված «Հայրենասերներ» կուսակցությունը հանդես Է գալիս ԵՄ-ից դուրս գալու օգտին Եվրամիությունն ավարտում Է Brexit-ի վերաբերյալ համաձայնագրի նախագիծը Լևոն Արոնյանը կմասնակցի «Grenke Chess Classic»-ին Թոմաս Անդերսի ուղերձը հայ երկրպագուներին Փենյանն ԱՄՆ-ին մեղադրել Է միջկորեական երկխոսությունը ձախողելու փորձի մեջ Մեծ Բրիտանիայում ստեղծվել Է Brexit-ի հակառակորդների նոր կուսակցություն Հայաստանի ԶՈՒ պատվիրակությունը մեկնել է Մոսկվա Որակյալ կինոն կարեւոր «զենք» է. կայացավ կինեմատոգրաֆիստների միության գիլդիաների համատեղ հանդիպումը Գերմանիան շարունակում է պահանջել Թուրքիայից ազատ արձակել իր քաղաքացիներին Էրդողանը Ռոուհանիի հետ քննարկել է «Ձիթենու ճյուղ» օպերացիան ՀՀ տրանսպորտի, կապի և ՏՏ փոխնախարարն ազատվել է պաշտոնից Դավիթ Հարությունյանը ներկայացրեց ՔԿՎ-ի նախկին պետ Արթուր Օսիկյանի պաշտոնից ազատվելու պատճառները Նազարբաեւը հաստատեց ղազախական նոր այբուբենը՝ լատինական գրի հիման վրա Ոստիկանները Երևանում հայտնաբերել են խոշոր քանակի թմրանյութ և ապօրինի զենքեր Լքված հանքում ծծմբաթթվային լիճ է գոյացել, որը իշխանությունները «չտեսնելու» են տալիս
Այսօր Այս շաբաթ Այս ամիս
website by Sargssyan