Երևան, 20.Հուլիս.2018,
--
:
--
,

Հայաստանում առկա գնաճային ֆոնը համեստ է. Վարդան Արամյան

 Հանրապետության ֆինանսների նախարար Վարդան Արամյանը համեստ է որակում երկրում առկա գնաճային ֆոնը: Ազգային ժողովում լրագրողների հետ զրույցում Վարդան Արամյանն ընդգծեց, որ գնաճային ֆոնը 0.8 տոկոս է: «Մարդու սոցիալական վիճակի վրա գնաճի ազդեցության պարագայում մենք ոչ թե պետք է վերցնենք 12-ամսյա գնաճը, այլ միջին գնաճը: Մեզ մոտ հիմա այս տարվա 11 ամիսներին նախորդ տարվա նույն ժամանակահատվածի նկատմամբ 0.8 տոկոս է: Այսինքն՝ գնաճային ֆոնը համեստ է»,-նշեց Արամյանը:

Անդրադառնալով առանձին ապրանքատեսակների թանկացումներին՝ նախարարն ընդգծեց, որ հարկավոր է տարբերակել առանձին ապրանքների թանկացումը ընդհանուր գնաճային ֆոնից: «Եթե մենք վերցնում ենք մի քանի ապրանքատեսակների թանկացումը և ասում ենք, թե խայտառակ գնաճային ֆոն է, բարդություններ են առաջանում»,- ընդգծեց Արամյանը՝ հավելելով, որ ցանկացած ապրանքատեսակի թանկացման մասով կան տարբեր հիպոթեզներ, որոնք պետք է թեստավորվեն, որովհետև այլ բան է հայտարարություններ անելը, այլ բան է շուկայում վերլուծություն անելը և պարզելը, թե ինչն է թանկացման պատճառը:

Նախարարը, որպես օրինակ, բերեց մսամթերքի թանկացումը: Նա՝ որպես տնտեսագետ, ներկայացրեց մսամթերքի թանկացման վերաբերյալ իր հիպոթեզը, որը դեռևս պետք է ենթարկվի թվային վերլուծության: «Մեզ մոտ տեղական մսամթերքի հիմնական արտադրողները գյուղացիներն են: Վերջին երկու-երեք տարիներին մենք խոսում ենք այն մասին, որ մինչև 33 տոկոս կրճատվել են տրանսֆերտները: Այս տարի առաջին անգամ է, որ մենք տրանսֆերտների վերականգնում ունենք: Քանի որ տրանսֆերտների մի մեծ հատված գնում է գյուղական համայնքներ, նշանակում է, որ մեր գյուղացիների եկամուտները որոշ չափով նվազել են, ակնհայտ է, որ նրանք եկամտի այլ աղբյուր պետք է ունենան: Ակնհայտ է, որ նրանք այս պայմաններում նախորդ տարիների վարքագծի համաձայն իրենց անասունների մորթ կկատարեն: Սա կարող է լինել մեկ փաստարկ, որ առաջարկը հարաբերականորեն կրճատվել է, իսկ եթե առաջարկը կրճատվել է, բնականաբար, գինն էլ պետք է արձագանքի դրան»,- պարզաբանեց նախարարը:

Որպես մսի թանկացման երկրորդ հնարավոր պատճառ նախարարը համարում է անասունների արտահանումը, ինչի հետևանքով էլ ներքին շուկայում առաջարկը նվազում է, իսկ գինը, հետևաբար, համապատասխան արձագանք է ցուցաբերում:

Միևնույն ժամանակ, նախարարն ընդգծեց, որ ամբողջ աշխարհում անհնար է գտնել մի սպառողի՝ անկախ նրանից, թե ինչ խավի է նա պատկանում, ով դրական արձագանքի որևէ թանկացման:

Հարցին, թե թանկացումներն ինչպես են ազդում սոցիալապես անապահով խավի վրա, նախարարը պատասխանեց. «Իհարկե, բացասական: Ցանկացած ապրանքատեսակի գների բարձրացումը բացասական է ազդում բոլորի վրա»:

Հայաստանում վերջին շրջանում մի շարք ապրանքատեսակների զգալի թանկացումներ են նկատվում: Մասնավորապես, թանկացումներ են նկատվում մսամթերքի և կարագի շուկաներում:

 

loading...
«Դարաշրջանն» ու «Դվին 2018»-ը մշակութային Հայաստանում Պետությունը մշակույթին պիտի խանգարի, չխանգարի, օգնի, անտեսի, վերահսկի. կարծիքներ հանդիպում-քննարկումից Ճանաչեք հին Երևանը. «Քաղաք» պանդոկ «Վահանագեղձի հանգույցներ». խնդիրներն ու բուժումները Արմեն Վարժապետյանի գրքում Նախագահը ընթրիք-հանդիպում է ունեցել հայտնի կինոգործիչների հետ Արմեն Արզումանյանը նշանակվել է ՀՀ տրանսպորտի, կապի եւ տեղեկատվական տեխնոլոգիաների նախարարի տեղակալ Ոչ մի բան չանեինք, կարող է՝ ավելի լավ լիներ. կրթության փորձագետը՝ բարեփոխումների վերաբերյալ Սպանություն Գեղարքունիքում. երկու անձ ձերբակալվել է Գավառ քաղաքից 21 կմ դեպի արևմուտք երկրաշարժ է գրանցվել Բելառուսական անձնագրով հայն այցելել է Ադրբեջան ու հասել ծնողների տուն. Լապշինը հրապարակել է տեսանյութ Ռոբերտ Քոչարյանը ՀՔԾ հարցաքննության կներկայանա հուլիսի 25-ից ոչ շուտ. Սողոմոնյան (տեսանյութ) Երևանի քաղաքապետ Տարոն Մարգարյանը հրաժարական տվեց Թե ինչպես Ֆիդել Կաստրոն փրկեց Ստաս Նամինին, իսկ Նամինը Կուբայի մասին ֆիլմ նկարահանեց Թուրքիայում գնացք է վթարվել. կան մեծ թվով զոհեր Ջորկաեֆը պատրաստ է լրջորեն աջակցել հայկական ֆուտբոլին. Փաշինյանը հանդիպել է ֆուտբոլիստի հետ Փաշինյանը ներկա է գտնվել «Ոսկե Ծիրան»-ի բացման արարողությանն ու հետևել «Լեգենդների խաղ»-ին Մեր ամենակարևոր նպատակն է արտագաղթի անիվը ոչ միայն կանգնեցնելը, այլև հետ պտտելը. Նիկոլ Փաշինյան Վարդավառին միացած Դարեն Արոնոֆսկին. մեկնարկեց 15-րդ «Ոսկե ծիրանը» Դժբախտ պատահարի հետևանքով մահացել է ՊՆ կենտրոնական արխիվի պետը ԿԲ-ն վարչապետին է ներկայացրել իրականացված ուսումնասիրությունները տնտեսական աճի կանխատեսման և հարկային բարեփոխումների վերաբերյալ ՀՀ նախագահը մասնակցել է Միջազգային եւ անվտանգության հարցերի հայկական ինստիտուտի Երիտասարդական ֆորումին Ադրբեջանը շփման գծում հայ դիրքապահների ուղղությամբ արձակել է ավելի քան 1500 կրակոց Հայ ժողովուրդը կարիք ունի ուժեղ և ինքնիշխան պետության. ՀՀ Անվտանգության խորհրդի քարտուղար
Այսօր Այս շաբաթ Այս ամիս
website by Sargssyan