Երևան, 20.Հուլիս.2018,
--
:
--
,

Նաիրա Զոհրաբյան. «Այսօր մենք, ցավոք սրտի, ունենք կատարյալ ձախողում բոլոր ոլորտներում»



2018 թվականի պետական բյուջեի շուրջ ավարտական փուլում ծավալված քննարկման ժամանակ ԱԺ պատգամավորները հնարավորություն ունեցան իրենց վերջնական կարծիքը հայտնել փաստաթղթի մասին:

Խոսրով Հարությունյանն իր խոսքում նշեց, որ եթե հաջորդ տարի կենսաթոշակները և աշխատավարձերը չբարձրացնելը նորմալ երևույթ չէ, բայցև պարտքով սոցիալական բեռն ավելացնելը՝ կործանարար է: Իր դիտարկմամբ, բյուջեն թեև իրատեսական է, բայց բավականին ռիսկային է: Եվ շատ ուրախ կլինի, եթե կառավարության կողմից ստանձնած պարտավորություններն իրականություն դառնան:

«Ծառուկյան» դաշինքի պատգամավոր Նաիրա Զոհրաբյանը «Փաստի» թղթակցի հետ զրույցում նկատեց, սակայն, որ ԱԺ ընտրությունների ժամանակ վարչապետ Կարեն Կարապետյանի կողմից նախընտրական փուլում ժողովրդին տված խոստումը, թե թոշակներն ու աշխատավարձերը բարձրանալու են, փաստորեն չի համապատասխանում իրականությանը:

«Երբեք այնքան սուտ չեն խոսում, որքան որսի, պատերազմի և ընտրությունների ժամանակ: Ինչ վերաբերում է ներդրումային ծրագրերին, ապա բացի խոստումներից և նրանից, որ փորձ է արվում վարկերը ներկայացնել որպես ներդրում, մինչ այս պահը ուրիշ ոչինչ չենք տեսել: Դեկտեմբերի 31–ին մնաց ընդամենը մի քանի օր, և ուզում եմ հիշեցնել, որ այս կառավարությունը խոստանում էր մինչև տարեվերջ, եթե չեմ սխալվում, 850 միլիոն դոլարի ներդրում ներգրավել»,– ասաց Նաիրա Զոհրաբյանը:

Նրա կարծիքով, երբ որևէ կուսակցություն քաղաքական պատասխանատվություն է ստանձնում, չպետք է ի սկզբանե «դատապարտվածի» քաղաքականությամբ մոտենա հարցերին, թե՝ ոչինչ չի ստացվի: Նա հիշեցրեց նաև, որ «Ծառուկյան» դաշինքը, ԲՀԿ–ն այն քաղաքական ուժը չեն, որ փորձեն քննադատությամբ դիվիդենտներ շահել, բայց նաև չեն կարող չասել այն, ինչ՝ կա:

«Բոլոր այն հայտարարությունները և թիրախները, որ ներկայացվեցին կառավարության ձևավորումից հետո,եթե այս կառավարությունը կարողանար հաջողություններ արձանագրել, որը կլիներ նաև Հայաստանի Հանրապետության քաղաքացու հաջողությունը, մենք իսկապես կգնահատեինք և կարձանագրեինք դա: Այսօր, սակայն, մենք, ցավոք սրտի, ունենք կատարյալ ձախողում բոլոր ոլորտներում»,– ասաց Ն. Զոհրաբյանը:

Հարցին, թե արդյոք չի՞ կարծում, որ 2018–ի բյուջեն ավելի շատ անցումային կառավարության ներկայացրած բյուջե է, քանի որ հաջորդ տարվա ապրիլին բավականին լուրջ քաղաքական փոփոխություններ են սպասվում, պատգամավորը պատասխանեց, որ նման հարցերով պետք է դիմել իշխող Հանրապետական կուսակցության խոսնակ Էդուարդ Շարմազանովին, քանի որ իրեն ամենևին էլ չի հետաքրքրում,թե ներկայացված բյուջեն անցումային է, թե ժամանակավոր կառավարության կողմից է ներկայացված:
«Ինձ չի հետաքրքրում անցումային է, հավերժ է, թե՝ մշտական: ժողովուրդը որ քաղաքական ուժին որ այս կամ այն կերպ տվել է մեծամասնություն ունենալու քվե, թող իրենք էլ խոսեն կառավարության կյանքի տևողության մասին: Եվ բոլոր նման հարցերը խնդրում եմ ուղղել իրենց»,– ասաց պատգամավորը:

Նրա կարծիքով, կառավարությունը կարող էր նույնիսկ մի քանի ամսում իրավիճակ փոխել և դրա համար ընդամենն անհրաժեշտ էր մի քանի թիրախային քայլ կատարել, ինչի մասին բազմիցս խոսել է «Ծառուկյան» դաշինքի առաջնորդ Գագիկ Ծառուկյանը:
«Էլ չեմ խոսում այն 15 դրույթների մասին, որոնք կարող էին կառավարության առաջին 15 քայլերը լինել երկրի տնտեսությունն անդունդից հանելու և ճիշտ ուղու վրա դնելու համար: Եվ դրա համար ոչ ամիսներ, ոչ էլ տարիներ էին պետք, այլ ընդամենը հարկավոր էր քաղաքական կամք և առավելագույնը՝ մեկ–երկու ամիսը բավարար էր գոնե տնտեսության զարգացումը ճիշտ ուղու վրա դնելու համար»,– ասաց Ն. Զոհրաբյանը:

Պատգամավորը նաև հիշեցրեց, որ Կարեն Կարապետյանի՝ վարչապետի պաշտոնը ստանձնելու ժամանակ Ն. Զոհրաբյանը տեսակետ էր հայտնել, թե՝ «կապրենք, կտեսնենք, թե նա կունենա՞ այնքան քաղաքական կամք և խիզախություն, կտրելու այն ճյուղը, որի վրա նստած է իշխանությունը»:

Եվ հիմա, երբ այդ նշանակումից անցել է բավականին ժամանակ, երեկվա ելույթում ԱԺ պատգամավորն արձանագրեց, որ Կարեն Կարապետյանի կառավարությունը չունեցավ այդ քաղաքական կամքը:

«Եվ դրանով ամեն ինչ ասված է»,– եզրափակեց իր խոսքը Ն. Զոհրաբյանը:

Արմինե Գրիգորյան

«Փաստ» օրաթերթ


loading...
«Դարաշրջանն» ու «Դվին 2018»-ը մշակութային Հայաստանում Պետությունը մշակույթին պիտի խանգարի, չխանգարի, օգնի, անտեսի, վերահսկի. կարծիքներ հանդիպում-քննարկումից Ճանաչեք հին Երևանը. «Քաղաք» պանդոկ «Վահանագեղձի հանգույցներ». խնդիրներն ու բուժումները Արմեն Վարժապետյանի գրքում Նախագահը ընթրիք-հանդիպում է ունեցել հայտնի կինոգործիչների հետ Արմեն Արզումանյանը նշանակվել է ՀՀ տրանսպորտի, կապի եւ տեղեկատվական տեխնոլոգիաների նախարարի տեղակալ Ոչ մի բան չանեինք, կարող է՝ ավելի լավ լիներ. կրթության փորձագետը՝ բարեփոխումների վերաբերյալ Սպանություն Գեղարքունիքում. երկու անձ ձերբակալվել է Գավառ քաղաքից 21 կմ դեպի արևմուտք երկրաշարժ է գրանցվել Բելառուսական անձնագրով հայն այցելել է Ադրբեջան ու հասել ծնողների տուն. Լապշինը հրապարակել է տեսանյութ Ռոբերտ Քոչարյանը ՀՔԾ հարցաքննության կներկայանա հուլիսի 25-ից ոչ շուտ. Սողոմոնյան (տեսանյութ) Երևանի քաղաքապետ Տարոն Մարգարյանը հրաժարական տվեց Թե ինչպես Ֆիդել Կաստրոն փրկեց Ստաս Նամինին, իսկ Նամինը Կուբայի մասին ֆիլմ նկարահանեց Թուրքիայում գնացք է վթարվել. կան մեծ թվով զոհեր Ջորկաեֆը պատրաստ է լրջորեն աջակցել հայկական ֆուտբոլին. Փաշինյանը հանդիպել է ֆուտբոլիստի հետ Փաշինյանը ներկա է գտնվել «Ոսկե Ծիրան»-ի բացման արարողությանն ու հետևել «Լեգենդների խաղ»-ին Մեր ամենակարևոր նպատակն է արտագաղթի անիվը ոչ միայն կանգնեցնելը, այլև հետ պտտելը. Նիկոլ Փաշինյան Վարդավառին միացած Դարեն Արոնոֆսկին. մեկնարկեց 15-րդ «Ոսկե ծիրանը» Դժբախտ պատահարի հետևանքով մահացել է ՊՆ կենտրոնական արխիվի պետը ԿԲ-ն վարչապետին է ներկայացրել իրականացված ուսումնասիրությունները տնտեսական աճի կանխատեսման և հարկային բարեփոխումների վերաբերյալ ՀՀ նախագահը մասնակցել է Միջազգային եւ անվտանգության հարցերի հայկական ինստիտուտի Երիտասարդական ֆորումին Ադրբեջանը շփման գծում հայ դիրքապահների ուղղությամբ արձակել է ավելի քան 1500 կրակոց Հայ ժողովուրդը կարիք ունի ուժեղ և ինքնիշխան պետության. ՀՀ Անվտանգության խորհրդի քարտուղար
Այսօր Այս շաբաթ Այս ամիս
website by Sargssyan