Երևան, 21.Հուլիս.2018,
--
:
--
,

Հրանտ Մելիք–Շահնազարյան. «Քաղաքական, այդ թվում նաև միջազգային ճնշման մեխանիզմներ են պետք». հանդիպումից դրական և բացասական սպասելիքներ չկան



Ադրբեջանի նախագահի արտաքին քաղաքական հարցերով օգնական Նովրուզ Մամեդովը հայտարարեց, որ Ադրբեջանը դրական է գնահատում Լեռնային Ղարաբաղի հակամարտության կարգավորման հարցում Ռուսաստանի գործողությունների ակտիվացումը: Ըստ Ն. Մամեդովի հայտարարության՝ Մոսկվան կարող է մեծ դեր խաղալ այս հակամարտության կարգավորման հարցում։

Քաղաքագետ Հրանտ Մելիք–Շահնազարյանի խոսքով, նշվածն ավելի շատ դիվանագիտական, քան քաղաքական հայտարարություն էր:

«Մեծ հաշվով՝ հասկանում ենք, որ փոփոխվող քաղաքական իրավիճակից ելնելով միջնորդների կողմից հնարավոր սցենարներ են առաջարկվում, և մեծ հաշվով նրանք ամեն ինչ անում են, որպեսզի բանակցային գործընթացը շարունակական լինի: Եվ այս առումով, իհարկե, հայտարարությունը զուտ դիվանագիտական է և ոչ ավելի: Իրականում հասկանալի է, որ որևէ միջնորդ չունեն ինչ–որ լուծումներ, որոնք կարող են լիարժեք բավարարել հակամարտող կողմերից ցանկացած մեկին: Նման լուծումներ չունի նաև կողմերը: Հետևաբար, սա երկարատև և բարդ գործընթաց է, որի ընթացքում նման անդրադարձների ականատես ենք լինում, բայց իրական լուծումների՝ ոչ»,–«Փաստ»–ի հետ զրույցում ասաց քաղաքագետը:

Ինչ վերաբերում է ՌԴ դերի ավելացմանը, մեր զրուցակիցը նշեց, որ վերջին երկու տարիների ընթացքում ՌԴ դերի բարձրացումն ակնհայտ է:

 «Բայց կարծում եմ, որ այդ դերի բարձրացումը հիմնականում պայմանավորված է այն հանգամանքով, որ մնացած միջնորդներից Ռուսաստանն ավելի շատ է շահագրգիռ Հարավային Կովկասում կայունության հաստատման առումով»,–ասաց քաղաքագետը՝ միաժամանակ հավելելով, որ մեծ հաշվով ռուսաստանյան ակտիվությունը բանակցային գործընթացին ոչինչ չի տալիս:

Նշենք, որ Թուրքիայի ԱԳ նախարար Մևլութ Չավուշօղլուն ԵԱՀԿ Մինսկի խմբի համանախագահների հետ հանդիպումից հետո հայտարարեց, թե Թուրքիան ջանքեր է գործադրում Լեռնային Ղարաբաղի հակամարտության լուծման համար, և այդ հարցի շուրջ Թուրքիայի ու Ադրբեջանի նախագահները մշտական կապի մեջ են: Այս համատեքստում հավելենք նաև, որ Թուրքիան շարունակում է ջանքեր գործադրել՝ ամեն գնով ԵԱՀԿ Մինսկի խմբի կազմում հայտնվելու համար: Հարցին, թե իրատեսակա՞ն է արդյոք այն, որ Թուրքիայի ջանքերը կարող են նպատակին հասնել, Հրանտ Մելիք–Շահնազարյանը պատասխանեց.

«Վերջին 30 տարիների ընթացքում Թուրքիան անընդհատ փորձում է ներգրավված լինել այդ գործընթացներում, բայց վստահ եմ, որ դա իրենց չի հաջողվելու: Չի հաջողվի, որովհետև դրա շուրջ կա նախ հայկական կողմի բացասական վերաբերմունքը: Հայկական կողմի դիրքորոշմանը զուգահեռ՝ այդ խնդիրը լուծում են նաև ԱՄՆ–ն, Ֆրանսիան և Ռուսաստանը: Այդ երկրներից որևէ մեկը չի ուզում տեսնել Թուրքիայի դերակատարման մեծացումը տարածաշրջանում»:

Այսօր կկայանա ԵԱՀԿ Մինսկի խմբի համանախագահների, Հայաստանի և Ադրբեջանի արտգործնախարարի հանդիպումը: Քաղաքագետի խոսքով, հանդիպումից ո՛չ դրական և ո՛չ էլ բացասական սպասելիքներ չկան: Ըստ նրա՝ պատճառն այն է, որ բազում հանդիպումներ, որոնք արդեն տեղի են ունեցել նախկինում, չեն հանգեցրել նրան, որ պաշտոնական Բաքուն փոխի իր քաղաքականությունը:

«Իրականում մենք լուծելու մի խնդիր ունենք այս պահին: Դա Ադրբեջանի ագրեսիվ քաղաքականության լուծումն է, և այդ խնդիրը լուծվելու է ո՛չ արտգործնախարարների և ո՛չ էլ նախագահների մակարդակով: Քաղաքական, այդ թվում նաև միջազգային ճնշման մեխանիզմներ են պետք մշակել»,– եզրափակեց Հրանտ Մելիք–Շահնազարյանը:

Աննա Բադալյան

«Փաստ» օրաթերթ

loading...
Գերմանիայի կանցլերի գրասենյակը դեռևս չի մեկնաբանում Հայաստան Մերկելի հնարավոր այցի մասին տեղեկությունը Թուրքիայի քեմալական կուսակցության ազատազրկված պատգամավորը հացադուլ է սկսել Որակյալ կահույքի արտադրություն ու մատչելի գներ․սա «Ավելինո»-ն է Մուշավան թաղամասի հրդեհը մարվել է. դեպքի վայրում էր նաև ԱԻ նախարարը Հայաստանի ՓՄՁ ԶԱԿ-ը նոր տնօրեն ունի Քաղցրավենիք, բուսական պահածոներ ու թանապուր. զորամասերում սննդակարգի փոփոխություններ են իրականացվում Վարչապետ Նիկոլ Փաշինյանի մամուլի ասուլիսը Փաշինյանն օգտակար է համարում Տեր-Պետրոսյանի հետ զրույցը և չի բացառում մյուս նախագահների հետ հանդիպելու հնարավորությունը Ռուսաստանն ունի հնարավորություն թույլ չտալու պատերազմի վերսկսումը տարածաշրջանում. Փաշինյան Հայաստանի Հանրապետությունում արտոնյալ գործարարներ չեն լինի. Փաշինյան «Ադրբեջանցիները վախենում են ճշմարտությունից». սպառնալիքներ ստացող հայազգի բլոգերը տեսանյութ է հրապարակել Երևանից (տեսանյութ) 2021-ից ընդերքօգտագործողները բնապահպանական հարկ են վճարելու թափոնների տեղադրման կամ պահման համար «Տուբերկուլոզի դեմ պայքարի ազգային կենտրոն» ՊՈԱԿ-ում հայտնաբերվել են մի շարք չարաշահումներ և խախտումներ Արարատ Միրզոյանն ԱՄՆ կոնգրեսականին հայտնել է Հայաստանում մինչև ապրիլ ընտրություններ անցկացնելու մտադրության մասին «Դարաշրջանն» ու «Դվին 2018»-ը մշակութային Հայաստանում Պետությունը մշակույթին պիտի խանգարի, չխանգարի, օգնի, անտեսի, վերահսկի. կարծիքներ հանդիպում-քննարկումից Ճանաչեք հին Երևանը. «Քաղաք» պանդոկ «Վահանագեղձի հանգույցներ». խնդիրներն ու բուժումները Արմեն Վարժապետյանի գրքում Նախագահը ընթրիք-հանդիպում է ունեցել հայտնի կինոգործիչների հետ Արմեն Արզումանյանը նշանակվել է ՀՀ տրանսպորտի, կապի եւ տեղեկատվական տեխնոլոգիաների նախարարի տեղակալ Ոչ մի բան չանեինք, կարող է՝ ավելի լավ լիներ. կրթության փորձագետը՝ բարեփոխումների վերաբերյալ Սպանություն Գեղարքունիքում. երկու անձ ձերբակալվել է Գավառ քաղաքից 21 կմ դեպի արևմուտք երկրաշարժ է գրանցվել
Այսօր Այս շաբաթ Այս ամիս
website by Sargssyan