Երևան, 14.Դեկտեմբեր.2018,
--
:
--
,
Նիկոլ Փաշինյանի և գրող Աշոտ Աղաբաբյանի վեպերը՝ հոկտեմբերի բեսթսելլերներ Հայտարարություն ՀՀ նախագահի մրցանակի մասին «Բարսելոնա» - «Ինտեր». ուղիղ հեռարձակում Արծրուն Պեպանյանի նոր գիրքը Ջասթին Թրյուդոն Հայաստանում կանադական ընկերություններին հետաքրքրող ներդրումների մեծ ներուժ է տեսնում Հայաստանում լինելու է ամենածավալուն համաներումը. Արտակ Զեյնալյան Ֆրանսիան երբե´ք չի մոռանա և կպայքարի ճանաչման համար. Մակրոնի գրառումը Հայոց ցեղասպանության թանգարան- ինստիտուտի հուշամատյանում Հավատարիմ ենք մեզ միավորող կապերին, որոնք բնորոշվում են «Ապրել միասին Ֆրանկոֆոնիայում» գաղափարախոսությամբ. ՀՀ վարչապետի ելույթը Ֆրանկոֆոնիայի գագաթնաժողովի մասնակիցները ջերմ ծափահարություններով ողջունեցին Շառլ Ազնավուրի հավերժական ներկայությունը

Իտալացի մասնագետի` հայկական երաժշտության թվայնացման նախագիծը


Այս օրերին Հայաստանում է գտնվում Միլանի BRAIDENSE ազգային գրադարանի Ufficio Ricerca երաժշտական ֆոնդի ղեկավար Մասսիմո Ջենտիլի–Տեդեսկին: Նա Հայաստանում է գտնվում Մշակույթի նախարարության անմիջական հովանավորությամբ: Այցի նպատակը գրադարանավարների համար վարպետության դասընթաց կազմակերպելն էր և մեր հայկական երաժշտական գրադարանի թվայնացման հարցի լուծումը: Գրադարանավարների վարպետաց դասընթացը տեղի էր ունեցել նոյեմբերի 27–ին Կոմիտասի թանգարան–ինստիտուտում՝ Գրադարանային ասոցիացիայի համագործակցությամբ և նախարարության աջակցությամբ:

Մասսիմո Ջենտիլի–Տեդեսկին պատմում է, որ իր մասնագիտությունը մի քանի բառով դժվար է բնորոշել. նա զբաղվում է քարտայնացման կանոններով, դրան վերաբերող վերահսկվող տերմիններով և այլն:

Առաջին անգամ Հայաստան է այցելել 2006 թ., ծանոթացել հայկական երաժշտության գրադարանի հետ՝ միաժամանակ փորձելով լուծել գրադարանի՝ անմխիթար պայմաններում գտնվելու խնդիրը: Նրան շատ է հուզել այդ գրադարանի ճակատագիրը: Լուծումները մի քանիսն էին՝ կամ առանձին շենք կառուցել ու հատկացնել գրադարանին, կամ տեղափոխել Կոմիտասի թանգարան–ինստիտուտ և կամ մի քանի գրադարանների միջև կիսել ու այդպես պահեստավորել: Մասսիմոյի երկրորդ այցը Հայաստան տեղի ունեցավ 2011 թ.: Նպատակն էր հասկանալ այդ տարիների ընթացքում ինչ–որ բան փոխվել է, թե ոչ: Սակայն այցից հետո պարզ դարձավ, որ դեպի լավը քիչ բան է փոխվել:
Գրադարանի խնդրով, դրա թվայնացման ծրագրով իտալացի մասնագետի շուրջ էին համախմբվել Հայաստանի ազգային գրադարանի ու Կոմիտասի թանգարանի տնօրենները: Փորձում էին հասկանալ, թե որը կլինի ճիշտ տարբերակը, արդյոք Կոմիտասի թանգարանում կա՞ բավարար տարածք գրադարանի տեղափոխման համար:
Միակ պարզ բանը ըստ Մասսիմոյի այն էր, որ անելիք շատ կա, ավելի քան 250 հազար կտոր նյութ է անհրաժեշտ թվայնացնել: Կոմիտասի թանգարանը ունի և լավ տարածքներ երաժշտություն լսելու, և լավ տարածքներ գիտական աշխատանք տանելու, նյութերը ուսումնասիրելու համար և այլն: Ըստ իտալացի մասնագետի՝ թանգարանը կարող է դառնալ այն վայրը, որտեղ կարելի է կազմակերպել այդ երաժշտության հասարակայնացումը, մատուցումը հանրությանը:

Անդրադառնալով այն բանին, թե որքան ժամանակ կպահանջի նախագծի իրականացումը՝ Մասսիմո Ջենտիլի–Տեդեսկին նշեց, որ եթե ամեն օր այդ աշխատանքով զբաղվեն, առանց հանգստյան դադարների, ապա աշխատանքները կավարտվեն 30 տարի անց: Դա իհարկե այն դեպքում, եթե ծրագրի վրա աշխատի միայն մեկ հոգի: Նրա ներկայացմամբ՝ մեկ ժամում մասնագետը կարող է ընդամենը չորս նյութ թվայնացնել, դա էլ իհարկե մի քիչ հեռու է իարկանությունից, քանի որ այն աշխատատար է:

«Փաստի» հարցին, թե Հայաստանում իր նախագծով հետաքրքրված են, աջակիցներ կան՝ իտալացի հյուրը պատասխանեց, որ այսօր այդ հարցի շուրջ հանդիպում կունենա անձամբ Մշակույթի նախարարի հետ և այդ հանդիպումից է կախված, թե ինչ ընթացք կունենան հետագա աշխատանքները: Ամեն դեպքում նա կփորձի համոզել նախարարին գաղափարի անհրաժեշտության մեջ: Դիտարկմանը, մի՞թե համոզելու կարիք կլինի, պատասխանեց, որ ծանոթ չէ այդ մարդուն և ոչինչ չի կարող կանխորոշել:

Մեր այն հարցին էլ, թե ի՞նչ դեր ունի հայկական երաժշտությունը միջազգային երաժշտական ժառանգության մեջ, պատասխանեց՝ յուրաքանչյուր ժողովրդի երաժշտությունը իր մշակույթի շատ կարևոր մասն է. «Կոմիտասը նոտագրում էր երաժշտությունը մի թաքուն տեղ, որ չխանգարի երգող մարդկանց: Այդպիսով նա փոխանցում էր ոչ միայն մեղեդին, այլև այդ ժողովրդի ոգին: Առհասարակ, յուրաքանչյուր ժողովրդի երաժշտություն իր ես–ն ունի, իր ուրույն դերը համաշխարհային երաժշտության մեջ»,– նշեց նա:


ՔՐԻՍՏԻՆԱ ՏԵՐ–ՄԱԹԵՎՈՍՅԱՆ
«Փաստ» օրաթերթ

loading...
Նիկոլ Փաշինյանի և գրող Աշոտ Աղաբաբյանի վեպերը՝ հոկտեմբերի բեսթսելլերներ Հայտարարություն ՀՀ նախագահի մրցանակի մասին «Բարսելոնա» - «Ինտեր». ուղիղ հեռարձակում Արծրուն Պեպանյանի նոր գիրքը Ջասթին Թրյուդոն Հայաստանում կանադական ընկերություններին հետաքրքրող ներդրումների մեծ ներուժ է տեսնում Հայաստանում լինելու է ամենածավալուն համաներումը. Արտակ Զեյնալյան Ֆրանսիան երբե´ք չի մոռանա և կպայքարի ճանաչման համար. Մակրոնի գրառումը Հայոց ցեղասպանության թանգարան- ինստիտուտի հուշամատյանում Հավատարիմ ենք մեզ միավորող կապերին, որոնք բնորոշվում են «Ապրել միասին Ֆրանկոֆոնիայում» գաղափարախոսությամբ. ՀՀ վարչապետի ելույթը Ֆրանկոֆոնիայի գագաթնաժողովի մասնակիցները ջերմ ծափահարություններով ողջունեցին Շառլ Ազնավուրի հավերժական ներկայությունը Հայաստանը ԼՂ հակամարտության կարգավորման բանակցային գործընթացի փոփոխության հարց չի դնում. Նիկոլ Փաշինյան Հույս ունեմ հաստատվել Հայաստանում նվիրվելու համար ծրագրերին, որ հայրս նախաձեռնել էր այնտեղ. Նիկոլա Ազնավուր Թունավորման վարկած. ՌԴ ՔԿ-ն նորից կուսումնասիրի գործարար Լևոն Հայրապետյանի մահվան հանգամանքները Աշոտ Աղաբաբյանը «Քննարկում» հաղորդաշարի հյուրն է. ուղիղ եթեր Էներգետիկայի և բնական պաշարների համակարգն առավել արդյունավետ դարձնելու գործնական փուլ ենք մտել. Նիկոլ Փաշինյան Հանրության և քննչական մարմինների նոր հարաբերությունների հաստատման գործընթաց է սկսվում. Փաշինյանը շնորհավորեց ՔԿ աշխատողի օրվա առթիվ Մոսկվան եւ Երեւանը արդյունավետ համագործակցում են, կողմերը շարունակում են ինտենսիվ երկխոսությունը. Կարասին Պիտի կարենալ... Ազնավուր Հրազենային վնասվածքներից մահացել է «Յուվեցի Կարո» մականվամբ Կարո Կարապետյանը Ազնավուր. վավերագրական ֆիլմի պրեմիերա Պարզ է, սիրում եմ քեզ. Շառլ Ազնավուր
Այսօր Այս շաբաթ Այս ամիս
website by Sargssyan