Երևան, 27.Ապրիլ.2018,
--
:
--
,

ԵԱՏՄ անդամ լինելու «քաղցր» պտուղները չենք ուտի


Նախորդ շաբաթ մամուլում լուրեր տարածվեցին, թե այլևս հնարավոր չէ 5 կգ–ից ավելի ցիտրուսային միրգ Վրաստանից Հայաստան ներկրել, քանի որ մեր մաքսային ծառայությունը պահանջում է մաքսազերծել այն: Մաքսային ծառայությունը օրեր առաջ հերքեց այս լուրերը՝ հայտարարելով, որ ինչպես նախկինում, այնպես էլ այժմ մրգերի և բանջարեղենի ներմուծման դեպքում մինչև 50 կգ–ը չի մաքսազերծվում: «Նորարարությունը» վերաբերում է հատուկ հավաստագրի առկայությանը: Այսպես՝ 5 կգ–ը գերազանցող քանակության դեպքում մաքսատան աշխատակիցներին պետք է ներկայացնել բուսասանիտարական հավաստագիր: Հակառակ դեպքում՝ այդ մթերքի ներմուծումը կարգելվի:

Մաքսայինի լրատվական ծառայությունն իր պարզաբանման մեջ գրել էր. «ՀՀ կառավարության 2015 թ. N 865–Ն որոշման պահանջների և «Մաքսային միության մաքսային սահմանով ֆիզիկական անձանց կողմից անձնական օգտագործման ապրանքների տեղափոխման և դրանց բացթողման հետ կապված մաքսային գործառնություններ իրականացնելու կարգի մասին» համաձայնագրի համաձայն, ֆիզիկական անձանց կողմից ՀՀ տարածք ներմուծվող բանջարեղենի և մրգերի 50 կգ–ը չգերազանցող մասը չի համարվում ակնհայտ առևտրային քանակություն, ուստի, ինչպես նախկինում, այնպես էլ այժմ կարող է ներմուծվել ՀՀ տարածք առանց մաքսային վճարների վճարման: Սակայն, միաժամանակ, հիշեցնում ենք, որ, համաձայն 2017 թ. հուլիսի 1–ից ուժի մեջ մտած Եվրասիական տնտեսական հանձնաժողովի 2016 թ. նոյեմբերի 30–ի N 157 որոշման՝ բանջարեղենի և մրգերի միայն մինչև 5կգ–ի ՀՀ (ԵԱՏՄ) տարածք ներմուծումը կարող է թույլատրվել առանց համապատասխան պետական լիազոր մարմնի կողմից տրամադրված բուսասանիտարական հավաստագրի: Այսինքն, ֆիզիկական անձանց կողմից 5 կգ–ից ավելի (մինչև 50 կգ) մրգերի, բանջարեղենի ներմուծումը ՀՀ տարածք կարող է թույլատրվել բացառապես բուսասանիտարական հավաստագրի առկայության և դրա` մաքսային մարմիններին ներկայացման դեպքում, լրացնելով միայն ուղևորային հայտարարագիր: Հետևաբար ՊԵԿ աշխատակիցների գործառույթները սահմանափակվում են բուսասանիտարական հավաստագրի առկայության մեջ հավաստիանալով, և տրամաբանական չէ կոմիտեին վերագրել գործառույթներ, որոնց հետ նա առնչություն չունի»:

Այս հայտարարությամբ ՊԵԿ–ն իր վրայից դեն է նետում այն բոլոր մեղադրանքները, որ վերջին օրերին հնչեցին մամուլի էջերում: Բայց այս հայտարարությունից, կարելի է ասել, թե ոչինչ չի փոխվում: Վրաստանի սահմանամերձ համայնքների բնակիչները բողոքում էին, որ չեն կարող այլևս իրենց համար միրգ բերել հարևան երկրից: Հիմա նրանք կրկին չեն կարող բերել, եթե չունենան այդ հավաստագիրը: Իսկ նշված հավաստագիրը միրգ կամ բանջարեղեն գնողներին ո՞վ պետք է տա: ՊԵԿ մամուլի ծառայությունից «Փաստին» տեղեկացրին, որ համապաստախան երկրի՝ այս դեպքում Վրաստանի Սննդի անվտանգության պետական ծառայությունը:

Վերջինս, ի դեպ, գտնվում է Թբիլիսիում՝ սահմանից մոտավորապես 70 կմ հեռավորության վրա: Իսկ բանջարեղենի ու մրգերի վաճառակետերը տեղակայված են սահմանից ընդամենը մի քանի կմ հեռավորությունից սկսած: Իսկապես զավեշտալի է: Եթե նախկինում մարդիկ որքան ուզում էին՝ գնում էին, հիմա կսահմանափակվեն 5 կգ–ով, քանի որ այդ անհրաժեշտ թղթի համար, դժվար թե մեկը հավելյալ կմ–եր կտրի, վառելիք, ժամանակ ու գումար ծախսի: Դրա փոխարեն միրգը կգնի Հայաստանից, բայց մի փոքր այլ գներով: Իհարկե, այս որոշումն այս օրերին չի ուժի մեջ մտել, այլ ամիսներ առաջ:

Պարզապես աղմուկը հիմա է առաջացել, քանի որ այս շրջանում են հիմնականում մարդիկ նախընտրում գնալ Վրաստան ու այնտեղից միրգ բերել, մասնավորապես՝ մանդարին: Իսկ քանի որ Հայաստանը ԵԱՏՄ անդամ է, պետք է շարժվի ԵԱՏՄ օրենքներով: Ինչ արած կամ համակերպվեք, կամ էլ՝ քիչ կերեք: Իսկ թե վրացի առևտրականների առևտուրն այս որոշման արդյունքում որքանով կտուժի, դժվար չէ պատկերացնել:


ՔՐԻՍՏԻՆԱ ՏԵՐ–ՄԱԹԵՎՈՍՅԱՆ

«Փաստ» օրաթերթ

loading...
«ՀՀԿ-ն կարող է ստանձնել կառուցողական ընդդիմության գործառույթը ԱԺ-ում». քաղաքագետ Հայաստանի դեմոկրատական հաղթանակը Սամվել Մարտիրոսյան. «Վերջին օրերին Ֆեյսբուքը կարծես թե դարձել է մարտադաշտ» Արմեն Մարտիրոսյան. «Հանրապետական կուսակցությունը պետք է իշխանությունից հեռացվի» Եթե երկիշխանության հարցը արագ չի լուծվում հօգուտ հեղափոխության, հաղթում է հակահեղափոխությունը Վիգեն Հակոբյան. «Ավելի խորքային պրոցեսներ կան՝ գործընթացն ամբողջովին սառած չէ» Իսպանիայի Ալկորկոն քաղաքը պաշտոնապես ճանաչել և դատապարտել է Հայոց ցեղասպանությունը Թուրքիան պլանավորում Է Կա-32 եւս չորս-հինգ ուղղաթիռ գնել Ռուսաստանից Արմեն Սարգսյանը չի պատկերացնում, որ այսօր հրապարակում կանգնած մարդը վաղը կարող է կաշառք տալ ԼՂ հակամարտությունը պետք է կարգավորվի բացառապես խաղաղ եղանակով. ՌԴ ԱԳՆ Որոշումը, թե ով է կառավարելու Հայաստանը, պետք է ընդունվի երկրի ներսում. Զախարովա Պատմությունը կգնահատի Սերժ Սարգսյանի բարձր քաղաքացիական և քաղաքական քայլը. Արմեն Սարգսյան Կարեն Կարապետյանը և Վլադիմիր Պուտինը հեռախոսազրույց են ունեցել Հայտնի է օրը, երբ ՀՀԿ խմբակցությունը կքննարկի վարչապետի թեկնածուի հարցը ՀՀԿ-ն Կարեն Կարապետյանին տվել է այլ քաղաքական ուժերի հետ բանակցություններ վարելու մանդատ. Շարմազանով Ուղիղ միացում Հանրապետության հրապարակից Ալիևն իր ընտանիքի կոռուպցիոն գործարքների բացահայտումը կանխելու նպատակով մեկնել է Մեծ Բրիտանիա Նապոլեոն Բոնապարտը կզորակցեր թավշյա հեղափոխությանը ՀՅԴ նախարարներն ու մարզպետները հրաժարական են ներկայացրել Հայտնի է Ազգային ժողովում վարչապետի ընտրության օրը Նիկոլ Փաշինյանը կոչ է անում առժամանակ դադարեցնել փողոցների փակումը Սերժ Սարգսյանը սթափ գնահատականով բացեց Նոր Հայաստան տանող դարպասը. ՀՀ նախագահի ուղերձը ՌԴ դեսպանատունը Փաշինյանի հետ հանդիպմանը կոչ է արել խնդիրը լուծել բացառապես սահմանադրական դաշտում Արմեն Գևորգյանը մեկնել է Մոսկվա` աշխատանքային քննարկումների
Այսօր Այս շաբաթ Այս ամիս
website by Sargssyan