Երևան, 17.Հուլիս.2018,
--
:
--
,

Ամերիկան ​​կվերապրի՞ արդյոք... Վաշինգտոնին. Փոլ Քրեյգ Ռոբերթս


Վերջերս իմ հոդվածներում ուշադրություն էի հրավիրել միջուկային երկու գլխավոր ուժերի միջև տեղի ունեցող դրամատիկ և վտանգավոր զարգացումներին:

Մեկը Մոսկվայում վերջերս կայացած անվտանգության կոնֆերանսում ՌԴ Զինված ուժերի Գլխավոր շտաբի գլխավոր օպերատիվ ծառայության պետի տեղակալ Վիկտոր Պոզնիխիրի հրապարակային հայտարարությունն էր: Գեներալ-լեյտենանտը միջազգային անվտանգության կոնֆերանսում հայտարարել էր, որ Ռուսաստանի Գլխավոր շտաբի հրամանատարությունը եզրահանգման է եկել, թե Վաշինգտոնը պատրաստվում է միջուկային առաջին հարվածը հասցնել Ռուսաստանին:

Մյուսը, զեկույցն է այն մասին, որ ԱՄՆ-ն ողջ Ռուսաստանով մեկ ռուսական ԴՆԹ է հավաքում ԱՄՆ-ի ռազմաօդային ուժերի զենքի լաբորատորիայի համար, ինչը ենթադրում է, որ ԱՄՆ-ն մտադիր է ուսումնասիրել, թե արդյոք կարո՞ղ է ստեղծել կենսաբանական զենք, որի միակ թիրախը ռուսներն են:

Տարօրինակ է` ամերիկյան ԶԼՄ-ներում տող անգամ չկա այս զարմանալի զարգացումների վերաբերյալ:

Կարելի էր կարծել, թե Սպիտակ տունը Պուտինին հեռախոսազանգով վստահեցրել է, որ ԱՄՆ-ն չի պատրաստվում անակնկալ միջուկային հարված հասցնել Ռուսաստանին:

Կարելի էր կարծել, որ ռուսների ԴՆԹ-ի հանդեպ ԱՄՆ-ի հետաքրքրության վերաբերյալ  հրապարակումները, առավել ևս՝ այդ մասին Պուտինի հրապարակային հայտարարությունը, անմիջապես պետք է որ հանգեցնեին նախագահ Թրամփի հրամանին՝ դադարեցնել Ռուսաստանի «ԴՆԹ-ի» նախագիծը:

Բայց ոչ ...

Փոխարենը, մեզ ղեկավարող թուլամիտները գոհացան Ռուսաստանին երկու ուղիղ հաղորդագրություն ուղարկելով առ այն, որ մենք մտադիր ենք ջնջել Ռուսաստանը:

Կարո՞ղ եք պատկերացնել մեկ այլ, ավելի անխոհեմ ու անպատասխանատու քայլ, քան միջուկային հզոր ուժ Ռուսաստանին վստահեցնելը, թե նպատակ եք դրել ոչնչացնել նրան:

Ո՞ւր են ամերիկյան և եվրոպական լրատվամիջոցները: Նրանք (presstitutes) զբաղված են աշխատանքով՝ «Russiagate»-ի վերաբերյալ ռազմական և անվտանգության ծառայությունների ստերն անվերջ կրկնելով: Որպես այլընտրանք, նրանք կենտրոնանում են այն բանի վրա, թե ինչպիսին պետք է լինի Ազգային ֆուտբոլային ճակատի վերաբերմունքը ԱՄՆ-ի օրհներգին:

Մենք ականատեսն ենք երկրի ղեկավարության լիակատար ձախողման:

Ռուսաստանին սպառնալուն զուգընթաց  ռազմական, անվտանգության ծայառությունները և զլմ-ների գրչակները աղետաբեր ռուսաֆոբիա են ներարկում Ամերիկայի և Եվրոպայի բնակչությանը:

Այս բացահայտ ու ակնհայտ սպառնալիքները ռուսների համար անիմաստ են, հաշվի առնելով Միացյալ Նահանգների ռազմական անարդյունավետությունը: "The Saker"-ն (ամերիկյան ռազմական փորձագետի կեղծանունն է- ԽՄԲ.) իր հոդվածով ապացուցեց, որ չեմ սխալվել իմ գնահատականներում:

Այժմ "The Saker"-ը ռուսների ռազմական գերազանցության մասին փաստաթղթեր է ներկայացրել: Եթե ​​Վաշինգտոնի տկարամիտները  շարունակեն Ռուսաստանի հանդեպ իրենց խելագար ագրեսիան, ԱՄՆ-ն և, հավանական է, նաև իր եվրոպական վասալները, ամբողջությամբ կվերանան երկրի երեսից:

Ամերիկացիներին և եվրոպացիներին իրականությունից ամբողջությամբ անտեղյակ պահելով, Վաշինգտոնը շարունակում է իր կողմից վերահսկվող բացատրություններով ներկայացնել այն, ինչ իրականում կատարվում է:

Ճշմարտությունն ասելու համար Russia Today լրատվական ծառայությունը ներկայացվեց որպես «օտարերկրյա գործակալ», համաձայն «Արտասահմանյան գործակալների գրանցման ակտի»:

Այլ կերպ ասած, Առաջին փոփոխությունը, ԱՄՆ Սահմանադրության մնացած մասի հետ մեկտեղ վերացվեց Վաշինգտոնի բիրտ ուժի հռչակմամբ, ինչը չի սահմանափակվում օրենքով և ոչ էլ նույնիսկ՝ բարոյականությամբ:

Global Research-ի զեկույցի համաձայն, Չեխիայում գործող և ԱՄՆ-ի դեսպանատան և միլիարդատեր Ջորջ Սորոսի հիմնադրամներից ֆինանսավորվող մի կազմակերպություն այս ամիս հրապարակել է «օտարերկրյա գործակալների» նմանատիպ մի ցուցակ, որում ներառված են RT-ի 2300 հյուրերի անուններ:

"Russia Today"-ին հյուրընկալված՝ ԱՄՆ-ի, Մեծ Բրիտանիայի քաղաքական գործիչները, լրագրողները, գիտնականները և այլ հայտնի մարդիկ, ըստ «եվրոպական արժեքների կրող» չեխական այս կազմակերպության «ապուշների»՝  «թշնամական օտար ուժերին են ծառայում»:

Չեմ կատակում, երբ ասում եմ՝ մի ակնկալեք ապրել ավելի երկար: Մեր երկիրը ղեկավարում են թուլամիտ խելագարները, ովքեր հավատում են, թե ԱՄՆ-ն անխոցելի է:
Այս տկարամիտները, հավանական է, մեզ բոլորիս ջնջել տան երկրի երեսից:

Եթե դուք մտահոգված չեք, որ ԱՄՆ կառավարությունը նախընտրում է պայքարը Ռուսաստանի (և Չինաստանի, և Հյուսիսային Կորեայի, և Իրանի) դեմ, ապա ձեզ հետ ինչ-որ բան այնպես չէ:


Փոլ Քրեյգ Ռոբերթս


Նախկինում ԱՄՆ նախագահ Ռոնալդ Ռեյգանի խորհրդական, քաղաքագետ, տնտեսագետ, Պատվո լեգեոնի շքանշանի ասպետ, հանրապետական Փոլ Քրեյգ Ռոբերթսը «ռեյգանյան տնտեսական հրաշքի» գլխավոր ճարտարապետներից է:
Նաև նրա շնորհիվ հնարավոր դարձավ ԱՄՆ-ն դուրս բերել ձգձգվող ստագֆլացիայից:


Պատրաստեց  Աիդա Մարտիրոսյանը

loading...
Ճանաչեք հին Երևանը. «Քաղաք» պանդոկ «Վահանագեղձի հանգույցներ». խնդիրներն ու բուժումները Արմեն Վարժապետյանի գրքում Նախագահը ընթրիք-հանդիպում է ունեցել հայտնի կինոգործիչների հետ Արմեն Արզումանյանը նշանակվել է ՀՀ տրանսպորտի, կապի եւ տեղեկատվական տեխնոլոգիաների նախարարի տեղակալ Ոչ մի բան չանեինք, կարող է՝ ավելի լավ լիներ. կրթության փորձագետը՝ բարեփոխումների վերաբերյալ Սպանություն Գեղարքունիքում. երկու անձ ձերբակալվել է Գավառ քաղաքից 21 կմ դեպի արևմուտք երկրաշարժ է գրանցվել Բելառուսական անձնագրով հայն այցելել է Ադրբեջան ու հասել ծնողների տուն. Լապշինը հրապարակել է տեսանյութ Ռոբերտ Քոչարյանը ՀՔԾ հարցաքննության կներկայանա հուլիսի 25-ից ոչ շուտ. Սողոմոնյան (տեսանյութ) Երևանի քաղաքապետ Տարոն Մարգարյանը հրաժարական տվեց Թե ինչպես Ֆիդել Կաստրոն փրկեց Ստաս Նամինին, իսկ Նամինը Կուբայի մասին ֆիլմ նկարահանեց Թուրքիայում գնացք է վթարվել. կան մեծ թվով զոհեր Ջորկաեֆը պատրաստ է լրջորեն աջակցել հայկական ֆուտբոլին. Փաշինյանը հանդիպել է ֆուտբոլիստի հետ Փաշինյանը ներկա է գտնվել «Ոսկե Ծիրան»-ի բացման արարողությանն ու հետևել «Լեգենդների խաղ»-ին Մեր ամենակարևոր նպատակն է արտագաղթի անիվը ոչ միայն կանգնեցնելը, այլև հետ պտտելը. Նիկոլ Փաշինյան Վարդավառին միացած Դարեն Արոնոֆսկին. մեկնարկեց 15-րդ «Ոսկե ծիրանը» Դժբախտ պատահարի հետևանքով մահացել է ՊՆ կենտրոնական արխիվի պետը ԿԲ-ն վարչապետին է ներկայացրել իրականացված ուսումնասիրությունները տնտեսական աճի կանխատեսման և հարկային բարեփոխումների վերաբերյալ ՀՀ նախագահը մասնակցել է Միջազգային եւ անվտանգության հարցերի հայկական ինստիտուտի Երիտասարդական ֆորումին Ադրբեջանը շփման գծում հայ դիրքապահների ուղղությամբ արձակել է ավելի քան 1500 կրակոց Հայ ժողովուրդը կարիք ունի ուժեղ և ինքնիշխան պետության. ՀՀ Անվտանգության խորհրդի քարտուղար ՀՀ ռազմական տեսուչի տեղակալ Միքայել Արզումանյանը շտապ հրավիրվել է վարչապետի մոտ Նախիջևանում ՃՏՊ հետևանքով ադրբեջանցի զինծառայողներ են մահացել
Այսօր Այս շաբաթ Այս ամիս
website by Sargssyan