Ереван, 22.Февраль.2019,
--
:
--
,

Վրաստանում իրավիճակը դեռ «տաք» է


Նոյեմբերի 22–ի լույս գիշերը Թբիլիսիի փողոցներից մեկում ահաբեկիչների ձերբակալման հատուկ գործողություն է սկսվել։ Շենքը, որտեղ ենթադրաբար տեղակայվել են ահաբեկիչները, շրջապատվել է, և այնտեղից մարդիկ տարհանվել են։ Այնուհետև Վրաստանի ազգային անվտանգության ուժերը գրոհել են շենքը, լսվել են կրակոցներ և պայթյուններ։ Վրաստանում հակաահաբեկչական գործողության արդյունքում սպանվել է 3, ձերբակալվել 1 ահաբեկիչ: Խմբավորման բոլոր անդամները Վրաստանի քաղաքացիներ չեն եղել:

Վրացագետ Ալիկ Էրոյանցի դիտարկմամբ՝ հակաահաբեկչական գործողություններից հետո իրավիճակը Վրաստանում դեռ «տաք» է:

«Իհարկե, շատ ցավալի է, որ Վրաստանում նման իրավիճակ է տիրում: Վրաստանը մեր հարևան երկիրն է, և այնտեղ կատարվող ցանկացած իրադարձություն մեզ համար հույժ կարևոր է, միևնույն ժամանակ՝ նաև անհանգստացնող: Նման միջադեպերը հատկապես բավականին ուշագրավ են մեզ համար: Պատճառը գաղտնիք չէ՝ ահաբեկչությունը համաշխարհային «հիվանդություն» է, և այդ համատեքստում ցավալի է նաև, որ հենց Վրաստանում է նման իրավիճակ տիրում: Նրանք ժամեր շարունակ ահաբեկված էին պահում ամբողջ Վրաստանը»,– «Փաստ»–ի հետ զրույցում ասաց վրացագետը:
Վերջինիս խոսքով՝ լավ է, որ իրավապահները կարողացել են չեզոքացնել նրանց, և միգուցե նաև ահաբեկիչների կողմից հետագայում նախատեսվող ինչ–որ գործողություններ:

«Բայց այդուհանդերձ չի նշանակում, որ նույն Վրաստանում չեն կարող նմանատիպ այլ օջախներ լինել: Այսինքն՝ դեռ ոչ մի հստակեցում չկա: Հետաքննությունը կպարզի՝ ինչպե՞ս է այդ ամենը տեղի ունեցել, և դրանից հետո պարզ կլինի՝ հետագայում անհանգստանալու կարիք կա՞, թե ոչ:

Իրականում Վրաստանում նման դեպքեր նախկինում էլ են գրանցվել, երբ ահաբեկիչները հայտնաբերվել են և վնասազերծվել: Այս դեպքերը հիմնականում կապվում են Վրաստանի Պանկիսի կիրճում բնակվող ահաբեկիչների հետ: Գիտենք նաև, որ նույն Սիրիայի ահաբեկչական խմբավորումներում բավականին մեծ թվով Պանկիսի բնակիչներ կան: Նույնիսկ Պանկիսի բնակիչներից մեկն այնտեղ խմբավորման ղեկավար է եղել: Այնպես որ՝ դեպքը թեև ցավալի է, բայց այդքան էլ տարօրինակ չէ»,–հավելեց մեր զրուցակիցը:

Հարցին, թե ի՞նչ վարկածներ են քննարկվում վրացական մամուլում, և հնարավոր վարկածների մեջ քննարկվո՞ւմ է արդյոք «Իսլամական պետություն» խմբավորման հավանական մասնակցության հնարավորությունը, Ալիկ Էրոյանցը պատասխանեց. «Իրականում տարբեր կարծիքներ են շրջանառվում, այդ թվում թե՛ «Իսլամական պետության», թե՛ նաև կապը չեչենական ահաբեկչական բազաների հետ: Պարզապես դեռ այնքան ժամանակ չի անցել, որ ավելի օբյեկտիվ և սառը կարծիքներ հնչեն»:

Դիտարկմանը, թե մեր տարածաշրջանը ահաբեկչական սպառնալիքներից որոշ չափով կարծես թե զերծ է, և հարցին, թե այնուամենայնիվ, կա՞ն ուժեր, որոնց ձեռնտու է իրավիճակի ապակայունացումը, վրացագետը նշեց. «Ընդհանուր առմամբ, այո, տարածաշրջանում ահաբեկչական սպառնալիքների հետ կապված իրավիճակը կայուն է: Չեմ կարծում, որ այդ առումով ինչ–որ լուրջ սպառնալիք կամ վտանգներ կան մեր տարածաշրջանում: Եթե, իհարկե, այս համատեքստում չբացառենք Ադրբեջանը: Այնտեղ բավականին շատ են իսլամական ծայրահեղականների, ինչպես նաև՝ անջատողական նկրտումներով լի հատվածները: Իսկ հաշվի առնելով Վրաստանի իրավիճակը, այդ տեսանկյունից Հայաստանի համար, ամեն դեպքում, սպառնալիք չկա»:

 


Աննա Բադալյան
«Փաստ» օրաթերթ

loading...
Депутат в шелках и миллиардных долгах Данные ЦАМТО ошибочны- у Армении есть “Искандер” и “БУК” Министр обороны доложил президенту о старте новой программы социальной помощи семьям погибших или ставших инвалидами военнослужащих Карен Карапетян подчеркнул важность проектов, направленных на качественные изменения в сфере ИТТ Саакашвили уходит с поста губернатора Одесской области, виной тому – Порошенко Телеканал «Россия»: Россия и Армения ведут честную игру КРОУ склонна к снижению тарифа на электроэнергию Республиканская партия Армении не пойдет на кардинальные изменения во внешней или внутренней политике Виталий Баласанян назначен секретарем Совбеза НКР Для необеспеченных слоев населения тариф на газ составил 100 драмов Обновление ОДКБ идет на пользу Армении Президент потребовал постоянного внимания к регулированию дорожного движения "Газпром Армения" представила основные цели и факторы изменения газовых тарифов Азербайджан применил на линии соприкосновения гранатометы Армения – единственная в мире страна, где «воров в законе» не сажают – российская пресса «Газпром Армения» обратится в КРОУ по вопросу о пересмотре газовых тарифов Азербайджан более 55 раз нарушил режим перемирия Новая книга о Карсе и необходимости переосмыслить идею независимости Первопрестольный Эчмиадзин хотел бы видеть на престоле Константинопольского патриарха епископа Саака Машаляна Российские и сирийские ПВО выдворили турок из воздушного пространства Сирии Китайский М20 не может стать реальным конкурентом «Искандера»: его качество сомнительно Согласится ли Гагик Царукян возглавить новую партию? Новое кадровое назначение: главу ГСБПП Армена Айрапетяна сменит Ишхан Карапетян В приграничном Кохбе освящена новая церковь Сурб Григор Лусаворич Тема карабахского урегулирования уже давно не обсуждается в ходе встреч президентов (видео)
Сегодня За неделю За месяц
website by Sargssyan