Երևան, 20.Հուլիս.2018,
--
:
--
,

Միջնորդները մթերման ենթակա խնձորը 10–15 դրամով են գյուղացուց գնել



Բերքի իրացման խնդիրը շարունակում է օրակարգային մնալ Վայոց ձորի մարզում:
Գյուղացիները «Փաստ» օրաթերթի թղթակցի հետ զրույցում ասացին, որ չեն կարողանում իրացնել խնձորի բերքը:

«Միայն վերավաճառողներն են գալիս ու բերքը տանում: Այն էլ շատ էժան գներով»,– ասացին Վայքի բնակիչները:

Կարկտահարության պատճառով բերքն անորակ է եղել: Մի քանի տեղից կարկուտը վնասած խնձորը ո՛չ մթերման է ենթակա, ո՛չ վաճառքի:

Մի շարք համայնքներում էլ մարդիկ ստիպված են խնձորը որպես անասնակեր օգտագործել, քանի որ գյուղ տանող ճանապարհները քանդված են, և մթերող ընկերությունները չեն կարող մուտք գործել:

Մթերման դեպքում էլ գներն են շատ ցածր եղել: Այս տարի Վայքի կազմի մեջ մտնող Փոռ համայնքից 25–30 տոննա խնձոր են հանձնել Արտաշատի պահածոների գործարանին: 30–35 դրամով է մթերվել, բայց գյուղացին այդ գումարը չի ստացել: Միջնորդները նրանցից կիլոգրամը 10–15 դրամով են խնձորը տարել:

«Վարորդները հավաքում են, 15 դրամ տալիս են գյուղացուն, 20 դրամն էլ պահում են իրենց ծախսերին ու եկամտին»,– ասաց Փոռ համայնքի բնակիչ Մեսրոպ Բադալյանը:
Իսկ խնձորը բեռնելու, տեղափոխելու և այն Երևանում իրացնելու համար ավելի քան 30000–50000 դրամի ճանապարհածախս կպահանջվի:

Այս տարի կարկուտն այստեղ խնձոր չէր թողել՝ ամբողջը ավերել էր: Կարկուտից փրկված խնձորն արժե 200–300 դրամ: Իսկ սուպերմարկետներում գինն արդեն 500 դրամի սահմաններում է: Չնայած սրան՝ Փոռի բնակիչները նշեցին, որ այգեգործությամբ զբաղվելը եկամտաբեր չէ:

«Եղանակային պայմաններից է ամեն ինչ կախված: Կարկուտ եկավ, նորմալ բերք չես կարող ստանալ, էժան ես վաճառում, ու քեզ շահույթ չի մնում»,– նշեց Մեսրոպ Բադալյանը:

Եղեգնաձորի պահածոների գործարանն այս տարի խնձորի մթերում չի կատարել: Ազատեկի խնձորն էլ է Արտաշատ հասել: Այստեղ մթերման նպատակով գյուղացուց 10–12 դրամով են բերքը գնել:

«Կարկուտը 2–3 անգամ խփեց, սաղ թափեց: Կարկուտի խփածն էլ գործարանը 30 դրամով տարավ, մեզանից միջնորդն ավելի էժան է գնում»,– ասաց համայնքի ներկայացուցիչ Սիրակ Հովսեփյանը:

Ակնկալած բարձր բերքատվություն այս տարի չեն ստացել: Կարկուտը չի թողել:
Հովսեփյանի խոսքով՝ խնձորի իրացման բարդությունը սորտերի բազմազանությունն է. դրանք տարբեր գներ ունեն, ինչի պատճառով իրենք չեն կարողանում մթերող կազմակերպության հետ մեկ պայմանագիր կնքել ու հանձնել:

«Գյուղացին միշտ էլ իրացման հետ կապված խնդիր ունի: Հիմա Եղեգնաձորի պահածոների գործարանն է մթերում, բայց սորտերի հետ կապված խնդիր կա. խնձորի մի տեսակ ունենք, որն ընդհանրապես չեն մթերում: «Զիմնիյ զոլոտ» ենք կոչում այդ խնձորի տեսակը, այն պինդ է: Հակառակի պես այդ խնձորից բնակիչները մեծ քանակություն ունեն հավաքած»,– պատմեց նա:

Ազատեկի բնակիչները կյանքի գնով են խնձորենիները խնամել. գյուղում ոռոգման ջրի խնդիր կա, այգեգործները մի կերպ են ծառերը ջրել։

Հիմա նրանք խնձորների մի մասը նկուղներում են կուտակել: Տեսակավորում են ունեցած խնձորը՝ հուսալով, որ արկղերից գոնե մեկ–երկուսը կկարողանան վաճառել։ Գյուղ մտնող ամեն անծանոթ մեքենայից ոգևորվում են՝ կարծելով, թե խնձորի գնորդներն են եկել։

Մանյա Պողոսյան

«Փաստ» օրաթերթ

loading...
«Դարաշրջանն» ու «Դվին 2018»-ը մշակութային Հայաստանում Պետությունը մշակույթին պիտի խանգարի, չխանգարի, օգնի, անտեսի, վերահսկի. կարծիքներ հանդիպում-քննարկումից Ճանաչեք հին Երևանը. «Քաղաք» պանդոկ «Վահանագեղձի հանգույցներ». խնդիրներն ու բուժումները Արմեն Վարժապետյանի գրքում Նախագահը ընթրիք-հանդիպում է ունեցել հայտնի կինոգործիչների հետ Արմեն Արզումանյանը նշանակվել է ՀՀ տրանսպորտի, կապի եւ տեղեկատվական տեխնոլոգիաների նախարարի տեղակալ Ոչ մի բան չանեինք, կարող է՝ ավելի լավ լիներ. կրթության փորձագետը՝ բարեփոխումների վերաբերյալ Սպանություն Գեղարքունիքում. երկու անձ ձերբակալվել է Գավառ քաղաքից 21 կմ դեպի արևմուտք երկրաշարժ է գրանցվել Բելառուսական անձնագրով հայն այցելել է Ադրբեջան ու հասել ծնողների տուն. Լապշինը հրապարակել է տեսանյութ Ռոբերտ Քոչարյանը ՀՔԾ հարցաքննության կներկայանա հուլիսի 25-ից ոչ շուտ. Սողոմոնյան (տեսանյութ) Երևանի քաղաքապետ Տարոն Մարգարյանը հրաժարական տվեց Թե ինչպես Ֆիդել Կաստրոն փրկեց Ստաս Նամինին, իսկ Նամինը Կուբայի մասին ֆիլմ նկարահանեց Թուրքիայում գնացք է վթարվել. կան մեծ թվով զոհեր Ջորկաեֆը պատրաստ է լրջորեն աջակցել հայկական ֆուտբոլին. Փաշինյանը հանդիպել է ֆուտբոլիստի հետ Փաշինյանը ներկա է գտնվել «Ոսկե Ծիրան»-ի բացման արարողությանն ու հետևել «Լեգենդների խաղ»-ին Մեր ամենակարևոր նպատակն է արտագաղթի անիվը ոչ միայն կանգնեցնելը, այլև հետ պտտելը. Նիկոլ Փաշինյան Վարդավառին միացած Դարեն Արոնոֆսկին. մեկնարկեց 15-րդ «Ոսկե ծիրանը» Դժբախտ պատահարի հետևանքով մահացել է ՊՆ կենտրոնական արխիվի պետը ԿԲ-ն վարչապետին է ներկայացրել իրականացված ուսումնասիրությունները տնտեսական աճի կանխատեսման և հարկային բարեփոխումների վերաբերյալ ՀՀ նախագահը մասնակցել է Միջազգային եւ անվտանգության հարցերի հայկական ինստիտուտի Երիտասարդական ֆորումին Ադրբեջանը շփման գծում հայ դիրքապահների ուղղությամբ արձակել է ավելի քան 1500 կրակոց Հայ ժողովուրդը կարիք ունի ուժեղ և ինքնիշխան պետության. ՀՀ Անվտանգության խորհրդի քարտուղար
Այսօր Այս շաբաթ Այս ամիս
website by Sargssyan