Երևան, 24.Հունվար.2018,
--
:
--
,

Նախիջևանի ուղղությամբ որևէ սպառնալիք չկա. ի՞նչ նպատակ ունեն ադրբեջանական զորավարժությունները



Ադրբեջանի պաշտպանության նախարարությունը նոյեմբերի 16–20–ը զորավարժություններ է իրականացրել: Զորավարժություններ են իրականացվել նաև Նախիջևանի տարածքում, ինչը որակվեց նաև որպես սադրանք՝ ուղղված ՀՀ–ին:
Քաղաքագետ Հրանտ Մելիք–Շահնազարյանը նախևառաջ փաստում է՝ արտառոց երևույթ չէ, քանի որ ադրբեջանական զինված ուժերը պարբերաբար զորավարժություններ են անցկացնում:

«Դրանք իրականացվում են երկու պետությունների սահմանակից շրջաններում, ինչպես նաև՝ լինում են նաև շտաբային նշանակություն ունեցող զորավարժություններ: Իհարկե, պարզ է, որ պատերազմի մեջ գտնվող պետությունների նման գործունեությունն առաջին հերթին պատերազմի նախապատրաստվելու կամ հնարավոր պատերազմի ժամանակ ավելի արդյունավետ գործելու նպատակ է հետապնդում: Ադրբեջանական կողմն այդ զորավարժություններով ինչ–որ չափով փորձում է ազդել նաև հայկական կողմի հասարակության տրամադրվածությունների վրա, բայց այստեղ որևէ արտառոց բան չեմ տեսնում: Չեմ տեսնում նաև որևէ սպառնալիք Նախիջևանի ուղղությամբ, որովհետև հասկանալի է՝ կոնկրետ ՀՀ–ի դեմ ռազմական գործողություններ իրականացնելու պարագայում Ադրբեջանի համար մի շարք սահմանափակող գործոններ կան: Դա վերաբերում է ոչ միայն մեր անդամակցությանն, օրինակ, ՀԱՊԿ–ին, կամ Նախիջևանի իրավական կարգավիճակին, այլև զուտ Ադրբեջանի զինված ուժերի դիրքին ու կարողություններին հենց Նախիջևանի ուղղությամբ: Այստեղ ամեն դեպքում մեր առավելությունը հստակ է, դժվար է Նախիջևանից հարձակում պատկերացնել»,– «Փաստ»–ի հետ զրույցում ասաց քաղաքագետը:

Հրանտ Մելիք–Շահնազարյանի խոսքով՝ բոլոր դեպքերում պարզ է, որ զորավարժություններն ինչ–որ առումներով նաև սպառնալիք են. «Նախիջևանի պարագայում, որպես կանոն, Ադրբեջանին թույլ են տալիս համակարգել իրենց գործողությունները Թուրքիայի զինված ուժերի հետ: Մենք գիտենք, որ Նախիջևանում հատկապես շատ մեծ է թուրքական ազդեցությունը: Եվ ընդհանրապես, Ադրբեջանի զիված ուժերի վրա մեծ է թուրքական սպայակազմի ազդեցությունը: Այդ զորավարժություններով նրանք հաճախ փորձում են հասկանալ իրենց կարողությունները: Այնուամենայնիվ, անհանգստանալու խնդիր չկա, բայց պետք է ուշադիր հետևել ու հասկանալ, թե ինչ թերացումներ ունի Ադրբեջանը: Զորավարժությունների ժամանակ բացի ուժից նաև թերացումներն են երևում»:

Անդրադառնալով այն կարծիքներին, թե ՀՀ–ն անպայման պետք է պաշտոնապես ԱԳՆ մակարդակով անդրադարձ կատարի վերոնշյալ զորավարժություններին ու հարցին, թե այդ անհրաժեշտությունն իրականում կա՞, թե ոչ, քաղաքագետը պատասխանեց. «Կարծում եմ՝ հայկական կողմի խնդիրներից մեկն Ադրբեջանի ագրեսիվ քաղաքականության զսպումն է բոլոր հնարավոր ճանապարհներով: Իհարկե, մեկ զորավարժությունը պատճառ չէ, որ աղմուկ բարձրացնենք, կամ, օրինակ, արտգործնախարարության մակարդակով արձագանքենք: Նախ պարզ է, որ մենք դիվանագիտական հարաբերություններ չունենք այդ երկրի հետ: Բացի այդ, այստեղ ադեկվատ պատրաստվածության խնդիր ունենք, ինչն արդյունավետ լուծվում է: Այսինքն՝ Ադրբեջանում հստակ գիտեն, որ թե՛ Նախիջևանում և թե՛ սահմանի ցանկացած հատվածում ռազմական գերակայություն չունեն հայկական պետությունների հանդեպ:

Այդ իսկ պատճառով նրանք այսօր բավարարվում են զորավարժություններով և իրենց բնակչությանը քարոզչական տարբեր թեզեր մատուցելով: Ակնհայտ է, որ ավելին քան սա՝ Ադրբեջանը չի կարող: Դրա համար պետք է հետևել, և վտանգը տեսնելու պարագայում տեղեկացնել միջազգային կառույցներին՝ հատկապես ԵԱՀԿ Մինսկի խմբի համանախագահող երկրներին, որ իրենց կարողություններն օգտագործեն Ադրբեջանի ագրեսիան զսպելու համար: Զինված ուժերը պետք է համապատասխան պատրաստվածության աստիճանի պահել, ինչը հայկական կողմն անում է»:

Աննա Բադալյան

«Փաստ» օրաթերթ

loading...
Թռչնաբույծների միության նախագահ. «Տեղական արտադրության 7% աճ ենք նախատեսել» Գյուղացու վրա «հալ» չկա Զննումներ՝ «Թեղուտ» ՓԲԸ–ի տարածքում. արտահոսք չկա Թևան Պողոսյան. «Մեզ մոտ ռասկլադն այլ է, այդ պատճառով էլ ընդամենը մեկ թեկնածու ենք ունենում» Վահան Բադասյան. «Ռուսաստանը նեյտրալիտետ չի պահպանում». սպառազինության հավասարակշռությունն ինքներս ենք լուծել Պատրա՞ստ է քաղաքական մեր վերնախավը բարեփոխումների Սարդարապատի հերոսների եղբայրական գերեզմանի հետքերով Սարգիս Հացպանյանի մահը, կամ երանի նրանց, ովքեր այս կյանքից հեռանում են ժողովրդի սերը նվաճած Գեներալ–գնդապետների գաղտնի հանդիպում Վարչապետի գլխավոր խորհրդականը կնշանակվի նախարար «Հրաշք կինը 2» ֆիլմի նկարահանումները տեղի կունենան սեռական ոտնձգությունների դեմ պայքարի կանոններով Նիլ Դայմոնը դադարեցնում Է համերգային գործունեությունը Պարկինսոնի հիվանդության պատճառով Հայտնի են «Օսկար» մրցանակի հավականորդները Մխիթարյանը չի կարողանա ԵԼ խաղերին մասնակցել 7 համարի մարզաշապիկով Ֆրանսիայի նախագահը սիրով ընդունել է Ֆրանկոֆոնիայի երևանյան գագաթնաժողովին մասնակցելու Նախագահ Սարգսյանի հրավերը Մակրոնն ակնկալում է, որ ԼՂ հակամարտության կարգավորման գործում երկխոսության վերսկսումը կբերի կոնկրետ արդյունքների ՀՀ վարչապետն ու Շվեյցարիայի նախագահը քննարկել են երկկողմ հարաբերությունների խորացմանն առնչվող հարցեր Երևանի Հրաչյա Ներսիսյան փողոցում նոր արագաչափ կգործարկվի Կարեն Կարապետյանը հանդիպել է Շվեյցարիայի Ազգային խորհրդի նախագահի հետ ՏՄՊՊՀ-ն ամենօրյա ռեժիմում հետևում է գերիշխող դիրք զբաղեցնող տնտեսվարողների գնային քաղաքականությանը Համշենահայերը դիմել են Գարո Փայլանին Նոբելյան մրցանակի ներկայացնելու համար Ավարտվեց հարկայինի բարձրաստիճան պաշտոնյաների դատավարությունը Մխիթարյանը «Արսենալ»-ի կազմում կկրի «7» համարի մարզաշապիկը Փարիզում մեկնարկել է Սերժ Սարգսյանի և Էմանուել Մակրոնի հանդիպումը Կարեն Կարապետյանը Դավոսում հանդիպել է միջազգային խոշոր ընկերությունների ղեկավարների հետ
Այսօր Այս շաբաթ Այս ամիս
website by Sargssyan