Երևան, 22.Հուլիս.2018,
--
:
--
,

Ձմռան ցրտին դիմակայելու համար հովտամեջցիները բանկերի դուռը կթակեն



Արմավիրի մարզի Հովտամեջ համայնքի բնակիչների միայն 30%–ն է ապահովված վառելիքով։ Բնակիչների զգալի մասը վառելիք դեռ չունի։ Հովտամեջցի Լարիսա Հովհաննիսյանն իր բնակարանը ջեռուցում է փայտի մանրատաշեղով։ «Փաստ» օրաթերթի թղթակցի հետ զրույցում նշեց, որ այս տարբերակով բնակարանը տաքացնելն ավելի մատչելի է: Փայտը թանկ է, իսկ գազին ու հոսանքին մոտ գնալ չեն համարձակվում, ի վիճակի չեն լինի վճարել։

Հովտամեջում, սակայն, մեծաթիվ են այն ընտանիքները, ովքեր անգամ մանրատաշեղ գնելու հնարավորություն չունեն, ով ինչպես կարողացել, այնպես էլ բնակարանի տաքացման հարցը լուծել է:

«Մնացածները, ովքեր վառելիք չունեն, ծառի ճյուղեր են կոտրում, որ վառեն, մեկը գնում է խանութից «կառոպկաներ» է բերում, որ վառի, ով անասուն ունի, գոմաղբով է տունը տաքացնում։ Ամեն մեկը մի տարբերակ է ընտրել, որ ցրտին չնստեն: Մարդ կա նաև գազ կամ հոսանք է օգտագործում»,– ներկայացրեց Լարիսա Հովհաննիսյանը:
Ցրտին դիմակայելու համար էլ որոշ հովտամեջցիներ բանկերի դուռը կթակեն` այս անգամ բնակարանները ջեռուցելու նպատակով։

«Ովքեր էլ որ գազ կամ հոսանք են վառելու, կրակն են ընկնելու: Գումարները չեն կարողանալու վճարել և ստիպված վարկ են վերցնելու, որ փակեն»,– ասացին բնակիչները:

Գյուղատնտեսությամբ զբաղվող բնակիչների համար այս տարի նպաստավոր չի եղել: Եղանակային պայմանների պատճառով հողագործը չի կարողացել վառելիքի հարցը լուծել:

«Երաշտ էր, ոռոգման ջրի խնդիր կար, մարդիկ չկարողացան եկամուտ ստանալ: Անկումային տարի էր: Փոխանակ գնալով վիճակը լավանա, ավելի է վատանում: Եղած բերքն էր դժվարությամբ էր իրացվում, էժան վաճառեցինք»,– սրտնեղեց Լարիսա Հովհաննիսյանը:

Այստեղ, սակայն, հույս ունեն, որ ձմեռը խստաշունչ չի լինի, և ջեռուցման համար աստղաբաշխական գումարներ չեն վճարի:

Հովտամեջցիները հիշում են՝ սա միակ տարին չէր, որ շահույթ չունեցան: 2015 թվականին էլ չկարողացան ձմռան ապրուստը կուտակել: Այդ ժամանակ կրկին բերքի իրացման խնդրի առաջ էին հայտնվել:

«Ծաղկակաղամբն ու վարունգը չէինք կարողացել վաճառել: Բերքը չսպառվեց, մնաց դաշտում, փող չունեցանք, որ վառելիքի հոգսը քաշեինք։ Այս վերջին 3 տարիների ընթացքում միշտ նույն վիճակն է՝ ծանր դրության մեջ ենք»,– նշեց մեր զրուցակիցը:
Ապրուստ վաստակելու համար արդեն այս համայնքի բնակիչները սկսել են բախել բանկի դռները: Ջերմոցային տնտեսություններում մշակություն անելու համար նրանց գումար է անհրաժեշտ:

«Մարդիկ գնում են վարկ են վերցնում, որ ջերմոցի համար ցելոֆոն ու սերմ գնեն: Կարտոֆիլի սերմի կիլոգրամն էլ արդեն 300 դրամ է դարձել»,– ասացին հողագործները:
Ծիածան համայնքում էլ նույն պատկերն է՝ պարտքեր ու վարկեր:
«Ջերմոցը գազով կամ հոսանքով ենք տաքացնում: Վարկ ենք վերցնում, որ գումարները վճարենք»,– ասացին նրանք:

Գյուղի բնակիչներից շատերը չեն կարողացել վառելիքի հարցը լուծել, ասացին՝ վարկ կվերցնենք, որ ցրտին դիմակայենք:

Մանյա Պողոսյան

«Փաստ» օրաթերթ

loading...
Գերմանիայի կանցլերի գրասենյակը դեռևս չի մեկնաբանում Հայաստան Մերկելի հնարավոր այցի մասին տեղեկությունը Թուրքիայի քեմալական կուսակցության ազատազրկված պատգամավորը հացադուլ է սկսել Որակյալ կահույքի արտադրություն ու մատչելի գներ․սա «Ավելինո»-ն է Մուշավան թաղամասի հրդեհը մարվել է. դեպքի վայրում էր նաև ԱԻ նախարարը Հայաստանի ՓՄՁ ԶԱԿ-ը նոր տնօրեն ունի Քաղցրավենիք, բուսական պահածոներ ու թանապուր. զորամասերում սննդակարգի փոփոխություններ են իրականացվում Վարչապետ Նիկոլ Փաշինյանի մամուլի ասուլիսը Փաշինյանն օգտակար է համարում Տեր-Պետրոսյանի հետ զրույցը և չի բացառում մյուս նախագահների հետ հանդիպելու հնարավորությունը Ռուսաստանն ունի հնարավորություն թույլ չտալու պատերազմի վերսկսումը տարածաշրջանում. Փաշինյան Հայաստանի Հանրապետությունում արտոնյալ գործարարներ չեն լինի. Փաշինյան «Ադրբեջանցիները վախենում են ճշմարտությունից». սպառնալիքներ ստացող հայազգի բլոգերը տեսանյութ է հրապարակել Երևանից (տեսանյութ) 2021-ից ընդերքօգտագործողները բնապահպանական հարկ են վճարելու թափոնների տեղադրման կամ պահման համար «Տուբերկուլոզի դեմ պայքարի ազգային կենտրոն» ՊՈԱԿ-ում հայտնաբերվել են մի շարք չարաշահումներ և խախտումներ Արարատ Միրզոյանն ԱՄՆ կոնգրեսականին հայտնել է Հայաստանում մինչև ապրիլ ընտրություններ անցկացնելու մտադրության մասին «Դարաշրջանն» ու «Դվին 2018»-ը մշակութային Հայաստանում Պետությունը մշակույթին պիտի խանգարի, չխանգարի, օգնի, անտեսի, վերահսկի. կարծիքներ հանդիպում-քննարկումից Ճանաչեք հին Երևանը. «Քաղաք» պանդոկ «Վահանագեղձի հանգույցներ». խնդիրներն ու բուժումները Արմեն Վարժապետյանի գրքում Նախագահը ընթրիք-հանդիպում է ունեցել հայտնի կինոգործիչների հետ Արմեն Արզումանյանը նշանակվել է ՀՀ տրանսպորտի, կապի եւ տեղեկատվական տեխնոլոգիաների նախարարի տեղակալ Ոչ մի բան չանեինք, կարող է՝ ավելի լավ լիներ. կրթության փորձագետը՝ բարեփոխումների վերաբերյալ Սպանություն Գեղարքունիքում. երկու անձ ձերբակալվել է Գավառ քաղաքից 21 կմ դեպի արևմուտք երկրաշարժ է գրանցվել
Այսօր Այս շաբաթ Այս ամիս
website by Sargssyan