Երևան, 26.Ապրիլ.2018,
--
:
--
,

Դավիթ Պեդանյան. «Խցանումները չեն վերանա»



Բավական է մի փոքր անձրև և մայրաքաղաքում երթևեկությունն իսկույն կաթվածահար է լինում: Կենտրոնական փողոցներում խցանումներ են տեղի ունենում: «Վարորդի ընկեր» հասարակական կազմակերպության փոխնախագահ Դավիթ Պեդանյանը «Փաստ» օրաթերթի թղթակցի հետ զրույցում ասաց, որ խցանումների առաջացման պատճառներից մեկը ջրահեռացման համակարգն է:

Նրա խոսքով՝ «Վեոլիա ջուր» ընկերությունն իր պարտականությունները պատշաճ չի կատարում, ինչի հետևանքով Երևանում ջրահեռացման համակարգերը չեն գործում:
«Թունելների մեծ մասում ջուր է հավաքված: Օրինակ՝ իմ մեքենան ցածր է, ես աշխատում եմ թունելներով չքշել, որովհետև կմնամ այնտեղ»,– ասաց նա:

Այստեղ իրենց մեղքի բաժինը նաև վարորդներն ունեն: Ժամանակին անվադողերը չեն փոխում: Վարորդների անպարտաճանաչությունը վթարների առիթ է դառնում::
«Տեղումների ժամանակ մեքենաների անիվները սղում են և վթարներ են առաջանում, որի հետևանքով՝ խցանումներ»,– տեսակետ հայտնեց Պեդանյանը:

«Վարորդի ընկեր» ՀԿ փոխնախագահի կարծիքով՝ թերանում է նաև ճանապարհային ոստիկանությունը:

«Կարող են մի քանի մեքենա ուղարկել ամենաբարդ երթևեկելի փողոցները և այդպիսով ապահովել այլընտրանքային շրջանցումները: Իսկ ճանապարհային ոստիկանությունն այս դեպքերում ոչինչ չի անում»,– նկատեց Դավիթ Պեդանյանը:

Այս տարի հանրապետությունում ավելացել է ավտոմեքենաների ներկրումները: Ցուցանիշը գերազանցել է նախորդ երեք տարիները: Հասանելի դարձած ավտոմեքենան խցանումների թիվ մեկ պատճառն է:

«Վարորդական վկայական ձեռք բերելը շատ դյուրին է: Մարդիկ, եթե շուրջ 3000 դոլար հավաքում են, որ մեքենա գնեն, 150000 դրամ էլ վկայականի համար են հավաքում: Վատ քշող վարորդները շատ–շատ են: Տեղի են ունենում վթարներ և սխալ երթևեկություն: Նույն դանդաղ քշող վարորդները խցանման պատճառ են»,– շեշտեց ՀԿ փոխնախագահը:
Պեդանյանը խցանումների վերացումը մոտ ապագայում չի տեսնում: Նրա գնահատմամբ՝ կատարվող փոփոխությունները դեռևս բավարար չեն խնդիրը կարգավորելու համար: Միջազգային փորձն է մատնանշում և գտնում, որ կիրառելու դեպքում դրական արդյունք կունենանք: Փրկությունը համարում է միակողմանի երթևեկությունը:

«Շատ լավ լուծում է բակ մտնող և դուրս եկող տարածքների միակողմանի երթևկությունը: Մեզ մոտ ամեն բակում մեկը որոշել է, որ մի հատ սյուն տեղադրի և չթողնի, որ ավտոմեքենան ներս մտնի: Թամանյանական նախագծով մեր բակերից միշտ մուտք ու ելք եղել է, իսկ հիմա բակ մտնելուց առաջ պետք է հետադարձ կատարես: Շատ դեպքերում այլընտրանքային ճանապարհները խցանումների ժամանակ փրկություն էին, այսօր դրանք փակված են: Արամ Խաչատրյան և Ֆուրմանով փողոցները շրջանցելու համար են, բայց այդտեղ անիմաստ շինություններ են կառուցել»,– նկատեց մեր զրուցակիցը:

Իսկ որքանո՞վ է մայրաքաղաքը պատրաստ անցնել ձմեռային երթևկությանը:
Դավիթ Պեդանյանը նշեց, որ այլ երկրների համեմատ այստեղ երթևկությունը հանգիստ է, միայն խնդիրներն են շատ՝ ասֆալտապատումն է անորակ:

«Ամեն փողոցի մեջտեղը մի հատ փոս է փորած՝ջրահեռացման ցանցի խողովակներն են փոխում, հաճախ այդ փոսերն այդպես էլ թողնում են կամ վրան ինչ–որ բան թափում: Ռայկոմում, օրինակ, շատ վատ ասֆալտ են փռում: Ավտոմեքենան քշելուց սկսվում է քանդվել: Ձմռան ժամանակ վթարի պատճառ է դառնալու»,– եզրափակեց նա:

Մանյա Պողոսյան

«Փաստ» օրաթերթ

loading...
Արմեն Գևորգյանը մեկնել է Մոսկվա` աշխատանքային քննարկումների Մանվել Եղիազարյան. «Այսպիսի իշխանավորները կամավոր չեն հանձնում իշխանությունը» Պետրոս Մակեյան. «Սերժ Սարգսյանի քայլը պետք է շարունակություն ունենա» «Այսպիսի արդյունք ապահոված ուժը պետք է հեռանա». տնտեսագետ Երկրում մթնոլորտ է փոխվել. ՀՀԿ-ի ռեսուրսները չեն աշխատելու Ռուբեն Հախվերդյան. «Քրեաօլիգարխիկ համակարգի վրա հիմնված իշխանությունները կսկսեն անհանգիստ շարժումներ անել» Նիկոլ Փաշինյանն ու Գագիկ Ծառուկյանը հանդիպել են Դիմակավորվածները լրագրողներին վնասել են հարվածելով քարերով և էլեկտրաշոկով. Գնդապետ Օսիպյանը պնդում է, թե էլեկտրաշոկ միայն ոստիկանությունն ունի Թույլ չենք տալու գողանալ ժողովրդի հաղթանակը. «Դուխով»՝ «Մերժի՛ր Սերժի Կարենին» ՀՀԿ-ն առանց նախապայմանների պատրաստ է բոլոր կողմերի հետ քննարկել ցանկացած հարց «Օսկարի» հերթական մրցանակաբաշխությունը կկայանա փետրվարի 24-ին Ալկոհոլի գործածումը՝ քաղցկեղի պատճառ Պուտինի գործունեության հավանության վարկանիշը գերազանցել Է 80 տոկոսը «Ռեալ Մադրիդ»-«Բավարիա». ուղիղ հեռարձակում Շառլ Ազնավուրին հիվանդանոց են տեղափոխել Արմեն Սարգսյանը հեռախոսազրույց է ունեցել Ղազախաստանի նախագահի հետ Պատրաստ ենք բանակցությունների. Փաշինյանը ելույթ ունեցավ Հանրապետության հրապարակում կայացած հանրահավաքում Իռլանդացի գիտնականները մենինգիտի հայտնաբերման Էքսպրես-թեստ են ստեղծել Հարցերը պետք է լուծվեն Սահմանադրության շրջանակներում՝ ընդհուպ մինչեւ արտահերթ ընտրություններ. նախագահը խորհրդակցություններ է անցկացրել Ուղիղ միացում Հանրապետության հրապարակից Սթափվե՛ք, տղե՛րք. ՀՀ ոստիկանապետի ուղերձը ՀՀ և ՌԴ նախագահները հեռախոսազրույցում է անդրադարձել են Հայաստանում ստեղծված իրավիճակին
Այսօր Այս շաբաթ Այս ամիս
website by Sargssyan