Երևան, 19.Դեկտեմբեր.2017,
--
:
--
,

Սերգեյ Բագրատյան. «Քաղաքացիների կենսամակարդակի դրական փոփոխությունը տեսանելի չէ»


Այս տարվա հունվար–հոկտեմբերին Հայաստանում գրանցվել է տնտեսական ակտիվության ցուցանիշի տարվա ամենաբարձր մակարդակը։ Այն նախորդ տարվա հունվար–հոկտեմբերի համեմատ աճել է 7%–ով:

Ազգային ժողովի «Ծառուկյան» դաշինքի պատգամավոր, ԱԺ տնտեսական հարցերի մշտական հանձնաժողովի անդամ Սերգեյ Բագրատյանի կարծիքով՝ մեկ–երկու ոլորտ կարող է բարձր ցուցանիշ ունենալ, բայց ամենակարևորը վերաբաշխման ցուցիչն է:
Ըստ նրա՝ այդ աճը կարող է պայմանավորված լինել օրինակ հանքարդյունաբերությամբ, բայց ավելի կարևոր հարց կա. «Արդյո՞ք այդ տնտեսական ակտիվության ցուցանիշը հասանելի է հասարակության բոլոր շերտերին: Օրինակ՝ հանքարդյունաբերության ոլորտի դեպքում գիտենք, որ հիմնական քարշակը Քաջարանի պղնձամոլիբդենային կոմբինատն է, որը հայկական կապիտալ չէ: Այսինքն՝ այդ աճը սովորական քաղաքացուն հասանելի չէ: Եթե հաշվեին վերոնշյալ ակտիվության բաշխվածության աստիճանը հասարակության շրջանում, ապա այն պետք է հուշեր, թե ինչ իրավիճակ է»,–«Փաստ»–ի հետ զրույցում ասաց պատգամավորը՝ ընդգծելով, որ միայն ակտիվության ցուցանիշն է հայտնի, այնինչ հասարակության շրջանում այդ ակտիվության արդյունքը հասկանալու համար հստակ վերլուծություն պետք է կատարել:

«Պետք է վերլուծել և հասկանալ, որովհետև քաղաքացիների կենսամակարդակի դրական փոփոխությունը տեսանելի չէ: Օրինակ՝ մանրածախ առևտրի արդյունքը կոնկրետ տնտեսական աճի ցուցիչ է՝ ոլորտն ընդգրկում է հասարակության բոլոր խավերը, իսկ հանքարդյունաբերության աճն այդ առումով որևէ մեկին ոչինչ չի ասում: Ինչպես մանրածախ առևտրի դեպքում, հստակ օրինակ են նաև շինարարության և գյուղատնտեսության ոլորտները, որոնց ցուցանիշներն անկում են գրանցել: Նշված ոլորտներում գրանցված աճն իրապես ազդակ կլիներ: Իրականում կարող ենք մանիպուլյացիոն հնարքներ կիրառել, ինչի էֆեկտիվությունը շատ ցածր է: Օրինակ՝ հայտարարում են, որ մոնոպոլիաների նվազման ցուցանիշով առաջընթաց ունենք: Բայց երբ դիտարկեցինք մեթոդոլոգիան, հասկացանք, որ հարցումները կատարվել են հենց մենաշնորհներ ունեցող ընկերություններում: Այսինքն՝ բազան, որի վրա հիմնվում է իրենց ուսումնասիրությունը, հավաստիություն չի ներշնչում»,– համեմատական անցկացրեց Ս. Բագրատյանը:

Անդրադառնալով 2018 թ. կանխատեսվող տնտեսական 4,5% աճին, Սերգեյ Բագրատյանը շեշտեց, որ 2017 թ. ավարտն այդ կանխատեսման առումով մեզ պետք է արդեն ինչ–որ բան հուշեր.

«Բայց բյուջեի կատարման հետ կապված խնդիրներ ունենք: Մենք ծրագրային բյուջետավորման ենք անցել և ծրագրերի ֆինանսավորումը պետք է տեսանելի լինի: Հիմա իրենք կապիտալ ներդրումների վրա են շեշտադրում անում, բայց զուգահեռ կրթության, առողջապահության ոլորտները թերֆինանսավորվում են: Այստեղ մենք մտածելու բան ունենք: Եթե դու կապիտալ ներդրումներ անելու ռեալ հնարավորություն ես տեսնում, դժվար թե կրթության և առողջապահության խնդիրները չլուծեիր: Նշված ոլորտների թերֆինանսավորումը ծանր և վտանգավոր մեսիջ է: Նման ցուցանիշը պետք է հաշվեգրվի կամ արտագաղթի կամ մեկ այլ հանգամանքի վրա: Առողջապահության ոլորտի բյուջետային հատկացումները մոտ 6 միլիարդ դրամով նվազել են: Այս դեպքում պետք է ապացուցեն, որ 2017 թ.–ին 6 միլիարդի գերֆինանսավորում է եղել, որն իրականում չկա: Մենք տեսնում ենք, որ քաղաքացիները չեն կարողանում օգտվել ապահովագրական հնարավորություններից՝ սպառված լինելու պատճառաբանությամբ: Այսինքն՝ եթե ընդունենք, որ այդ 6 միլիարդը ավելցուկ ուներ 2017 թ. բյուջեում, ամեն դեպքում, այն չարտահայտվեց ծառայությունների մեջ: Այս ցուցանիշների համադրության մեջ ես կասկածելի եմ համարում կապիտալ ներդրումների ռեալությունը:

Հայտարարվեցին թվեր, բայց ներդրումային ծրագրերի իրականացման հիմնավորում որևէ մեկս այդպես էլ չկարողացանք տեսնել: Հիմա էլ հայտարարվում է, որ այդ ներդրումները էներգետիկ ոլորտում են լինելու: Ըստ իս, սակայն, դրանք հանրային բաշխվածություն չեն առաջացնելու: Կոնկրետ բիզնես շահ է, որով միայն բիզնես շահույթ կարելի է ստանալ: Այս առումով հանրության լայն շերտերը որևէ շոշափելի արդյունք չեն կարող ունենալ»:


Աննա Բադալյան
«Փաստ» օրաթերթ

loading...
Մայր Աթոռում շքանշանների հանձնման արարողություն է տեղի ունեցել ԱՄՆ-ում գնացքը դուրս է եկել ռելսերից. կան տուժածներ ՍԱՊԾ-ը հերքում է ՊՆ-ին կարագի տենդերի վաճառքի հարցում ՍԱՊԾ պետի տեղակալի ներգրավվածությունը Նախագահն ընդունել է ՆԱՏՕ-ի Գլխավոր քարտուղարի տեղակալ Ռոուզ Գոթեմյոլերին Թոմաս Շրապելը հակասություն չի տեսնում ՀՀ-ի` ԵԱՏՄ հետ անդամակցության եւ ԵՄ հետ հարաբերությունների խորացման միջեւ ՀՀ դատախազությունում քննարկվել են ԵԱՀԿ/ԺՀՄԻԳ-ի հետ համագործակցության նախատեսվող ծրագրերը Նալբանդյանն ընդունել է ՆԱՏՕ-ի Գլխավոր քարտուղարի տեղակալին ՆԱՏՕ-ի գլխավոր քարտուղարի տեղակալը բարձր է գնահատում Հայաստանի հետ համագործակցությունը Շարմազանովն ուսանողներին կոչ է անում դադարեցնել հացադուլը և վերադառնալ քննարկումների Պատանի շախմատիստներն օլիմպիադայում 4-րդ տեղում են Իրանից Հայաստան ներմուծվող գազի ծավալը կավելանա Հայաստանում ԱՄԷ դեսպանն այցելել է Կողբի Բագրատ Սահակյանի անվան միջնակարգ դպրոց Ճապոնիայում ճանապարհներին սկսվել են անվարորդ ավտոմեքենայի փորձարկումները
Օրվա պոեզիան. Ժամանակի հետ...
375 մլն մարդ ստիպված կլինի հարկադրաբար փոխել աշխատանքը ավտոմատացման պատճառով Ճապոնիան 2018 թվականին ռեկորդային բյուջե է հատկացնելու պաշտպանության ոլորտին Տարեկան մինչեւ 650 հազար մարդ Է մահանում գրիպի հետ կապված հիվանդություններից. ԱՀԿ Ամերիկացիների մեծամասնությունը համակրում է Մելանյա Թրամփին Ճապոնիայում ինքնավերականգնվող ապակի են ստեղծել Արքայազն Հարրիի եւ Մեգան Մարքլի հարսանիքը կկայանա 2018 թվականի մայիսի 19-ին Դավթաշենի կամրջից ավտոմեքենա է ընկել ձորը Նորամուծություն ֆեյսբուքում. հնարավոր կլինի թաքցնել օգտատերերի եւ խմբերի գրառումները «Ավստրալական գրիպը»՝ գլխացավանք բրիտանացիների համար
Այսօր Այս շաբաթ Այս ամիս
website by Sargssyan