Երևան, 19.Դեկտեմբեր.2017,
--
:
--
,

Պուտինը նոր նյուանսներ է փոխանցել. պատասխանի հետևից կգա Լավրովը Փոխզիջման և «ցավոտ լուծումների» մեջ կա զիջումը


Սարգսյան–Պուտին հանդիպումը տեղի ունեցավ սպասվելիք և արդեն կայացած քաղաքական հանդիպումների, իրադարձությունների միջանկյալ ժամանակահատվածում: Նախորդել էր Էրդողան–Պուտին հանդիպումը, առաջիկայում սպասվում է նաև ՌԴ ԱԳ նախարար Սերգեյ Լավրովի այցը Հայաստան և Բաքու: Ինչպես բոլոր դեպքերում, Սարգսյան–Պուտին հերթական հանդիպումից հետո ստանդարտ պաշտոնական տեղեկատվություն տարածվեց:

Քաղտեխնոլոգ Վիգեն Հակոբյանի խոսքով, սակայն, պաշտոնական տեղեկատվության սահմաններից դուրս, քննարկման հիմնական թեմաներից մեկը եղել է Արցախի հարցում որոշակի ճշտումներ մտցնելու հանգամանքը:

«Կարծում եմ՝ հանդիպման ժամանակ Վ. Պուտինը Ս. Սարգսյանին նոր նյուանսներ է փոխանցել: Կիսվել է որոշակի ինֆորմացիայով, հայտնել առաջարկների մասին: Իհարկե, որոշակի դետալներ կարող են կարևոր լինել, բայց չեմ կարծում, թե դրանք դուրս են Մադրիդյան սկզբունքներից: Չեմ կարծում նաև, որ հանդիպման ժամանակ որոշումներ են կայացվել: Եղել են նոր առաջարկներ, որոնց պատասխանի հետևից կգա Լավրովը: Պուտինն իր ասելիքն է հայտնել, որի վերաբերյալ կարծիք հայտնելու համար կողմերին ժամանակ է պետք: Այս ֆոնին Լավրովը կփորձի հասկանալ՝ նոր առաջարկների շուրջ ի՞նչ դիրքորոշում ունեն կողմերը: Լավրովի այցը կենթադրի կամ պատասխան, կամ նոր քննարկումների սկիզբ, ինչը նորից ժամանակ կպահանջի: Հարցը բավականին բարդ, և ինչպես Սերժ Սարգսյանն է նշում՝ «ցավոտ լուծում է լինելու»»,– «Փաստ»–ի հետ զրույցում ասաց քաղտեխնոլոգը՝ հավելելով, որ մեկ միլիմետր առաջ շարժվելը բավականին մեծ ջանքեր է պահանջում: Նրա խոսքով՝ խնդիրը կապված է թե՛ արտաքին, և թե՛ ներքաղաքական նրբերանգներով, քանի որ եթե կան պրոցեսներ, պետք է հասարակությանն էլ նախապատրաստել «ցավոտ լուծումներին»:

«Մադրիդյան սկզբունքները բաց տեքստով են դրված: Պարզ է, թե որն է մեր անցնելիք ճանապարհը: Պարզ է նաև այն ճանապարհը, որը պետք է անցնի Ադրբեջանը: Ամեն դեպքում՝ փոխզիջման և ցավոտ լուծումների մեջ կա զիջումը: Սա ենթադրում է ազատագրված տարածքների աստիճանաբար հանձնում՝ Արցախի կարգավիճակի դիմաց: Երկու կողմերի համար էլ բավականին ցավոտ է լինելու, իսկ ավելի ցավոտ՝ Ադրբեջանի համար, եթե այդ երկիրը համաձայնվի կարգավիճակի շուրջ պարզություն մտցնել: Այսինքն՝ դե ֆակտո համաձայնվում է Արցախի միջանկյալ կարգավիճակին՝ Ադրբեջանի կազմից դուրս, հետո էլ՝ ռեֆերենդումի, որի արդյունքն, ըստ իս, կանխորոշված է: Ադրբեջանը սա շատ լավ է հասկանում, և այդ պատճառով էլ չի համաձայնվում Մադրիդյան սկզբունքների իրականացման հետ: Այնպես որ, ասել, թե պատրաստ ենք փոխզիջման, անիմաստ է: Սխալ է, երբ ՀՀ–ն խոսում է փոխզիջումների, Մադրիդյան սկզբունքների իր ճանապարհն անցնելու մասին, երբ Ադրբեջանը նույնիսկ որևէ ակնարկ չի անում: Հակառակը՝ շատ կոշտ դիրքորոշում ունի»,– ընդգծեց մեր զրուցակիցը:

Էրդողան–Պուտին հանդիպումից առաջ Թուրքիայի նախագահը ակնարկեց, որ Արցախյան հարցի շուրջ Պուտինի հետ բանակցություններ են լինելու: Դիտարկմանը, թե այս համատեքստում բանակցային գործընթացում ՌԴ–ի ակտիվացման ի՞նչ միտում կա, Վ. Հակոբյանը պատասխանեց.

«Էրդողանը փորձում է ակտիվ դերակատարում ունենալ Արցախի հարցում: Առհասարակ ռուս–թուրքական հարաբերությունները բավականին լայնածավալ են, ուր ցանկացած ոլորտ ինչ–որ չափով փոխկապակցված է մեկ այլ ոլորտում առկա հարցի հետ: Այս պարագայում Էրդողանը Արցախյան հարցն էլ կփորձի սակարկությունների արգումենտ դարձնել: Չեմ բացառում, որ նա կարող է Արցախի հարցում ինչ–որ մաքսիմալիստական պահանջներ դնել ՌԴ–ի առջև, և դրա դիմաց այլ ոլորտում ինչ–որ օգուտներ ստանալ: Մի տեղ զիջում ես՝ մյուսները շահում են, մյուսում զիջում ես՝ տուժում են: Այսպիսի գործընթաց է գնացել: Բայց չեմ կարծում, որ ՌԴ–ն կողմ է Արցախյան հարցի կարգավորման գործընթացում բարձրացնել Թուրքիայի դերը»:

Ինչ վերաբերում է Արցախյան հարցի շուրջ ՌԴ–ի ակտիվացմանը, Վիգեն Հակոբյանը շեշտեց, որ ՌԴ–ն պարբերաբար է նման քայլեր ձեռնարկում. «ՌԴ–ն երբեք չի էլ թաքցրել, որ Հարավային Կովկասն իր հետաքրքրությունների զոնայում է: ՌԴ–ն փորձում է այլ երկրների հետ հարցը լուծել, և գեոքաղաքականական կենտրոններն առանձնապես դեմ չեն դրան: ՌԴ–ի ակտիվությունը տեղավորվում է գեոքաղաքական ուժային կենտրոնների նախագծած ընդհանուր սխեմայի մեջ: Կարող են լինել որոշ տարաձայնություններ, բայց Արցախյան հարցն այն քիչ գործընթացներից է, որի շուրջ գերտերությունների մոտ շատ մեծ տարաձայնություն չկա»:




Աննա Բադալյան

«Փաստ» օրաթերթ

loading...
Մայր Աթոռում շքանշանների հանձնման արարողություն է տեղի ունեցել ԱՄՆ-ում գնացքը դուրս է եկել ռելսերից. կան տուժածներ ՍԱՊԾ-ը հերքում է ՊՆ-ին կարագի տենդերի վաճառքի հարցում ՍԱՊԾ պետի տեղակալի ներգրավվածությունը Նախագահն ընդունել է ՆԱՏՕ-ի Գլխավոր քարտուղարի տեղակալ Ռոուզ Գոթեմյոլերին Թոմաս Շրապելը հակասություն չի տեսնում ՀՀ-ի` ԵԱՏՄ հետ անդամակցության եւ ԵՄ հետ հարաբերությունների խորացման միջեւ ՀՀ դատախազությունում քննարկվել են ԵԱՀԿ/ԺՀՄԻԳ-ի հետ համագործակցության նախատեսվող ծրագրերը Նալբանդյանն ընդունել է ՆԱՏՕ-ի Գլխավոր քարտուղարի տեղակալին ՆԱՏՕ-ի գլխավոր քարտուղարի տեղակալը բարձր է գնահատում Հայաստանի հետ համագործակցությունը Շարմազանովն ուսանողներին կոչ է անում դադարեցնել հացադուլը և վերադառնալ քննարկումների Պատանի շախմատիստներն օլիմպիադայում 4-րդ տեղում են Իրանից Հայաստան ներմուծվող գազի ծավալը կավելանա Հայաստանում ԱՄԷ դեսպանն այցելել է Կողբի Բագրատ Սահակյանի անվան միջնակարգ դպրոց Ճապոնիայում ճանապարհներին սկսվել են անվարորդ ավտոմեքենայի փորձարկումները
Օրվա պոեզիան. Ժամանակի հետ...
375 մլն մարդ ստիպված կլինի հարկադրաբար փոխել աշխատանքը ավտոմատացման պատճառով Ճապոնիան 2018 թվականին ռեկորդային բյուջե է հատկացնելու պաշտպանության ոլորտին Տարեկան մինչեւ 650 հազար մարդ Է մահանում գրիպի հետ կապված հիվանդություններից. ԱՀԿ Ամերիկացիների մեծամասնությունը համակրում է Մելանյա Թրամփին Ճապոնիայում ինքնավերականգնվող ապակի են ստեղծել Արքայազն Հարրիի եւ Մեգան Մարքլի հարսանիքը կկայանա 2018 թվականի մայիսի 19-ին Դավթաշենի կամրջից ավտոմեքենա է ընկել ձորը Նորամուծություն ֆեյսբուքում. հնարավոր կլինի թաքցնել օգտատերերի եւ խմբերի գրառումները «Ավստրալական գրիպը»՝ գլխացավանք բրիտանացիների համար
Այսօր Այս շաբաթ Այս ամիս
website by Sargssyan