Երևան, 26.Ապրիլ.2018,
--
:
--
,

Կարեն Չիլինգարյան. «Գազաբալոնների լիցենզավորումը չպետք է հերթական անգամ ժողովրդից գումար հավաքելու ծրագիր լինի»



Գազալցակայանների անվտանգությունը կբարձրացվի: Կլիցենզավորվի նաև ավտոմեքենաներում գազաբալոնների տեղադրումը: Առաջարկվում է լիցենզավորել սեղմած բնական, հեղուկացված նավթային գազով շահագործվող ավտոտրանսպորտային միջոցների վրա գազաբալոնների տեղադրումը և ըստ սահմանված ժամանակացույցի ճնշափորձարկումը, ինչի նպատակն է նախ և առաջ բարձրացնել քաղաքացիների անվտանգության մակարդակը:

«Սպառողների խորհրդատվական կենտրոն ՀԿ ղեկավար Կարեն Չիլինգարյանը «Փաստ» օրաթերթի թղթակցի հետ զրույցում ասաց, որ եվրոպական ոչ մի երկրում սեղմած բնական գազով գազաբալոններ չի օգտագործվում:

«Դա վտանգավոր է, մեզ մոտ բենզինը թանկ է, դրա համար շատերը գազ են օգտագործում»,– նկատեց նա:

Սպառողների խորհրդատվությամբ զբաղվող ՀԿ ղեկավարը կարևորեց, որ գազաբալոնների անվտանգությունը միշտ պետք է ուշադրության կենտրոնում լինի և շահագործման ընթացքում պետք է անհրաժեշտ բոլոր նորմերը պահպանվեն, ինչը ոչ միշտ է լինում:

«Հաճախ լինում են դեպքեր, երբ բալոնները ձեռքով են տեղադրում և վտանգ են ներկայացնում»,– շեշտեց մեր զրուցակիցը:

Գազաբալոնների լիցենզավորումը Կարեն Չիլինգարյանն առաջնային է համարում, քանի որ գրանցված պայթյունների հիմնական պատճառը անորակ գազաբալոններն են եղել: Նրան, սակայն, սերտիֆիկացում տրամադրելու հարցն է անհանգստացնում:
«Հարց է՝ սերտիֆիկացում տրամադրելու գործընթացը պատշաճ կիրականացվի՞, թե հերթական անգամ ժողովրդից գումար հավաքելու ծրագիր է: Պետք է տվյալ գործով կազմակերպություն զբաղվի, որը կտիրապետի անվտանգության բոլոր կանոններին, ոչ թե ինչ–որ մեկն իր բակում այդ գործընթացը կատարի՝ անունը լիցենզավորում դնելով: Մեզ մոտ կա նման երևույթ, որ ով ցանկանում բալոն է տեղադրում»,– ասաց Չիլինգարյանը՝ հավելելով, որ նորամուծությունը պետք է նաև շատ թանկ չնստի սպառողի գրպանին:

Ոչ պաշտոնական տվյալներով՝ գազալցակայաններում պայթյունների 99%–ը տեղի է ունենում անորակ բալոնների պատճառով:

«Հարցը հենց սա է, որ ոչ մեկը չի ասում, թե ով է այդ բալոնը տեղադրել: Երկու տարին մեկ անգամ այդ գազաբալոնները պետք է ստուգվեն: Հաճախ մարդիկ գնում փող են տալիս և ասում, թե՝ ստուգում է անցել, բայց շատերը ստուգումներ չեն էլ անցկացնում»,– մատնանշեց նա:

Կարեն Չիլինգարյանը մեկ այլ խնդիր էլ է նկատել: Գազաբալոնի փորձաքննությունը սովորաբար մեկ ժամից ավելի է տևում, բայց նա մի քանի փորձագետի հետ զրուցել և պարզել է, որ այն նախատեսված ժամից քիչ ժամանակ է խլել, ինչը կասկածանքի տեղիք է տալիս:

«Ես հարցրեցի՝ ասացի օրվա մեջ քանի՞ հատ եք նայում: Ասաց՝ մենք արագ ենք կատարում: Օրվա մեջ կարող են 8 բալոն փորձարկել, բայց իրենք ասում են, որ շատ են նայում: Այդպես կարող են օրվա մեջ 20 բալոն փորձարկել: Հետևաբար, ձևի համար են այդ ստուգումները, արագ անցկացնում են, ասում, որ խնդիր չկա և շահույթ են ստանում»,– ընդգծեց նա:

Կարեն Չիլինգարյանը նաև ասաց, որ գազի լիցքավորման ժամանակ էլ հաճախ վտանգավոր խնդիրներ են առաջանում:

«Նորմալ գազաբալոնները օրենքով պետք է մինչև 400 մթնոլորտ ճնշմանը դիմանան, բայց մեզ մոտ պայթյունները հաճախ են լինում, կամ բալոնն է անորակ, կամ երկար շահագործումից հետո մաշվում է»,– եզրափակեց մեր զրուցակիցը:

Մանյա Պողոսյան

 «Փաստ» օրաթերթ

 

loading...
Որոշումը, թե ով է կառավարելու Հայաստանը, պետք է ընդունվի երկրի ներսում. Զախարովա Պատմությունը կգնահատի Սերժ Սարգսյանի բարձր քաղաքացիական և քաղաքական քայլը. Արմեն Սարգսյան Կարեն Կարապետյանը և Վլադիմիր Պուտինը հեռախոսազրույց են ունեցել Հայտնի է օրը, երբ ՀՀԿ խմբակցությունը կքննարկի վարչապետի թեկնածուի հարցը ՀՀԿ-ն Կարեն Կարապետյանին տվել է այլ քաղաքական ուժերի հետ բանակցություններ վարելու մանդատ. Շարմազանով Ուղիղ միացում Հանրապետության հրապարակից Ալիևն իր ընտանիքի կոռուպցիոն գործարքների բացահայտումը կանխելու նպատակով մեկնել է Մեծ Բրիտանիա Նապոլեոն Բոնապարտը կզորակցեր թավշյա հեղափոխությանը ՀՅԴ նախարարներն ու մարզպետները հրաժարական են ներկայացրել Հայտնի է Ազգային ժողովում վարչապետի ընտրության օրը Նիկոլ Փաշինյանը կոչ է անում առժամանակ դադարեցնել փողոցների փակումը Սերժ Սարգսյանը սթափ գնահատականով բացեց Նոր Հայաստան տանող դարպասը. ՀՀ նախագահի ուղերձը ՌԴ դեսպանատունը Փաշինյանի հետ հանդիպմանը կոչ է արել խնդիրը լուծել բացառապես սահմանադրական դաշտում Արմեն Գևորգյանը մեկնել է Մոսկվա` աշխատանքային քննարկումների Մանվել Եղիազարյան. «Այսպիսի իշխանավորները կամավոր չեն հանձնում իշխանությունը» Պետրոս Մակեյան. «Սերժ Սարգսյանի քայլը պետք է շարունակություն ունենա» «Այսպիսի արդյունք ապահոված ուժը պետք է հեռանա». տնտեսագետ Երկրում մթնոլորտ է փոխվել. ՀՀԿ-ի ռեսուրսները չեն աշխատելու Ռուբեն Հախվերդյան. «Քրեաօլիգարխիկ համակարգի վրա հիմնված իշխանությունները կսկսեն անհանգիստ շարժումներ անել» Նիկոլ Փաշինյանն ու Գագիկ Ծառուկյանը հանդիպել են Դիմակավորվածները լրագրողներին վնասել են հարվածելով քարերով և էլեկտրաշոկով. Գնդապետ Օսիպյանը պնդում է, թե էլեկտրաշոկ միայն ոստիկանությունն ունի Թույլ չենք տալու գողանալ ժողովրդի հաղթանակը. «Դուխով»՝ «Մերժի՛ր Սերժի Կարենին» ՀՀԿ-ն առանց նախապայմանների պատրաստ է բոլոր կողմերի հետ քննարկել ցանկացած հարց
Այսօր Այս շաբաթ Այս ամիս
website by Sargssyan