Երևան, 17.Հուլիս.2018,
--
:
--
,

Հայկական կողմի և Ադրբեջանի կոնտրաստը՝ «ցավոտ լուծումներում»


Նախագահ Սերժ Սարգսյանը վերջերս հայտարարել էր, թե «Ցավոտ լուծում է լինելու Արցախի հարցում: Չի կարող առանց փոխզիջումների լուծում լինել»: Վերլուծական շրջանակներում ձևակերպման տակ տարբեր ենթատեքստեր էին փնտրում: Կարծիքներ հնչեցին, թե ձևակերպման հասցեատերը ներքին լսարանն էր, նպատակն էլ՝ հասարակական կարծիքները հասկանալը: Մյուս կողմից էլ՝ կային տեսակետներ, թե այն հստակ մեսիջ էր՝ ուղղված միջազգային հանրությանը:

Քաղաքական և միջազգային հետազոտությունների հայկական կենտրոնի փորձագետ Ռուբեն Մեհրաբյանը նախ մի քանի փաստ է առանձնացնում:

«Առաջին փաստն այն է, որ այսօր Ղարաբաղի հարցը լուծված չէ: Երկրորդ փաստն այն է, որ վաղ թե ուշ այդ լուծումը լինելու է, և այն լինելու է փոխզիջումների պատճառով: Այն, որ ցանկացած փոխզիջում ցավոտ է, ևս գաղտնիք չէ: Դա այն է, ինչն ասաց Սերժ Սարգսյանը: Իսկ ի՞նչ նպատակով և ինչո՞ւ հենց հիմա: Տեսե՛ք, թե ներկայումս Ադրբեջանն ինչ է ասում: Ադրբեջանցիներն ասում են, որ միակ լուծումն այն է, երբ ամեն ինչը կբերվի «status quo ante bellum» վիճակին: Այսինքն՝ այն միջպատերազմական իրավիճակին, որը կար 1988 թվականին: Բայց, բնականաբար, դա հեռու է իրատեսությունից:

Փոխզիջումների մասին Հայաստանի երեք նախագահների կողմից մշտապես խոսվել է, և այստեղ որևէ նորություն չկա»,–«Փաստ»–ի հետ զրույցում ասաց քաղաքագետը՝ հավելելով, որ վերադարձը միջպատերազմական իրավիճակին իրականություն կարող է դառնալ միայն այն դեպքում, երբ Ադրբեջանը կդրսևորի նույն դիրքորոշումը, որն ունի հայկական կողմը:

«Բայց մենք տեսնում ենք, որ Ադրբեջանի կողմից չկա այդ դիրքորոշումը: Կարծում եմ՝ Սերժ Սարգսյանի հայտարարությունը նպատակ ուներ միջազգային հանրությանը ևս մեկ անգամ հիշեցնել, որ այդ իմաստով Հայաստանի և միջազգային հանրության դիրքորոշումները համահունչ են ու համաքայլ, ինչը չի կարելի ասել Ադրբեջանի մասին: Այսինքն, իմ տպավորությամբ, նպատակն այդ կոնտրաստը ցույց տալն էր»,– ասաց Ռ. Մեհրաբյանը:

Նշենք, որ երեկ տեղի է ունեցել Պուտին–էրդողան հանդիպումը: Հանդիպումից առաջ Թուրքիայի նախագահ Ռեջեփ Թայիփ Էրդողանը հայտարարել էր, թե Թուրքիան հանդես է գալիս Լեռնային Ղարաբաղի խնդրի լուծման լուրջ նախաձեռնությամբ: Նա նշել էր, որ «Ադրբեջանին աջակցելու և ադրբեջանական հողերի ազատագրման համար բանակցություններ են տեղի ունենալու Ռուսաստանի նախագահ Վլադիմիր Պուտինի հետ»:

Հարցին, թե այս առումով նշված հանդիպումից հետո Արցախյան հարցում որոշակի զարգացումների կամ, այսպես ասած, ակտիվության կարելի՞ է սպասել, քաղաքագետը պատասխանեց. «Ղարաբաղյան հարցի կարգավորման հարցում այդ ակտիվացումը կա սկսած Նալբանդյան–Մամեդյարով հանդիպումից, որին հաջորդեց նաև Հայաստանի և Ադրբեջանի նախագահների հանդիպում: Այդ ակտիվացումը կա, և այդ ակտիվացումը որևէ ձևով չի կորրելացվում (հարաբերակցվում) թե՛ Պուտին–Էրդողան հանդիպման և թե՛ էրդողանի արած ինչ–որ հայտարարությունների հետ: Այդ հայտարարությունները ևս մեկ անգամ վերահաստատում են Թուրքիայի դիրքորոշումը: Թուրքիան անվերապահորեն սատարում է Ադրբեջանին իր այդ կարծր և ոչ իրատեսական դիրքորոշման մեջ: Մյուս կողմից էլ՝ մենք պետք է հաշվի առնենք, որ կա միայն մեկ հարթակ, որտեղ լուծվում է Արցախյան հարցը: Այդ հարթակը Մինսկի խմբի եռանախագահությունն է, որտեղ Թուրքիան անելիք չունի: Այս մասին պաշտոնական Երևանը բազմիցս է արտահայտվել: Ավելին՝ Էրդողանի ցանկությունները, հայտարարությունները, կապրիզներն ու քմահաճույքները չէի կապի այս գործընթացի ներքին տրամաբանության հետ»:

Դիտարկմանը, թե կան մտահոգություններ, որ ռուս–թուրքական շահերի համընկման դեպքում ՌԴ–ն կարող է Հայաստանին ստիպել տարածքներ զիջել, Ռ. Մեհրաբյանը նշեց. «Եթե ՌԴ–ն հայկական կողմին տարածքներ զիջելու առումով ինչ–որ ստիպողական քայլերի գնա, ապա Հայաստանի կողմից պողպատի և արճիճի կհանդիպի: Նման փորձ արդեն կա, երբ Սաֆանովի և Պոլյանիչկոյի միջոցով Ղարաբաղում «Կոլցո» օպերացիա են իրականացնում, տեռոր՝ հայ ազգաբնակչության դեմ: Ռուսները շատ լավ են հասկանում դա, և չեմ կարծում, որ հաշվի առնելով փորձը՝ պարզ պարտադրանքի կգնան»:




Աննա Բադալյան
«Փաստ» օրաթերթ

loading...
Ճանաչեք հին Երևանը. «Քաղաք» պանդոկ «Վահանագեղձի հանգույցներ». խնդիրներն ու բուժումները Արմեն Վարժապետյանի գրքում Նախագահը ընթրիք-հանդիպում է ունեցել հայտնի կինոգործիչների հետ Արմեն Արզումանյանը նշանակվել է ՀՀ տրանսպորտի, կապի եւ տեղեկատվական տեխնոլոգիաների նախարարի տեղակալ Ոչ մի բան չանեինք, կարող է՝ ավելի լավ լիներ. կրթության փորձագետը՝ բարեփոխումների վերաբերյալ Սպանություն Գեղարքունիքում. երկու անձ ձերբակալվել է Գավառ քաղաքից 21 կմ դեպի արևմուտք երկրաշարժ է գրանցվել Բելառուսական անձնագրով հայն այցելել է Ադրբեջան ու հասել ծնողների տուն. Լապշինը հրապարակել է տեսանյութ Ռոբերտ Քոչարյանը ՀՔԾ հարցաքննության կներկայանա հուլիսի 25-ից ոչ շուտ. Սողոմոնյան (տեսանյութ) Երևանի քաղաքապետ Տարոն Մարգարյանը հրաժարական տվեց Թե ինչպես Ֆիդել Կաստրոն փրկեց Ստաս Նամինին, իսկ Նամինը Կուբայի մասին ֆիլմ նկարահանեց Թուրքիայում գնացք է վթարվել. կան մեծ թվով զոհեր Ջորկաեֆը պատրաստ է լրջորեն աջակցել հայկական ֆուտբոլին. Փաշինյանը հանդիպել է ֆուտբոլիստի հետ Փաշինյանը ներկա է գտնվել «Ոսկե Ծիրան»-ի բացման արարողությանն ու հետևել «Լեգենդների խաղ»-ին Մեր ամենակարևոր նպատակն է արտագաղթի անիվը ոչ միայն կանգնեցնելը, այլև հետ պտտելը. Նիկոլ Փաշինյան Վարդավառին միացած Դարեն Արոնոֆսկին. մեկնարկեց 15-րդ «Ոսկե ծիրանը» Դժբախտ պատահարի հետևանքով մահացել է ՊՆ կենտրոնական արխիվի պետը ԿԲ-ն վարչապետին է ներկայացրել իրականացված ուսումնասիրությունները տնտեսական աճի կանխատեսման և հարկային բարեփոխումների վերաբերյալ ՀՀ նախագահը մասնակցել է Միջազգային եւ անվտանգության հարցերի հայկական ինստիտուտի Երիտասարդական ֆորումին Ադրբեջանը շփման գծում հայ դիրքապահների ուղղությամբ արձակել է ավելի քան 1500 կրակոց Հայ ժողովուրդը կարիք ունի ուժեղ և ինքնիշխան պետության. ՀՀ Անվտանգության խորհրդի քարտուղար ՀՀ ռազմական տեսուչի տեղակալ Միքայել Արզումանյանը շտապ հրավիրվել է վարչապետի մոտ Նախիջևանում ՃՏՊ հետևանքով ադրբեջանցի զինծառայողներ են մահացել
Այսօր Այս շաբաթ Այս ամիս
website by Sargssyan